၁ ရာ​ချုပ် 15:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ဒါဝိဒ်​မင်းကြီး​က “​လေဝိ​အမျိုး​မှလွဲ၍ မည်သူ​မျှ ဘုရားသခင်​၏​သေတ္တာ​တော်​ကို မ​ထမ်း​ရ​။ အကြောင်းမူကား ထာဝရဘုရား​၏​သေတ္တာ​တော်​ကို​ထမ်း​ရန်​နှင့် အမှု​တော်​ကို​အစဉ်​ဆောင်ရွက်​ရန် သူ​တို့​ကို ထာဝရဘုရား ရွေးချယ်​တော်မူ​ပြီ​”​ဟု မိန့်ဆို​၏​။

Common Language Bible

² ထို​နောက်​မင်း​ကြီး​က``ထာ​ဝ​ရ​ဘု​ရား​သည် မိ​မိ​၏​ပ​ဋိ​ညာဉ်​သေတ္တာ​တော်​ကို​ပင့်​ဆောင်​ရန် နှင့် အ​စဉ်​အ​မြဲ​ကိုယ်​တော်​၏​အ​မှု​တော်​ကို ထမ်း​ဆောင်​ရန် လေ​ဝိ​အ​နွယ်​ဝင်​တို့​ကို​သာ လျှင်​ရွေး​ချယ်​ခန့်​ထား​တော်​မူ​သည်​ဖြစ်​၍ ထို​သူ​တို့​သာ​လျှင်​ပ​ဋိ​ညာဉ်​သေတ္တာ​တော် ကို​ပင့်​ဆောင်​ရ​ကြ​ပေ​မည်'' ဟု​မိန့်​တော် မူ​လျက်၊-

Garrad Bible

² ဒါ ဝိဒ် မင်း က၊ ထာ ဝ ရ ဘု ရား ထံ အ စဉ် အ မှု တော် ဆောင် ရွက် ခြင်း၊ ဘု ရား သ ခင့် သေ တ္တာ တော် ကို ထမ်း ခြင်း ပြု ရန် ရွေး ချယ် တော် မူ ခဲ့ သော လေ ဝိ ဂိုဏ်း သား တို့ မှ တစ် ပါး မည် သူ မျှ ထို သေ တ္တာ တော် ကို မ ထမ်း အပ် ဟု မိန့် ဆို သည် နှင့် အ ညီ၊

Judson Bible

² ဒါ​ဝိဒ်​က၊ ဘု​ရား​သ​ခင်၏ သေ​တ္တာ​တော်​ကို​ထမ်း၍ ရှေ့​တော်၌ အ​မှု​တော်​ကို​အ​စဉ်​စောင့်​စေ​ခြင်း​ငှာ ထာ​ဝ​ရ​ဘု​ရား​သည် လေ​ဝိ​သား​တို့​ကို ရွေး​ချယ်​တော်​မူ​သော​ကြောင့်၊ အ​ခြား​တစ်​ပါး​သော သူ​တို့​သည် ဘု​ရား​သ​ခင်၏​သေ​တ္တာ​တော်​ကို မ​ထမ်း​ရ​ကြ​ဟု​ဆို​လျက်၊

၁ ရာ​ချုပ် 15:2 ပူးပေါင်းရင်းမြစ်များ

၂ ရာ 6:13

ထာဝရဘုရား​၏​သေတ္တာ​တော်​ကို သယ်ဆောင်​သွား​သူ​တို့​သည် ခြေလှမ်း​ခြောက်​လှမ်း​အရောက်​တွင် နွားထီး​တစ်​ကောင်​နှင့် ဆူဖြိုး​သော​နွားသငယ်​တစ်​ကောင်​ကို ပူဇော်​ကြ​၏​။

၂ ရာ​ချုပ် 35:3

အစ္စရေး​တစ်မျိုးနွယ်လုံး​ကို သွန်သင်​သော​သူ​များ​ဖြစ်​၍ ထာဝရဘုရား​အဖို့ သန့်ရှင်း​သူ​များ​ဖြစ်​သော​လေဝိ​အမျိုးသား​တို့​ကို​လည်း “​သန့်ရှင်း​သော​သေတ္တာ​တော်​ကို ဒါဝိဒ်​မင်းကြီး​၏​သား​တော် အစ္စရေး​ဘုရင်​ရှောလမုန်​မင်းကြီး​တည်ဆောက်​ခဲ့​သော အိမ်​တော်​တွင် ထား​ကြ​လော့​။ သင်​တို့​ပခုံး​ဖြင့် ထမ်းသွားစရာ​မ​လို​တော့​ပေ​။ ယခုမှာ သင်​တို့​၏​ဘုရားသခင်​ထာဝရဘုရား​နှင့် သူ​၏​လူမျိုး​တော်​အစ္စရေး​တို့​အဖို့ အမှု​တော်​ကို​ထမ်း​ကြ​ပါ​လော့​။

