၁ သက် 5:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သို့ဖြစ်၍ အခြား​သော​သူ​များ​ကဲ့သို့ အိပ်ပျော်​ခြင်း​မ​ရှိ​ဘဲ သမ္မာသတိ​ရှိ​လျက် နိုးကြား​စွာ​စောင့်​နေ​ကြ​ကုန်စို့။

Common Language Bible

⁶ သို့​ဖြစ်​၍​ငါ​တို့​သည်​အ​ခြား​သူ​များ​ကဲ့​သို့ အိပ်​ပျော်​၍​မ​နေ​ရ​ကြ။ နိုး​နိုး​ကြား​ကြား​ရှိ ရ​ကြ​မည်။ သမ္မာ​သ​တိ​ရှိ​ရ​ကြ​မည်။-

Garrad Bible

⁶ အ ခြား သူ တို့ ကဲ့ သို့ မ အိပ် ဘဲ သ တိ နှင့် စောင့် နေ ကြ ကုန် အံ့။

Judson Bible

⁶ သို့​ဖြစ်၍၊ အ​ခြား​သော​သူ​တို့​သည် အိပ်​ပျော်​သ​ကဲ့​သို့၊ ငါ​တို့​သည် အိပ်​မ​ပျော်​ဘဲ သ​မ္မာ​သ​တိ​ရှိ၍ စောင့်​ကြ​ကုန်​အံ့။-

ခေတ်သစ်​မြန်မာ သမ္မာကျမ်း

⁶ ထို့ကြောင့် မယုံကြည်သူ​များ အိပ်ပျော်​သကဲ့သို့ အိပ်ပျော်​မနေဘဲ နိုးကြား​၍ တည်ကြည်​လျက် သတိ​နှင့် စောင့်ကြစို့။

၁ သက် 5:6 ပူးပေါင်းရင်းမြစ်များ

သုတ္တံကျမ်း။ 19:15

ပျင်းရိ​ခြင်း​သည် အအိပ်ကြီး​စေ​တတ်​၏​။ လုံ့လနည်း​သော​သူ​သည်​လည်း ငတ်မွတ်​ရ​လိမ့်မည်​။

ဟေ​ရှာ​ယ 56:10

သူ​၏​ကင်းစောင့်​တို့​သည် မျက်မမြင်​များ​ဖြစ်​ကြ​၏​။ သူ​တို့​အားလုံး​သည် မည်သည့်​အရာ​မျှ​မ​သိ​ကြ​။ ဆွံ့အ​သော​ခွေး​များ​ဖြစ်​ကြ​၏​။ သူ​တို့​သည် မ​ဟောင်​နိုင်​ကြ​။ အိပ်​လျက်​၊ လဲလျောင်း​လျက်​၊ ငိုက်မျဉ်း​ခြင်း​ကို​တပ်မက်​လျက် နေ​ကြ​၏​။

ယော​န 1:6

မာလိန်မှူး​သည် သူ့​ထံသို့​သွား​၍ “​သင် အဘယ်ကြောင့် အိပ်မောကျ​နေ​သနည်း​။ ထ​ပြီး သင့်​ဘုရား​ထံ ဆုတောင်း​ပါ​လော့​။ ငါ​တို့ သေကျေပျက်စီး​မ​သွား​အောင် သင့်​ဘုရား​သည် ငါ​တို့​ကို ကယ်တင်​ကောင်း​ကယ်တင်​လိမ့်မည်​”​ဟု ဆို​၏​။

မဿဲ 13:25

သို့သော် လူ​တို့​အိပ်ပျော်​နေ​ကြ​စဉ် သူ​၏​ရန်သူ​သည်​လာ​၍ ဂျုံ​မျိုးစေ့​ကြား​တွင် မြက်သီး​မျိုးစေ့​များ​ကို​ကြဲ​ပြီး ထွက်သွား​လေ​၏။

