၁ သက် 2:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အကြောင်းမူကား ငါ​တို့​သည် မှားယွင်း​ခြင်း၊ ညစ်ညူး​ခြင်း​နှင့် ပရိယာယ်​တို့​အားဖြင့် သင်​တို့​ကို​တိုက်တွန်း​ဟောပြော​ကြ​သည်​မ​ဟုတ်။

Common Language Bible

³ သင်​တို့​အား​ငါ​တို့​၏​ဟော​ပြော​တိုက်​တွန်း ချက်​သည်​အ​မှား​အ​ယွင်း​အ​ပေါ်​၌​သော် လည်း​ကောင်း၊ မ​သ​မာ​သော​ရည်​ရွယ်​ချက် အ​ပေါ်​၌​သော်​လည်း​ကောင်း၊ မူ​တည်​သည် မ​ဟုတ်။ ငါ​တို့​သည်​မည်​သူ့​ကို​မျှ​လည်း လိမ်​လည်​လှည့်​စား​ရန်​မ​ကြိုး​စား။-

Garrad Bible

³ ငါ တို့ နှိုး ဆော် ချက် သည် ယောင် မှား ခြင်း၊ ညစ် ညူး ခြင်း မှ မ ဖြစ်၊ လှည့် ဖြား ခြင်း နှင့် လည်း မ ဆိုင်။

Judson Bible

³ ငါ​တို့​သည် မှား​ယွင်း​ခြင်း၊ ညစ်​ညူး​ခြင်း၊ လှည့်​ဖြား​ခြင်း​အား​ဖြင့် သင်​တို့​ကို တိုက်​တွန်း​သွေး​ဆောင်​ကြ​သည် မ​ဟုတ်။-

ခေတ်သစ်​မြန်မာ သမ္မာကျမ်း

³ ကျွန်ုပ်တို့​သည် မှားယွင်းခြင်း၊ မကောင်းသော စိတ်သဘောထား​ရှိခြင်း၊ လိမ်လည်​လှည့်ဖြားလိုခြင်း​တို့​အပေါ် အခြေခံ​၍ တိုက်တွန်း​ဟောပြောကြသည်​မဟုတ်။

၁ သက် 2:3 ပူးပေါင်းရင်းမြစ်များ

တော​လည် 16:15

ထိုအခါ မောရှေ​သည် အလွန်​အမျက်ထွက်​၍ ထာဝရဘုရား​အား “​ထို​သူ​တို့​၏​ဘောဇဉ်ပူဇော်သက္ကာ​ကို လှည့်ကြည့်​တော်​မ​မူ​ပါ​နှင့်​။ အကျွန်ုပ်​သည် သူ​တို့​ထံမှ မြည်း​တစ်​ကောင်​ကို​မျှ မ​ယူ​ခဲ့​ဖူး​ပါ​။ သူ​တို့​ထဲမှ​တစ်စုံတစ်ယောက်​ကို​မျှ အန္တရာယ်​မ​ပြု​ခဲ့​ဖူး​ပါ​”​ဟု လျှောက်​လေ​၏​။

တမန်တော်ဝတ္ထု 13:15

ပညတ်​တရား​ကျမ်း​နှင့် ပရောဖက်​ကျမ်း​များ​ကို ဖတ်ကြား​ပြီး​သောအခါ ဝတ်ပြု​စည်းဝေး​ကျောင်း​တာဝန်ခံ​များ​သည် သူ​တို့​ထံ လူ​လွှတ်​၍ “ညီအစ်ကို​တို့၊ သင်​တို့​တွင် လူ​တို့​အား တိုက်တွန်း​အားပေး​စကား​တစ်စုံတစ်ခု​ရှိ​လျှင် ပြော​ကြ​ပါ”​ဟု ဆို​ကြ​၏။

တမန်တော်ဝတ္ထု 4:36

နှစ်သိမ့်​ခြင်း​၏​သား​ဟူ​သော​အဓိပ္ပာယ်​ရှိ​သည့် ဗာနဗ​ဟု တမန်တော်​တို့​ခေါ်​ကြ​သော ဆိုက်ပရပ်​ကျွန်းသား လေဝိ​အနွယ်ဝင် ယောသပ်​သည်

၂ ကော 11:13

အကြောင်းမူကား ထို​သူ​တို့​သည် ခရစ်တော်​၏​တမန်တော်​များ​အဖြစ် ယောင်ဆောင်​နေ​ကြ​သည့် တမန်တော်​အတုအယောင်​များ၊ လှည့်ဖြား​တတ်​သော​လုပ်သား​များ​ဖြစ်​ကြ​၏။

၂ ကော 2:17

အကြောင်းမူကား ငါ​တို့​သည် များစွာ​သော​သူ​တို့​ပြု​သကဲ့သို့ ဘုရားသခင်​၏​နှုတ်ကပတ်​တရား​တော်​ကို လှည့်လည်​ရောင်းစား​၍​အမြတ်ထုတ်​ကြ​သည်​မ​ဟုတ်​ဘဲ ဖြူစင်​သော​သူ၊ ဘုရားသခင်​ထံမှ စေလွှတ်​ခြင်း​ခံရ​သော​သူ​အဖြစ် ဘုရားသခင်​ရှေ့​တော်​၌ ခရစ်တော်​ကို​အမှီပြု​၍ ငါ​တို့​ဟောပြော​ကြ​၏။

