၁ ရာ​ချုပ် 28:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထာဝရဘုရား​သည် ငါ့​အား သား​အများအပြား​ကို​ပေး​တော်မူ​၏​။ ထို​သား​အပေါင်း​တို့​ထဲမှ သား​တော်​ရှောလမုန်​ကို ရွေးချယ်​တော်မူ​ပြီး အစ္စရေး​လူမျိုး​ကို အုပ်ချုပ်​ရန်​အတွက် ထာဝရဘုရား​၏​နိုင်ငံ​တော်​ရာဇပလ္လင်​ပေါ်တွင် စံမြန်း​စေ​တော်မူ​၏​။

Common Language Bible

⁵ ကိုယ်​တော်​သည်​ငါ့​အား​သား​များ​ထွန်း​ကား စေ​တော်​မူ​၍​ထို​သား​တို့​အ​နက်​ရှော​လ​မုန် ကို​ထာ​ဝ​ရ​ဘု​ရား​၏​နိုင်​ငံ​တည်း​ဟူ​သော ဣ​သ​ရေ​လ​ပြည်​ကို​အုပ်​စိုး​ရန်​ရွေး​ချယ် တော်​မူ​၏။''

Garrad Bible

⁵ ပေး သ နား တော် မူ သော သား များ တို့ အ နက် ဣ သ ရေ လ လူ မျိုး အ ပေါ် တွင် ထာ ဝ ရ ဘု ရား၏ နိုင် ငံ ရာ ဇ ပလ္လင် ထက် ထိုင် ရန် သား တော် ရှော လ မုန် ကို ရွေး ချယ် လျက် ငါ့ အား မိန့် တော် မူ သည် မှာ၊

Judson Bible

⁵ ထာ​ဝ​ရ​ဘု​ရား​သည် ငါ့​အား များ​စွာ​သော​သား​တို့​ကို​ပေး​တော်​မူ​သည်​ဖြစ်၍၊ ငါ့​သား​အ​ပေါင်း​တို့​တွင် သား​ရှော​လ​မုန်​ကို ရွေး​ကောက်၍ ဣ​သ​ရေ​လ​အ​မျိုး​ကို အုပ်​စိုး​လျက်၊ ထာ​ဝ​ရ​ဘု​ရား၏​နိုင်​ငံ​တော် ရာ​ဇ​ပ​လ္လင်​ပေါ်​မှာ ထိုင်​စေ​ခြင်း​ငှာ ခန့်​ထား​တော်​မူ​ပြီ။

၁ ရာ​ချုပ် 28:5 ပူးပေါင်းရင်းမြစ်များ

၃ ရာ 1:13

ဒါဝိဒ်​မင်းကြီး​ထံ အခစား​ဝင်​၍ ‘​အကျွန်ုပ်​၏​သခင်​အရှင်မင်းကြီး​က သခင့်​ကျွန်မ​အား “​သင့်​သား​ရှောလမုန်​သည် ငါ့​နန်းမွေ​ကို ဆက်ခံ​ရ​မည်​။ ငါ​၏​ရာဇပလ္လင်​ပေါ်တွင် စံနေ​ရ​မည်​”​ဟု ကျိန်ဆို​ခဲ့​ပြီ​မ​ဟုတ်​လော​။ ယခုမှာ အဒေါနိယ​သည် အဘယ်ကြောင့် မင်း​ဖြစ်​ရ​ပါ​သနည်း​’​ဟု လျှောက်တင်​လော့​။

၃ ရာ 1:20

အကျွန်ုပ်​၏​သခင်​အရှင်မင်းကြီး​၊ အစ္စရေး​တစ်မျိုးနွယ်လုံး​က အရှင်မင်းကြီး​ကို စောင့်ကြည့်​နေ​ကြ​ပါ​၏​။ အကျွန်ုပ်​၏​သခင်​အရှင်မင်းကြီး​၏​ရာဇပလ္လင်​ပေါ်တွင် မည်သူ​စံမြန်း​မည်​၊ နန်းမွေဆက်ခံ​မည်​ကို သူ​တို့​အား မိန့်​တော်မူ​ပါ​။