မဿဲ 24:42

သို့ဖြစ်၍ သတိ​နှင့်​စောင့်​နေ​ကြ​လော့။ သင်​တို့​သခင်​သည် မည်သည့်​နေ့ရက်​၌​ကြွလာ​မည်​ကို သင်​တို့​မ​သိ​ကြ။

မဿဲ 25:13

သို့ဖြစ်၍ သတိ​နှင့်​စောင့်​နေ​ကြ​လော့။ အကြောင်းမူကား ထို​နေ့ရက်​နှင့် ထို​အချိန်​နာရီ​ကို သင်​တို့​မ​သိ​ကြ။

မဿဲ 25:5

သတို့သား​သည် ကြန့်ကြာ​နေ​သောကြောင့် သူ​တို့​အားလုံး​သည် ငိုက်မျဉ်း​၍ အိပ်ပျော်​ကြ​၏။

မဿဲ 26:38

“ငါ​၏​စိတ်​ဝိညာဉ်​သည် သေ​လုမတတ် အလွန်​ဝမ်းနည်း​ခြင်း​ရှိ​၏။ ဤ​နေရာ​၌​နေ​၍ ငါ​နှင့်အတူ သတိ​နှင့်​စောင့်​နေ​ကြ​လော့”​ဟု မိန့်​တော်မူ​၏။

ရှင်မာကု 13:37

သတိ​နှင့်​စောင့်​နေ​ကြ​လော့​ဟု သင်​တို့​ကို ငါ​ဆို​သည့်​အတိုင်း လူ​ခပ်သိမ်း​တို့​အား ငါ​ဆို​၏”​ဟု မိန့်​တော်မူ​၏။

လုကာ 12:37

သခင်​ပြန်လာ​သောအခါ သတိ​နှင့်​စောင့်​နေ​ကြ​သည်​ကို သခင်​တွေ့​ရ​သော​အစေအပါး​တို့​သည် မင်္ဂလာရှိ​ကြ​၏။ သင်​တို့​အား ငါ​အမှန်​ဆို​သည်​ကား သခင်​သည် မိမိ​ခါး​ကို​စည်း​လျက် သူ​တို့​ကို​ထိုင်​စေ​ပြီးလျှင် အနား​သို့​လာ​၍ သူ​တို့​ကို​လုပ်ကျွေး​ပြုစု​လိမ့်မည်။

လုကာ 12:39

အိမ်ရှင်​သည် သူခိုး​လာ​မည့်​အချိန်​ကို​သိ​ထား​လျှင် မိမိ​အိမ်​ကို ဖောက်ထွင်း​ခွင့်ပြု​မည်​မ​ဟုတ်​ကြောင်း သိမှတ်​ကြ​လော့။

လုကာ 21:36

ထို့ကြောင့် သင်​တို့​သည် ဖြစ်ပျက်​တော့မည့် ဤ​အမှု​ခပ်သိမ်း​တို့​မှ လွတ်မြောက်​၍ လူ့သား​၏​ရှေ့​တော်​၌ မတ်တတ်ရပ်​နိုင်​ရန် အချိန်​ရှိသရွေ့ နိုးနိုးကြားကြား​ရှိ​လျက် ဆုတောင်း​ကြ​လော့”​ဟု မိန့်​တော်မူ​၏။

လုကာ 22:46

“အဘယ်ကြောင့်​အိပ်ပျော်​နေ​ကြ​သနည်း။ ဖြားယောင်း​သွေးဆောင်​ရာ​ထဲသို့ မ​ကျရောက်​စေရန် ထ​၍​ဆုတောင်း​ကြ​လော့”​ဟု မိန့်​တော်မူ​၏။

တမန်တော်ဝတ္ထု 20:31

ထို့ကြောင့် ငါ​သည် သင်​တို့​တစ်ဦးစီ​ကို သုံး​နှစ်​ပတ်လုံး နေ့​ည​မ​ပြတ် မျက်ရည်​ဖြင့် သတိပေး​ဆုံးမ​ခဲ့​သည်​ကို အောက်မေ့​လျက် သတိ​ဝီရိယ​ရှိ​ကြ​လော့။

