၁ ပေ 1:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ သို့ဖြစ်၍ သင်​တို့​၏​စိတ်နှလုံး​ကို အသင့်​ပြင်ဆင်​ထား​လျက် သမ္မာသတိ​ရှိ​ကြ​လော့။ ယေရှု​ခရစ်တော်​ပေါ်ထွန်း​တော်မူ​သောအခါ သင်​တို့​ထံသို့ သက်ရောက်​လာ​မည့်​ကျေးဇူး​တော်​ကို အပြည့်အဝ​မျှော်လင့်​ကြ​လော့။

Common Language Bible

¹³ သို့​ဖြစ်​၍​သင်​တို့​နိုး​ကြား​၍ သမ္မာ​သ​တိ​ရှိ ကြ​လော့။ ယေ​ရှု​ခ​ရစ်​ကြွ​လာ​တော်​မူ​သော အ​ခါ သင်​တို့​ခံ​စား​ရ​မည့်​ကောင်း​ချီး​ကို အ​ဆုံး​တိုင်​အောင်​မျှော်​လင့်​လျက်​နေ​ကြ​လော့။-

Garrad Bible

¹³ သို့ ဖြစ်၍ စိတ် အား ယူ လျက် လုံး လုံး သ တိ ရှိ လျက် ယေ ရှု ခ ရစ် ပေါ် တော် မူ သည့် ကာ လ သင် တို့ ထံ ရောက် လာ မည့် ကျေး ဇူး တော် ကို စောင့် မျှော် လျက် နေ ကြ လော့။

Judson Bible

¹³ သို့​ဖြစ်၍၊ သင်​တို့​စိတ်​နှ​လုံး​ကို ခါး​ပန်း​စည်း၍ သ​မ္မာ​သ​တိ​ရှိ​ကြ​လော့။ ယေ​ရှု​ခ​ရစ် ပေါ်​ထွန်း​တော်​မူ​သော​အ​ခါ၊ သင်​တို့​ဆီ​သို့​ရောက်​လ​တ္တံ့​သော ဆု​ကျေး​ဇူး​ကို အ​ဆုံး​တိုင်​အောင် မျှော်​လ​င့်​ကြ​လော့။-

ခေတ်သစ်​မြန်မာ သမ္မာကျမ်း

¹³ ထို့ကြောင့် သင်တို့​၏ စိတ်နှလုံး​ကို အသင့်ပြင်​၍ တည်ကြည်​စေကြလော့။ ယေရှု​ခရစ်တော် ပြန်လည်​ကြွလာ​သောအခါ သင်တို့​ခံစားရမည့် ကျေးဇူးတော်​ကို အပြည့်အဝ​မျှော်လင့်ကြလော့။

၁ ပေ 1:13 ပူးပေါင်းရင်းမြစ်များ

၃ ရာ 18:46

ထိုစဉ် ထာဝရဘုရား​၏​လက်​တော်​သည် ဧလိယ​ထံ​သက်ရောက်​လာ​သဖြင့် သူ​သည် ခါးပန်း​ကို​စည်း​ပြီး​ပြေး​ရာ အာဟပ်​မင်းကြီး​ကို​ကျော်​၍ ယေဇရေလ​မြို့​သို့ ကြိုရောက်​နှင့်​လေ​၏​။

၄ ရာ 4:29

ထိုအခါ ဧလိရှဲ​က ဂေဟာဇိ​အား “​သင့်​ခါး​ကို​စည်း​၍ ငါ့​တောင်ဝှေး​ကို​ယူ​ပြီး ပြေးသွား​လော့​။ လမ်း​တွင် တစ်ယောက်ယောက်​နှင့်​ဆုံ​လျှင် နှုတ်​မ​ဆက်​နှင့်​။ တစ်ယောက်ယောက်​က သင့်​ကို​နှုတ်ဆက်​လျှင်လည်း ပြန်​နှုတ်​မ​ဆက်​နှင့်​။ ငါ့​တောင်ဝှေး​ကို သူငယ်​မျက်နှာ​ပေါ်တွင် တင်​ထား​လော့​”​ဟု မှာကြား​၏​။

ယောဘဝတ္တု။ 38:3

ယခု ယောက်ျား​ပီသ​စွာ ခါး​ကို​စည်းထား​လော့​။ ငါ​မေး​သော​မေးခွန်း​ကို ဖြေ​လော့​။

ယောဘဝတ္တု။ 40:7

“ယခု ယောက်ျား​ပီသ​စွာ ခါး​ကို​စည်းထား​လော့​။ ငါ​မေး​သော​မေးခွန်း​များ​ကို ဖြေ​လော့​။

