၁ ကော 9:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ငါ​သည် ကောင်းမြတ်​သော​သတင်း​ကို​ဟောပြော​လျှင်​လည်း ငါ့​အတွက် ဂုဏ်ယူ​ဝါကြွား​စရာ​အကြောင်း​မ​ရှိ။ အဘယ်ကြောင့်​ဆိုသော် ငါ​၌​မဖြစ်မနေ​ဟောပြော​ရ​မည့်​တာဝန်​ရှိ​၏။ ကောင်းမြတ်​သော​သတင်း​ကို ငါ​မ​ဟောပြော​ဘဲ​နေ​လျှင် ငါ့​အတွက် အမင်္ဂလာ​ဖြစ်​၏။

Common Language Bible

¹⁶ ငါ​၏​ဝါ​ကြွား​မှု​ကို​အ​ချည်း​နှီး​ဖြစ်​စေ​ရန် ပြု​လုပ်​ခွင့်​ကို​မည်​သူ​အား​မျှ​ပေး​လိမ့်​မည် မ​ဟုတ်။ သ​တင်း​ကောင်း​ကို​ကြေ​ညာ​ရ​သည့် အ​တွက် ငါ့​မှာ​ဝါ​ကြွား​နိုင်​ခွင့်​မ​ရှိ။ ငါ​သည် အ​မိန့်​တော်​အ​ရ​ကြေ​ညာ​ခြင်း​ဖြစ်​သည်။ အ​ကယ်​၍​ထို​သ​တင်း​ကောင်း​ကို​မ​ကြေ ညာ​လျှင် ငါ​သည်​အ​ဘယ်​မျှ​အ​မင်္ဂ​လာ ရှိ​လိမ့်​မည်​နည်း။-

Garrad Bible

¹⁶ သ တင်း တော် မြတ် ကို ငါ ကြား ပြော သော် လည်း ဂုဏ် ရောက် ခွင့် မ ရှိ သေး။ တာ ဝန် ခံ ရ သည့် အ လျောက် မ ကြား မ ပြော ဘဲ နေ လျှင် အ မင်္ဂ လာ ရှိ ၏။

Judson Bible

¹⁶ ငါ​သည် ဧ​ဝံ​ဂေ​လိ​တ​ရား​ကို ဟော​ရုံ​ပြု​လျှင် ဝါ​ကြွား​ခြင်း အ​ကြောင်း​မ​ရှိ​သေး။ အ​ဘယ်​ကြောင့်​နည်း​ဟူ​မူ​ကား၊ မ​ဟော​ဘဲ​မ​နေ​နိုင်။ မ​ဟော​ဘဲ​နေ​လျှင် အ​မင်္ဂ​လာ​ရှိ၏။-

ခေတ်သစ်​မြန်မာ သမ္မာကျမ်း

¹⁶ သို့သော်လည်း သတင်းကောင်း​ကို ဟောပြောခြင်း​သည် ကျွန်ုပ်​အတွက် ကြွားဝါစရာ​မဟုတ်ပေ။ အဘယ်ကြောင့်ဆိုသော် ကျွန်ုပ်​၌ မဖြစ်မနေ​ဟောပြောရမည့်​တာဝန်​ရှိ​သောကြောင့်​ဖြစ်၏။ ထို​သတင်းကောင်း​ကို မဟောပြော​လျှင် ကျွန်ုပ်​သည် အမင်္ဂလာ​ရှိ၏။

၁ ကော 9:16 ပူးပေါင်းရင်းမြစ်များ

ဟေ​ရှာ​ယ 6:5

ထိုအခါ “​ငါ​၌​အမင်္ဂလာ​ရှိ​၏​။ ငါ​သည် ပျက်စီးဆုံးရှုံး​ပြီ​။ အကြောင်းမူကား ငါ​သည် နှုတ်ခမ်း​ညစ်ညူး​လျက်​၊ နှုတ်ခမ်း​ညစ်ညူး​သော​လူမျိုး​အလယ်​တွင်​နေထိုင်​လျက်ပင် ကောင်းကင်​ဗိုလ်ခြေ​အရှင်​ထာဝရဘုရား​တည်းဟူသော ရှင်ဘုရင်​ကို ငါ့​မျက်စိ​နှင့်​မြင်​လေ​ပြီ​တကား​”​ဟု ငါ​ဆို​၏​။