၁ ကော 15:34

အမြင်​မှန်​ရ​ကြ​လော့။ အပြစ်​ကို​မ​ပြု​ကြ​နှင့်။ အကြောင်းမူကား အချို့​သော​သူ​တို့​သည် ဘုရားသခင်​နှင့်​ပတ်သက်၍ အသိဉာဏ်​ကင်းမဲ့​ကြ​၏။ သင်​တို့​ကို​အရှက်​ရ​စေရန် ဤသို့​ငါ​ပြော​၏။

၁ ကော 16:13

သတိ​ဝီရိယ​ရှိ​ကြ​လော့။ ယုံကြည်​ခြင်း​၌ ခိုင်မြဲ​စွာ​ရပ်တည်​ကြ​လော့။ ရဲစွမ်းသတ္တိ​ရှိ​ကြ​လော့။ ကြံ့ခိုင်​သန်စွမ်း​ကြ​လော့။

ဧ​ဖက် 2:3

ငါ​တို့​အားလုံး​သည်​လည်း တစ်ချိန်က ထို​သူ​တို့​ထဲတွင်​ပါ​လျက် မိမိ​တို့​သွေးသား​ဇာတိ​၏​တပ်မက်​ခြင်း​များ​ထဲ၌ အသက်ရှင်​နေထိုင်​ခဲ့​ပြီး ကိုယ်ကာယ​နှင့်​စိတ်နှလုံး​တို့​၏​အလို​အတိုင်း​ပြု​၍ အခြား​သော​သူ​တို့​ကဲ့သို့​ပင် သဘာဝ​အလျောက် အမျက်​တော်​ခံ​ထိုက်​သော​သူ​များ​ဖြစ်​ကြ​၏။

ဧ​ဖက် 5:14

အကြောင်းမူကား ထင်ရှား​လာ​သော​အရာ​ရှိသမျှ​သည် အလင်း​ဖြစ်​၏။ သို့ဖြစ်၍ “အိပ်ပျော်​နေ​သော​သူ၊ နိုး​လော့။ သေ​သော​သူ​တို့​ထဲမှ ထမြောက်​လော့။ ထိုအခါ ခရစ်တော်​သည် သင့်​အား အလင်း​ကို​ပေး​တော်မူ​လိမ့်မည်”​ဟု ဆို​ထား​၏။

ဧ​ဖက် 6:18

အမျိုးမျိုး​သော ဆုတောင်း​ခြင်း​နှင့်​အသနားခံ​ခြင်း​တို့​ဖြင့် အချိန်​ရှိ​သရွေ့ ဝိညာဉ်​တော်​၌​ဆုတောင်း​ကြ​လော့။ ထိုသို့​ပြု​နိုင်​ရန် နိုးနိုးကြားကြား​ရှိ​လျက် ဇွဲ​လုံ့လ​အပြည့်အဝ​ဖြင့် သန့်ရှင်း​သူ​အပေါင်း​တို့​အတွက် အသနားခံ​ကြ​လော့။

ဖိ​လိပ္ပိ 4:5

သင်​တို့​၏​ညင်သာ​သော​သဘော​ကို လူ​အပေါင်း​တို့​အား သိ​စေ​ကြ​လော့။ သခင်​ဘုရား​သည် အနီး​၌​ရှိ​တော်မူ​ပြီ။

ကော​လော​သဲ 4:2

ဆုတောင်း​ခြင်း​အမှု​ကို အစဉ်တစိုက်​ပြု​ကြ​လော့။ ထိုသို့​ပြု​ရာ​တွင် ကျေးဇူး​တော်​ချီးမွမ်း​ခြင်း​အားဖြင့် သတိ​ဝီရိယ​ရှိ​ကြ​လော့။

၁ သက် 4:13

ညီအစ်ကို​တို့၊ သင်​တို့​သည် မျှော်လင့်​ခြင်း​မ​ရှိ​သော​အခြား​သူ​များ​ကဲ့သို့ ဝမ်းနည်း​ခြင်း​မ​ရှိ​ကြ​မည့်​အကြောင်း အိပ်ပျော်​သော​သူ​တို့​နှင့်​ပတ်သက်၍ သင်​တို့​မ​သိ​ဘဲ​နေ​ရန် ငါ​တို့​အလို​မ​ရှိ။