ထွက်​မြောက် 12:11

သင်​တို့ အဘယ်သို့​စား​ရ​မည်နည်း​ဟူမူကား သင်​တို့​၏​ခါး​ကို​စည်း​လျက်​၊ ခြေ​၌​ဖိနပ်​ကို​စီး​လျက်​၊ လက်​ထဲ၌​တောင်ဝှေး​ကို​ကိုင်​လျက် အလျင်အမြန်​စား​ရ​မည်​။ ဤသည်ကား ထာဝရဘုရား​၏​ပသခါပွဲတော်​ဖြစ်​၏​။

ဟေ​ရှာ​ယ 11:5

ဖြောင့်မတ်​ခြင်း​သည် သူ​၏​ခါးပန်း​၊ သစ္စာတရား​သည် သူ​၏​ခါးစည်း​ဖြစ်​လိမ့်မည်​။

ယေ​ရ​မိ 1:17

“​သင်​သည် ခါး​ကို​စည်း​၍ ထ​ပြီးလျှင် သင့်​အား ငါ​မိန့်မှာ​ထား​သော​စကား​အလုံးစုံ​ကို သူ​တို့​အား ဆင့်ဆို​လော့​။ သူ​တို့​ကို မ​ကြောက်​နှင့်​။ ကြောက်​လျှင် သင့်​ကို သူ​တို့​ရှေ့​တွင် ငါ​ခြောက်လှန့်​မည်​။

မဿဲ 20:4

ထို​သူ​တို့​အား ‘သင်​တို့​လည်း စပျစ်ခြံ​သို့​သွား​ကြ​လော့။ ထိုက်သင့်​သည့်​လုပ်အားခ​ကို သင်​တို့​အား ငါ​ပေး​မည်’​ဟု ဆို​သဖြင့် သူ​တို့​သည်​သွား​ကြ​၏။

လုကာ 12:35

သင်​တို့​သည် ခါး​ကို​စည်း​လျက် ဆီမီး​တို့​ကို​ထွန်း​ထား​ကြ​လော့။

လုကာ 17:30

လူ့သား​ပေါ်ထွန်း​သော​နေ့ရက်​၌​လည်း ထိုနည်းတူ​ဖြစ်​လိမ့်မည်။

လုကာ 17:8

ထိုသို့​မ​ဆို​ဘဲ ‘ငါ့​အတွက်​စားစရာ​တစ်စုံတစ်ခု​ပြင်ဆင်​၍ ငါ​စား​သောက်​ပြီး​သည်​အထိ ခါးစည်း​လျက် ငါ​အလိုရှိ​ရာ​ကို​ဆောင်ရွက်​လော့။ ထို့နောက်မှ သင်​သည် စား​သောက်​လော့’​ဟု ဆို​မည်​မ​ဟုတ်​လော။

ရော​မ 13:13

အပျော်ကြူး​ခြင်း​နှင့်​သောက်စား​မူးယစ်​ခြင်း​တို့​၌​လည်းကောင်း၊ ကိလေသာ​ရှုပ်ထွေး​ခြင်း​နှင့်​ကာမဂုဏ်​လိုက်စား​ခြင်း​တို့​၌​လည်းကောင်း၊ ပဋိပက္ခ​ဖြစ်​ခြင်း​နှင့်​မနာလို​ခြင်း​တို့​၌​လည်းကောင်း မ​ကျင်လည်​ကြ​ဘဲ နေ့​အချိန်​၌​လျှောက်လှမ်း​သကဲ့သို့ တင့်တယ်​လျောက်ပတ်​စွာ အသက်ရှင်​လျှောက်လှမ်း​ကြ​ကုန်စို့။

ရော​မ 8:19

ဖန်ဆင်း​ခံ​လောက​သည် ဘုရားသခင့်​သား​များ​၏​ထင်ရှား​ခြင်း​ကို အလွန်​တောင့်တ​သော​စိတ်​ဖြင့် စောင့်မျှော်​လျက်​နေ​၏။

