၁ ရာ 15:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထိုအခါ ရှောလု​မင်းကြီး​က ရှမွေလ​အား “​အကျွန်ုပ် အပြစ်ပြု​မိ​ပါ​ပြီ​။ အကျွန်ုပ်​သည် လူ​တို့​ကို​ကြောက်​၍ သူ​တို့​စကား​ကို နားထောင်​မိ​သောကြောင့် ထာဝရဘုရား​၏​စကား​တော်​နှင့် အရှင်​၏​စကား​ကို လွန်ဆန်​မိ​ပါ​ပြီ​။

Common Language Bible

²⁴ ထို​အ​ခါ​ရှော​လု​က``မှန်​ပါ​၏။ အ​ကျွန်ုပ်​သည် အ​ပြစ်​ကူး​လွန်​မိ​ပါ​ပြီ။ အ​ကျွန်ုပ်​သည်​ထာ​ဝ​ရ ဘု​ရား​၏​အ​မိန့်​တော်​ကို​လည်း​ကောင်း၊ အ​ရှင်​၏ ညွှန်​ကြား​ချက်​များ​ကို​လည်း​ကောင်း​လွန်​ဆန်​မိ ပါ​ပြီ။ မိ​မိ​၏​လူ​တို့​ကို​ကြောက်​သ​ဖြင့် အ​ကျွန်ုပ် သည်​သူ​တို့​၏​ဆန္ဒ​အ​တိုင်း​ပြု​မိ​ပါ​၏။-

Garrad Bible

²⁴ ဗိုလ် ထု ကို လန့်၍ သူ တို့ စ ကား ကို လိုက် နာ သည့် အား ဖြင့် ထာ ဝ ရ ဘု ရား၏ ပ ညတ် တော် ကို လည်း ကောင်း၊ ကိုယ် တော့် အ မိန့် ကို လည်း ကောင်း ကျူး လွန် မိ ပါ ပြီ။

Judson Bible

²⁴ ရှော​လု​က​လည်း၊ အ​ကျွန်ုပ်​သည် ပြစ်​မှား​ပါ​ပြီ။ လူ​များ​ကို​ကြောက်၍ သူ​တို့​စ​ကား​ကို နား​ထောင်​သော​ကြောင့်၊ ထာ​ဝ​ရ​ဘု​ရား၏ အ​မိန့်​တော်​ကို​လည်း​ကောင်း၊ ကိုယ်​တော်၏​စ​ကား​ကို​လည်း​ကောင်း လွန်​ကျူး​ပါ​ပြီ။

၁ ရာ 15:24 ပူးပေါင်းရင်းမြစ်များ

ကမ္ဘာ​ဦး 3:12

လူ​က​လည်း “​အကျွန်ုပ်​နှင့်အတူ​နေ​စေရန် ကိုယ်တော်​ပေး​ထား​သော​မိန်းမ​သည် ထို​အပင်​မှ​အသီး​ကို အကျွန်ုပ်​အား​ပေး​၍ အကျွန်ုပ်​စား​မိ​ပါ​သည်​”​ဟု ပြန်လျှောက်​လေ​၏​။

ကမ္ဘာ​ဦး 3:17

ထို့နောက် အာဒံ​အား “​သင်​သည် မိမိ​မယား​၏​စကား​ကို​နားထောင်​၍ မ​စား​ရ​ဟု သင့်​အား ငါ​ပညတ်​ထား​သော​အပင်​၏​အသီး​ကို​စား​သောကြောင့် မြေ​သည် သင့်​အတွက် ကျိန်​ခြင်း​ကို​ခံရ​၏​။ သင်​သည် အသက်ရှင်​သမျှ​ကာလ​ပတ်လုံး မြေ​၏​အသီး​ကို ပင်ပန်းခက်ခဲ​စွာ​လုပ်ကိုင်​စားသောက်​ရ​မည်​။

၂ ရာ 12:13

ထိုအခါ ဒါဝိဒ်​မင်းကြီး​က နာသန်​အား “​ထာဝရဘုရား​ကို ငါ​ပြစ်မှား​မိ​ပါ​ပြီ​”​ဟု ဆို​လျှင် နာသန်​က ဒါဝိဒ်​မင်းကြီး​အား “​ထာဝရဘုရား​သည် မင်းကြီး​အပြစ်​ကို ဖြေလွှတ်​တော်မူ​ပြီ​ဖြစ်၍ မင်းကြီး မ​သေ​ရ​ပါ​။

ယောဘဝတ္တု။ 31:34

ငါ​သည် လူအုပ်​ကြီး​ကို ကြောက်​၍ ဆွေမျိုးသားချင်း​တို့ ကဲ့ရဲ့​မည်​ကို စိုးရိမ်​သဖြင့် တံခါး​အပြင်​သို့​မ​ထွက်​ဘဲ တိတ်ဆိတ်​စွာ​နေ​ဖူး​သလော​။

