၁ တိ 5:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သားသမီး​များ​ကို​ပြုစု​စောင့်ရှောက်​ခြင်း၊ ဧည့်ဝတ်​ကျေပွန်​ခြင်း၊ သန့်ရှင်း​သူ​တို့​၏​ခြေ​ကို​ဆေး​ခြင်း၊ ဆင်းရဲ​ဒုက္ခ​ခံရ​သူ​များ​ကို​ကူညီ​စောင့်ရှောက်​ခြင်း၊ ကောင်း​သော​အမှု​ရှိသမျှ​တို့​ကို​ပါဝင်​လုပ်ဆောင်​ခြင်း စသည့်​ကောင်း​သော​အမှု​များ​ကြောင့် ချီးကျူး​ခံရ​သူ​ဖြစ်​ရ​မည်။

Common Language Bible

¹⁰ ထို့​အ​ပြင်​ကောင်း​မှု​ကြောင့်​အ​သ​ရေ​ရှိ​သူ​ဖြစ် ရ​မည်။ မိ​မိ​၏​သား​သ​မီး​များ​ကို​ကောင်း​စွာ ပြု​စု​စောင့်​ရှောက်​ခဲ့​သူ၊ ဧည့်​ဝတ်​ကျေ​ပွန်​သူ၊ ဘု​ရား​သ​ခင်​၏​လူ​စု​တော်​ဝင်​တို့​ခြေ​ကို​ဆေး သူ၊ ဒုက္ခ​ရောက်​သူ​တို့​အား​ကူ​ညီ​မ​စ​သူ၊ ကောင်း မှု​အ​မျိုး​မျိုး​ကို​ကြိုး​စား​လုပ်​ဆောင်​ခဲ့​သူ ဖြစ်​ရ​မည်။

Judson Bible

¹⁰ ကောင်း​သော​အ​ကျင့်​ကို​ကျင့်၍ အ​သ​ရေ​ရှိ​သော​သူ၊ သူ​ငယ်​တို့​ကို ကျွေး​မွေး​ခြင်း၊ ဧည့်​သည်​ဝတ်​ပြု​ခြင်း၊ သန့်​ရှင်း​သူ​တို့၏​ခြေ​ကို​ဆေး​ခြင်း၊ ဆင်း​ရဲ​သော​သူ​တို့​ကို လုပ်​ကျွေး​ခြင်း၊ ကောင်း​သော​အ​မှု​ရှိ​သ​မျှ​တို့၌ ကြိုး​စား အား​ထုတ်​ခြင်း​ကို ပြု​ဖူး​သော​သူ​ဖြစ်​လျှင်၊ စာ​ရင်း​အင်း ဝင်​စေ။-

ခေတ်သစ်​မြန်မာ သမ္မာကျမ်း

¹⁰ သူ​သည် မိမိ​သားသမီးများ​ကို ပြုစု​ပျိုးထောင်ခြင်း၊ ဧည့်ဝတ်​ကို ကျေပွန်​စွာ ပြုခြင်း၊ ယုံကြည်သူများ​၏​ခြေ​ကို ဆေးခြင်း၊ ဆင်းရဲဒုက္ခ​ကြုံတွေ့နေသူများ​ကို ကူညီခြင်း၊ အမျိုးမျိုးသော​ကောင်းမှုများ​ကို အားထုတ်​လုပ်ဆောင်ခြင်း စသည့် ကောင်းမှု​ကုသိုလ်များ​ကြောင့် နာမည်ကောင်းရသူ​ဖြစ်ရမည်။

၁ တိ 5:10 ပူးပေါင်းရင်းမြစ်များ

ကမ္ဘာ​ဦး 18:4

ရေ​အနည်းငယ်​ယူ​ခဲ့​ပါရစေ​။ အရှင်​တို့​၏​ခြေ​ကို​ဆေး​ပြီး ဤ​သစ်ပင်​အောက်​၌​နား​ကြ​ပါ​။

