၁ ယော 3:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ဘုရားသခင်​ထံမှ​ပေါက်ဖွား​လာ​သော​သူ မည်သူ​၌​မဆို ဘုရားသခင်​၏​မျိုးစေ့​တည်​နေ​သည်​ဖြစ်၍ ထို​သူ​သည် အပြစ်​ကို​ပြု​နေ​ခြင်း​မ​ရှိ။ သူ​သည် ဘုရားသခင်​ထံမှ​ပေါက်ဖွား​လာ​သောကြောင့် အပြစ်​ကို​ဆက်၍​မ​ပြု​နိုင်။

Common Language Bible

⁹ ဘု​ရား​သ​ခင်​၏​သား​သ​မီး​ဖြစ်​လာ​သူ​သည် အ​ပြစ်​မ​ကူး​တတ်။ အ​ဘယ်​ကြောင့်​ဆို​သော်​ထို သူ​၌​ဘု​ရား​သ​ခင်​၏​ဇာ​တိ​သ​ဘော​ပါ​ရှိ သော​ကြောင့်​ဖြစ်​၏။ သူ​သည်​ဘု​ရား​သ​ခင်​၏ သား​သ​မီး​ဖြစ်​သ​ဖြင့်​အ​ပြစ်​ဒု​စ​ရိုက် မ​ပြု​နိုင်။-

Garrad Bible

⁹ ဘု ရား သ ခင် အား ဖြင့် ဖွား ရ သူ မည် သူ မ ဆို ဘု ရား သ ခင့် မျိုး စေ့ တော် တည် သော ကြောင့် အ ပြစ် မ ပြု။ ဘု ရား သ ခင့် အား ဖြင့် ဖွား ရ သည့် အ တွက် မ ပြစ် မှား နိုင်။

Judson Bible

⁹ ဘု​ရား​သ​ခင်​ဖြစ်​ဖွား​စေ​တော်​မူ​သော​သူ မည်​သည်​ကား၊ ဒု​စ​ရိုက်​ကို​မ​ပြု​တတ်။ အ​ကြောင်း​မူ​ကား၊ ထို​သူ၌ မျိုး​စေ့​တော်​တည်​လျက်​ရှိ၏။ ထို​သူ​သည် ဘု​ရား​သ​ခင်​ဖြစ်​ဖွား​စေ​တော်​မူ​သော​သူ ဖြစ်​သော​ကြောင့် ဒု​စ​ရိုက်​ကို​မ​ပြု​နိုင်။-

ခေတ်သစ်​မြန်မာ သမ္မာကျမ်း

⁹ ဘုရားသခင်​ထံမှ ဖြစ်ပွားလာသော​သူ​သည် အပြစ်​ကို ဆက်​၍​ကျူးလွန်နေသူ​မဟုတ်။ အဘယ်ကြောင့်ဆိုသော် ဘုရားသခင်​၏ မျိုးစေ့​သည် ထို​သူ​၌ တည်နေ​သောကြောင့်​ဖြစ်၏။ ဘုရားသခင်​ထံမှ ဖြစ်ပွား​သောကြောင့် သူ​သည် အပြစ်​ကို ဆက်​၍​မကျူးလွန်နိုင်။

၁ ယော 3:9 ပူးပေါင်းရင်းမြစ်များ

ယောဘဝတ္တု။ 19:28

သင်​တို့​က ‘သူ့​ကို ငါ​တို့ မည်သို့​ညှဉ်းဆဲ​ရ​မည်နည်း’​ဟု ဆို​ကြ​လျှင်​လည်း ပြဿနာ​အရင်းအမြစ်​သည် ငါ​၌​သာ​ရှိ​၏​။

ဆာ​လံ 119:3

ထို​သူ​တို့​သည် မတရားမှု​ကို​မ​ပြု​၊ ကိုယ်တော်​၏​လမ်း​တော်​များ​အတိုင်း အသက်ရှင်​လျှောက်လှမ်း​ကြ​၏​။

