၁ ရာ 16:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ယခုမှာ ထာဝရဘုရား​၏​ဝိညာဉ်​တော်​သည် ရှောလု​မင်းကြီး​ထံ​မှ ထွက်ခွာ​ပြီး ထာဝရဘုရား​ထံ​တော်​မှ ဝိညာဉ်ဆိုး​သည် သူ့​ကို နှောင့်ယှက်​လေ​၏​။

Common Language Bible

¹⁴ ထာ​ဝ​ရ​ဘု​ရား​၏​ဝိ​ညာဉ်​တော်​သည်​ရှော​လု​ထံ မှ​ထွက်​ခွာ​သွား​တော်​မူ​၏။ ထို​အ​ခါ​သူ​သည် ကိုယ်​တော်​စေ​လွှတ်​လိုက်​သည့် နတ်​မိစ္ဆာ​၏​နှောင့် ယှက်​ညှင်း​ဆဲ​ခြင်း​ကို​ခံ​ရ​လေ​တော့​သည်။-

Garrad Bible

¹⁴ ထာ ဝ ရ ဘု ရား၏ ဝိ ညာဉ် တော် သည် ရှော လု မင်း မှ ခွာ သွား ပြီး နောက် ထာ ဝ ရ ဘု ရား အ ထံ တော် မှ နတ် ဆိုး ပူး ဝင် ရာ

Judson Bible

¹⁴ ထာ​ဝ​ရ​ဘု​ရား၏ ဝိ​ညာဉ်​တော်​သည် ရှော​လု​မှ​ထွက်​သွား၍၊ ထာ​ဝ​ရ​ဘု​ရား​ထံ​တော်​က ဆိုး​သော​ဝိ​ညာဉ်​သည် နှောင့်​ယှက်​တတ်၏။

၁ ရာ 16:14 ပူးပေါင်းရင်းမြစ်များ

၂ ရာ 7:15

သို့သော် ငါ့​မေတ္တာကရုဏာ​ကို သင့်​ရှေ့​မှ​ငါ​ဖယ်ရှား​လိုက်​သော​ရှောလု​ထံမှ ရုပ်သိမ်း​သကဲ့သို့ သူ့​ထံမှ ငါ​ရုပ်သိမ်း​မည်​မ​ဟုတ်​။

၃ ရာ 22:19

မိက္ခာယ​က​လည်း “​သို့ဖြစ်၍ ထာဝရဘုရား​၏​စကား​တော်​ကို နားထောင်​ပါ​လော့​။ ထာဝရဘုရား​သည် မိမိ​ပလ္လင်​ပေါ်တွင်​စံမြန်း​လျက် ကောင်းကင်​ဗိုလ်ခြေ​အပေါင်း​တို့​သည် ကိုယ်တော်​၏​လက်ဝဲ​ဘက်​၊ လက်ယာ​ဘက်​တို့​၌ ရပ်​၍​ခစား​နေ​ကြ​သည်​ကို အကျွန်ုပ်​မြင်​ပါ​၏​။

၃ ရာ 22:22

ထို​ဝိညာဉ်​က​လည်း ‘​အကျွန်ုပ်​သွား​၍ ပရောဖက်​အပေါင်း​တို့​၏​နှုတ်​၌ မုသား​မြွက်ဆို​သော​ဝိညာဉ်​ဖြစ်​မည်​’​ဟု လျှောက်တင်​၏​။ ထာဝရဘုရား​က​လည်း ‘​သင်​ဖြားယောင်း​နိုင်​လိမ့်မည်​။ အောင်​လည်း​အောင်မြင်​လိမ့်မည်​။ သွား​၍ ထိုသို့​ပြု​လော့​’​ဟု မိန့်​တော်မူ​၏​။

ဆာ​လံ 51:11

အကျွန်ုပ်​ကို ကိုယ်တော်​၏​ရှေ့မှောက်​မှ နှင်ထုတ်​တော်​မ​မူ​ပါ​နှင့်​။ ကိုယ်တော်​၏​သန့်ရှင်း​သော​ဝိညာဉ်​တော်​ကို အကျွန်ုပ်​ထံမှ​ရုပ်သိမ်း​တော်​မ​မူ​ပါ​နှင့်​။

ဟော​ရှေ 9:12

အကယ်၍ သားသမီး​မွေး​လျှင်​လည်း အားလုံး​ကို ငါ​ဆုံးပါး​စေ​မည်​။ သူ​တို့​ကို ငါ​စွန့်ပစ်​သောအခါ သူ​တို့ အမင်္ဂလာ​ဖြစ်​လိမ့်မည်​။

သူ​ကြီး 16:20

ဒေလိလ​က “​ရှံဆုန်​၊ သင့်​ထံသို့ ဖိလိတ္တိ​လူမျိုး​တို့ ရောက်လာ​ပြီ​”​ဟု ဆို​သော် ရှံဆုန်​သည် အိပ်ရာ​မှ​ထ​ပြီး “​ယခင်က​ကဲ့သို့ ရုန်း​ထွက်​မည်​”​ဟု တွေး​၏​။ ထာဝရဘုရား သူ့​ကို စွန့်ခွာ​သွား​သည်​ကို သူ​မ​သိ​။