၁ ကော 1:7

ထို့ကြောင့် သင်​တို့​သည် ဆု​ကျေးဇူး​တစ်စုံတစ်ခု​မျှ လစ်ဟင်း​နေ​သည်​ဟူ၍​မ​ရှိ​ဘဲ ငါ​တို့​သခင်​ယေရှု​ခရစ်တော်​၏​ပေါ်ထွန်း​တော်မူ​ခြင်း​ကို စောင့်မျှော်​နေ​ကြ​၏။

၁ ကော 13:13

ယခု​တွင် ယုံကြည်​ခြင်း၊ မျှော်လင့်​ခြင်း​နှင့် ချစ်​ခြင်း​မေတ္တာ ဤ​သုံး​ပါး​တို့​သည် တည်​လျက်​ရှိ​၏။ ဤ​သုံး​ပါး​တို့​တွင် ချစ်​ခြင်း​မေတ္တာ​သည် အမြတ်ဆုံး​ဖြစ်​၏။

ဧ​ဖက် 6:14

သို့ဖြစ်၍ သမ္မာတရား​ဖြင့် သင်​တို့​ခါး​ကို​စည်း​လျက် ဖြောင့်မတ်​ခြင်း​ရင်အုပ်​တန်ဆာ​ကို ဝတ်ဆင်​ကာ

ကော​လော​သဲ 3:4

သင်​တို့​၏​အသက်​ဖြစ်​သော​ခရစ်တော်​ထင်ရှား​တော်မူ​သောအခါ သင်​တို့​သည်​လည်း ကိုယ်တော်​နှင့်အတူ ဘုန်း​အသရေ​၌​ထင်ရှား​ကြ​လိမ့်မည်။

၂ သက် 1:7

ဆင်းရဲ​ဒုက္ခ​ခံရ​သော​သင်​တို့​အား ငါ​တို့​နှင့်အတူ​သက်သာ​ခွင့်​ကို​လည်းကောင်း ပြန်​၍​ခံစား​စေ​မည့်​အမှု​သည် ဘုရားသခင်​ရှေ့​တော်​၌ အမှန်​ပင်​တရားမျှတ​သော​အမှု​ဖြစ်​၏။

၂ တိ 4:5

သင်​မူကား အရာရာ​၌ သမ္မာသတိ​ရှိ​လော့။ ဆင်းရဲ​ဒုက္ခ​ကို​ခံ​၍ ကောင်းမြတ်​သော​သတင်း​ဟောပြော​သူ​ပြု​ရ​မည့်​အမှု​ကို ပြု​လော့။ သင်​၏​အမှု​တော်​လုပ်ငန်း​ကို အပြည့်အဝ​ဆောင်ရွက်​လော့။

၂ တိ 4:8

ယခု​အခါ​တွင် ဖြောင့်မတ်​ခြင်း​သရဖူ​သည် ငါ့​အတွက် အသင့်​ရှိ​နေ​၏။ ထို​နေ့​၌ ဖြောင့်မတ်​သည့်​တရား​စီရင်​သူ​ဖြစ်​တော်မူ​သော သခင်​ဘုရား​သည် ထို​သရဖူ​ကို ငါ့​အား​ပေး​တော်မူ​လိမ့်မည်။ ငါ့​ကို​သာ​မ​ဟုတ်​ဘဲ ကိုယ်တော်​၏​ပေါ်ထွန်း​တော်မူ​ခြင်း​ကို လိုလား​တောင့်တ​သူ​အားလုံး​တို့​ကို​လည်း ပေး​တော်မူ​လိမ့်မည်။

ဟေ​ဗြဲ 10:35

ထို့ကြောင့် ကြီးမြတ်​သော​အကျိုးကျေးဇူး​ရှိ​သည့် သင်​တို့​၏​ယုံကြည်​စိတ်ချ​မှု​ကို မ​စွန့်လွှတ်​ကြ​နှင့်။

ဟေ​ဗြဲ 3:6

ခရစ်တော်​မူကား သား​တော်​အဖြစ် ဘုရားသခင်​၏​အိမ်​တော်​အပေါ်​သစ္စာရှိ​တော်မူ​၏။ ငါ​တို့​သည် ယုံကြည်​စိတ်ချ​ခြင်း​နှင့် မျှော်လင့်​ခြင်း​၌​ဂုဏ်ယူ​ဝါကြွား​ခြင်း​တို့​ကို စွဲကိုင်​ထား​လျှင် ဘုရားသခင်​၏​အိမ်​တော်​ဖြစ်​ကြ​၏။

