၁ ရာ​ချုပ် 13:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ဤသို့ဖြင့် ဒါဝိဒ်​မင်းကြီး​သည် ကိရယတ်ယာရိမ်​မြို့​ရှိ ဘုရားသခင်​၏​သေတ္တာ​တော်​ကို ပြန်လည်​သယ်ဆောင်​လာ​ရန် အီဂျစ်​ပြည်​၊ ရှိဟောရ​အရပ်​မှ လီဘိုဟာမတ်​အရပ်​တိုင်အောင် အစ္စရေး​လူမျိုး​အားလုံး​ကို စုဝေး​စေ​၏​။

Common Language Bible

⁵ သို့​ဖြစ်​၍​ဒါ​ဝိဒ်​သည်​တောင်​ဘက်​အီ​ဂျစ်​နယ် စပ်​မှ မြောက်​ဘက်​ဟာ​မတ်​တောင်​ကြား​လမ်း​သို့ တိုင်​အောင် နိုင်​ငံ​တစ်​ဝှမ်း​လုံး​မှ​ဣ​သ​ရေ​လ ပြည်​သား​အ​ပေါင်း​တို့​အား​လာ​ရောက်​စု​ဝေး ကြ​ရန်​ခေါ်​ယူ​လေ​သည်။ သူ​တို့​သည်​ကိ​ရ ယတ်​ယာ​ရိမ်​မြို့​မှ ပ​ဋိ​ညာဉ်​သေတ္တာ​တော်​ကို ဆောင်​ယူ​ကြ​ရန်​စု​ဝေး​ကြ​၏။-

Garrad Bible

⁵ ဒါ ဝိဒ် မင်း သည် ကိ ရ ယတ် ယာ ရိမ် မြို့ မှ ဘု ရား သ ခင့် သေ တ္တာ တော် ကို ပင့် ဆောင် ရန် အိ ဂျစ် နယ် ဝင် ရှိ ဟော ရ ချောင်း မှ စ ၍ ဟာ မတ် မြို့ လမ်း ဝ တိုင် အောင်၊

Judson Bible

⁵ ထို​သို့​ဒါ​ဝိဒ်​သည် ဘု​ရား​သ​ခင်၏ သေ​တ္တာ​တော်​ကို၊ ကိ​ရ​ယတ်​ယာ​ရိမ်​မြို့​မှ ဆောင်​ခဲ့​ခြင်း​ငှာ အဲ​ဂု​တ္တု​ပြည်​အ​နား၊ ရှိ​ဟော​ရ​မြစ်​မှ​စ၍ ဟာ​မတ်​မြို့​လမ်း​ဝ​တိုင်​အောင်​နေ​သော ဣ​သ​ရေ​လ​အ​မျိုး​သား​အ​ပေါင်း​တို့​ကို စု​ဝေး​စေ​ပြီး​လျှင်၊

၁ ရာ​ချုပ် 13:5 ပူးပေါင်းရင်းမြစ်များ

၂ ရာ 6:1

တစ်ဖန် ဒါဝိဒ်​မင်းကြီး​သည် အစ္စရေး​လူမျိုး​ထဲမှ ရွေးချယ်​ထား​သော​စစ်သည်​သုံးသောင်း​ကို စုဝေး​စေ​ပြီးလျှင်

၃ ရာ 4:21

ရှောလမုန်​မင်းကြီး​သည် ယူဖရေးတီး​မြစ်​မှစ၍ ဖိလိတ္တိ​ပြည်​၊ အီဂျစ်​ပြည်​နယ်နိမိတ်​တိုင်အောင် တိုင်းနိုင်ငံ​အလုံးစုံ​ကို အုပ်ချုပ်​ရ​၏​။ ထို​တိုင်းနိုင်ငံ​တို့​သည် ရှောလမုန်​မင်းကြီး​အသက်ရှင်​သမျှ​ကာလ​ပတ်လုံး လက်ဆောင်ပဏ္ဏာ​ဆက်သ​ရ​သော​လက်အောက်ခံ​နိုင်ငံ​များ ဖြစ်​ကြ​၏​။

၃ ရာ 8:65

ထို​အချိန်​တွင်ပင် ရှောလမုန်​မင်းကြီး​သည် လီဘိုဟာမတ်​အရပ်​မှ အီဂျစ်​မြစ်​တိုင်အောင် အရပ်ရပ်​မှ​ရောက်လာ​သော အစ္စရေး​လူအုပ်ကြီး​နှင့်အတူ အကျွန်ုပ်​တို့​၏​ဘုရားသခင်​ထာဝရဘုရား​ရှေ့​တော်​၌ ခုနစ်​ရက်​ပြီး နောက်ထပ်​ခုနစ်​ရက် စုစုပေါင်း​တစ်ဆယ့်​လေး​ရက်​တိုင် ပွဲတော်​ကျင်းပ​လေ​၏​။

