၁ တိ 2:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဘုရားသခင်​အား​ကြည်ညို​လေးမြတ်​ခြင်း​ရှိ​မည်​ဟု ကတိ​ပြု​သော​အမျိုးသမီး​များ​နှင့်​သင့်လျော်​သည့်​အရာ​တည်းဟူသော ကောင်း​သော​အမှု​များ​ဖြင့် မိမိ​ကိုယ်​ကို​ဆင်ယင်​ကြ​ရန် ငါ​အလိုရှိ​၏။

Common Language Bible

¹⁰ သူ​တို့​သည်​ဘု​ရား​ဝတ်​၌​မွေ့​လျော်​သူ​များ ပြု​သင့်​သည့်​အ​တိုင်း ကောင်း​မြတ်​သော​အ​ကျင့် များ​ဖြင့်​မိ​မိ​တို့​ကိုယ်​ကို​တန်​ဆာ​ဆင်​ကြ ရ​၏။-

Garrad Bible

¹⁰ ဘု ရား ကြည် ညို သည် ဟု ဝန် ခံ သော မိန်း မ တို့ ဆင် သင့် သည့် ကောင်း မှု များ ကို ဆင် ယင် ကြ စေ ရန် ငါ အ လို ရှိ၏။

Judson Bible

¹⁰ ဘု​ရား​သ​ခင်​အား ရို​သေ​လေး​မြတ်​ခြင်း​ကို ဝန်​ခံ​ပြု​စု​သော မိန်း​မ​ဆင်​သင့်​သည်​အ​တိုင်း ကောင်း​သော အ​ကျင့်​နှင့်​လည်း​ကောင်း၊ ကိုယ်​ကို တန်​ဆာ​ဆင်​စေ​ခြင်း​ငှာ ငါ​အ​လို​ရှိ၏။-

ခေတ်သစ်​မြန်မာ သမ္မာကျမ်း

¹⁰ ဘုရားသခင်​ကို ဆည်းကပ်​ကိုးကွယ်သည်​ဟု ဝန်ခံ​ပြောဆိုသော အမျိုးသမီးများ ပြုမူသင့်သည့်​အတိုင်း ကောင်းမှုများ ပြုကြရမည်။

၁ တိ 2:10 ပူးပေါင်းရင်းမြစ်များ

သုတ္တံကျမ်း။ 31:25

အစွမ်းသတ္တိ​နှင့်​ခန့်ညားထည်ဝါမှု​သည် သူ​၏​အဝတ်တန်ဆာ​ဖြစ်၍ သူ​သည် လာ​မည့်​နေ့ရက်​များ​အတွက် ရယ်မော​နိုင်​၏​။

သုတ္တံကျမ်း။ 31:31

ထိုသို့သော​မိန်းမ​အား သူ့​လက်​ဖြင့် လုပ်ကိုင်​ရရှိ​သော​အကျိုးအမြတ်​ကို​ပေး​လော့​။ သူ​ပြု​သော​အမှု​အတွက် မြို့​တံခါး​တို့​၌ သူ့​ကို​ချီးမွမ်း​ကြ​ပါစေ​။

တမန်တော်ဝတ္ထု 9:36

ယုပ္ပေ​မြို့​တွင် ဒေါ်ကာ​ဟု အဓိပ္ပာယ်​ရ​သည့် တဗိသ​အမည်​ရှိ​သော တပည့်​တော်​မ​တစ်​ဦး​ရှိ​၏။ သူ​သည် ကောင်း​သော​အမှု၊ ပေးကမ်း​စွန့်ကြဲ​ခြင်း​အမှု​တို့​နှင့် ပြည့်စုံ​၏။

တမန်တော်ဝတ္ထု 9:39

ထို့ကြောင့် ပေတရု​သည် ထ​၍ သူ​တို့​နှင့်အတူ​လိုက်သွား​လေ​၏။ ပေတရု​ရောက်လာ​သောအခါ လူ​တို့​သည် သူ့​ကို အထက်ခန်း​သို့ ခေါ်ဆောင်​သွား​ကြ​၏။ မုဆိုးမ​အားလုံး​တို့​သည် ပေတရု​အနီး​၌​ရပ်​လျက် ငိုကြွေး​ကာ သူ​တို့​နှင့်အတူ ဒေါ်ကာ​ရှိ​စဉ်​က ချုပ်လုပ်​ခဲ့​သော​အင်္ကျီ​နှင့်​ဝတ်ရုံ​များ​ကို ပြ​ကြ​၏။

