၁ ကော 16:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ငါ​သည် သင်​တို့​နှင့်အတူ ဆောင်း​ကာလ​အတွင်း နေ​ကောင်း​နေ​ဖြစ်​လိမ့်မည်။ သို့ပြုလျှင် မည်သည့်​နေရာ​သို့ ငါ​သွား​သည်​ဖြစ်စေ သင်​တို့​သည် ငါ့​ကို​ပို့ဆောင်​ပေး​နိုင်​ကြ​လိမ့်မည်။

Common Language Bible

⁶ သင်​တို့​နှင့်​အ​တူ​အ​တန်​ကြာ​နေ​နိုင်​မည်​ထင် ပါ​သည်။ ဆောင်း​ရာ​သီ​တစ်​ချိန်​လုံး​ပင်​သင်​တို့ နှင့်​အ​တူ​နေ​ကောင်း​နေ​ပါ​မည်။ ထို​နောက်​ငါ သွား​လို​ရာ​အ​ရပ်​သို့​သွား​နိုင်​ရန်​သင်​တို့ ကူ​ညီ​နိုင်​လိမ့်​မည်​ဟု​မျှော်​လင့်​ပါ​သည်။-

Garrad Bible

⁶ သွား ပြီး မှ သင် တို့ ထံ ရောက်၍ နောက် မည် သည့် ခ ရီး မ ဆို ထွက် သော် ပို့ ကြ စေ ရန် သင် တို့ နှင့် အ တော် ကြာ မ က ဆောင်း ခို လျက် နေ ကောင်း နေ လိမ့် မည်။

Judson Bible

⁶ နောက်​မှ အ​ခြား​သို့ ငါ​သွား​သော​အ​ခါ၊ သင်​တို့​ပို့​သော​ကျေး​ဇူး​ကို ခံ​ခြင်း​ငှာ၊ သင်​တို့​ဆီ​မှာ ငါ​တည်း​ခို၍ ဆောင်း​ကာ​လ​ပတ်​လုံး နေ​ကောင်း နေ​လိမ့်​မည်။-

ခေတ်သစ်​မြန်မာ သမ္မာကျမ်း

⁶ ကျွန်ုပ်​သည် သင်တို့​နှင့်အတူ အတန်ကြာ နေကောင်းနေ​လိမ့်မည်။ ဆောင်းရာသီ​ကာလပတ်လုံး နေ​ရန်ပင် ဖြစ်နိုင်၏။ ထို့နောက်​တွင်မူ ကျွန်ုပ် သွားရမည့် အရပ်​သို့ သွား​နိုင်ရန် သင်တို့​ကူညီ​နိုင်ကြ​လိမ့်မည်​ဟု မျှော်လင့်၏။

၁ ကော 16:6 ပူးပေါင်းရင်းမြစ်များ

တမန်တော်ဝတ္ထု 15:3

ဤသို့ဖြင့် သူ​တို့​သည် အသင်းတော်​၏​ပို့ဆောင်​ခြင်း​အားဖြင့် ဖိုနီးရှား​နယ်​နှင့်​ရှမာရိ​နယ်​တို့​ကို​ဖြတ်သွား​ရင်း လူမျိုးခြား​တို့​၏​ပြောင်းလဲ​မှု​အကြောင်း​ကို အကုန်အစင်​ပြောပြ​ကာ ညီအစ်ကို​အပေါင်း​တို့​ကို အလွန်​ဝမ်းမြောက်​စေ​ကြ​၏။

တမန်တော်ဝတ္ထု 17:15

ပေါလု​ကို​လိုက်ပို့​သော​သူ​တို့​သည် သူ့​ကို အေသင်​မြို့​တိုင်အောင် ပို့ဆောင်​ပြီးနောက် သိလ​နှင့်​တိမောသေ​တို့​အား မိမိ​ထံသို့ တတ်နိုင်​သမျှ အမြန်ဆုံး​လာ​ကြ​ပါ​ဟူသော ပေါလု​၏​ညွှန်ကြား​ချက်​ကို​ယူ​၍ ပြန်သွား​ကြ​၏။

တမန်တော်ဝတ္ထု 20:38

အထူးသဖြင့် သူ​၏​မျက်နှာ​ကို မြင်တွေ့​ရ​တော့မည်​မ​ဟုတ်​ဟု ပေါလု​ပြော​သည့်​စကား​ကြောင့် သူ​တို့​သည် ဝမ်းနည်း​ကြေကွဲ​ကြ​၏။ ထို့နောက် သူ့​ကို သင်္ဘော​ဆီသို့ လိုက်ပို့​ကြ​၏။