၁ သက် 5:10

ငါ​တို့​သည် နိုး​နေ​သည်​ဖြစ်စေ၊ အိပ်ပျော်​နေ​သည်​ဖြစ်စေ ကိုယ်တော်​နှင့်​အတူ အသက်ရှင်​မည့်​အကြောင်း ကိုယ်တော်​သည် ငါ​တို့​အတွက် အသေခံ​တော်မူ​၏။

၁ သက် 5:8

ငါ​တို့​မူကား နေ့​နှင့်စပ်ဆိုင်​ကြ​သည်​ဖြစ်​၍ ယုံကြည်​ခြင်း​နှင့်​ချစ်​ခြင်း​မေတ္တာ​တို့​ကို ရင်အုပ်​တန်ဆာ​အဖြစ်​ဝတ်ဆင်​လျက် ကယ်တင်​ခြင်း​၌​မျှော်လင့်​ခြင်း​ကို သံခမောက်​အဖြစ်​ဆောင်း​ကာ သမ္မာသတိ​ရှိ​ကြ​ကုန်စို့။

၁ တိ 2:15

သို့သော် အမျိုးသမီး​တို့​သည် ဣန္ဒြေ​စောင့်​ခြင်း​နှင့်တကွ ယုံကြည်​ခြင်း၊ ချစ်​ခြင်း​နှင့် သန့်ရှင်း​ခြင်း​တို့​၌​တည်​လျှင် သားဖွား​ခြင်း​အမှု​အားဖြင့် ကယ်တင်​ခြင်း​ခံရ​လိမ့်မည်။

၁ တိ 2:9

ထိုနည်းတူ အမျိုးသမီး​တို့​သည်​လည်း သင့်တင့်​လျောက်ပတ်​စွာ ဝတ်စား​ဆင်ယင်​လျက် ဣန္ဒြေ​စောင့်​ခြင်း​နှင့်​ယဉ်ကျေး​သိမ်မွေ့​ခြင်း​တို့​ဖြင့် မိမိတို့ကိုယ်ကို​ဆင်ယင်​ကြ​၍ ကျစ်​သော​ဆံပင်​နှင့် ရွှေ၊ ပုလဲ၊ တန်ဖိုးကြီး​သော​အဝတ်အစား​စသည်​တို့​ဖြင့် မ​ဟုတ်​ဘဲ

၁ တိ 3:11

ထိုနည်းတူ ဇနီးသည်​တို့​သည်​လည်း တည်ကြည်​လေးနက်​သော​သူ​များ​ဖြစ်​ရ​မည်။ ကုန်းချော​တတ်​သော​သူ​မ​ဟုတ်​ဘဲ သမ္မာသတိ​ရှိ​သော​သူ၊ ခပ်သိမ်း​သော​အရာ​တို့​၌ သစ္စာရှိ​သော​သူ​များ​ဖြစ်​ရ​မည်။

၁ တိ 3:2

ထို့ကြောင့် ကြီးကြပ်​သူ​သည် အပြစ်တင်​စရာ​မ​ရှိ​သော​သူ၊ မယား​တစ်ဦးတည်း​ရှိ​သော​သူ၊ သမ္မာသတိ​ရှိ​သော​သူ၊ ဣန္ဒြေ​စောင့်​သော​သူ၊ လျောက်ပတ်​စွာ​ပြုမူ​သော​သူ၊ ဧည့်ဝတ်​ကျေပွန်​သော​သူ၊ သင်ကြား​ပေး​နိုင်စွမ်း​ရှိ​သော​သူ​ဖြစ်​ရ​မည်။