ယေ​ရ​မိ 1:17

“​သင်​သည် ခါး​ကို​စည်း​၍ ထ​ပြီးလျှင် သင့်​အား ငါ​မိန့်မှာ​ထား​သော​စကား​အလုံးစုံ​ကို သူ​တို့​အား ဆင့်ဆို​လော့​။ သူ​တို့​ကို မ​ကြောက်​နှင့်​။ ကြောက်​လျှင် သင့်​ကို သူ​တို့​ရှေ့​တွင် ငါ​ခြောက်လှန့်​မည်​။

ယေ​ရ​မိ 20:7

အို ထာဝရဘုရား​၊ ကိုယ်တော်​သည် အကျွန်ုပ်​ကို သွေးဆောင်​တော်မူ​ပြီ​။ အကျွန်ုပ် သွေးဆောင်​ခံရ​ပါ​ပြီ​။ ကိုယ်တော်​သည် အကျွန်ုပ်​ထက် ခွန်အားကြီး​သဖြင့် နိုင်​တော်မူ​ပြီ​။ အကျွန်ုပ်​သည် နေ့စဉ် လှောင်ပြောင်​ခြင်း​ခံရ​ပါ​၏​။ လူ​တိုင်း အကျွန်ုပ်​ကို ပြက်ရယ်ပြု​ကြ​ပါ​၏​။

ယေ​ရ​မိ 20:9

ငါ​က “​ကိုယ်တော်​ကို မ​အောက်မေ့​၊ နာမ​တော်​ဖြင့် မ​ဟောပြော​လို​တော့​ပြီ​”​ဟု ဆို​သော်လည်း ငါ့​စိတ်နှလုံး​ထဲ၌ မီး​တောက်လောင်​သကဲ့သို့ ပူလောင်​၏​။ ငါ့​အရိုး​ထဲထိ ပူလောင်​၏​။ ငါ​မ​ခံ​မ​ရပ်​နိုင်​အောင် ပင်ပန်း​လှ​၏​။

အာ​မုတ် 3:8

ခြင်္သေ့​ဟိန်းဟောက်​သောအခါ မ​ကြောက်​သော​သူ ရှိ​သလော​။ ဘုရားရှင်​ထာဝရဘုရား​မိန့်ဆို​သောအခါ ပရောဖက်​မ​ပြု​ဘဲ နေ​ဝံ့​သူ ရှိ​သလော​။

အာ​မုတ် 7:15

သို့သော် ထာဝရဘုရား​သည် ငါ့​ကို သိုးကျောင်း​ရာ​မှ ခေါ်ထုတ်​ပြီးလျှင် ထာဝရဘုရား​က ‘ငါ့​လူမျိုး​တော်​အစ္စရေး​တို့​အား သွား​၍​ပရောဖက်ပြု​ဟောပြော​လော့’​ဟု မိန့်ဆို​၏​။

မဿဲ 25:16

ငါး​တာလန်​ရ​သော​သူ​သည် ချက်ချင်း​သွား​၍ ထို​ငွေ​များ​ဖြင့်​ကုန်သွယ်​လျက် နောက်ထပ် ငါး​တာလန်​အမြတ်​ရ​လေ​၏။

လုကာ 9:62

ယေရှု​က​လည်း“ထွန်ကိုင်း​ကို​ကိုင်​လျက် နောက်​သို့​လှည့်ကြည့်​သော​သူ​သည် ဘုရားသခင်​၏​နိုင်ငံ​တော်​နှင့်​မ​ထိုက်တန်”​ဟု မိန့်​တော်မူ​၏။

တမန်တော်ဝတ္ထု 4:20

အကျွန်ုပ်​တို့​သည် မိမိ​တို့​ကြား​ရ၊ မြင်​ရ​သော​အရာ​တို့​ကို မ​ဟောပြော​ဘဲ​မ​နေ​နိုင်”​ဟု သူ​တို့​အား ပြန်ပြော​ကြ​၏။

တမန်တော်ဝတ္ထု 9:15

သို့သော် သခင်​ဘုရား​က“သွား​လော့။ ဤ​သူ​ကား လူမျိုးခြား​များ၊ ရှင်ဘုရင်​များ​နှင့် အစ္စရေး​အမျိုးသား​များ​ရှေ့​သို့ ငါ​၏​နာမ​ကို​ယူဆောင်​သွား​ရန် ငါ​ရွေးကောက်​ထား​သော​တန်ဆာပလာ​ဖြစ်​၏။