သူ​ကြီး 16:29

ထို့နောက် ရှံဆုန်​သည် ဝတ်ကျောင်း​၏​အလယ်​တိုင်မကြီး​နှစ်​တိုင်​ကို လှမ်းကိုင်​ပြီး လက်ဝဲ​လက်​ဖြင့်​တစ်​တိုင်​၊ လက်ယာ​လက်​ဖြင့်​တစ်​တိုင် ထောက်ထား​လျက်

သူ​ကြီး 9:23

ဘုရားသခင်​သည် အဘိမလက်​နှင့် ရှေခင်​မြို့သား​တို့​ကြား​တွင် ဆိုးညစ်​သော​ဝိညာဉ်​ကို စေလွှတ်​သဖြင့် ရှေခင်​မြို့သား​တို့​သည် အဘိမလက်​ကို သစ္စာဖောက်​ကြ​၏​။

၁ ရာ 11:6

ထို​စကား​တို့​ကို ရှောလု​ကြား​သည်​နှင့် ဘုရားသခင်​၏​ဝိညာဉ်​တော်​သည် သူ့​အပေါ် သက်ရောက်​၏​။ သူ​သည် ပြင်းစွာ​အမျက်ထွက်​လျက်

၁ ရာ 16:15

ရှောလု​မင်းကြီး​၏​အမှုထမ်း​တို့​က​လည်း “​ကြည့်ရှု​လော့​။ ဘုရားသခင်​ထံ​တော်​မှ ဝိညာဉ်ဆိုး​သည် အရှင့်​ကို​နှောင့်ယှက်​ပါ​ပြီ​တကား​။

၁ ရာ 16:16

ထို့ကြောင့် အရှင့်​ထံ​ခစား​သော​အမှုထမ်း​တို့​အား စောင်း​တီး​ကျွမ်းကျင်​သူ​တစ်​ဦး​ကို ရှာဖွေ​စေ​ပါ​။ ဘုရားသခင်​ထံ​တော်​မှ ဝိညာဉ်ဆိုး​နှောင့်ယှက်​သောအခါ​တိုင်း ထို​သူ​စောင်းတီး​ပေး​လျှင် အရှင် ပြန်ကောင်း​သွား​ပါ​လိမ့်မည်​”​ဟု လျှောက်တင်​ကြ​၏​။

၁ ရာ 16:23

ဘုရားသခင်​ထံ​တော်​မှ ဝိညာဉ်ဆိုး​သည် ရှောလု​မင်းကြီး​ကို နှောင့်ယှက်​သည့်​အခါ ဒါဝိဒ်​သည် စောင်း​ကို​ယူ​၍ တီး​ပေး​၏​။ ထိုအခါ ရှောလု​မင်းကြီး​ထံမှ ဝိညာဉ်ဆိုး​ထွက်သွား​သဖြင့် သူ​သည် သက်သာ​ပြီး နေကောင်း​သွား​လေ​၏​။

၁ ရာ 18:10

နောက်တစ်နေ့​တွင် ဘုရားသခင်​ထံ​တော်​မှ ဝိညာဉ်ဆိုး​သည် ရှောလု​မင်းကြီး​ကို ဝင်ပူး​သဖြင့် သူ​သည် နန်းတော်​အလယ်​တွင် အော်ဟစ်ရေရွတ်​နေ​၍ ဒါဝိဒ်​သည် ယခင်​နေ့​များ​ကဲ့သို့ပင် စောင်းတီး​ပေး​၏​။ ရှောလု​မင်းကြီး​သည် လှံ​ကို​လည်း ကိုင်​ထား​၏​။

၁ ရာ 18:12

ထာဝရဘုရား​သည် ရှောလု​မင်းကြီး​ကို စွန့်ပယ်​၍ ဒါဝိဒ်​နှင့်အတူ ရှိ​နေ​သောကြောင့် ရှောလု​မင်းကြီး​သည် ဒါဝိဒ်​ကို ကြောက်​၏​။

၁ ရာ 28:15

ရှမွေလ​က​လည်း ရှောလု​မင်းကြီး​အား “​အဘယ်ကြောင့် ငါ့​ကို​ခေါ်​ပြီး​နှောင့်ယှက်​နေ​သနည်း​”​ဟု မေး​လျှင် ရှောလု​မင်းကြီး​က “​အကျွန်ုပ် အလွန်​ဒုက္ခရောက်​နေ​ပါ​၏​။ ဖိလိတ္တိ​လူမျိုး​တို့​သည် အကျွန်ုပ်​ကို လာတိုက်​ပါ​၏​။ ဘုရားသခင်​လည်း အကျွန်ုပ်​ကို စွန့်ပစ်​ပါ​ပြီ​။ ပရောဖက်​အားဖြင့်​ဖြစ်စေ​၊ အိပ်မက်​အားဖြင့်​ဖြစ်စေ အကျွန်ုပ်​ကို မ​ထူး​တော့​ပါ​။ အကျွန်ုပ် မည်သို့​ပြု​ရ​မည်​ကို ပြောပြ​ပေး​ရန်​အတွက် အရှင့်​ကို ခေါ်​ရ​ခြင်း​ဖြစ်​ပါ​၏​”​ဟု ဆို​၏​။