၃ ရာ 1:30

‘​သင့်​သား​ရှောလမုန်​သည် ငါ့​နန်းမွေ​ကို ဆက်ခံ​ရ​မည်​။ ငါ့​ရာဇပလ္လင်​၊ ငါ့​နေရာ​တွင် စံမြန်း​ရ​မည်​’​ဟု အစ္စရေး​လူမျိုး​၏​ဘုရားသခင် ထာဝရဘုရား​ကို တိုင်တည်ကျိန်ဆို​ခဲ့​သည့်​အတိုင်း ယနေ့​တွင် ဤ​အမှု​ကို ငါ​ပြု​မည်​”​ဟု မိန့်​တော်မူ​၏​။

၃ ရာ 1:35

ထို့နောက် သင်​တို့​သည် သူ​နှင့်အတူ​ပြန်လိုက်လာ​ရ​မည်​။ သူ​သည် ငါ့​ရာဇပလ္လင်​ပေါ်တွင် စံမြန်း​ရ​မည်​။ ငါ့​နန်းမွေ​ကို ဆက်ခံ​ရ​မည်​။ ယခု သူ့​ကို အစ္စရေး​လူမျိုး​နှင့် ယုဒ​လူမျိုး​တို့​၏​ဘုရင်​အဖြစ် ငါ​ခန့်ထား​ပြီ​”​ဟု မိန့်ဆို​၏​။

၃ ရာ 2:15

ထိုအခါ အဒေါနိယ​က “​အစ္စရေး​လူမျိုး​အပေါင်း​တို့​သည် အကျွန်ုပ်​ကို ရှင်ဘုရင်​အဖြစ်​လက်ခံ​၍ ဤ​နိုင်ငံ​တော်​ကို အကျွန်ုပ်​ပိုင်​ကြောင်း မယ်တော်​သိ​ပါ​၏​။ သို့သော် နိုင်ငံ​တော်​သည် အကျွန်ုပ်​လက်​မှ​လွတ်​၍ ညီ​တော်​ထံ ရောက်သွား​လေ​ပြီ​။ အကယ်စင်စစ် ထာဝရဘုရား​သည် သူ့​ထံသို့ ရောက်​စေ​တော်မူ​ပြီ​။

၃ ရာ 8:20

ယခုမှာ ထာဝရဘုရား​သည် မိမိ​ပြု​ထား​သော​ကတိ​တော်​ကို တည်​စေ​ပြီ​။ ထာဝရဘုရား​မိန့်မှာ​ခဲ့​သည့်​အတိုင်း ငါ​သည် ငါ့​ခမည်းတော်​ဒါဝိဒ်​မင်းကြီး​၏​အရိုက်အရာ​ကို ဆက်ခံ​ပြီး အစ္စရေး​ရာဇပလ္လင်​ပေါ်တွင် စံမြန်း​နေ​ရ​ပြီ​။ အစ္စရေး​လူမျိုး​၏​ဘုရားသခင် ထာဝရဘုရား​၏​နာမ​တော်​အဖို့ အိမ်​တော်​ကို​လည်း တည်ဆောက်​ခဲ့​ပြီ​။

၁ ရာ​ချုပ် 17:14

ငါ့​အိမ်​တော်​နှင့် ငါ့​နိုင်ငံ​တော်​ကို သူ​၌ အစဉ်အမြဲ​တည်မြဲ​စေ​မည်​။ သူ​၏​ရာဇပလ္လင်​သည်​လည်း အစဉ်အမြဲ​တည်​လိမ့်မည်​ဟု မိန့်​တော်မူ​သည်’​ဟူ၍ ဆင့်ဆို​လော့”​ဟု မိန့်ဆို​၏​။