ကမ္ဘာ​ဦး 19:2

“​အကျွန်ုပ်​၏​သခင်​တို့​၊ သခင်​တို့​၏​အစေအပါး​အိမ်​သို့​လိုက်​ခဲ့​၍ ညအိပ်နား​ကြ​ပါ​။ သခင်​တို့​၏​ခြေ​ကို​လည်း​ဆေး​နိုင်​ပါ​သည်​။ စောစောထ​ပြီးမှ​လည်း ခရီးဆက်​နိုင်​ပါ​သည်​”​ဟု ဆို​လေ​၏​။ သူ​တို့​က​လည်း “​မလိုက်​တော့​ပါ​။ ငါ​တို့​သည် ဤ​ကွင်းပြင်​၌ ညအိပ်နား​မည်​”​ဟု ဆို​ကြ​၏​။

ကမ္ဘာ​ဦး 24:32

သို့ဖြစ်၍ ထို​သူ​သည် အိမ်​သို့​လိုက်လာ​၏​။ လာဗန်​သည် ကုလားအုတ်​များ​ပေါ်မှ ဝန်​ကို​ချ​၍ ကုလားအုတ်​တို့​အတွက် ကောက်ရိုး​နှင့်​အစာ​ကို​ပေး​၏​။ ထို​သူ​နှင့် သူ့​အဖော်​တို့​၏​ခြေ​ကို​ဆေး​ရန် ရေ​ကို​လည်း​ပေး​၏​။

ကမ္ဘာ​ဦး 43:24

အိမ်ထိန်း​သည် သူ​တို့​ကို​ယောသပ်​အိမ်​ထဲသို့​ခေါ်ဆောင်​သွား​ပြီးမှ ရေ​ပေး​၍ သူ​တို့​သည် ခြေ​ဆေး​ကြ​၏​။ သူ​တို့​၏​မြည်း​များ​ကို​လည်း အစာ​ကျွေး​၏​။

ဆာ​လံ 119:4

ကိုယ်တော်​သည် တစ်သမတ်တည်း​စောင့်ထိန်း​ရ​မည့် မိမိ​၏​ဥပဒေသ​တို့​ကို ချမှတ်​ထား​တော်မူ​၏​။

ဟေ​ရှာ​ယ 1:17

ကောင်း​သော​အမှု​ကို​ပြု​ရန် သင်ယူ​ကြ​လော့​။ တရားမျှတမှု​ကို ရှာ​ကြ​လော့​။ အဖိနှိပ်​ခံရ​သူ​ကို ကူမ​ကြ​လော့​။ ဖတဆိုး​ဘက်​မှ တရားသဖြင့်စီရင်​ကြ​လော့​။ မုဆိုးမ​ဘက်​မှ ရင်ဆိုင်ဖြေရှင်း​ပေး​ကြ​လော့​”​ဟု မိန့်​တော်မူ​၏​။

ဝတ်​ပြု 25:35

သင်​၏​အမျိုးသားချင်း​တစ်​ဦး​သည် ဆင်းရဲ​သွား​၍ သင့်​အား မှီခို​နေ​ရ​လျှင် သူ့​အား တိုင်းတစ်ပါးသား​၊ သို့မဟုတ် ဧည့်သည်​ကဲ့သို့ ထောက်မ​ရ​မည်​။ သင်​နှင့်အတူ နေထိုင်​ခွင့်​ပေး​ရ​မည်​။

မဿဲ 25:17

ထိုနည်းတူ နှစ်​တာလန်​ရ​သော​သူ​သည်​လည်း နောက်ထပ် နှစ်​တာလန်​အမြတ်​ရ​လေ​၏။

မဿဲ 5:16

ထိုနည်းတူ လူ​တို့​သည် သင်​တို့​၏​ကောင်း​သော​အကျင့်​များ​ကို​မြင်​၍ ကောင်းကင်​ဘုံ​၌​ရှိ​တော်မူ​သော​သင်​တို့​အဖ​၏​ဘုန်း​တော်​ကို​ချီးမွမ်း​ကြ​မည့်​အကြောင်း သင်​တို့​၏​အလင်း​ကို သူ​တို့​ရှေ့၌​ထွန်းလင်း​စေ​ကြ​လော့။

