၂ ကော 11:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ကြိမ်လုံး​နှင့်​ရိုက်နှက်​ခြင်း​ကို သုံး​ကြိမ်၊ ခဲ​နှင့်​ပေါက်​ခြင်း​ကို တစ်ကြိမ် ခံ​ခဲ့​ရ​၏။ သင်္ဘော​ပျက်စီး​ရာ​၌ သုံး​ကြိမ်​ပါ​၍ ပင်လယ်​ပြင်​တွင် တစ်နေ့​နှင့်​တစ်ည မျော​ခဲ့​ရ​၏။

Common Language Bible

²⁵ ရော​မ​အ​မျိုး​သား​တို့​ထံ​၌​ငါ​သည်​သုံး​ကြိမ် တိုင်​တိုင်​ကြိမ်​ဒဏ်​ခံ​ခဲ့​ရ​သည်။ ခဲ​နှင့်​အ​ပေါက် ခံ​ရ​သည်​မှာ​တစ်​ကြိမ်၊ သင်္ဘော​ပျက်​သည်​မှာ သုံး​ကြိမ်​ဖြစ်​၏။ ပင်​လယ်​ပြင်​တွင်​နှစ်​ဆယ့် လေး​နာ​ရီ​မျော​ခဲ့​ရ​၏။-

Garrad Bible

²⁵ ရာ ဇ ကြိမ် ဒဏ် သုံး ကြိမ်၊ ခဲ ပစ် ဒဏ် တစ် ကြိမ် ခံ ရ သည့် ပြင် သင်္ဘော ပျက် ခြင်း သုံး ကြိမ် နှင့် တစ် နေ့ တစ် ညဉ့် ပတ် လုံး နစ် မွန်း ခြင်း ကို ခံ ရ ၏။

Judson Bible

²⁵ သုံး​ကြိမ်​မြောက်​အောင် ကြိမ်​လုံး​နှင့် ရိုက်​ခြင်း​ကို​လည်း​ကောင်း၊ တစ်​ကြိမ် ခဲ​နှင့် ပစ်​ခြင်း​ကို​လည်း​ကောင်း ငါ​ခံ​ရ​ပြီ။ သုံး​ကြိမ်​မြောက်​အောင် သင်္ဘော​ပျက်​ခြင်း​ကို ခံ​ရ​ပြီ။ တစ်​နေ့​နှင့် တစ်​ည​ပတ်​လုံး ပင်​လယ်​ထဲ​မှာ နေ​ရ​ပြီ။-

ခေတ်သစ်​မြန်မာ သမ္မာကျမ်း

²⁵ ရောမလူမျိုးတို့​ထံမှ ကြိမ်လုံး​နှင့် သုံးကြိမ်​တိုင်တိုင် အရိုက်​ခံခဲ့ရ၏။ ကျောက်ခဲ​နှင့်​ပေါက်ခြင်း​ကို တစ်ကြိမ် ခံခဲ့ရ၏။ သင်္ဘော​ပျက်ရာ​တွင် သုံးကြိမ်​ပါ​၍ ပင်လယ်ပြင်​တွင် တစ်နေ့​နှင့်​တစ်ည မျောခဲ့ရ၏။

၂ ကော 11:25 ပူးပေါင်းရင်းမြစ်များ

မဿဲ 20:19

ပြောင်လှောင်​ခြင်း၊ ဒဏ်ခတ်​ရိုက်နှက်​ခြင်း​နှင့် လက်ဝါးကပ်တိုင်​ပေါ်၌​တင်​ထား​ခြင်း စ​သည်​တို့​ကို​ပြု​စေရန် သူ့​ကို လူမျိုးခြား​တို့​ထံ အပ်နှံ​ကြ​လိမ့်မည်။ သို့သော် သုံး​ရက်​မြောက်​သော​နေ့​၌ သူ​သည် ထမြောက်​လိမ့်မည်”​ဟု မိန့်​တော်မူ​၏။

မဿဲ 21:35

ထိုအခါ ခြံသမား​တို့​သည် ထို​သူ​၏​အစေအပါး​တို့​ကို​ဖမ်းဆီး​၍ တစ်​ဦး​ကို​ရိုက်နှက်​ကာ အခြား​တစ်​ဦး​ကို​သတ်ဖြတ်​လျက် တစ်​ဦး​ကို​မူ ခဲ​နှင့်​ပေါက်​သတ်​ကြ​၏။