တမန်တော်ဝတ္ထု 9:6

သင်​သည် ထ​၍ မြို့​ထဲသို့​ဝင်​သွား​လော့။ ထိုအခါ သင်​ပြု​ရ​မည့်​အမှု​ကို သင့်​အား ပြောကြား​လိမ့်မည်”​ဟု မိန့်​တော်မူ​၏။

ရော​မ 1:14

ငါ​သည် ဂရိ​လူမျိုး​နှင့်​လူရိုင်း​တို့​အပေါ်၌​ဖြစ်စေ၊ ပညာရှိ​နှင့်​ပညာမဲ့​တို့​အပေါ်၌​ဖြစ်စေ အကြွေး​တင်​သူ​ဖြစ်​၏။

ရော​မ 15:17

သို့ဖြစ်၍ ငါ​သည် ဘုရားသခင်​နှင့်​စပ်ဆိုင်​သော​အရာ​တို့​၌ ခရစ်တော်​ယေရှု​အားဖြင့် ဝါကြွား​စရာ​အကြောင်း​ရှိ​၏။

ရော​မ 4:2

အာဗြဟံ​သည် အကျင့်​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​သည်​မှန်​လျှင် သူ​၌​ဝါကြွား​စရာ​အကြောင်း​ရှိ​၏။ သို့ရာတွင် ဘုရားသခင်​ရှေ့​တော်​၌ ထိုသို့​မ​ဟုတ်​ပေ။

၁ ကော 4:15

အကြောင်းမူကား ခရစ်တော်​၌ သင်​တို့​ကို​အုပ်ထိန်း​သူ တစ်သောင်း​ရှိ​သော်လည်း ဖခင်​မူကား များစွာ​မ​ရှိ။ ကောင်းမြတ်​သော​သတင်း​အားဖြင့် ခရစ်တော်​ယေရှု​၌ သင်​တို့​ကို​မွေးဖွား​ပေး​ခဲ့​သူ​မှာ ငါ​ပင်​ဖြစ်​၏။

၁ ကော 9:12

အခြား​သော​သူ​တို့​သည် သင်​တို့​ထံမှ ဤ​အခွင့်​ကို ခံစား​ရ​ကြ​လျှင် ငါ​တို့​သည် သာ၍​ခံစား​ထိုက်​သည်​မ​ဟုတ်​လော။ သို့သော် ငါ​တို့​သည် ဤ​အခွင့်​ကို​မ​သုံး​ဘဲ ခရစ်တော်​၏​ကောင်းမြတ်​သော​သတင်း​အတွက် မည်သည့်​အဟန့်အတား​မျှ​မ​ရှိ​စေရန် အရာရာ​၌ သည်းခံ​ကြ​၏။

၁ ကော 9:14

ထိုနည်းတူ ကောင်းမြတ်​သော​သတင်း​ကို ဟောပြော​သော​သူ​တို့​သည်​လည်း ကောင်းမြတ်​သော​သတင်း​အားဖြင့် အသက်မွေး​ကြ​ရန် သခင်​ဘုရား​မိန့်မှာ​တော်မူ​ခဲ့​၏။

၂ ကော 2:12

ငါ​သည် ခရစ်တော်​၏​ကောင်းမြတ်​သော​သတင်း​အတွက် တရော​မြို့​သို့​ရောက်​သောအခါ သခင်​ဘုရား​သည် ငါ့​အတွက်​တံခါး​ဖွင့်​ပေး​ခဲ့​သော်လည်း

ကော​လော​သဲ 4:17

အာခိပ္ပု​အား “သခင်​ဘုရား​၌​ရရှိ​ထား​သော​အမှု​တော်​လုပ်ငန်း​ကို အလေး​ဂရုပြု​လျက် ပြီးမြောက်​အောင်​ဆောင်ရွက်​ပါ”​ဟု ပြောကြား​ကြ​လော့။

၁ ရာ 12:23

ငါ​မူကား သင်​တို့​အဖို့ ဆု​မ​တောင်း​ဘဲ​နေ​ခြင်း​အားဖြင့် ထာဝရဘုရား​ကို​ပြစ်မှား​ခြင်း​သည် ငါ​နှင့်​ဝေး​ပါစေ​။ ငါ​သည် သင်​တို့​အား ကောင်းမြတ်​သော​လမ်း​၊ မှန်ကန်​သော​လမ်း​ကို သွန်သင်​ပြသ​လျက်​နေ​ပါ​မည်​။