၁ ရာ 22:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ အဟိမလက်​သည် သူ့​အတွက် ထာဝရဘုရား​ထံ မေးမြန်း​ပေး​ပြီး သူ့​ကို စားစရာ​များ​လည်း ပေး​ပါ​၏​။ ဖိလိတ္တိ​ပြည်သား ဂေါလျတ်​၏​ဓား​ကို​လည်း သူ့​အား ပေးလိုက်​ပါ​၏​”​ဟု လျှောက်​လေ​၏​။

Common Language Bible

¹⁰ အ​ဟိ​မ​လက်​သည်​ဒါ​ဝိဒ်​အ​တွက်​ထာ​ဝ​ရ ဘု​ရား​ထံ​တွင်​စုံ​စမ်း​လျှောက်​ထား​ပြီး​လျှင် အ​စား​အ​စာ​ကို​လည်း​ကောင်း၊ ဖိ​လိတ္တိ​အ​မျိုး သား​ဂေါ​လျတ်​၏​ဋ္ဌား​ကို​လည်း​ကောင်း​ပေး အပ်​လိုက်​ပါ​၏'' ဟု​လျှောက်​လေ​၏။

Garrad Bible

¹⁰ အ ဟိ မ လက် သည် သူ့ အ တွက် ထာ ဝ ရ ဘု ရား ထံ မေး လျှောက် ပြီး လျှင် စား နပ် ရိ က္ခာ နှင့် တ ကွ ဖိ လိ တ္တိ သူ ရဲ ဂေါ လျတ်၏ ဓား ပါ ပေး လိုက် ကြောင်း ကိုလည်း ကောင်း၊ ကျွန် တော် မြင် ခဲ့ ပါ သည် ဟု တင် လျှောက် သော်

Judson Bible

¹⁰ အ​ဟိ​မ​လက်​သည် ယေ​ရှဲ၏​သား​အ​ဖို့ ထာ​ဝ​ရ​ဘု​ရား​ထံ​တော်၌ မေး​မြန်း၍ စား​စ​ရိတ်​ကို​လည်း​ကောင်း၊ ဖိ​လိ​တ္တိ​လူ ဂေါ​လျတ်၏​ဓား​ကို​လည်း​ကောင်း​ပေး​ပါ၏​ဟု ကြား​လျှောက်​လျှင်၊

၁ ရာ 22:10 ပူးပေါင်းရင်းမြစ်များ

တော​လည် 27:21

သူ​သည် ယဇ်ပုရောဟိတ်​ဧလာဇာ​ရှေ့​၌ ရပ်​၍ ထာဝရဘုရား​ရှေ့​တော်​တွင် ယဇ်ပုရောဟိတ်​က ဥရိမ်​၏​ဆုံးဖြတ်ချက်​ကို မေးမြန်း​ပေး​ရ​မည်​။ သူ​မှစ၍ သူ​နှင့်အတူ​ရှိ​သော​လူထု​အပေါင်း​ဖြစ်​သည့်​အစ္စရေး​အမျိုးသား​အပေါင်း​တို့​သည် သူ​၏​စီရင်ဆုံးဖြတ်ချက်​အတိုင်း သွား​လာ​ရ​မည်​”​ဟု မိန့်​တော်မူ​၏​။

၁ ရာ 10:22

ထိုအခါ လူ​တို့​က ထာဝရဘုရား​အား “​ဤ​နေရာ​သို့ သူ​မ​ရောက်လာ​သေး​သလော​”​ဟု မေးလျှောက်​လျှင် ထာဝရဘုရား​က “​ကြည့်ရှု​လော့​။ အထုပ်အပိုး​များ​ကြား​တွင် သူ​ပုန်း​နေ​သည်​”​ဟု မိန့်​တော်မူ​၏​။

၁ ရာ 21:10

ထို​နေ့​မှစ၍ ဒါဝိဒ်​သည် ရှောလု​မင်းကြီး​ထံ​မှ​ထွက်ပြေး​ပြီး ဂါသ​ဘုရင်​အာခိတ်​မင်းကြီး​ထံသို့ ရောက်လာ​၏​။