ဟေ​ဗြဲ 6:19

ထို​မျှော်လင့်​ခြင်း​သည် ငါ​တို့​၏​စိတ်ဝိညာဉ်​အတွက် ခိုင်ခံ့​မြဲမြံ​သော​ကျောက်ဆူး​ကဲ့သို့ ငါ​တို့​၌​ရှိ​၍ ဗိမာန်​တော်​ကန့်လန့်ကာ​အတွင်း​ဘက်​သို့​ဝင်​ရောက်​၏။

ဟေ​ဗြဲ 9:28

ခရစ်တော်​သည်​လည်း များစွာ​သော​လူ​တို့​၏​အပြစ်​များ​ကို​ဆောင်ယူ​သွား​ရန် မိမိ​ကိုယ်​ကို​တစ်ကြိမ်တည်း​ပူဇော်​ပြီးမှ ဒုတိယ​အကြိမ်​၌​ကား အပြစ်​အတွက်​မ​ဟုတ်​ဘဲ မိမိ​ကို​စောင့်မျှော်​နေ​သော​သူ​တို့​အား ကယ်တင်​ရန်​အတွက် ပေါ်ထွန်း​တော်မူ​လိမ့်မည်။

၁ ပေ 1:10

သင်​တို့​ခံစားရ​မည့်​ကျေးဇူး​တော်​နှင့်​ပတ်သက်၍ ဟောပြော​ခဲ့​သည့်​ပရောဖက်​တို့​သည် ထို​ကယ်တင်​ခြင်း​အကြောင်း​ကို ရှာဖွေ​စူးစမ်း​ခဲ့​ကြ​၏။

၁ ပေ 3:15

သင်​တို့​၏​စိတ်နှလုံး​ထဲ၌ ခရစ်တော်​ကို အရှင်​သခင်​အဖြစ် ရိုသေလေးမြတ်​ကြ​လော့။ သင်​တို့​၌​ရှိ​သည့် မျှော်လင့်​ခြင်း​အကြောင်း​နှင့်​ပတ်သက်၍ သင်​တို့​အား မေးမြန်း​သော​သူ​အားလုံး​တို့​ကို ဖြေရှင်း​ပြောဆို​နိုင်​ရန် အမြဲတမ်း​အသင့်​ရှိ​ကြ​လော့။

၁ ပေ 4:7

ခပ်သိမ်း​သော​အရာ​တို့​၏​နောက်ဆုံး​ချိန် နီးကပ်​လာ​ပြီ​ဖြစ်၍ ဆုတောင်း​ခြင်း​အမှု​ကို​ပြု​နိုင်​ရန် တည်ငြိမ်​မှန်ကန်​သော​စိတ်​နှင့် သမ္မာသတိ​ရှိ​ကြ​လော့။

၁ ပေ 5:12

ငါ​သည် သစ္စာရှိ​သော​ညီအစ်ကို​အဖြစ် ငါ​သတ်မှတ်​သော သိလွာနု​မှတစ်ဆင့် စာ​အနည်းငယ်​ရေး​လိုက်​ခြင်း​အားဖြင့် သင်​တို့​ကို​တိုက်တွန်း​နှိုးဆော်​ကာ ဤ​အရာ​သည် ဘုရားသခင်​၏​စစ်မှန်​သော​ကျေးဇူး​တော်​ဖြစ်​ကြောင်း သက်သေခံ​၏။ သင်​တို့​သည် ဤ​ကျေးဇူး​တော်​၌ ရပ်တည်​ကြ​လော့။

၁ ပေ 5:8

သမ္မာသတိ​ရှိ​လျက် နိုးကြား​စွာ​စောင့်​နေ​ကြ​လော့။ သင်​တို့​၏​ရန်သူ​တည်းဟူသော​မာရ်နတ်​သည် ဟောက်​သော​ခြင်္သေ့​ကဲ့သို့ ဝါးမျို​ရ​မည့်​သူ​ကို လှည့်လည်​ရှာဖွေ​လျက်​ရှိ​၏။

၁ ယော 3:3

ကိုယ်တော်​၌ ဤသို့​မျှော်လင့်​ထား​သော​သူ​တိုင်း​သည် ကိုယ်တော်​သန့်ရှင်း​စင်ကြယ်​တော်မူ​သည့်​နည်းတူ မိမိကိုယ်ကို​သန့်ရှင်း​စင်ကြယ်​စေ​တတ်​၏။