ထွက်​မြောက် 25:14

သေတ္တာ​ကို​ထမ်း​ရန် ထမ်းပိုး​တို့​ကို သေတ္တာ​၏​ဘေး​တစ်ဖက်တစ်ချက်​ရှိ​ကွင်း​များ​ထဲသို့ လျှို​ထား​ရ​မည်​။

ဟေ​ရှာ​ယ 66:21

ထာဝရဘုရား​က “​ထို​သူ​အချို့​တို့​ကို ယဇ်ပုရောဟိတ်​အဖြစ်​၊ လေဝိ​အမျိုးသား​အဖြစ် ငါ​ခေါ်ယူ​မည်​”​ဟု မိန့်​တော်မူ​၏​။

တော​လည် 3:6

“လေဝိ​အမျိုးအနွယ်​တို့​ကို ခေါ်လာ​၍ ယဇ်ပုရောဟိတ်​အာရုန်​နှင့်ဆိုင်သော​အလုပ်​ကို လုပ်ဆောင်​စေ​လော့​။

တော​လည် 3:9

သို့ဖြစ်၍ သင်​သည် လေဝိ​အမျိုး​တို့​ကို အာရုန်​နှင့်​သူ​၏​သား​များ​ထံ အပ်နှံ​ရ​မည်​။ လေဝိ​အမျိုး​တို့​သည် အစ္စရေး​အမျိုးသား​တို့​အနက် အာရုန်​ထံ လုံးလုံး​အပ်နှံ​ခြင်း​ခံရ​သူ​များ​ဖြစ်​၏​။

တော​လည် 7:9

ကောဟတ်​သားမြေး​တို့​ကို​မူကား မ​ပေးအပ်​ချေ​။ အကြောင်းမှာ သူ​တို့​သည် သန့်ရှင်းသောအရာ​တို့​ကို တာဝန်ယူ​ရ​၍ ၎င်း​တို့​ကို ပခုံး​ဖြင့် ထမ်း​ရ​သောကြောင့်​ဖြစ်​၏​။

တ​ရား​ဟော 10:8

ထို​အချိန်​၌ ထာဝရဘုရား​၏​ပဋိညာဉ်​သေတ္တာ​တော်​ကို သယ်ဆောင်​ရန်​၊ ထာဝရဘုရား​ရှေ့​တော်​၌​ရပ်​လျက် အမှု​တော်​ဆောင်ရွက်​ရန်​၊ ကိုယ်တော်​၏​နာမ​တော်​အားဖြင့် ကောင်းချီးပေး​ရန် ထာဝရဘုရား​သည် လေဝိ​အမျိုး​တို့​ကို သီးခြားခွဲထား​သည်​မှာ ယနေ့​ထိတိုင် ဖြစ်​၏​။

တ​ရား​ဟော 31:9

မောရှေ​သည် ဤ​ပညတ်တရားတော်​ကို ရေးသား​၍ ထာဝရဘုရား​၏​ပဋိညာဉ်​သေတ္တာ​တော်​ကို​သယ်ဆောင်​သော လေဝိ​အမျိုးသား​ယဇ်ပုရောဟိတ်​တို့​နှင့် အစ္စရေး​လူမျိုး​သက်ကြီးဝါကြီး​အပေါင်း​တို့​အား ပေးအပ်​လေ​၏​။

ယော​ရှု 3:3

လူ​အပေါင်း​တို့​အား “​သင်​တို့​သည် သင်​တို့​၏​ဘုရားသခင်​ထာဝရဘုရား​၏​ပဋိညာဉ်​သေတ္တာ​တော်​နှင့် သေတ္တာ​တော်​ကို​သယ်ဆောင်​သော​လေဝိ​အမျိုးသား​ယဇ်ပုရောဟိတ်​တို့​ကို မြင်​သောအခါ ကိုယ့်​နေရာ​မှ​ထွက်​၍ သေတ္တာ​တော်​နောက်သို့​လိုက်​ကြ​ရ​မည်​။

ယော​ရှု 6:6

နုန်​၏​သား​ယောရှု​သည် ယဇ်ပုရောဟိတ်​တို့​ကို​ခေါ်​၍ “​သင်​တို့​သည် ပဋိညာဉ်​သေတ္တာ​တော်​ကို ထမ်းသွား​ရ​မည်​။ သင်​တို့​တွင် ယဇ်ပုရောဟိတ်​ခုနစ်​ပါး​တို့​သည် သိုးချို​တံပိုး​ခုနစ်​ခု​ကို ကိုင်ဆောင်​၍ ထာဝရဘုရား​၏​သေတ္တာ​တော်​ရှေ့​မှ သွား​ရ​မည်​”​ဟု မှာကြား​လေ​၏​။