လုကာ 7:38

ကိုယ်တော်​၏​နောက်​တွင် ခြေ​တော်​ရင်း​၌​ရပ်​လျက် ငိုကြွေး​ရင်း မိမိ​၏​မျက်ရည်​ဖြင့် ခြေ​တော်​ကို​စို​စေ​ကာ မိမိ​ဦးခေါင်း​မှ​ဆံပင်​ဖြင့် သုတ်​လေ​၏။ ထို့နောက် ကိုယ်တော်​၏​ခြေ​တို့​ကို​နမ်း​၍ ဆီမွှေး​ဖြင့်​လိမ်း​လေ​၏။

လုကာ 7:44

ထို့နောက် အမျိုးသမီး​ဘက်​သို့​လှည့်​တော်မူ​၍ ရှိမုန်​အား“ဤ​အမျိုးသမီး​ကို​မြင်​သလော။ ငါ​သည် သင်​၏​အိမ်​သို့​ဝင်​စဉ် သင်​သည် ငါ့​အတွက်​ခြေ​ဆေး​ရေ​ကို​မ​ပေး။ သို့သော် သူ​သည် မျက်ရည်​ဖြင့် ငါ့​ခြေ​ကို​စို​စေ​၍ မိမိ​ဆံပင်​ဖြင့်​သုတ်​ပေး​၏။

တမန်တော်ဝတ္ထု 10:22

သူ​တို့​က​လည်း “ဖြောင့်မတ်​၍ ဘုရားသခင်​ကို​ကြောက်ရွံ့​သော​သူ​ဖြစ်​ပြီး ဂျူး​လူမျိုး​အားလုံး​တို့​တွင် ဂုဏ်​သတင်း​ကောင်း​သော​တပ်မှူး​ကော်နေလိ​သည် သင့်​ကို မိမိ​အိမ်​သို့​ခေါ်ဖိတ်​၍ သင့်​ထံမှ တရား​စကား​ကို​နားထောင်​ရန် သန့်ရှင်း​သော​ကောင်းကင်တမန်​၏​ဗျာဒိတ်​တော်​ကို ခံရ​ပါ​သည်”​ဟု ဆို​ကြ​၏။

တမန်တော်ဝတ္ထု 22:12

ထို့နောက် ပညတ်​တရား​နှင့်အညီ ဘုရား​တရား​ကြည်ညို​သူ​ဖြစ်​ပြီး ဒမတ်စကပ်​မြို့​၌​နေထိုင်​သော ဂျူး​လူမျိုး​အားလုံး​တို့​တွင် ဂုဏ်​သတင်း​ကောင်း​သော အာနနိ​အမည်ရှိ​သူ​တစ်​ဦး​သည်

တမန်တော်ဝတ္ထု 6:3

ထို့ကြောင့် ညီအစ်ကို​တို့၊ သင်​တို့​ထဲမှ ဝိညာဉ်​တော်​နှင့်​လည်းကောင်း၊ ဉာဏ်ပညာ​နှင့်​လည်းကောင်း ပြည့်စုံ​၍ ဂုဏ်​သတင်း​ကောင်း​သော​လူ​ခုနစ်​ဦး​ကို ရှာ​ကြ​လော့။ ငါ​တို့​သည် ထို​သူ​တို့​ကို ဤ​တာဝန်​အတွက်​ခန့်ထား​မည်။

တမန်တော်ဝတ္ထု 9:36

ယုပ္ပေ​မြို့​တွင် ဒေါ်ကာ​ဟု အဓိပ္ပာယ်​ရ​သည့် တဗိသ​အမည်​ရှိ​သော တပည့်​တော်​မ​တစ်​ဦး​ရှိ​၏။ သူ​သည် ကောင်း​သော​အမှု၊ ပေးကမ်း​စွန့်ကြဲ​ခြင်း​အမှု​တို့​နှင့် ပြည့်စုံ​၏။