၁ ရာ 22:11

ထိုအခါ ရှင်ဘုရင်​သည် အဟိတုပ်​၏​သား ယဇ်ပုရောဟိတ်​အဟိမလက်​နှင့်တကွ နောဗ​မြို့​ရှိ ယဇ်ပုရောဟိတ်​များ​ဖြစ်​သော သူ့​ဖခင်​၏​အိမ်ထောင်မိသားစု​အားလုံး​ကို လူ​လွှတ်​ခေါ်​စေ​သဖြင့် သူ​တို့​အားလုံး ရှင်ဘုရင်​ထံသို့ ရောက်လာ​ကြ​၏​။

၁ ရာ 22:13

ရှောလု​မင်းကြီး​က “​သင်​နှင့် ယေရှဲ​၏​သား​သည် ငါ့​ကို အဘယ်ကြောင့် ပူးပေါင်းကြံစည်​ကြ​သနည်း​။ သင်​သည် သူ့​အား အစားအစာ​နှင့်​ဓား​ကို ပေး​ခဲ့​သည်​သာမက ဘုရားသခင်​ထံ၌​လည်း မေးမြန်း​ပေး​သောကြောင့် ယနေ့ သူ​သည် ငါ့​ကို ထကြွ​ပုန်ကန်​၍ ချောင်းမြောင်း​တိုက်ခိုက်​လေ​ပြီ​”​ဟု ဆို​၏​။

၁ ရာ 22:15

သူ့​အတွက် ဘုရားသခင်​ထံ မေးမြန်း​ပေး​သည်​မှာ ဤ​နေ့​မှာ ပထမဆုံး​အကြိမ်​ဖြစ်​သလော​။ အရှင်မင်းကြီး စွပ်စွဲပြောဆို​သော​စကား​များ​သည် အကျွန်ုပ်​နှင့် အကျွန်ုပ်​ဖခင်​၏​အိမ်ထောင်မိသားစု​များ​နှင့် ဝေး​ပါစေသော​။ အရှင့်​အစေအပါး​သည် မည်သည့်​အမှု​ကြီး​ငယ်​ကို​မျှ မ​သိ​ပါ​”​ဟု လျှောက်ဆို​၏​။

၁ ရာ 23:12

ထိုအခါ ဒါဝိဒ်​က “​ကိလ​မြို့သား​တို့​သည် အကျွန်ုပ်​နှင့် အကျွန်ုပ်​၏​နောက်လိုက်​တို့​ကို ရှောလု​မင်းကြီး​လက်​သို့ အပ်နှံ​ကြ​မည်လော​”​ဟု မေး​ရာ ထာဝရဘုရား​က “​အပ်နှံ​ကြ​လိမ့်မည်​”​ဟု မိန့်​တော်မူ​၏​။

၁ ရာ 23:2

ထိုအခါ ဒါဝိဒ်​က ထာဝရဘုရား​အား “​ထို​ဖိလိတ္တိ​လူမျိုး​တို့​ကို အကျွန်ုပ် သွား​၍​တိုက်ခိုက်​ရ​ပါ​မည်လော​”​ဟု မေးလျှောက်​ရာ ထာဝရဘုရား​က ဒါဝိဒ်​အား “​ဖိလိတ္တိ​လူမျိုး​တို့​ကို သွား​၍​တိုက်ခိုက်​ပြီး ကိလ​မြို့​အား ကယ်တင်​လော့​”​ဟု မိန့်​တော်မူ​၏​။

၁ ရာ 23:4

ထို့ကြောင့် ဒါဝိဒ်​က ထာဝရဘုရား​အား ထပ်မံ​မေးလျှောက်​ရာ ထာဝရဘုရား​က “​ထ​၍ ကိလ​မြို့​သို့ ချီသွား​လော့​။ ဖိလိတ္တိ​လူမျိုး​တို့​ကို သင့်​လက်​သို့ ငါ​အပ်​မည်​”​ဟု မိန့်​တော်မူ​၏​။

၁ ရာ 30:8

ထိုအခါ ဒါဝိဒ်​က ထာဝရဘုရား​အား “​ထို​ဓားပြ​တို့​နောက်သို့ လိုက်​ရ​ပါ​မည်လော​။ သူ​တို့​ကို မီ​နိုင်​ပါ​မည်လော​”​ဟု မေးလျှောက်​လျှင် ထာဝရဘုရား​က “​လိုက်​လော့​။ အမှန်ပင်​မီ​လိမ့်မည်​။ လူ​တို့​ကို အမှန်ပင်​ကယ်တင်​နိုင်​လိမ့်မည်​”​ဟု မိန့်​တော်မူ​၏​။