၁ ကော 8:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ အကြောင်းမူကား အသိပညာ​ရှိ​သော​သင်​သည် ရုပ်တု​ဗိမာန်​ထဲ၌ ထိုင်​၍​စား​သောက်​နေ​သည်​ကို တစ်စုံတစ်ဦး​က​တွေ့မြင်​လျှင် ထို​သူ​၏​အားနည်း​သည့်​အသိစိတ်​သည် ရုပ်တု​အား​ပူဇော်​ထား​သော​အရာ​ကို​စား​ရန် ရဲတင်း​လာ​မည်​မ​ဟုတ်​လော။

Common Language Bible

¹⁰ အ​ကယ်​၍​ဤ​ကိစ္စ​မျိုး​၌​စိတ်​မ​သိုး​မ​သန့် ဖြစ်​သူ​သည် ``အ​သိ​ပ​ညာ'' ရှိ​သူ​သင်​တို့​က နတ်​ကွန်း​အ​တွင်း​၌​ထိုင်​လျက်​စား​သောက်​နေ သည်​ကို​တွေ့​ရှိ​သော​အ​ခါ ရုပ်​တု​အား​ဆက်​သ သည့်​ပူ​ဇော်​သ​ကာ​ကို​စား​ရဲ​လာ​မည်​မ​ဟုတ် ပါ​လော။-

Garrad Bible

¹⁰ အ သို့ ဆို သော် အ သိ ပ ညာ ရှိ သော သင် သည် ရုပ် ပွား ကျောင်း၌ စား ပွဲ ထိုင် နေ သည် ကို နုန့် နဲ့ သူ တစ် ယောက် ယောက် မြင် သော် ရုပ် ပွား အား ပူ ဇော် ပြီး သော အ သား ကို သုံး ဆောင် ရန် သြ တ္တ ပ္ပ စိတ် ရဲ ရင့် မည် မ ဟုတ် လော။

Judson Bible

¹⁰ အ​ကြောင်း​မူ​ကား၊ သင်​သည် ပိုင်း​ခြား​တတ်​သော ဉာဏ်​ရှိ​လျက်​ပင်၊ ရုပ်​တု​စင်​ထဲ၌ စား​ပွဲ​နား​မှာ လျောင်း​သည်​ကို သူ​တစ်​ပါး​မြင်​လျှင်၊ ကိုယ်​ကို​ကိုယ်​သိ​သော​စိတ် အား​နည်း​သော​သူ​သည်၊ ရုပ်​တု​ရှေ့၌ ပူ​ဇော်​သော ယဇ်​ကောင်​ကို စား​ခြင်း​ငှာ ရဲ​မည်​မ​ဟုတ်​လော။-

ခေတ်သစ်​မြန်မာ သမ္မာကျမ်း

¹⁰ အဘယ်ကြောင့်ဆိုသော် အသိပညာ​ရှိသော​သင်​သည် ရုပ်တုဆောင်​အတွင်း​၌ စားသောက်နေသည်​ကို အသိစိတ်​အားနည်းသူ​က မြင်တွေ့​လျှင် ထို​သူ​သည် ရုပ်တု​အား ပူဇော်ထားသော​အစားအစာ​ကို စား​ရန် ရဲဝံ့လာမည်​မဟုတ်လော။

၁ ကော 8:10 ပူးပေါင်းရင်းမြစ်များ

အာ​မုတ် 2:8

ယဇ်ပလ္လင်​ရှိသမျှ​တို့​၏​အနီး​တွင် အပေါင်ခံ​အဝတ်​များ​ကို ခင်း​၍ လဲလျောင်း​နေ​တတ်​ကြ​၏​။ ဒဏ်ကြေး​ကောက်​သော​ငွေ​များ​ဖြင့် စပျစ်ဝိုင်​ဝယ်​၍ သူ​တို့​ဘုရား​ဝတ်ကျောင်း​တွင် သောက်​တတ်​ကြ​၏​။

တော​လည် 25:2

ထို​အမျိုးသမီး​တို့​သည် မိမိ​တို့​ဘုရား​များ​၏​ယဇ်ပူဇော်ပွဲ​များ​သို့ အစ္စရေး​အမျိုးသား​တို့​ကို ခေါ်သွား​၏​။ သူ​တို့​သည် စားသောက်​ကြ​၍ ထို​အမျိုးသမီး​တို့​၏​ဘုရား​များ​ကို​လည်း ရှိခိုးကိုးကွယ်​ကြ​၏​။