၁ ရာ​ချုပ် 23:1

ဒါဝိဒ်​မင်းကြီး​သည် အသက်ကြီး​၍ အိုမင်း​လာ​သောအခါ မိမိ​၏​သား​တော်​ရှောလမုန်​ကို အစ္စရေး​ဘုရင်​အဖြစ် တင်မြှောက်​၍

၁ ရာ​ချုပ် 29:1

ထို့နောက် ဒါဝိဒ်​မင်းကြီး​သည် လူထု​တစ်ရပ်လုံး​အား “​ဘုရားသခင်​ရွေးချယ်​တော်မူ​သော​ငါ့​သား​ရှောလမုန်​သည် ငယ်ရွယ်​၍ အတွေ့အကြုံ​မ​ရှိ​သေး​။ သို့သော် သူ​လုပ်ဆောင်​ရ​မည့်​အလုပ်​မှာ ကြီးမြတ်​လှ​၏​။ သူ​ဆောက်လုပ်​ရ​မည့်​ဗိမာန်တော်​သည် လူ​အဖို့​မ​ဟုတ်​၊ ဘုရားသခင်​ထာဝရဘုရား​အဖို့ ဖြစ်​၏​။

၁ ရာ​ချုပ် 29:23

ရှောလမုန်​သည် ခမည်းတော်​ဒါဝိဒ်​မင်းကြီး​၏​အရိုက်အရာ​ကို​ဆက်ခံ​၍ ထာဝရဘုရား​၏​ရာဇပလ္လင်​တော်​ပေါ်တွင် စံနေ​သောအခါ သူ​သည် ထွန်းပေါက်​အောင်မြင်​ပြီး အစ္စရေး​လူမျိုး​တစ်မျိုးနွယ်လုံး​က သူ့​ကို နာခံ​လေ​၏​။

၁ ရာ​ချုပ် 29:28

သူ​သည် ဓနဥစ္စာ​နှင့် ဘုန်းအသရေ​ဖြင့်​ပြည့်ဝ​လျက် အသက်ကြီး​၍ အိုမင်း​လာ​သောအခါ အနိစ္စရောက်​လေ​၏​။ သူ​၏​သား​တော်​ရှောလမုန်​သည် သူ့​အရိုက်အရာ​ကို ဆက်ခံ​လေ​၏​။

၂ ရာ​ချုပ် 9:8

မင်းကြီး​ကို​နှစ်သက်မြတ်နိုး​၍ ရှင်ဘုရင်​အဖြစ်​ရာဇပလ္လင်​တွင် စံမြန်း​စေ​တော်မူ​သော မင်းကြီး​၏​ဘုရားသခင်​ထာဝရဘုရား​သည် မင်္ဂလာရှိ​စေ​သတည်း​။ မင်းကြီး​၏​ဘုရားသခင်​သည် အစ္စရေး​လူမျိုး​ကို​ချစ်​တော်မူ​၍ ထာဝရ​တည်​စေ​လို​သဖြင့် တရားမျှတ​စွာ​၊ ဖြောင့်မတ်​စွာ​စီရင်အုပ်ချုပ်​ရန် မင်းကြီး​ကို ရှင်ဘုရင်​အဖြစ် ခန့်ထား​တော်မူ​ပြီ​”​ဟု ဆို​လေ​၏​။

တ​ရား​ဟော 17:15

သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​သူ​ကို​သာ သင့်​ကို​အုပ်စိုး​မည့်​ဘုရင်​အဖြစ် တင်မြှောက်​ရ​မည်​။ ဘုရင်​အဖြစ် သင်​တင်မြှောက်​သော​သူ​သည် သင်​၏​အမျိုးသားချင်း​ထဲ​မှ​ဖြစ်​ရ​မည်​။ သင်​၏​အမျိုးသားချင်း​မ​ဟုတ်​သော တစ်ပါးအမျိုးသား​ကို တင်မြှောက်​ခွင့်​မ​ရှိ​။