၁ ရာ 18:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထာဝရဘုရား​သည် ရှောလု​မင်းကြီး​ကို စွန့်ပယ်​၍ ဒါဝိဒ်​နှင့်အတူ ရှိ​နေ​သောကြောင့် ရှောလု​မင်းကြီး​သည် ဒါဝိဒ်​ကို ကြောက်​၏​။

Common Language Bible

¹² ရှော​လု​သည်​ဒါ​ဝိဒ်​ကို​ကြောက်​၏။ အ​ဘယ်​ကြောင့် ဆို​သော် ထာ​ဝ​ရ​ဘု​ရား​သည်​ဒါ​ဝိဒ်​နှင့်​အ​တူ ရှိ​တော်​မူ​၍ မိ​မိ​ကို​မူ​စွန့်​ပယ်​တော်​မူ​ပြီး​ဖြစ် သော​ကြောင့်​တည်း။-

Garrad Bible

¹² ကိုယ် မှ ထာ ဝ ရ ဘု ရား ခွာ၍ ဒါ ဝိဒ် နှင့် အ တူ ရှိ တော် မူ သော ကြောင့်

Judson Bible

¹² ထို​သို့ ထာ​ဝ​ရ​ဘု​ရား​သည် ရှော​လု​ထံ​မှ​ထွက်၍ ဒါ​ဝိဒ်​နှင့်​အ​တူ ရှိ​တော်​မူ​သော​ကြောင့်၊ ရှော​လု​သည် ဒါ​ဝိဒ်​ကို​ကြောက်​ရွံ့​သ​ဖြင့်၊

၁ ရာ 18:12 ပူးပေါင်းရင်းမြစ်များ

၂ ရာ 5:10

ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​သည် ဒါဝိဒ်​မင်းကြီး​နှင့်အတူ ရှိ​တော်မူ​သည်​ဖြစ်၍ သူ​သည် အားကြီး​သည်​ထက်​ကြီး​လာ​လေ​၏​။

၂ ရာ​ချုပ် 17:3

ယောရှဖတ်​မင်းကြီး​သည် ယခင်က ဘိုးဘေး​ဒါဝိဒ်​မင်းကြီး လိုက်လျှောက်​ခဲ့​သော​လမ်း​အတိုင်း လိုက်လျှောက်​သောကြောင့် ထာဝရဘုရား​သည် သူ​နှင့်အတူ ရှိ​တော်မူ​၏​။ သူ​သည် ဗာလ​ဘုရား​နောက်​သို့​မ​လိုက်​၊

ဆာ​လံ 51:11

အကျွန်ုပ်​ကို ကိုယ်တော်​၏​ရှေ့မှောက်​မှ နှင်ထုတ်​တော်​မ​မူ​ပါ​နှင့်​။ ကိုယ်တော်​၏​သန့်ရှင်း​သော​ဝိညာဉ်​တော်​ကို အကျွန်ုပ်​ထံမှ​ရုပ်သိမ်း​တော်​မ​မူ​ပါ​နှင့်​။

ဆာ​လံ 53:5

သူ​တို့​သည် ကြောက်ရွံ့စရာ​မ​ရှိ​ဘဲ အလွန်​ကြောက်ရွံ့​ကြ​၏​။ အကြောင်းမူကား ဘုရားသခင်​သည် သင့်​တစ်ဖက်​၌ တပ်ချ​ထား​သော​သူ​တို့​၏​အရိုး​များ​ကို ပြန့်ကျဲ​စေ​တော်မူ​၏​။ ဘုရားသခင်​သည် သူ​တို့​ကို​စွန့်ပယ်​တော်မူ​သောကြောင့် သင်​သည် သူ​တို့​ကို​အရှက်ကွဲ​စေ​လိမ့်မည်​။

ဟော​ရှေ 9:12

အကယ်၍ သားသမီး​မွေး​လျှင်​လည်း အားလုံး​ကို ငါ​ဆုံးပါး​စေ​မည်​။ သူ​တို့​ကို ငါ​စွန့်ပစ်​သောအခါ သူ​တို့ အမင်္ဂလာ​ဖြစ်​လိမ့်မည်​။

မဿဲ 25:41

ထို့နောက် မင်းကြီး​သည် လက်ဝဲ​တော်​ဘက်​၌​ရှိ​သော​သူ​တို့​အား​လည်း ‘ကျိန်ဆဲ​ခြင်း​ခံရ​သော​သူ​တို့၊ ငါ့​ထံမှ​ထွက်ခွာ​၍ မာရ်နတ်​နှင့်​သူ​၏​စေတမန်​များ​အတွက်​ပြင်ဆင်​ထား​သော ထာဝရ​မီး​ထဲသို့ သွား​ကြ​လော့။

