၁ ကော 14:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အခြား​သော​ဘာသာ​စကား​ပြောဆို​သော​သူ​သည် မိမိ​ကို​သာ​တည်ဆောက်​မြှင့်တင်​၏။ ပရောဖက်ပြု​ဟောပြော​သော​သူ​မူကား အသင်းတော်​ကို တည်ဆောက်​မြှင့်တင်​ပေး​၏။

Common Language Bible

⁴ ထူး​ဆန်း​သော​ဘာ​သာ​စ​ကား​အ​မျိုး​မျိုး​ဖြင့် ပြော​ဆို​သူ​သည် မိ​မိ​အ​ကျိုး​ကို​ပြု​စု​၏။ နှုတ် က​ပတ်​တ​ရား​တော်​ကို​ဟော​ပြော​သော​သူ​မူ ကား အ​သင်း​တော်​တစ်​ခု​လုံး​၏​အ​ကျိုး​ကို ပြု​စု​၏။

Garrad Bible

⁴ ဘာ သာ စ ကား ထူး ပြော ဆို သူ သည် ကိုယ် ကို ဆောက် တည်၏။ ဟော ပြော သူ မူ ကား အ သင်း တော် ကို ဆောက် တည် ၏။

Judson Bible

⁴ အ​ခြား​သော ဘာ​သာ​စ​ကား​အား​ဖြင့် ပြော​သော​သူ​သည် ကိုယ်​ကို​သာ တည်​ဆောက်၏။ ပ​ရော​ဖက် ပြု​သော​သူ​မူ​ကား၊ အ​သင်း​တော်​ကို တည်​ဆောက်၏။-

ခေတ်သစ်​မြန်မာ သမ္မာကျမ်း

⁴ အခြား​ဘာသာစကား​ကို ပြောသောသူ​သည် မိမိ​ကိုယ်ကိုယ် တည်ဆောက်၏။ ပရောဖက်ပြု​ဟောပြောသောသူ​ကမူ အသင်းတော်​တစ်ခုလုံး​ကို တည်ဆောက်ပေး၏။

၁ ကော 14:4 ပူးပေါင်းရင်းမြစ်များ

ရှင်မာကု 16:17

ယုံကြည်​သော​သူ​တို့​နှင့်အတူ ယှဉ်တွဲ​လျက်​ရှိ​ကြ​မည့်​နိမိတ်​လက္ခဏာ​များ​ဟူမူကား သူ​တို့​သည် ငါ​၏​နာမ​ဖြင့် နတ်ဆိုး​တို့​ကို​နှင်ထုတ်​ကြ​လိမ့်မည်။ အသစ်​သော​ဘာသာ​စကား​များ​ကို​ပြော​ကြ​လိမ့်မည်။

ရော​မ 14:19

သို့ဖြစ်၍ ငြိမ်သက်​ခြင်း​ကို​ဖြစ်စေ​သော​အမှုအရာ​များ​နှင့် အချင်းချင်း​တည်ဆောက်​မြှင့်တင်​ပေး​သော​အမှုအရာ​များ​ကို ကြိုးစား​ပြု​ကြ​ကုန်စို့။

၁ ကော 12:10

အခြား​တစ်​ဦး​အား တန်ခိုး​လက္ခဏာ​ပြု​သော​အခွင့်​ကို​လည်းကောင်း၊ အခြား​တစ်​ဦး​အား ပရောဖက်ပြု​ဟောပြော​သော​အခွင့်​ကို​လည်းကောင်း၊ အခြား​တစ်​ဦး​အား စိတ်​ဝိညာဉ်​တို့​ကို​ပိုင်းခြား​၍​သိရှိ​နိုင်​သော​အခွင့်​ကို​လည်းကောင်း၊ အခြား​တစ်​ဦး​အား အခြား​သော​ဘာသာ​စကား​အမျိုးမျိုး​ပြောဆို​နိုင်​သော​အခွင့်​ကို​လည်းကောင်း၊ အခြား​တစ်​ဦး​အား ထို​ဘာသာ​စကား​များ​၏​အနက်​ကို​ဖော်ပြ​နိုင်​သော​အခွင့်​ကို​လည်းကောင်း ပေး​တော်မူ​၏။

၁ ကော 12:28

ဘုရားသခင်​သည် အသင်းတော်​၌ ပထမ​အနေဖြင့် တမန်တော်​များ၊ ဒုတိယ​အနေဖြင့် ပရောဖက်​များ၊ တတိယ​အနေဖြင့် ဆရာ​များ၊ ထို့နောက် တန်ခိုး​လက္ခဏာ​ကို​ပြု​သော​သူ​များ၊ ထို့နောက် အနာရောဂါ​ငြိမ်း​စေ​နိုင်​သော​ဆု​ကျေးဇူး​ရရှိ​သူ​များ၊ ကူညီမစ​သူ​များ၊ စီမံ​အုပ်ချုပ်​သူ​များ၊ အခြား​သော​ဘာသာ​စကား​အမျိုးမျိုး​ပြောဆို​သော​သူ​များ စသည်​တို့​ကို ခန့်ထား​တော်မူ​၏။