တမန်တော်ဝတ္ထု 9:39

ထို့ကြောင့် ပေတရု​သည် ထ​၍ သူ​တို့​နှင့်အတူ​လိုက်သွား​လေ​၏။ ပေတရု​ရောက်လာ​သောအခါ လူ​တို့​သည် သူ့​ကို အထက်ခန်း​သို့ ခေါ်ဆောင်​သွား​ကြ​၏။ မုဆိုးမ​အားလုံး​တို့​သည် ပေတရု​အနီး​၌​ရပ်​လျက် ငိုကြွေး​ကာ သူ​တို့​နှင့်အတူ ဒေါ်ကာ​ရှိ​စဉ်​က ချုပ်လုပ်​ခဲ့​သော​အင်္ကျီ​နှင့်​ဝတ်ရုံ​များ​ကို ပြ​ကြ​၏။

ရော​မ 12:13

သန့်ရှင်း​သူ​တို့​၏​လိုအပ်​ချက်​များ​ကို ပါဝင်​ဖြည့်ဆည်း​လျက် ဧည့်ဝတ်​ကို ကြိုးစား​ပြု​ကြ​လော့။

ဧ​ဖက် 2:10

အကြောင်းမူကား ငါ​တို့​သည် ကောင်း​သော​အမှု​များ​ကို​ပြု​ရန် ခရစ်တော်​ယေရှု​၌​ဖန်ဆင်း​ခြင်း​ခံရ​သော ဘုရားသခင်​၏​လက်ရာ​တော်​ဖြစ်​ကြ​၏။ ထို​ကောင်း​သော​အမှု​များ​၌ ငါ​တို့​အသက်ရှင်​လျှောက်လှမ်း​ကြ​ရန် ဘုရားသခင်​သည် ထို​အမှု​များ​ကို ကြိုတင်​ပြင်ဆင်​ထား​တော်မူ​၏။

ကော​လော​သဲ 1:10

ကောင်း​သော​အမှု​အမျိုးမျိုး​တည်းဟူသော အသီး​ကို​သီး​ကာ ဘုရားသခင်​ကို​သိ​သော​ဉာဏ်​၌​ကြီးထွား​သဖြင့် အရာရာ​၌ သခင်​ဘုရား​ကို​နှစ်သက်​စေ​၍ ကိုယ်တော်​နှင့်​ထိုက်တန်​စွာ အသက်ရှင်​လျှောက်လှမ်း​နိုင်​မည့်​အကြောင်း တောင်းလျှောက်​ကြ​၏။

၁ တိ 2:10

ဘုရားသခင်​အား​ကြည်ညို​လေးမြတ်​ခြင်း​ရှိ​မည်​ဟု ကတိ​ပြု​သော​အမျိုးသမီး​များ​နှင့်​သင့်လျော်​သည့်​အရာ​တည်းဟူသော ကောင်း​သော​အမှု​များ​ဖြင့် မိမိ​ကိုယ်​ကို​ဆင်ယင်​ကြ​ရန် ငါ​အလိုရှိ​၏။

၁ တိ 3:2

ထို့ကြောင့် ကြီးကြပ်​သူ​သည် အပြစ်တင်​စရာ​မ​ရှိ​သော​သူ၊ မယား​တစ်ဦးတည်း​ရှိ​သော​သူ၊ သမ္မာသတိ​ရှိ​သော​သူ၊ ဣန္ဒြေ​စောင့်​သော​သူ၊ လျောက်ပတ်​စွာ​ပြုမူ​သော​သူ၊ ဧည့်ဝတ်​ကျေပွန်​သော​သူ၊ သင်ကြား​ပေး​နိုင်စွမ်း​ရှိ​သော​သူ​ဖြစ်​ရ​မည်။

၁ တိ 3:7

ထိုမျှမက ကဲ့ရဲ့​ပြစ်တင်​ခြင်း​ခံရ​လျက် မာရ်နတ်​၏​ကျော့ကွင်း​ထဲသို့ မ​ကျရောက်​စေရန် အသင်းတော်​ပြင်ပ​၌ ဂုဏ်​သတင်း​ကောင်း​သော​သူ​လည်း​ဖြစ်​ရ​မည်။