ရှင်မာကု 6:20

အကြောင်းမူကား ယောဟန်​သည် ဖြောင့်မတ်​သန့်ရှင်း​သူ​ဖြစ်​ကြောင်း ဟေရုဒ်​သည်​သိ​၍ သူ့​ကို​ကြောက်ရွံ့​ရိုသေ​လျက် စောင့်ရှောက်​ထား​သည့်အပြင် ယောဟန်​၏​စကား​ကို​ကြား​ရ​သည့်အခါ အလွန်​စိတ်အနှောင့်အယှက်​ဖြစ်​တတ်​သော်လည်း ဝမ်းမြောက်​စွာ​နားထောင်​လေ့​ရှိ​သောကြောင့်​ဖြစ်​၏။

လုကာ 8:37

ထိုအခါ ဂါရစ​နယ်သူ​နယ်သား​အပေါင်း​တို့​သည် အလွန်​ကြောက်ရွံ့​သဖြင့် သူ​တို့​ထံမှ​ထွက်သွား​တော်မူ​ရန် ကိုယ်တော်​အား​တောင်းပန်​ကြ​၏။ ကိုယ်တော်​သည်​လည်း လှေ​ပေါ်သို့​တက်​၍ ပြန်သွား​တော်မူ​၏။

တမန်တော်ဝတ္ထု 24:25

သို့သော် ပေါလု​က ဖြောင့်မတ်​ခြင်း၊ မိမိကိုယ်ကို​ချုပ်တည်း​ခြင်း​နှင့် ရောက်လာ​မည့်​တရား​စီရင်​ခြင်း​အကြောင်း​တို့​ကို ဆွေးနွေး​ပြောဆို​သောအခါ ဖေလဇ်​မင်း​သည် ကြောက်လန့်​၍ “ယခု​သွား​ဦး​လော့။ နောက်မှ အချိန်​ရ​သောအခါ သင့်​ကို ငါ​ခေါ်​ဦး​မည်”​ဟု ဆို​လေ​၏။

တမန်တော်ဝတ္ထု 7:9

မျိုးနွယ်စု​ဖခင်​တို့​သည် ယောသပ်​ကို​မနာလို​သဖြင့် အီဂျစ်​ပြည်​သို့​ရောင်း​လိုက်​ကြ​၏။ သို့သော် ဘုရားသခင်​သည် သူ​နှင့်အတူ​ရှိ​တော်မူ​၍

သူ​ကြီး 1:19

ထာဝရဘုရား​သည် ယုဒ​အမျိုး​တို့​နှင့်အတူ ပါရှိ​တော်မူ​သဖြင့် သူ​တို့​သည် တောင်ပေါ်ဒေသ​တို့​ကို သိမ်းပိုက်​နိုင်​ခဲ့​၏​။ ချိုင့်ဝှမ်းဒေသ​၌​နေထိုင်​သော​သူ​တို့​မူကား သံ​စစ်ရထား​များ​ပိုင်ဆိုင်​သောကြောင့် ထို​သူ​တို့​ကို မ​နှင်ထုတ်​နိုင်​ခဲ့​ပေ​။

သူ​ကြီး 16:20

ဒေလိလ​က “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​သော် ရှံဆုန်​သည် အိပ်ရာ​မှ​ထ​ပြီး “​ယခင်က​ကဲ့သို့ ရုန်း​ထွက်​မည်​”​ဟု တွေး​၏​။ ထာဝရဘုရား သူ့​ကို စွန့်ခွာ​သွား​သည်​ကို သူ​မ​သိ​။

၁ ရာ 16:18

ထိုအခါ အမှုထမ်း​တို့​ထဲမှ တစ်​ယောက်​က “​ဗက်လင်​မြို့သား​ယေရှဲ​၏​သား​သည် စောင်းတီး​ကျွမ်းကျင်​ကြောင်း သိ​ရ​ပါ​၏​။ သူ​သည် ရဲစွမ်းသတ္တိ​ရှိ​သူ​၊ တိုက်ရည်ခိုက်ရည်​ရှိ​သူ​၊ အပြောအဆိုလိမ္မာ​သူ​၊ ရုပ်ရည်​သန့်ပြန့်​သူ​ဖြစ်​၏​။ ထာဝရဘုရား​သည် သူ​နှင့်အတူ ရှိ​တော်မူ​၏​”​ဟု လျှောက်တင်​လျှင်