၁ ကော 13:1

ငါ​သည် လူ့​ဘာသာ​စကား​နှင့် ကောင်းကင်​တမန်​၏​ဘာသာ​စကား​တို့​ကို ပြော​နိုင်​သော်လည်း မေတ္တာ​မ​ရှိ​လျှင် မြည်ဟည်း​သော​ကြေး​မောင်း​၊ သို့မဟုတ် စူးရှ​စွာ​မြည်​သော လင်းကွင်း​ကဲ့သို့​ဖြစ်​၏။

၁ ကော 13:2

ငါ​သည် ပရောဖက်ပြု​ဟောပြော​နိုင်​သော​အခွင့်​ကို​ရရှိ​၍ လျှို့ဝှက်​နက်နဲ​သော​အရာ​ရှိသမျှ​နှင့် အသိပညာ​အလုံးစုံ​တို့​ကို နားလည်​သိရှိ​ကာ တောင်​များ​ကို​ရွှေ့​နိုင်​သည့် ယုံကြည်​ခြင်း​အပြည့်အဝ​ရှိ​သော်လည်း မေတ္တာ​မ​ရှိ​လျှင် အချည်းနှီး​ဖြစ်​၏။

၁ ကော 14:12

သို့ဖြစ်၍ သင်​တို့​သည်​လည်း ဝိညာဉ်​ဆု​ကျေးဇူး​များ​ကို​ရရှိ​ရန် စိတ်အား​ထက်သန်​လျက်​ရှိ​ကြ​သည်​ဖြစ်၍ အသင်းတော်​ကို တည်ဆောက်​မြှင့်တင်​ပေး​ခြင်း​အတွက် ထို​ဆုကျေးဇူး​ဖြင့် ကြွယ်ဝ​ပြည့်စုံ​မည့်​အကြောင်း ကြိုးစား​အားထုတ်​ကြ​လော့။

၁ ကော 14:22

သို့ဖြစ်၍ အခြား​သော​ဘာသာ​စကား​တို့​သည် ယုံကြည်​သူ​တို့​အတွက် နိမိတ်​လက္ခဏာ​မ​ဟုတ်​ဘဲ မ​ယုံကြည်​သူ​တို့​အတွက် နိမိတ်​လက္ခဏာ​ဖြစ်​၏။ ပရောဖက်ပြု​ဟောပြော​ခြင်း​မူကား မ​ယုံကြည်​သူ​တို့​အတွက် နိမိတ်​လက္ခဏာ​မ​ဟုတ်​ဘဲ ယုံကြည်​သူ​တို့​အတွက် နိမိတ်​လက္ခဏာ​ဖြစ်​၏။

၁ ကော 14:26

သို့ဖြစ်လျှင် ညီအစ်ကို​တို့၊ မည်သို့​ဆို​ရ​မည်နည်း။ သင်​တို့​သည် စည်းဝေး​ကြ​သောအခါ ဆာလံ​သီချင်း​ဆို​သော​သူ၊ သွန်သင်​ပေး​သော​သူ၊ ဗျာဒိတ်​တော်​ဟောပြော​သော​သူ၊ အခြား​သော​ဘာသာ​စကား​ပြောဆို​သော​သူ​နှင့် ထို​ဘာသာ​စကား​၏​အနက်​ကို​ဖွင့်​သော​သူ အသီးသီး​ရှိ​ကြ​၏။ ခပ်သိမ်း​သော​အမှု​တို့​ကို တည်ဆောက်​မြှင့်တင်​ပေး​ခြင်း​အတွက် ပြု​ကြ​လော့။

၁ ကော 14:3

ပရောဖက်ပြု​ဟောပြော​သော​သူ​မူကား တည်ဆောက်​မြှင့်တင်​ပေး​ခြင်း၊ တိုက်တွန်း​အားပေး​ခြင်း​နှင့် နှစ်သိမ့်​ခြင်း​တို့​အတွက် လူ​တို့​အား​ဟောပြော​၏။

၁ ကော 14:5

သင်​တို့​အားလုံး​သည် အခြား​သော​ဘာသာ​စကား​များ​ပြောဆို​နိုင်​ရန် ငါ​အလိုရှိ​၏။ သို့သော် ပရောဖက်ပြု​ဟောပြော​ခြင်း​အမှု​ကို သင်​တို့​အား ပို၍​ပြု​စေ​လို​၏။ အခြား​သော​ဘာသာ​စကား​ပြောဆို​သော​သူ​သည် အသင်းတော်​ကို တည်ဆောက်​မြှင့်တင်​ပေး​ရန် ၎င်း​၏​အနက်​ကို​ဖွင့်​ခြင်း​မ​ရှိ​လျှင် ထို​သူ​ထက် ပရောဖက်ပြု​ဟောပြော​သော​သူ​သည် ပို၍​ကြီးမြတ်​၏။