ဧ​ဖက် 2:10

အကြောင်းမူကား ငါ​တို့​သည် ကောင်း​သော​အမှု​များ​ကို​ပြု​ရန် ခရစ်တော်​ယေရှု​၌​ဖန်ဆင်း​ခြင်း​ခံရ​သော ဘုရားသခင်​၏​လက်ရာ​တော်​ဖြစ်​ကြ​၏။ ထို​ကောင်း​သော​အမှု​များ​၌ ငါ​တို့​အသက်ရှင်​လျှောက်လှမ်း​ကြ​ရန် ဘုရားသခင်​သည် ထို​အမှု​များ​ကို ကြိုတင်​ပြင်ဆင်​ထား​တော်မူ​၏။

၁ တိ 2:11

အမျိုးသမီး​သည် အရာရာ​၌​နာခံ​ခြင်း​ရှိ​၍ တိတ်ဆိတ်​စွာ​သင်ယူ​ပါစေ။

၁ တိ 2:9

ထိုနည်းတူ အမျိုးသမီး​တို့​သည်​လည်း သင့်တင့်​လျောက်ပတ်​စွာ ဝတ်စား​ဆင်ယင်​လျက် ဣန္ဒြေ​စောင့်​ခြင်း​နှင့်​ယဉ်ကျေး​သိမ်မွေ့​ခြင်း​တို့​ဖြင့် မိမိတို့ကိုယ်ကို​ဆင်ယင်​ကြ​၍ ကျစ်​သော​ဆံပင်​နှင့် ရွှေ၊ ပုလဲ၊ တန်ဖိုးကြီး​သော​အဝတ်အစား​စသည်​တို့​ဖြင့် မ​ဟုတ်​ဘဲ

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

တိ​တု 3:8

ဤ​စကား​သည် သစ္စာ​စကား​ဖြစ်​၏။ ဘုရားသခင်​ကို​ယုံကြည်​သော​သူ​တို့​သည် ကောင်း​သော​အမှု​တို့​ကို​ပါဝင်​လုပ်ဆောင်​ရန် အမြဲ​ဂရုစိုက်​ကြ​မည့်​အကြောင်း ငါ​သည် သင့်​အား ဤ​အရာ​များ​အတွက် အခိုင်အမာ​ရပ်တည်​စေ​လို​၏။ ဤ​အရာ​များ​သည် ကောင်းမြတ်​၍ လူ​တို့​အတွက်​အကျိုး​ရှိ​၏။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

၂ ပေ 3:11

ဤ​အရာ​အားလုံး​တို့​သည် ထိုသို့​ပျက်သုဉ်း​သွား​မည်​ဖြစ်​သောကြောင့် သင်​တို့​သည် မည်သို့​သော​သူ​များ​ဖြစ်​သင့်​သနည်း။ သင်​တို့​သည် သန့်ရှင်း​စွာ​အသက်ရှင်​နေထိုင်​လျက် ဘုရား​ဝတ်​၌​မွေ့လျော်​ခြင်း​အားဖြင့်

ဗျာ​ဒိတ် 2:19

သင်​၏​လုပ်ဆောင်​မှု​များ​မှစ၍ သင်​၏​ချစ်​ခြင်း၊ ယုံကြည်​ခြင်း၊ အမှု​တော်​ဆောင်​ခြင်း​နှင့် သည်းခံ​ခြင်း​တို့​ကို ငါ​သိ​၏။ သင်​၏​နောက်ပိုင်း​လုပ်ဆောင်​မှု​များ​သည် ကနဦး​လုပ်ဆောင်​မှု​များ​ထက် သာလွန်​ကြောင်း​ကို​လည်း ငါ​သိ​၏။