၄ ရာ 25:21

ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

၁ ရာ​ချုပ် 13:4

ပြည်သူပြည်သား​အားလုံး သဘောတူ​နှစ်သက်​ကြ​သောကြောင့် လူထု​တစ်ရပ်လုံး​က ထိုသို့​ပြု​မည်​ဟု ဆို​ကြ​၏​။

၁ ရာ​ချုပ် 13:6

ထာဝရဘုရား​၏​နာမ​တော်​ဖြင့် ခေါ်ဝေါ်သမုတ်​သော​၊ ခေရုဗိမ်​တို့​အထက်​တွင် စံနေ​တော်မူ​သော ဘုရားသခင်​၏​သေတ္တာ​တော်​ကို သယ်ဆောင်​လာ​ရန် ဒါဝိဒ်​မင်းကြီး​သည် အစ္စရေး​လူမျိုး​အပေါင်း​တို့​နှင့်တကွ ယုဒ​ပြည်​၊ ကိရယတ်ယာရိမ် ခေါ် ဗာလာ​မြို့​သို့ သွား​လေ​၏​။

၁ ရာ​ချုပ် 15:3

ထို့နောက် ဒါဝိဒ်​မင်းကြီး​သည် သူ​ပြင်ဆင်​ထား​သော​နေရာ​သို့ ထာဝရဘုရား​၏​သေတ္တာ​တော်​ကို ယူဆောင်​လာ​ရန် အစ္စရေး​လူမျိုး​အပေါင်း​တို့​ကို ဂျေရုဆလင်​မြို့​သို့ စုဝေး​စေ​၏​။

ဟေ​ရှာ​ယ 23:3

ပင်လယ်လမ်း​မှ​ဝင်ရောက်​လာ​သော ရှိဟောရ​မြစ်​၏​မျိုးစေ့​၊ နိုင်း​မြစ်​၏​အသီးအနှံ​သည် တိုင်ရာ​မြို့​အတွက် အမြတ်အစွန်း​ဖြစ်​၏​။ ထို​မြို့​သည် တိုင်းနိုင်ငံ​တို့​ကူသန်းရောင်းဝယ်ရာ​အရပ်​ဖြစ်​၏​။

ယေ​ရ​မိ 2:18

ယခု ရှိဟောရ​မြစ်ရေ​ကို​သောက်​ဖို့ အီဂျစ်​ပြည်​သို့ သင်​သွား​သည်​မှာ အဘယ်​အတွက်​နည်း​။ ယူဖရေးတီး​မြစ်​ရေ​ကို​သောက်​ဖို့ အဆီးရီးယား​ပြည်​သို့ သင်​သွား​သည်​မှာ အဘယ်​အတွက်​နည်း​။

ယော​ရှု 9:17

အစ္စရေး​အမျိုးသား​တို့ ခရီးပြု​ကြ​ရာ သုံး​ရက်​မြောက်​သော​နေ့​၌ ထို​သူ​တို့​နေထိုင်ရာ ဂိဗောင်​မြို့​၊ ခေဖိရ​မြို့​၊ ဗေရုတ်​မြို့​၊ ကိရယတ်ယာရိမ်​မြို့​သို့ ရောက်လာ​ကြ​၏​။

၁ ရာ 6:21

ထို့နောက် သူ​တို့​သည် ကိရယတ်ယာရိမ်​မြို့သား​တို့​ထံသို့ တမန်​တို့​ကို​စေလွှတ်​၍ “​ဖိလိတ္တိ​လူမျိုး​တို့​သည် ထာဝရဘုရား​၏​သေတ္တာ​တော်​ကို ပြန်ပို့​လာ​ပြီ​။ သင်​တို့​လာ​၍ ယူဆောင်​သွား​ကြ​ပါ​လော့​”​ဟု မှာလိုက်​လေ​၏​။

၁ ရာ 7:1

ကိရယတ်ယာရိမ်​မြို့သား​တို့​သည်​လည်း ထာဝရဘုရား​၏​သေတ္တာ​တော်​ကို လာရောက်​ယူဆောင်​သွား​ကြ​ပြီး တောင်​ပေါ်​ရှိ​အဘိနဒပ်​အိမ်​၌ ထား​ကြ​၏​။ ထာဝရဘုရား​၏​သေတ္တာ​တော်​ကို​စောင့်ရှောက်​ရန် အဘိနဒပ်​၏​သား​ဧလာဇာ​အား သန့်ရှင်း​ခြင်း​ဝတ်​ကို​ပြု​ပေး​ကြ​၏​။

၁ ရာ 7:2

ထို​နေ့​မှစ၍ သေတ္တာ​တော်​သည် ကိရယတ်ယာရိမ်​မြို့​၌ အနှစ်​နှစ်ဆယ်​တိုင်တိုင် အချိန်​ကြာမြင့်​စွာ​ရှိ​နေ​၏​။ ထို​အချိန်​အတွင်း​တွင် အစ္စရေး​အမျိုးအနွယ်​အပေါင်း​တို့​သည် ထာဝရဘုရား​ကို မျှော်ကြည့်အားကိုး​လျက်​နေ​ကြ​၏​။