တမန်တော်ဝတ္ထု 15:20

ရုပ်တု​များ​ကြောင့်​ညစ်ညူး​သော​အရာ၊ တရားနှင့်မညီ​မေထုန်ပြု​ခြင်း၊ လည်​ညှစ်​သတ်​သော​တိရစ္ဆာန်​နှင့် သွေး​တို့​ကို​ရှောင်ကြဉ်​ကြ​ရန် သူ​တို့​ထံ စာ​ရေး​သင့်​သည်​ဟု ငါ​ယူဆ​၏။

ရော​မ 14:14

ပကတိ​အလျောက် မစင်ကြယ်​သော​အရာ​တစ်စုံတစ်ခု​မျှ​မ​ရှိ​ဟု သခင်​ယေရှု​၌ ငါ​အမှန်​သိ​လျက် ယုံကြည်​စိတ်ချ​၏။ သို့သော် တစ်စုံတစ်ရာ​ကို​မစင်ကြယ်​ဟု မှတ်ယူ​သော​သူ​အတွက် ထို​အရာ​သည်​မစင်ကြယ်။

ရော​မ 14:23

သို့သော် သံသယ​ရှိ​သော​စိတ်​နှင့်​စား​လျှင် ယုံကြည်​ခြင်း​အားဖြင့်​မ​ဟုတ်​သောကြောင့် ပြစ်ဒဏ်​စီရင်​ခြင်း​ကို​ခံရ​၏။ ယုံကြည်​ခြင်း​အားဖြင့်​မ​ဟုတ်​သော အမှုအရာ​အားလုံး​သည် အပြစ်​ဖြစ်​၏။

၁ ကော 10:32

ဂျူး​လူမျိုး​တို့​အတွက်​ဖြစ်စေ၊ ဂရိ​လူမျိုး​တို့​အတွက်​ဖြစ်စေ၊ ဘုရားသခင်​၏​အသင်းတော်​အတွက်​ဖြစ်စေ မှားယွင်း​စရာ​အကြောင်း​မ​ဖြစ်​ကြ​နှင့်။

၁ ကော 8:4

ထို့ကြောင့် ရုပ်တု​အား​ပူဇော်​ထား​သော​အရာ​များ​ကို စား​သောက်​ခြင်း​နှင့်​ပတ်သက်၍ ရုပ်တု​သည် ဤ​လောက​၌ ဘာမျှ​မ​ဟုတ်​ကြောင်း​နှင့် တစ်ဆူတည်း​သော​ဘုရားသခင်​မှတစ်ပါး မည်သည့်​ဘုရား​မျှ​မ​ရှိ​ကြောင်း ငါ​တို့​သိ​ကြ​၏။

၁ ကော 8:7

သို့သော် လူ​တိုင်း​၌ ဤ​အသိပညာ​ရှိ​သည်​မ​ဟုတ်။ လူ​အချို့​တို့​သည် ရုပ်တု​ကိုးကွယ်​သည့်​အလေ့အထ​ရှိ​ခဲ့​သည်​ဖြစ်၍ ထို​အသား​ကို​စား​သောအခါ ယခု​အထိ​ပင် ရုပ်တု​အား​ပူဇော်​ထား​သော​အရာ​များ​အဖြစ်​စား​ကြ​သဖြင့် သူ​တို့​၏​အားနည်း​သည့်​အသိစိတ်​သည် မသိုးမသန့်​ဖြစ်​ရ​၏။

၁ ကော 8:9

သို့သော် သင်​တို့​၏​လွတ်လပ်​ခွင့်​သည် အကြောင်း​တစ်စုံတစ်ခု​ကြောင့် အားနည်း​သော​သူ​တို့​အတွက် ခလုတ်တံသင်း​မ​ဖြစ်​စေရန် သတိပြု​ကြ​လော့။

သူ​ကြီး 9:27

သူ​တို့​သည် လယ်ပြင်​သို့​သွား​၍ စပျစ်ခြံ​မှ စပျစ်သီး​များ​ကို ဆွတ်ခူး​ကြ​၏​။ စပျစ်သီး​များ​ကို နင်းနယ်​၍ ပျော်ပွဲ​ကျင်းပ​ကြ​၏​။ သူ​တို့​၏​ဘုရား​ဝတ်ကျောင်း​သို့​သွား​၍ စား​သောက်​လျက် အဘိမလက်​ကို ကျိန်ဆဲ​ကြ​၏​။