၁ တိ 5:16

ယုံကြည်​သူ​အမျိုးသမီး​တစ်စုံတစ်ဦး​၌ ဆွေမျိုး​တော်စပ်​သည့်​မုဆိုးမ​များ​ရှိ​လျှင် အသင်းတော်​အတွက် ဝန်ထုပ်ဝန်ပိုး​မ​ဖြစ်​စေ​ဘဲ ထို​မုဆိုးမ​တို့​ကို သူ​ကိုယ်တိုင်​ကူညီ​စောင့်ရှောက်​ပါစေ။ သို့ပြုလျှင် အသင်းတော်​သည် အမှန်တကယ်​အကူအညီ​လိုအပ်​သည့်​မုဆိုးမ​များ​ကို ကူညီ​စောင့်ရှောက်​နိုင်​လိမ့်မည်။

၁ တိ 5:25

ထိုနည်းတူ ကောင်း​သော​အမှု​များ​သည်​လည်း သိသာ​ထင်ရှား​တတ်​၏။ ထိုသို့​မ​ထင်ရှား​ခဲ့​လျှင်​ပင် ဖုံးကွယ်​ထား​၍​မ​ရ​နိုင်​ပေ။

၁ တိ 6:18

ကောင်း​သော​အမှု​ကို​ပြု​လျက် ကောင်း​သော​အကျင့်​များ​ဖြင့်​ကြွယ်ဝ​ကာ ရက်ရော​စွာ​ဝေမျှ​ပေးကမ်း​တတ်​သော​သူ​များ​ဖြစ်​ကြ​၍

၂ တိ 1:5

သင်​၌​ရှိ​သည့် ဟန်ဆောင်​မှု​ကင်း​သော​ယုံကြည်​ခြင်း​ကို​လည်း ငါ​သတိရ​၏။ ထို​ယုံကြည်​ခြင်း​သည် သင်​၏​အဖွား​လောဣ​နှင့် သင်​၏​မိခင်​ဥနိတ်​တို့​၌ ဦးစွာ​တည်ရှိ​၍ ယခု သင်​၌​လည်း တည်ရှိ​သည်​ဟု ငါ​ယုံကြည်​စိတ်ချ​၏။

၂ တိ 2:21

သို့ဖြစ်၍ မည်သူမဆို အထက်​ဖော်ပြ​ပါ မကောင်း​သော​အရာ​များ​မှ မိမိကိုယ်ကို​စင်ကြယ်​စေ​လျှင် သူ​သည် အသရေ​ရှိ​သော​အရာ​အတွက် သုံး​ရန်​အိုးခွက်​တည်းဟူသော သန့်ရှင်း​စေ​ခြင်း​ခံရ​၍ သခင်​အတွက် အသုံးဝင်​သော​အိုးခွက်၊ ကောင်း​သော​အမှု​အားလုံး​အတွက် ပြင်ဆင်​ခြင်း​ခံရ​သော​အိုးခွက်​ဖြစ်​ရ​လိမ့်မည်။

၂ တိ 3:15

ခရစ်တော်​ယေရှု​ကို​ယုံကြည်​ခြင်း​အားဖြင့် ကယ်တင်​ခြင်း​သို့​ရောက်​စေ​သည့်​ဉာဏ်ပညာ​ကို သင့်​အား​ပေး​နိုင်​သော​သမ္မာ​ကျမ်းစာ​နှင့် သင်​သည်​ငယ်ရွယ်​စဉ်​ကပင် ရင်းနှီး​ကျွမ်းဝင်​ခဲ့​သည်​ကို​လည်းကောင်း သင်​သိ​၏။

၂ တိ 3:17

ဤသည်ကား ဘုရားသခင်​၏​လူ​သည် ကောင်း​သော​အမှု​အမျိုးမျိုး​အတွက် အသင့်​ပြင်ဆင်​ခြင်း​ခံရ​လျက် ပြည့်ဝ​စုံလင်​သော​သူ​ဖြစ်​မည့်​အကြောင်း​တည်း။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

တိ​တု 2:7

အရာရာ​၌ ကောင်း​သော​လုပ်ဆောင်မှု​၏​စံနမူနာ​ကို သင်​ကိုယ်တိုင်​ပြသ​လော့။ ဩဝါဒ​ပေး​ရာ​တွင် သမာဓိ​နှင့်​တည်ကြည်​လေးနက်​ခြင်း​ရှိ​လျက်

