၁ တိ 3:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သူ​သည် ယုံကြည်​ခါစ​လူ​မ​ဖြစ်​ရ။ သို့မဟုတ်လျှင် ဘဝင်မြင့်​လျက် မာရ်နတ်​နှင့်​တူညီ​သော​ပြစ်ဒဏ်​စီရင်​ခြင်း​ထဲသို့ ကျရောက်​မည်​ဟု စိုးရိမ်​စရာ​ရှိ​၏။

Common Language Bible

⁶ သူ​သည်​မ​ကြာ​မီ​က​မှ​ခ​ရစ်​ယာန်​ဘာ​သာ သို့​ကူး​ပြောင်း​လာ​သူ​မ​ဖြစ်​စေ​ရ။ သို့​မှ​သာ သူ​သည်​မိ​မိ​ကိုယ်​ကို​အ​ထင်​ကြီး​လာ​သ​ဖြင့် မာရ်​နတ်​နည်း​တူ​အ​ပြစ်​ဒဏ်​စီ​ရင်​ခြင်း​ခံ​ရ မည်​မ​ဟုတ်။-

Garrad Bible

⁶ ၎င်း ပြင် မာ န ကြီး သ ဖြင့် မာရ် နတ် ခံ ရ သော ပြစ် ဒဏ် ကို ခံ ရ မည် စိုး၍ ခ ရစ် ယာန် သစ် မ ဟုတ် စေ ရ။

Judson Bible

⁶ မာ​န​နှင့်​ယစ်​မူး​လျက်၊ မာရ်​နတ်၏ အ​ပြစ်​ရောက်​မည်​ဟု စိုး​ရိမ်​စ​ရာ​ရှိ၍၊ ဘာ​သာ​ဝင်​လူ​သစ် မ​ဖြစ်​ရ။-

ခေတ်သစ်​မြန်မာ သမ္မာကျမ်း

⁶ သူ​သည် ယေရှု​ကို ယုံကြည်​ခါစ​လူ မဖြစ်ရ။ ထိုသို့​မဟုတ်​ပါက သူ​သည် ဘဝင်မြင့်​လျက် မာရ်နတ်​ခံရသည့်​ပြစ်ဒဏ်​အတိုင်း ခံရ​လိမ့်မည်။

၁ တိ 3:6 ပူးပေါင်းရင်းမြစ်များ

၄ ရာ 14:10

သင်​သည် ဧဒုံ​ပြည်​ကို တိုက်ခိုက်ချေမှုန်း​နိုင်​ခဲ့​သဖြင့် ဘဝင်မြင့်​လှ​၏​။ နန်းတော်​တွင်​သာ ကိုယ့်ကိုယ်ကိုယ်​ဂုဏ်ယူ​နေ​ပါ​လော့​။ အဘယ်ကြောင့် ပြဿနာ​ရှာ​ပြီး ယုဒ​ပြည်​ကို သင်​နှင့်အတူ ကျရှုံး​စေ​လို​သနည်း​”​ဟု ပြန်လည်​ပြောကြား​လိုက်​၏​။

၂ ရာ​ချုပ် 26:16

သူ​သည် ထိုသို့​အင်အားကြီး​လာ​သည်​နှင့်အမျှ ပျက်စီး​ခြင်း​သို့​ရောက်​သည်​အထိ​ဘဝင်မြင့်​လာ​၏​။ သူ​သည် သူ​၏​ဘုရားသခင်​ထာဝရဘုရား​အပေါ် သစ္စာမဲ့​လာ​၏​။ နံ့သာပေါင်း​ပူဇော်​ရာ​ယဇ်ပလ္လင်​ပေါ်၌ နံ့သာပေါင်း​ကို မီးရှို့ပူဇော်​ရန် ထာဝရဘုရား​၏​ဗိမာန်​တော်​သို့​ဝင်​၏​။

၂ ရာ​ချုပ် 32:25

သို့သော် ဟေဇကိ​မင်းကြီး​သည် ခံစား​ရ​သော​ကျေးဇူး​တော်​အတိုင်း မ​တုံ့ပြန်​ဘဲ ဘဝင်မြင့်​လာ​၏​။ ထို့ကြောင့် အမျက်​တော်​သည် သူ့​အပေါ်​သာမက ယုဒ​ပြည်သူ​ဂျေရုဆလင်​မြို့သား​တို့​အပေါ်​သို့ ကျရောက်​လေ​၏​။

