၁ ရာ​ချုပ် 22:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထို့ပြင် ဒါဝိဒ်​မင်းကြီး​သည် မ​ချိန်တွယ်​နိုင်​လောက်အောင် များပြား​လှ​သော​ကြေးနီ​များ​အပြင် ဝင်းတံခါး​နှင့်​ဂိတ်တံခါး​တွင် သုံး​ရန်​သံချွန်​များ​နှင့် ပတ္တာ​များ​အတွက် သံ​ကို​လည်း အမြောက်အမြား​စီစဉ်​ပေး​ထား​၏​။

Common Language Bible

³ မင်း​ကြီး​သည်​အိမ်​ရိုက်​သံ​များ​ပြု​လုပ်​ရန် နှင့်​ဝင်း​တံ​ခါး​ကြီး​များ​အ​တွက် ပျဉ်​ဆက် ကိ​ရိ​ယာ​များ​ပြု​လုပ်​ရန်​သံ​အ​မြောက် အ​မြား​ကို​ထုတ်​ပေး​တော်​မူ​၏။ ချိန်​တွယ်​၍ ပင်​မ​ရ​နိုင်​အောင်​များ​ပြား​သော​ကြေး​ဝါ များ​ကို​ထုတ်​ပေး​တော်​မူ​၏။-

Garrad Bible

³ တံ ခါး တော် များ အ ဖို့ သံ ချွန်၊ မျှော့ လုပ် ရန် သံ နှင့် ကြေး မ ချိန် မ တွယ် ဘဲ အ မြောက် အ မြား ကို လည်း ကောင်း၊

Judson Bible

³ တံ​ခါး​လုပ်​စ​ရာ သံ​ချွန်​အ​ဖို့​နှင့် သစ်​သား​ဆက်​စ​ရာ​အ​ဖို့ များ​စွာ​သော သံ​ကို​လည်း​ကောင်း၊ အ​ချိန်​မ​မှတ်​နိုင်​အောင် များ​စွာ​သော ကြေး​ဝါ​ကို​လည်း​ကောင်း၊

၁ ရာ​ချုပ် 22:3 ပူးပေါင်းရင်းမြစ်များ

၃ ရာ 7:47

ထို​အသုံးအဆောင်​ပစ္စည်း​တို့​သည် အလွန့်အလွန်​များပြား​လွန်း​သဖြင့် ရှောလမုန်​မင်းကြီး​သည် ချိန်တွယ်​မ​နေ​တော့​ဘဲ ဤအတိုင်း​ထား​လေ​၏​။ ထို့ကြောင့် ကြေးနီ​အလေးချိန် မည်မျှ​ရှိ​သည်​ကို မ​သိ​ရ​ချေ​။

၁ ရာ​ချုပ် 22:14

ထာဝရဘုရား​၏​အိမ်​တော်​အဖို့ ရွှေ​တာလန်​တစ်သိန်း​၊ ငွေ​တာလန်​တစ်သန်း​၊ မ​ချိန်တွယ်​နိုင်​လောက်အောင် များပြား​လှ​သော​ကြေးနီ​၊ သံ​၊ သစ်​၊ ကျောက်​များ​ကို အပင်ပန်းခံ​ပြီး ငါ​ပြင်ဆင်​ပေး​ခဲ့​ပြီ​။ သင်​သည်​လည်း ထပ်ဖြည့်​နိုင်​၏​။

၁ ရာ​ချုပ် 29:2

ထို့ကြောင့် ငါ​၏​ဘုရားသခင့်​အိမ်​တော်​အဖို့ ရွှေ​ထည်​အတွက် ရွှေ​၊ ငွေ​ထည်​အတွက် ငွေ​၊ ကြေး​ထည်​အတွက် ကြေး​၊ သံ​ထည်​အတွက် သံ​၊ ပျဉ်ပြား​များ​အတွက် သစ်သား​၊ မဟူရာကြောင်ဝင်​ကျောက်​များ​၊ စီချယ်စရာ​ကျောက်​များ​၊ စိမ်းပြာရောင်​ကျောက်​များ​၊ ရောင်စုံ​ကျောက်​များ​၊ အဖိုးတန်​ကျောက်​အမျိုးမျိုး​နှင့် ကျောက်ဖြူ​အမြောက်အမြား​တို့​ကို ငါ​တတ်စွမ်း​နိုင်​သမျှ ပြင်ဆင်​ထား​ပေး​ခဲ့​ပြီ​။

၁ ရာ​ချုပ် 29:7

သူ​တို့​သည် ဘုရားသခင်​၏​အိမ်​တော်​ဆောက်လုပ်ရေး​အတွက် ရွှေ​တာလန်​ငါး​ထောင်​၊ ငွေ​တာလန်​တစ်သောင်း​၊ ရွှေဒင်္ဂါး အပြား​တစ်သောင်း​၊ ကြေးနီ တာလန်​တစ်သောင်း​ရှစ်ထောင်​၊ သံ​တာလန်​တစ်သိန်း တို့​ကို​ပေးလှူ​ကြ​၏​။

၂ ရာ​ချုပ် 4:18

ရှောလမုန်​မင်းကြီး​သည် များပြား​လှ​သော​အသုံးအဆောင်​များ​ကို သွန်းလုပ်​သည်​ဖြစ်၍ ကြေးနီ​အလေးချိန် မည်မျှ​ရှိ​သည်​ကို​ပင် မ​သိ​ရ​ချေ​။

ယေ​ရ​မိ 52:20

ထာဝရဘုရား​၏​အိမ်​တော်​၌ ရှောလမုန်​မင်းကြီး​ပြုလုပ်​ထား​သော တိုင်​နှစ်​တိုင်​၊ ရေကန်​တစ်​ကန်​၊ ရေကန်​အောက်​၌​ရှိ​သော​ကြေးနီ​နွားရုပ်​တစ်ဆယ့်​နှစ်​ရုပ်​နှင့် တွန်းလှည်း​များ စသည့် ကြေးနီ​တန်ဆာပလာ​အားလုံး​၏​အလေးချိန်​မှာ ချိန်တွယ်​၍​ပင်​မ​ရ​နိုင်​ချေ​။

တ​ရား​ဟော 8:9

အစားအစာ​ခေါင်းပါး​ခြင်း​မ​ရှိ​ဘဲ ဝလင်​စွာ​စား​ရ​၍ မည်သည့်​အရာ​မျှ​ချို့တဲ့​ခြင်း​မ​ရှိ​သော​ပြည်​၊ သံရိုင်း​ထွက်​သော​ပြည်​၊ တောင်​များ​ထဲမှ ကြေးနီ​ကို​တူးဖော်​ရရှိ​သည့်​ပြည်​သို့ သင့်​ကို​ပို့ဆောင်​တော်မူ​၏​။