၂ တိ 4:5

သင်​မူကား အရာရာ​၌ သမ္မာသတိ​ရှိ​လော့။ ဆင်းရဲ​ဒုက္ခ​ကို​ခံ​၍ ကောင်းမြတ်​သော​သတင်း​ဟောပြော​သူ​ပြု​ရ​မည့်​အမှု​ကို ပြု​လော့။ သင်​၏​အမှု​တော်​လုပ်ငန်း​ကို အပြည့်အဝ​ဆောင်ရွက်​လော့။

တိ​တု 2:12

ငါ​တို့​အား ဘုရား​တရား​မဲ့​ခြင်း​နှင့်​လောကီ​တပ်မက်​ခြင်း​တို့​ကို စွန့်ပယ်​၍ ဤ​လောက​တွင် ဘုရား​ဝတ်​၌​မွေ့လျော်​စွာ၊ သင့်တင့်​လျောက်ပတ်​စွာ​နှင့် ဖြောင့်မတ်​စွာ​အသက်ရှင်​ရန်​လည်းကောင်း၊

တိ​တု 2:6

ထိုနည်းတူ ငယ်ရွယ်​သော​ယောက်ျား​တို့​အား တည်ငြိမ်​မှန်ကန်​သော​စိတ်​ရှိ​ကြ​ရန် တိုက်တွန်း​နှိုးဆော်​လော့။

၁ ပေ 1:13

သို့ဖြစ်၍ သင်​တို့​၏​စိတ်နှလုံး​ကို အသင့်​ပြင်ဆင်​ထား​လျက် သမ္မာသတိ​ရှိ​ကြ​လော့။ ယေရှု​ခရစ်တော်​ပေါ်ထွန်း​တော်မူ​သောအခါ သင်​တို့​ထံသို့ သက်ရောက်​လာ​မည့်​ကျေးဇူး​တော်​ကို အပြည့်အဝ​မျှော်လင့်​ကြ​လော့။

၁ ပေ 4:7

ခပ်သိမ်း​သော​အရာ​တို့​၏​နောက်ဆုံး​ချိန် နီးကပ်​လာ​ပြီ​ဖြစ်၍ ဆုတောင်း​ခြင်း​အမှု​ကို​ပြု​နိုင်​ရန် တည်ငြိမ်​မှန်ကန်​သော​စိတ်​နှင့် သမ္မာသတိ​ရှိ​ကြ​လော့။

၁ ပေ 5:8

သမ္မာသတိ​ရှိ​လျက် နိုးကြား​စွာ​စောင့်​နေ​ကြ​လော့။ သင်​တို့​၏​ရန်သူ​တည်းဟူသော​မာရ်နတ်​သည် ဟောက်​သော​ခြင်္သေ့​ကဲ့သို့ ဝါးမျို​ရ​မည့်​သူ​ကို လှည့်လည်​ရှာဖွေ​လျက်​ရှိ​၏။

ဗျာ​ဒိတ် 16:15

(ကြည့်ရှု​လော့။ ငါ​သည် သူခိုး​ကဲ့သို့​လာ​မည်။ အဝတ်မပါ​အချည်းစည်း​ဖြင့်​သွားလာ​၍ မိမိ​အရှက်​ကို လူ​တို့​မြင်​ရ​သည့်​အဖြစ်​မျိုး​မ​ရှိ​စေရန် မိမိ​အဝတ်​များ​ကို​ထိန်းသိမ်း​လျက် သတိ​နှင့်​စောင့်​နေ​သော​သူ​သည် မင်္ဂလာရှိ​၏။)

ဗျာ​ဒိတ် 3:2

သတိ​နှင့်​စောင့်​နေ​လော့။ သေ​လုနီးပါး​ဖြစ်​နေ​သည့် ကျန်​ရှိ​သော​သူ​တို့​ကို ခိုင်ခံ့​မြဲမြံ​စေ​လော့။ အကြောင်းမူကား သင်​၏​လုပ်ဆောင်​မှု​များ​သည် ငါ​၏​ဘုရားသခင်​ရှေ့​တော်​၌ ပြည့်စုံ​သည်​ဟူ၍ ငါ​မ​တွေ့​ရ​ပေ။