သုတ္တံကျမ်း။ 18:12

ပျက်စီး​ခြင်း​၏​ရှေ့ပြေး​သည် လူ​၏​ဘဝင်မြင့်​ခြင်း​ဖြစ်​၏​။ ဂုဏ်သရေ​၏​ရှေ့ပြေး​ကား စိတ်နှိမ့်ချ​ခြင်း​ဖြစ်​၏​။

သုတ္တံကျမ်း။ 29:23

လူ​၏​မာန်မာန​သည် သူ့​ကို​နိမ့်ကျ​စေ​တတ်​၏​။ စိတ်နှိမ့်ချ​သော​သူ​မူကား ဂုဏ်သရေ​ကို​ရ​လိမ့်မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဒံ​ယေ​လ 11:12

တောင်​ဘုရင်​သည် ထို​စစ်သည်​အလုံးအရင်း​ကို သိမ်းသွား​နိုင်​သဖြင့် ဘဝင်မြင့်​လာ​လိမ့်မည်​။ သူ​သည် လူ​ထောင်ပေါင်း​များစွာ​ကို ချေမှုန်း​နိုင်​သော်လည်း သူ့​အာဏာ​တည်​လိမ့်မည်​မ​ဟုတ်​။

လုကာ 10:18

ကိုယ်တော်​က​လည်း“စာတန်​သည် လျှပ်စီးလက်​သကဲ့သို့ မိုး​ကောင်းကင်​မှ​ကျ​သည်​ကို ငါ​မြင်​ရ​၏။

၁ ကော 3:1

သို့သော် ညီအစ်ကို​တို့၊ ငါ​သည် သင်​တို့​ကို ဝိညာဉ်​သဘော​ရှိ​သော​သူ​များ​ကဲ့သို့ ဟောပြော​၍​မ​ရ​ဘဲ သွေးသား​ဇာတိ​၌​ရှိ​သော​သူ​များ​ကဲ့သို့​လည်းကောင်း၊ ခရစ်တော်​၌ ကလေး​သူငယ်​များ​ကဲ့သို့​လည်းကောင်း ဟောပြော​ရ​၏။

၁ ကော 8:1

ရုပ်တု​အား​ပူဇော်​ထား​သော​အရာ​များ​နှင့်​ပတ်သက်၍ ငါ​တို့​အားလုံး​၌ အသိပညာ​ရှိ​ကြောင်း​ကို ငါ​တို့​သိ​ကြ​၏။ သို့သော် အသိပညာ​သည် ထောင်လွှား​စေ​တတ်​၏။ ချစ်​ခြင်း​မေတ္တာ​မူကား တည်ဆောက်​မြှင့်တင်​ပေး​တတ်​၏။

၂ ကော 12:7

ငါ​ခံရ​သော​ဗျာဒိတ်​တော်​သည် အလွန်​ထူးမြတ်​သောကြောင့် ငါ​မ​ထောင်လွှား​စေရန် ငါ​၏​ကိုယ်ကာယ​ထဲ၌ ဆူး​တစ်​ခု​ကို​ပေး​၏။ ၎င်း​မှာ ငါ​မ​ထောင်လွှား​စေရန် ငါ့​ကို​ထိုးနှက်​သည့် စာတန်​၏​စေတမန်​ဖြစ်​၏။

တ​ရား​ဟော 17:20

ထိုသို့​ပြု​လျှင် မိမိ​ညီအစ်ကို​တို့​အပေါ် မာနထောင်လွှား​သော​စိတ်​ရှိ​မည်​မ​ဟုတ်​၊ ပညတ်တရားလမ်း​မှ လက်ယာ​ဘက်​လက်ဝဲ​ဘက်​သို့​လမ်းလွဲ​မည်​မ​ဟုတ်​၊ သူ​နှင့်​သူ​၏​သားမြေး​တို့​သည်​လည်း အစ္စရေး​လူမျိုး​တို့​အလယ်​၌ တိုင်းပြည်​ကို ကာလ​ကြာရှည်​စွာ အုပ်စိုး​ရ​လိမ့်မည်​။