၁ ရာ 16:4

ရှမွေလ​လည်း ထာဝရဘုရား မိန့်​တော်မူ​သည့်​အတိုင်း ပြု​၏​။ သူ​သည် ဗက်လင်​မြို့​သို့​ရောက်​သောအခါ ထို​မြို့​၏​သက်ကြီးဝါကြီး​တို့​သည် ကြောက်ရွံ့တုန်လှုပ်​ကြ​ပြီး သူ​နှင့်​လာတွေ့​၍ “​အရှင်​သည် ငြိမ်းချမ်းရေး​အတွက် လာ​သလော​”​ဟု မေး​ကြ​၏​။

၁ ရာ 18:15

ထိုသို့ အရာရာ​၌​အောင်မြင်​မှု​ရရှိ​နေ​သည်​ကို ရှောလု​မင်းကြီး သိမြင်​လျှင် ဒါဝိဒ်​ကို ပို၍​ကြောက်​လေ​၏​။

၁ ရာ 18:20

ရှောလု​မင်းကြီး​၏​သမီး မိခါလ​သည် ဒါဝိဒ်​ကို ချစ်နှစ်သက်​နေ​ကြောင်း လျှောက်တင်​ကြ​သောအခါ ရှောလု​မင်းကြီး​စိတ်ကြိုက်​တွေ့​သွား​၏​။

၁ ရာ 18:29

ထို့ကြောင့် ရှောလု​မင်းကြီး​သည် ဒါဝိဒ်​ကို ပို၍​ပင်​ကြောက်ရွံ့​ကာ ဒါဝိဒ်​ကို ရန်သူ​အဖြစ် အစဉ်အမြဲ​မှတ်​လေ​၏​။

၁ ရာ 20:13

ငါ့​ခမည်းတော်​က သင့်​ကို​မကောင်းကြံ​လျှင်​လည်း သင်​သည် ဘေးကင်း​စွာ ထွက်သွား​နိုင်​ရန် သင့်​ကို ပြောကြား​ပေး​မည်​။ ထိုသို့​ငါ​မ​ပြု​လျှင် ထာဝရဘုရား​သည် ငါ​ယောနသန်​ကို ထိုထက်မက​ပြု​တော်မူ​ပါစေသော​။ ထာဝရဘုရား​သည် ငါ့​ခမည်းတော်​နှင့်အတူ​ရှိ​တော်မူ​သကဲ့သို့ သင်​နှင့်​လည်း အတူ​ရှိ​တော်မူ​ပါစေသော​။

၁ ရာ 22:13

ရှောလု​မင်းကြီး​က “​သင်​နှင့် ယေရှဲ​၏​သား​သည် ငါ့​ကို အဘယ်ကြောင့် ပူးပေါင်းကြံစည်​ကြ​သနည်း​။ သင်​သည် သူ့​အား အစားအစာ​နှင့်​ဓား​ကို ပေး​ခဲ့​သည်​သာမက ဘုရားသခင်​ထံ၌​လည်း မေးမြန်း​ပေး​သောကြောင့် ယနေ့ သူ​သည် ငါ့​ကို ထကြွ​ပုန်ကန်​၍ ချောင်းမြောင်း​တိုက်ခိုက်​လေ​ပြီ​”​ဟု ဆို​၏​။

၁ ရာ 28:15

ရှမွေလ​က​လည်း ရှောလု​မင်းကြီး​အား “​အဘယ်ကြောင့် ငါ့​ကို​ခေါ်​ပြီး​နှောင့်ယှက်​နေ​သနည်း​”​ဟု မေး​လျှင် ရှောလု​မင်းကြီး​က “​အကျွန်ုပ် အလွန်​ဒုက္ခရောက်​နေ​ပါ​၏​။ ဖိလိတ္တိ​လူမျိုး​တို့​သည် အကျွန်ုပ်​ကို လာတိုက်​ပါ​၏​။ ဘုရားသခင်​လည်း အကျွန်ုပ်​ကို စွန့်ပစ်​ပါ​ပြီ​။ ပရောဖက်​အားဖြင့်​ဖြစ်စေ​၊ အိပ်မက်​အားဖြင့်​ဖြစ်စေ အကျွန်ုပ်​ကို မ​ထူး​တော့​ပါ​။ အကျွန်ုပ် မည်သို့​ပြု​ရ​မည်​ကို ပြောပြ​ပေး​ရန်​အတွက် အရှင့်​ကို ခေါ်​ရ​ခြင်း​ဖြစ်​ပါ​၏​”​ဟု ဆို​၏​။

၁ ရာ 3:19

ရှမွေလ​သည် ကြီးပြင်း​လာ​၍ ထာဝရဘုရား​သည် သူ​နှင့်အတူ​ရှိ​တော်မူ​သဖြင့် သူ​၏​စကား​တစ်​ခွန်း​ကို​မျှ အချည်းနှီး​ဖြစ်စေ​တော်​မ​မူ​။