တမန်တော်ဝတ္ထု 21:5

သို့သော် ထို​နေ့ရက်​များ​စေ့​သောအခါ ငါ​တို့​သည် ခရီး​ဆက်​ရန် ထွက်ခွာ​ကြ​၏။ သူ​တို့​အားလုံး​သည် ဇနီး​၊ သားသမီး​များ​နှင့်အတူ မြို့​ပြင်​အထိ ငါ​တို့​ကို​လိုက်ပို့​ကြ​၏။ ငါ​တို့​သည် ပင်လယ်​ကမ်းခြေ​တွင် ဒူး​ထောက်​လျက်​ဆုတောင်း​ပြီးနောက်

တမန်တော်ဝတ္ထု 27:12

ထို​ဆိပ်ကမ်း​သည်​လည်း ဆောင်း​ခို​ရန်​မ​သင့်လျော်​သော​ဆိပ်ကမ်း​ဖြစ်​သောကြောင့် အများစု​က ထို​ဆိပ်ကမ်း​မှ​ရွက်လွှင့်​ပြီး ဖြစ်နိုင်​လျှင် အနောက်​တောင်​နှင့် အနောက်​မြောက်​သို့​မျက်နှာမူ​သည့် ကရေတေ​ကျွန်း​၏​ဖိနိတ်​ဆိပ်ကမ်း​သို့ တစ်နည်းနည်း​ဖြင့်​သွား​၍ ဆောင်းခို​မည်​ဟု ဆုံးဖြတ်​ကြ​၏။

တမန်တော်ဝတ္ထု 28:11

သုံး​လ​ကြာ​ပြီးနောက် ထို​ကျွန်း​ပေါ်တွင် ဆောင်းခို​နေ​သည့် နတ်​အမွှာ​ညီနောင်​ရုပ်​ပါ​အလက်ဇန္ဒြိယ​သင်္ဘော​ဖြင့် ငါ​တို့​သည် ရွက်လွှင့်​ကြ​၏။

ရော​မ 15:24

စပိန်​ပြည်​သို့ ငါ​သွား​သောအခါ သင်​တို့​ကို လမ်းကြုံ​ဝင်​တွေ့​၍ အတော်အတန်​အလိုဆန္ဒ​ပြည့်စုံ​အောင် သင်​တို့​နှင့်အတူ​နေ​ပြီးမှ သင်​တို့​၏​ပို့ဆောင်​ပေး​ခြင်း​အားဖြင့် ထို​ပြည်​သို့​သွား​မည်​ဟု ငါ​မျှော်လင့်​ထား​၏။

၁ ကော 16:11

ထို့ကြောင့် မည်သူ​မျှ သူ့​ကို​မထီမဲ့မြင်​မ​ပြု​စေ​နှင့်။ ငါ​သည် ညီအစ်ကို​များ​နှင့်အတူ သူ​ရောက်လာ​မည်​ကို စောင့်​နေ​သည်​ဖြစ်၍ သူ​သည် ငါ့​ထံသို့​ပြန်လာ​နိုင်​ရန် သူ့​ကို ငြိမ်းချမ်း​စွာ​ပို့ဆောင်​ကြ​လော့။

၂ ကော 1:16

သင်​တို့​နေရာ​ကို​ဖြတ်​လျက် မာကေဒေါနိ​ပြည်​သို့ သွား​ပြီးနောက် တစ်ဖန် မာကေဒေါနိ​ပြည်​မှ သင်​တို့​ထံသို့​ပြန်လာ​၍ သင်​တို့​၏​ပို့ဆောင်​ပေး​ခြင်း​အားဖြင့် ယုဒ​ပြည်​သို့​သွား​မည်​ဟု စီစဉ်​ထား​၏။

တိ​တု 3:12

ငါ​သည် အာတေမ​၊ သို့မဟုတ် တုခိတ်​ကို သင့်​ထံသို့​စေလွှတ်​သောအခါ ငါ​ရှိ​ရာ​နိကောပလိ​မြို့​သို့​လာ​ရန် ကြိုးစား​လော့။ အကြောင်းမူကား ဆောင်း​ကာလ​အတွင်း ထို​မြို့​၌​နေထိုင်​ရန် ငါ​ဆုံးဖြတ်​ထား​၏။