ဆာ​လံ 51:4

အကျွန်ုပ်​သည် ကိုယ်တော့်​ကို​၊ ကိုယ်တော့်​ကို​သာ ပြစ်မှား​၍ ကိုယ်တော်​၏​မျက်မှောက်​တော်​၌ မကောင်း​သော​အမှု​ကို ပြု​မိ​ပါ​ပြီ​။ သို့ဖြစ်၍ ကိုယ်တော်​အမိန့်​ရှိ​တော်မူ​သောအခါ ဖြောင့်မတ်​ပါ​၏​။ ကိုယ်တော်​တရားစီရင်​တော်မူ​သောအခါ သန့်ရှင်းစင်ကြယ်​ပါ​၏​။

ထွက်​မြောက် 10:16

ထိုအခါ ဖာရော​မင်းကြီး​သည် မောရှေ​နှင့်​အာရုန်​ကို အလျင်အမြန်​ဆင့်ခေါ်​၍ “​ငါ​သည် သင်​တို့​၏​ဘုရားသခင်​ထာဝရဘုရား​နှင့် သင်​တို့​ကို ပြစ်မှား​ပါ​ပြီ​။

ထွက်​မြောက် 23:2

လူ​အများ​နောက်သို့​လိုက်​၍ မကောင်းမှု​မ​ပြု​ရ​။ တရားတွေ့​ရာ​၌ လူ​အများ​ဘက်​သို့​လိုက်​၍ မတရားသဖြင့် မ​ထွက်ဆို​ရ​။

ထွက်​မြောက် 9:27

ဖာရော​မင်းကြီး​သည် မောရှေ​နှင့်​အာရုန်​ကို​ဆင့်ခေါ်​ပြီးလျှင် “​ဤ​တစ်ကြိမ်​ကား ငါ​ပြစ်မှား​မိ​ပြီ​။ ထာဝရဘုရား​သာလျှင် ဖြောင့်မတ်​တော်မူ​၏​။ ငါ​နှင့်​ငါ့​လူ​တို့​မူကား ဆိုးယုတ်​သော​သူ​များ​ဖြစ်​ကြ​ပါ​၏​။

သုတ္တံကျမ်း။ 29:25

လူ​ကို​ကြောက်ရွံ့​ခြင်း​သည် ထောင်ချောက်​ဖြစ်​၏​။ ထာဝရဘုရား​ကို​ယုံကြည်ကိုးစား​သော​သူ​မူကား လုံခြုံ​စွာ​နေ​ရ​၏​။

ယေ​ရ​မိ 38:5

ဇေဒကိ​မင်းကြီး​က​လည်း “​သူ​သည် သင်​တို့​လက်​၌​ရှိ​၏​။ ရှင်ဘုရင်​သည် သင်​တို့​ကို​ဆန့်ကျင်​၍ မည်သည့်​အရာ​မျှ​မ​ပြု​နိုင်​”​ဟု မိန့်ဆို​၏​။

တော​လည် 22:34

ထိုအခါ ဗာလမ်​က ထာဝရဘုရား​၏​ကောင်းကင်တမန်​အား “​အကျွန်ုပ်​ပြစ်မှား​ပါ​ပြီ​။ ကိုယ်တော်​သည် အကျွန်ုပ်​ကို​ဆီးတား​ရန် လမ်း​၌​ရပ်​နေ​သည်​ကို အကျွန်ုပ်​မ​သိ​ပါ​။ ကိုယ်တော်​မနှစ်မြို့​လျှင် အကျွန်ုပ်​ပြန်သွား​ပါ​မည်​”​ဟု လျှောက်​လေ​၏​။

မဿဲ 27:4

“အကျွန်ုပ်​သည် အပြစ်ကင်း​သော​သူ​၏​သွေး​ကို​အပ်နှံ​ပြီး အပြစ်​ပြု​မိ​ပါ​ပြီ”​ဟု ဆို​၏။ သို့သော် ထို​သူ​တို့​က “ငါ​တို့​နှင့် မည်သို့​ဆိုင်​သနည်း။ ကိုယ့်​အမှု​ကို ကိုယ်​ဖြေရှင်း​လော့”​ဟု ဆို​ကြ​၏။

ဂ​လာ​တိ 1:10

အကြောင်းမူကား ယခု ငါ​သည် လူ​တို့​ထံမှ​မျက်နှာရ​ရန် ကြိုးစား​နေ​သလော၊ သို့မဟုတ် ဘုရားသခင်​ထံမှ​မျက်နှာရ​ရန် ကြိုးစား​နေ​သလော၊ သို့တည်းမဟုတ် လူ​တို့​ကို​နှစ်သက်​စေရန် ကြိုးစား​နေ​သလော။ လူ​တို့​ကို​နှစ်သက်​စေရန် ငါ​ကြိုးစား​နေ​သေး​လျှင် ငါ​သည် ခရစ်တော်​၏​အစေအပါး​ဖြစ်​သည်​မ​ဟုတ်။