တမန်တော်ဝတ္ထု 14:19

ထိုအခါ အန္တိအုတ်​မြို့​နှင့်​ဣကောနိ​မြို့​တို့​မှ ဂျူး​လူမျိုး​တို့​သည် ရောက်လာ​ကြ​ပြီး လူထု​ပရိသတ်​များ​ကို​စည်းရုံး​ကာ ပေါလု​ကို​ခဲ​နှင့်​ပေါက်​၍ သူ​သေ​ပြီ​ဟု​ထင်မှတ်​လျက် မြို့​ပြင်​သို့​ဆွဲထုတ်​ကြ​၏။

တမန်တော်ဝတ္ထု 14:5

လူမျိုးခြား​များ​နှင့်​ဂျူး​လူမျိုး​တို့​သည် သူ​တို့​၏​အကြီးအကဲ​များ​နှင့်အတူ တမန်တော်​တို့​ကို နှိပ်စက်​၍ ခဲ​နှင့်​ပေါက်​သတ်​ရန် ကြံစည်​အားထုတ်​ကြ​သောအခါ

တမန်တော်ဝတ္ထု 16:33

ထောင်မှူး​သည် ထို​ည​တွင်း​ချင်း​ပင် သူ​တို့​ကို​ခေါ်ဆောင်​သွား​၍ ဒဏ်ရာ​များ​ကို ဆေးကြော​ပေး​၏။ ထို့နောက် သူ​နှင့် သူ​၏​အိမ်သူအိမ်သား​အားလုံး​တို့​သည် ချက်ချင်း​ဗတ္တိဇံ​ခံ​ကြ​၏။

တမန်တော်ဝတ္ထု 16:37

သို့သော် ပေါလု​သည် ထို​နယ်ထိန်း​တို့​အား “သူ​တို့​သည် ရောမ​နိုင်ငံသား​ဖြစ်​ကြ​သော​ငါ​တို့​ကို မ​စစ်ဆေး​ဘဲ လူ​အများ​ရှေ့၌ ရိုက်နှက်​လျက် ထောင်​ထဲ၌​ထည့်​ထား​ကြ​ပြီးမှ ယခု ငါ​တို့​ကို တိတ်တဆိတ်​ပြန်လွှတ်​ကြ​မည်လော။ ထိုသို့​မ​ပြု​သင့်။ သူ​တို့​ကိုယ်တိုင်​လာ​၍ ငါ​တို့​ကို ခေါ်ထုတ်​ကြ​ပါစေ”​ဟု ဆို​လေ​၏။

တမန်တော်ဝတ္ထု 22:24

တပ်မှူးကြီး​သည် ပေါလု​ကို စခန်း​ထဲသို့​ခေါ်သွား​ရန် အမိန့်​ပေး​၍ လူ​တို့​သည် အဘယ်​ကြောင့် သူ့​ကို​ဆန့်ကျင်​လျက် ထိုသို့​အော်ဟစ်​ကြ​သည်​ကို သိရှိ​ရန်​အတွက် သူ့​ကို​ကြိမ်ဒဏ်​ပေး​၍ စစ်ဆေး​ကြ​ရန် ညွှန်ကြား​လေ​၏။

၁ တိ 1:19

အချို့​သော​သူ​တို့​သည် ထို​အသိစိတ်​ကို ပစ်ပယ်​ကြ​သည့်​အတွက် ယုံကြည်​ခြင်း​အရာ​၌ သင်္ဘော​ပျက်စီး​ဆုံးရှုံး​မှု​ကို​ခံရ​ကြ​ပြီ။

ဟေ​ဗြဲ 11:37

သူ​တို့​သည် ခဲ​နှင့်​ပေါက်​သတ်​ခြင်း၊ လွှ​နှင့်​ပိုင်းဖြတ်​ခြင်း၊ ဓား​နှင့်​ခုတ်​သတ်​ခြင်း​တို့​ကို​ခံရ​ကြ​၍ ဆင်းရဲ​နွမ်းပါး​လျက်​၊ နှိပ်စက်​ခြင်း၊ မတရား​ပြုမူ​ဆက်ဆံ​ခြင်း​တို့​ကို​ခံရ​လျက်​၊ သိုး​သားရေ၊ ဆိတ်​သားရေ​တို့​ကို​ဝတ်​လျက် လှည့်လှည်​ကြ​ရ​၏။