ဝတ်​ပြု 11:37

ထို​အသေကောင်​၏​အစိတ်အပိုင်း​တစ်ခုခု​သည် မျိုးကြဲ​ရန် မျိုးစေ့​တစ်စုံတစ်ရာ​ပေါ်သို့ ကျ​လျှင် ထို​မျိုးစေ့​သည် စင်ကြယ်​၏​။

မဿဲ 7:18

ကောင်း​သော​အပင်​သည် မကောင်း​သော​အသီး​ကို​မ​သီး​နိုင်။ မကောင်း​သော​အပင်​သည်​လည်း ကောင်း​သော​အသီး​ကို​မ​သီး​နိုင်။

ရှင်ယောဟန် 1:13

ထို​သားသမီး​တို့​သည် မျိုးရိုး​ဇာတိ​အားဖြင့်​သော်​လည်းကောင်း၊ ကိုယ်ကာယ​၏​အလိုဆန္ဒ​အားဖြင့်​သော်​လည်းကောင်း၊ လူ​၏​အလိုဆန္ဒ​အားဖြင့်​သော်​လည်းကောင်း မွေးဖွား​ကြ​သည်​မ​ဟုတ်။ ဘုရားသခင်​အားဖြင့်​သာ မွေးဖွား​ကြ​၏။

ရှင်ယောဟန် 3:3

ယေရှု​က“သင့်​အား ငါ​အမှန်အကန်​ဆို​မည်။ လူ​သည် အသစ်တစ်ဖန်​မွေးဖွား​ခြင်း​မ​ခံ​လျှင် ဘုရားသခင်​၏​နိုင်ငံ​တော်​ကို​မ​မြင်​နိုင်”​ဟု ပြန်​၍​မိန့်​တော်မူ​၏။

တမန်တော်ဝတ္ထု 4:20

အကျွန်ုပ်​တို့​သည် မိမိ​တို့​ကြား​ရ၊ မြင်​ရ​သော​အရာ​တို့​ကို မ​ဟောပြော​ဘဲ​မ​နေ​နိုင်”​ဟု သူ​တို့​အား ပြန်ပြော​ကြ​၏။

ရော​မ 6:2

လုံးဝ​မ​တည်​ရ။ အပြစ်​အရာ​၌ သေဆုံး​သော​ငါ​တို့​သည် ၎င်း​တွင် မည်သို့​အသက်ရှင်​နိုင်​ဦး​မည်နည်း။

ဂ​လာ​တိ 5:17

အဘယ်ကြောင့်​ဆိုသော် သွေးသား​ဇာတိ​သည် ဝိညာဉ်​တော်​နှင့်​ဆန့်ကျင်​သော​အရာ​ကို တောင့်တ​၍ ဝိညာဉ်​တော်​သည် သွေးသား​ဇာတိ​နှင့်​ဆန့်ကျင်​သော​အရာ​ကို တောင့်တ​၏။ ဤသို့ဖြင့် ၎င်း​တို့​သည် တစ်ပါး​နှင့်​တစ်ပါး​ဆန့်ကျင်​ကြ​သည်​ဖြစ်၍ သင်​တို့​သည် ပြု​လို​သော​အရာ​များ​ကို မ​ပြု​နိုင်​ကြ​ပေ။

တိ​တု 1:2

မုသား​နှင့်​ကင်းစင်​တော်မူ​သော​ဘုရားသခင်​သည် ထို​ထာဝရ​အသက်​ကို ရှေး​ကာလ​များ​မတိုင်မီ​က​ပင် ကတိ​ပေး​တော်မူ​ပြီး

၁ ပေ 1:23

သင်​တို့​သည် ယိုယွင်း​ပျက်စီး​တတ်​သော​မျိုးစေ့​အားဖြင့်​မ​ဟုတ်​ဘဲ ယိုယွင်း​ပျက်စီး​ခြင်း​နှင့်​ကင်း​သည့်​မျိုးစေ့​တည်းဟူသော အသက်ရှင်​၍ အစဉ်​တည်မြဲ​သည့် ဘုရားသခင်​၏​နှုတ်ကပတ်တော်​အားဖြင့် အသစ်​တစ်ဖန်​မွေးဖွား​စေ​ခြင်း​ကို​ခံရ​ကြ​ပြီ။