၂ ကော 4:2

ငါ​တို့​သည် ကွယ်ဝှက်​ထား​သည့် ရှက်ဖွယ်ရာ​များ​ကို​စွန့်ပယ်​၍ ပရိယာယ်​၌​ကျင်လည်​ခြင်း၊ ဘုရားသခင်​၏​နှုတ်ကပတ်တော်​ကို မလိမ့်တပတ်​လုပ်​ခြင်း​တို့​မ​ရှိ​ဘဲ သမ္မာတရား​ကို အတိအလင်း​ဖော်ပြ​ခြင်း​အားဖြင့် ဘုရားသခင်​၏​ရှေ့​တော်​၌ လူ​အပေါင်း​တို့​၏​အသိစိတ်​တွင် မိမိတို့ကိုယ်ကို​ထင်ရှား​စေ​ကြ​၏။

၂ ကော 4:5

အကြောင်းမူကား ငါ​တို့​သည် မိမိ​တို့​အကြောင်း​ကို ဟောပြော​ကြ​သည်​မ​ဟုတ်​ဘဲ ယေရှု​ခရစ်တော်​သည် အရှင်​သခင်​ဖြစ်​ကြောင်း​ကို ဟောပြော​ကြ​၏။ ငါ​တို့​ကိုယ်တိုင်​မူကား ယေရှု​အတွက် သင်​တို့​၏​အစေအပါး​များ​ဖြစ်​ကြ​၏။

၂ ကော 6:8

အသရေ​ရှိ​သည်​ဖြစ်စေ၊ မ​ရှိ​သည်​ဖြစ်စေ၊ ဂုဏ်သတင်း​ကောင်း​သည်​ဖြစ်စေ၊ မကောင်း​သည်​ဖြစ်စေ၊ အရာရာ​၌ မိမိ​တို့​ကိုယ်ကို​ဘုရားသခင်​၏​အစေခံ​များ​အဖြစ် ထင်ရှား​စေ​ကြ​၏။ ငါ​တို့​သည် လှည့်ဖြား​သော​သူ​ကဲ့သို့​ဖြစ်​သော်လည်း ဖြောင့်မှန်​သော​သူ​ဖြစ်​ကြ​၏။

၂ ကော 7:2

ငါ​တို့​ကို​လက်ခံ​ကြ​လော့။ ငါ​တို့​သည် မည်သူ့​ကို​မျှ မ​ပြစ်မှား​ခဲ့​ကြ။ မည်သူ့​ကို​မျှ မ​ဖျက်ဆီး​ခဲ့​ကြ။ မည်သူ့​အပေါ်၌​မျှ အမြတ်​မ​ထုတ်​ခဲ့​ကြ။

၁ သက် 2:11

သင်​တို့​သိ​ကြ​သည့်​အတိုင်း ဖခင်​သည် မိမိ​သားသမီး​များ​အပေါ်​ပြု​သကဲ့သို့ ငါ​တို့​သည် သင်​တို့​အပေါ်​ပြုမူ​လျက်

၁ သက် 4:7

အဘယ်ကြောင့်​ဆိုသော် ဘုရားသခင်​သည် ငါ​တို့​ကို ညစ်ညူး​ခြင်း​ထဲသို့ ခေါ်​တော်မူ​သည်​မ​ဟုတ်​ဘဲ သန့်ရှင်း​ခြင်း​ထဲသို့ ခေါ်​တော်မူ​၏။

၂ သက် 2:11

ထို့ကြောင့် မုသား​ကို သူ​တို့​ယုံကြည်​ကြ​စေရန် ဘုရားသခင်​သည် လှည့်ဖြား​ခြင်း​တန်ခိုး​ကို သူ​တို့​ထံသို့ စေလွှတ်​တော်မူ​၏။

၂ ပေ 1:16

အကြောင်းမူကား ငါ​တို့​သည် ငါ​တို့​သခင်​ယေရှု​ခရစ်တော်​၏​တန်ခိုး​တော်​နှင့် ကြွလာ​တော်မူ​ခြင်း​တို့​ကို သင်​တို့​အား​ပြောပြ​သောအခါ ပါးနပ်​စွာ​ဖန်တီး​ထား​သော​ဒဏ္ဍာရီ​များ​ကို အသုံးပြု​သည်​မ​ဟုတ်။ ငါ​တို့​သည် ထို​အရှင်​၏​ကြီးမြတ်​သော​တန်ခိုး​တော်​ကို ကိုယ်တိုင်​မြင်တွေ့​ရ​သူ​များ​ဖြစ်​ကြ​၏။

၁ ရာ 12:3

ယခု သင်​တို့​ရှေ့​မှာ ငါ​ရှိ​၏​။ မည်သူ့​နွား​ကို ငါ​ယူ​ဖူး​သနည်း​၊ မည်သူ့​မြည်း​ကို ငါ​ယူ​ဖူး​သနည်း​။ မည်သူ့​ကို ငါ​လှည့်စား​ဖူး​သနည်း​။ မည်သူ့​ကို ငါ​ညှဉ်းဆဲ​ဖူး​သနည်း​။ မသိကျိုးကျွန်​ပြု​ရန်​အတွက် မည်သူ့​ထံမှ ငါ​လာဘ်​ယူ​ဖူး​သနည်း​။ ထာဝရဘုရား​ရှေ့​၊ ဘိသိက်ခံ​ဘုရင်​၏​ရှေ့​တွင် သင်​တို့​သက်သေ​ပြ​လော့​။ ရှိ​ခဲ့​လျှင် ငါ​ပြန်​ပေးဆပ်​မည်​”​ဟု ဆို​၏​။