တိ​တု 3:1

အုပ်ချုပ်​သူ​များ​နှင့်​အာဏာပိုင်​များ​ကို နာခံ​လျက် ထို​သူ​တို့​၏​စကား​ကို​နားထောင်​ရန်​လည်းကောင်း၊ ကောင်း​သော​အမှု​ရှိသမျှ​တို့​အတွက် အသင့်​ရှိ​ရန်​လည်းကောင်း၊

တိ​တု 3:14

ငါ​တို့​၏​လူ​များ​သည်​လည်း အသီး​မ​သီး​သော​သူ​မ​ဖြစ်​မည့်​အကြောင်း အရေးတကြီး​လိုအပ်​သော​အရာ​များ​အတွက် ကောင်း​သော​အမှု​တို့​ကို ပါဝင်​လုပ်ဆောင်​ရန် သင်ယူ​ကြ​ရ​မည်။

တိ​တု 3:8

ဤ​စကား​သည် သစ္စာ​စကား​ဖြစ်​၏။ ဘုရားသခင်​ကို​ယုံကြည်​သော​သူ​တို့​သည် ကောင်း​သော​အမှု​တို့​ကို​ပါဝင်​လုပ်ဆောင်​ရန် အမြဲ​ဂရုစိုက်​ကြ​မည့်​အကြောင်း ငါ​သည် သင့်​အား ဤ​အရာ​များ​အတွက် အခိုင်အမာ​ရပ်တည်​စေ​လို​၏။ ဤ​အရာ​များ​သည် ကောင်းမြတ်​၍ လူ​တို့​အတွက်​အကျိုး​ရှိ​၏။

ဟေ​ဗြဲ 10:24

ထို့ပြင် မေတ္တာ​ထား​ရန်​နှင့် ကောင်း​သော​အမှု​ကို​ပြု​ရန် အချင်းချင်း​မည်ကဲ့သို့​တိုက်တွန်း​နှိုးဆော်​ရ​မည်​ကို ဆင်ခြင်​ကြ​ကုန်စို့။

ဟေ​ဗြဲ 13:2

ဧည့်ဝတ်​ပြု​ခြင်း​ကို မ​မေ့လျော့​ကြ​နှင့်။ အကြောင်းမူကား အချို့​တို့​သည် ထို​ဝတ်​ကို​ပြု​ခြင်း​အားဖြင့် ကောင်းကင်​တမန်​များ​ကို အမှတ်မထင်​ဧည့်ခံ​ခဲ့​ကြ​၏။

ဟေ​ဗြဲ 13:21

ရှေ့​တော်​၌​နှစ်သက်​ဖွယ်​သော​အမှု​ကို ယေရှု​ခရစ်တော်​အားဖြင့် ငါ​တို့​တွင်​ပြု​တော်မူ​၍ ကိုယ်တော်​၏​အလို​တော်​ကို သင်​တို့​ဆောင်ရွက်​နိုင်​ရန် ကောင်း​သော​အမှု​အမျိုးမျိုး​တို့​ဖြင့် သင်​တို့​ကို​ပြည့်စုံ​စေ​တော်မူ​ပါစေသော။ ထို​သခင်​၌ ကမ္ဘာ​အဆက်ဆက်​ဘုန်း​အသရေ​တော်​ရှိ​ပါစေသော။ အာမင်။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

၁ ပေ 4:9

ညည်းညူ​ခြင်း​မ​ရှိ​ဘဲ အချင်းချင်း​ဧည့်ဝတ်​ကျေပွန်​ကြ​လော့။

၃ ယော 1:12

ဒေမေတရိ​အကြောင်း​ကို လူ​အပေါင်း​တို့​မှစ၍ သမ္မာတရား​ကိုယ်တိုင်​က သက်သေခံ​၏။ ငါ​တို့​သည်​လည်း သက်သေခံ​ကြ​၏။ ငါ​တို့​၏​သက်သေခံ​ချက်​သည် မှန်ကန်​ကြောင်း​ကို​လည်း သင်​သိ​၏။