ဗျာ​ဒိတ် 21:8

သို့သော် ကြောက်​တတ်​သူ​များ၊ မ​ယုံကြည်​သူ​များ၊ ရွံရှာ​ဖွယ်​ကောင်း​သူ​များ၊ လူသတ်သူ​များ၊ တရားနှင့်မညီ​မေထုန်ပြု​သူ​များ၊ ပြုစား​သော​သူ​များ၊ ရုပ်တု​ကိုးကွယ်​သူ​များ​နှင့် လိမ်လည်​သော​သူ​အပေါင်း​တို့​သည် ကန့်​နှင့်​လောင်​သော​မီး​အိုင်​ထဲ၌ မိမိ​တို့​အဖို့​ကို​ရ​ကြ​လိမ့်မည်။ ဤသည်ကား ဒုတိယ​သေ​ခြင်း​ဖြစ်​၏”​ဟု မိန့်​တော်မူ​၏။

၁ ရာ 15:15

ရှောလု​မင်းကြီး​က “​တပ်သား​တို့​သည် အကောင်းဆုံး​သော သိုး​၊ နွား​တို့​ကို နှမြော​၍ အရှင်​၏​ဘုရားသခင်​ထာဝရဘုရား​အား​ယဇ်ပူဇော်​ရန် ထို​အကောင်​တို့​ကို အာမလက်​လူမျိုး​တို့​ထံမှ ယူဆောင်​လာ​ခဲ့​ပါ​၏​။ ကျန်​သော​အရာ​များ​ကို​မူ အကုန်​ဖျက်ဆီး​ပစ်​လိုက်​ပါ​သည်​”​ဟု ပြန်ဖြေ​၏​။

၁ ရာ 15:30

သို့သော် သူ​က “​အကျွန်ုပ်​ပြစ်မှား​မိ​ပါ​ပြီ​။ သို့သော် ယခု အကျွန်ုပ်​၏​လူမျိုး သက်ကြီးဝါကြီး​တို့​ရှေ့​၊ အစ္စရေး​လူမျိုး​တို့​ရှေ့​တွင် အသရေ​မ​ပျက်​ရ​ပါစေ​နှင့်​။ အကျွန်ုပ်​သည် အရှင်​၏​ဘုရားသခင်​ထာဝရဘုရား​ကို ရှိခိုးကိုးကွယ်​ရ​ပါ​မည့်​အကြောင်း အကျွန်ုပ်​နှင့်အတူ ပြန်လိုက်​ခဲ့​ပါ​”​ဟု ဆို​ပြန်​၏​။

၁ ရာ 15:9

သို့သော် ရှောလု​မင်းကြီး​နှင့် တပ်သား​တို့​သည် အာဂတ်​မင်းကြီး​ကို ချမ်းသာ​ပေး​၏​။ အကောင်းဆုံး​သော​သိုး​နွား​များ​၊ ဆူဖြိုး​သော​နွားသငယ်​များ​၊ သိုးသငယ်​များ​နှင့် တန်ဖိုး​ရှိ​သော​အရာ​အားလုံး​ကို​မူ နှမြော​၍ မ​ဖျက်ဆီး​လို​ကြ​။ တန်ဖိုး​မ​ရှိ​၊ အသုံးမဝင်​သော​အရာ​တို့​ကို​ကား အကုန်​ဖျက်ဆီး​ပစ်​လေ​၏​။

၁ ရာ 2:29

ငါ​ကိန်းဝပ်​ရာ​အရပ်​၌ ပူဇော်​ရန် ငါ​မိန့်မှာ​ထား​သော​ယဇ်​နှင့် ပူဇော်သက္ကာ​ကို အဘယ်ကြောင့် မထီမဲ့မြင်ပြု​ကြ​သနည်း​။ ငါ့​လူမျိုး​တော်​အစ္စရေး​တို့​ပူဇော်​သမျှ​တို့​ထဲမှ အကောင်းဆုံး​ကို​ယူ​၍ သင်တို့ကိုယ်​ကို​ဝလင်​စေ​ခြင်း​ဖြင့် သင်​သည် သင့်​သား​တို့​ကို ငါ့​ထက်​ပို၍ အဘယ်ကြောင့်​ဂုဏ်ပြုချီးမြှောက်​သနည်း’​ဟု မိန့်ဆို​၏​။

၁ ရာ 26:21

ထိုအခါ ရှောလု​မင်းကြီး​က “​ငါ​အပြစ်ပြု​မိ​လေ​ပြီ​။ ငါ့​သား​ဒါဝိဒ်​၊ ပြန်လာ​ပါ​။ သင့်​ကို နောက်ထပ်​အန္တရာယ်​မ​ပြု​တော့​ပါ​။ ကြည့်ရှု​လော့​။ ငါ​သည် မိုက်မဲ​လျက် အမှားကြီးမှား​နေ​သော်လည်း ယနေ့​တွင် သင်​သည် ငါ့​အသက်​ကို တန်ဖိုးထား​လေ​ပြီ”​ဟု ပြန်​အော်ပြော​လေ​၏​။