၁ ယော 2:29

ဘုရားသခင်​သည် ဖြောင့်မတ်​တော်မူ​ကြောင်း​ကို သင်​တို့​သိ​လျှင် ဖြောင့်မတ်​ခြင်း​တရား​ကို​ကျင့်သုံး​သော​သူ​တိုင်း​သည် ဘုရားသခင်​ထံမှ​ပေါက်ဖွား​လာ​သော​သူ​ဖြစ်​ကြောင်း​ကို​လည်း သင်​တို့​သိ​ကြ​၏။

၁ ယော 3:6

ကိုယ်တော်​၌​တည်​နေ​သော​သူ​တိုင်း​သည် အပြစ်​ပြု​နေ​ခြင်း​မ​ရှိ။ အပြစ်​ပြု​နေ​သော​သူ​တိုင်း​သည် ကိုယ်တော်​ကို​မ​သိ​မ​မြင်​ဖူး​ချေ။

၁ ယော 4:7

ချစ်​ရ​သော​သူ​တို့၊ ငါ​တို့​သည် အချင်းချင်း​ချစ်​ကြ​ကုန်စို့။ အကြောင်းမူကား ချစ်​ခြင်း​မေတ္တာ​သည် ဘုရားသခင်​နှင့်​စပ်ဆိုင်​၏။ ချစ်​ခြင်း​မေတ္တာ​ရှိ​သော​သူ​တိုင်း​သည်​လည်း ဘုရားသခင်​ထံမှ​ပေါက်ဖွား​လာ​သော​သူ​ဖြစ်​ပြီး ဘုရားသခင်​ကို​သိ​၏။

၁ ယော 5:1

ယေရှု​သည် ခရစ်တော်​ဖြစ်​သည်​ဟု ယုံကြည်​သော​သူ​တိုင်း​သည် ဘုရားသခင်​ထံမှ​ပေါက်ဖွား​လာ​သော​သူ​ဖြစ်​၏။ ပေါက်ဖွား​စေ​တော်မူ​သော​အရှင်​ကို ချစ်​သော​သူ​တိုင်း​သည် ထို​အရှင်​ထံမှ​ပေါက်ဖွား​လာ​သော​သူ​ကို​လည်း​ချစ်​၏။

၁ ယော 5:18

ဘုရားသခင်​ထံမှ​ပေါက်ဖွား​လာ​သော​သူ​သည် အပြစ်​ပြု​နေ​ခြင်း​မ​ရှိ​ကြောင်း ငါ​တို့​သိ​ကြ​၏။ ဘုရားသခင်​ထံမှ​ပေါက်ဖွား​လာ​သော​အရှင်​သည် သူ့​ကို​စောင့်ရှောက်​တော်မူ​သောကြောင့် မာရ်နတ်​သည် သူ့​ကို​မ​ထိခိုက်​နိုင်။

၁ ယော 5:4

အကြောင်းမူကား ဘုရားသခင်​ထံမှ​ပေါက်ဖွား​လာ​သော​သူ​တိုင်း​သည် လောက​ကို​အောင်နိုင်​၏။ လောက​ကို​အောင်နိုင်​သော အောင်ပွဲ​မှာ ငါ​တို့​၏​ယုံကြည်​ခြင်း​ပင်​ဖြစ်​၏။

၃ ယော 1:11

ချစ်​ရ​သော​သူ၊ မကောင်း​သော​အမှု​ကို​အတု​မ​ယူ​ဘဲ ကောင်း​သော​အမှု​ကို​အတုယူ​လော့။ ကောင်း​သော​အမှု​ကို​ပြု​သော​သူ​သည် ဘုရားသခင်​နှင့်​စပ်ဆိုင်​၏။ မကောင်း​သော​အမှု​ကို​ပြု​သော​သူ​မူကား ဘုရားသခင်​ကို မ​သိ​မ​မြင်​ဖူး​ချေ။