တ​ရား​ဟော 8:14

သင်​သည် မာနထောင်လွှား​၍ ကျွန်ခံရာ​အိမ်​အီဂျစ်​ပြည်​မှ သင့်​ကို​ထုတ်ဆောင်​တော်မူ​ခဲ့​သော​အရှင်​၊

၁ တိ 3:7

ထိုမျှမက ကဲ့ရဲ့​ပြစ်တင်​ခြင်း​ခံရ​လျက် မာရ်နတ်​၏​ကျော့ကွင်း​ထဲသို့ မ​ကျရောက်​စေရန် အသင်းတော်​ပြင်ပ​၌ ဂုဏ်​သတင်း​ကောင်း​သော​သူ​လည်း​ဖြစ်​ရ​မည်။

၁ တိ 6:4

ထို​သူ​သည် ဘဝင်မြင့်​၍ မည်သည့်​အရာ​ကို​မျှ​မ​သိ​ဘဲ အငြင်းပွား​မှု​နှင့် စကားလုံး​အသုံးအနှုန်း​အပေါ်​ငြင်းခုံ​ခြင်း​တို့​၌​သာ စွဲလမ်း​နေ​သူ​ဖြစ်​၏။ ထို​အရာ​များ​ကြောင့် မလိုမုန်းထား​ခြင်း၊ ပဋိပက္ခ​ဖြစ်​ခြင်း၊ စော်ကား​ပြောဆို​ခြင်း​နှင့် ဆိုးညစ်​သော​သံသယ​စိတ်​ရှိ​ခြင်း​စသည်​တို့​ဖြစ်ပေါ်​လာ​တတ်​၏။

၂ တိ 3:4

သစ္စာဖောက်​သော​သူ၊ မဆင်မခြင်​ပြု​သော​သူ၊ မောက်မာ​သော​သူ၊ ဘုရားသခင်​ကို​နှစ်သက်​သည်​ထက် ကာမဂုဏ်​ခံစား​ခြင်း​ကို သာ၍​နှစ်သက်​သော​သူ၊

၁ ပေ 2:2

သခင်​ဘုရား​သည် ကျေးဇူးပြု​တော်မူ​ကြောင်း သင်​တို့​မြည်းစမ်း​ကြ​ပြီ​ဖြစ်၍ ဝိညာဉ်ရေး​ဆိုင်ရာ​နို့ရည်​အစစ်​အားဖြင့် ကယ်တင်​ခြင်း​၌​ကြီးထွား​ရန် မွေးကင်းစ​ကလေးငယ်​များ​ကဲ့သို့ ထို​နို့ရည်​ကို​တောင့်တ​ကြ​လော့။

၁ ပေ 5:5

ထိုနည်းတူ ငယ်ရွယ်​သော​သူ​တို့၊ အသင်းတော်​အကြီးအကဲ​များ​ကို နာခံ​ကြ​လော့။ သင်​တို့​အားလုံး တစ်ယောက်​အောက်​တစ်ယောက် နှိမ့်ချ​ခြင်း​တန်ဆာ​ကို ဆင်ယင်​ကြ​လော့။ အဘယ်ကြောင့်​ဆိုသော် ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏။

၂ ပေ 2:4

အကြောင်းမူကား ဘုရားသခင်​သည် အပြစ်​ပြု​သည့်​ကောင်းကင်​တမန်​များ​ကို ညှာတာ​တော်​မ​မူ​ဘဲ အဝီစိ​ငရဲ​ထဲသို့ ပစ်ချ​၍ မှောင်မည်း​ခြင်း​၏​သံကြိုး​ဖြင့် ချည်နှောင်​ကာ တရား​စီရင်​ခြင်း​အတွက် ထိန်းသိမ်း​ထား​တော်မူ​၏။

ယု​ဒ 1:6

ထို့ပြင် မိမိ​တို့​၏​မူလ​အခွင့်အာဏာ​ကို​မ​ထိန်းသိမ်း​ဘဲ မိမိ​တို့​စံ​ရာ​အရပ်​ကို စွန့်ခွာ​သွား​ကြ​သည့် ကောင်းကင်​တမန်​များ​အား တရား​စီရင်​တော်မူ​ရာ​နေ့​ကြီး​အတွက် ထာဝရ​အချုပ်အနှောင်​အားဖြင့် မှောင်မည်း​ခြင်း​အောက်၌ ထိန်းသိမ်း​ထား​တော်မူ​၏။