၁ ကော 14:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ချစ်​ခြင်း​မေတ္တာ​ကို လက်ကိုင်ပြု​ကြ​လော့။ ထို့ပြင် ဝိညာဉ်​ဆု​ကျေးဇူး​များ၊ အထူးသဖြင့် ပရောဖက်ပြု​ဟောပြော​နိုင်​သော​ဆုကျေးဇူး​ကို အလွန်​လိုချင်​သော​စိတ်​ရှိ​ကြ​လော့။

Common Language Bible

¹ ထို့​ကြောင့်​သင်​တို့​သည်​မေတ္တာ​တ​ရား​ကို​ကျင့်​သုံး ရန် ကြိုး​ပမ်း​အား​ထုတ်​ကြ​လော့။ ဝိ​ညာဉ်​ဆု​ကျေး​ဇူး များ​ကို​တောင့်​တ​လို​ချင်​ကြ​လော့။ အ​ထူး​သ​ဖြင့် နှုတ်​က​ပတ်​တ​ရား​တော်​ဟော​ပြော​နိုင်​သော​ဆု ကျေး​ဇူး​ကို​လို​လား​ကြ​လော့။-

Garrad Bible

¹ ချစ် ခြင်း မေ တ္တာ ကို လိုက် ရှာ ကြ လော့။ ဝိ ညာဉ် တော့် ဆု ကျေး ဇူး များ ကို စွဲ လမ်း ရာ တွင် လည်း ဟော ပြော ခွင့် ကို အ ထူး စွဲ လမ်း ကြ လော့။

Judson Bible

¹ ချစ်​ခြင်း​မေ​တ္တာ​ကို မီ​အောင်​လိုက်​ကြ​လော့။ ဝိ​ညာဉ်​ဆု​ကျေး​ဇူး​တို့​ကို အ​လွန်​အ​လို​ရှိ​သည်​တွင်၊ ပ​ရော​ဖက်​ပြု​ရ​သော အ​ခွင့်​ကို သာ၍ လို​ချင်​သော​စိတ် ရှိ​ကြ​လော့။-

ခေတ်သစ်​မြန်မာ သမ္မာကျမ်း

¹ ချစ်ခြင်း​မေတ္တာ​တရား​ကို ကြိုးစား​၍ ကျင့်သုံးကြလော့။ ဝိညာဉ်​ဆုကျေးဇူးများ​ကိုလည်း အလွန်​လိုချင်သော​စိတ် ရှိကြလော့။ အထူး​သဖြင့် ပရောဖက်ပြု​ဟောပြော​နိုင်သော​ဆုကျေးဇူး​ကို လိုချင်သော​စိတ် ရှိကြလော့။

၁ ကော 14:1 ပူးပေါင်းရင်းမြစ်များ

သုတ္တံကျမ်း။ 15:9

ဆိုးယုတ်​သော​သူ​၏​လမ်း​ကို ထာဝရဘုရား​စက်ဆုပ်ရွံရှာ​တော်မူ​၏​။ ဖြောင့်မတ်​ခြင်း​ကို​လက်ကိုင်ပြု​သော​သူ​ကို​ကား ကိုယ်တော်​ချစ်​တော်မူ​၏​။

သုတ္တံကျမ်း။ 21:21

ဖြောင့်မတ်​ခြင်း​နှင့် မေတ္တာကရုဏာ​ကို လက်ကိုင်ပြု​သော​သူ​သည် အသက်ရှင်​ခြင်း​၊ ဖြောင့်မတ်​ခြင်း​နှင့် ဂုဏ်သရေ​ကို တွေ့ရှိ​လိမ့်မည်​။

ဟေ​ရှာ​ယ 51:1

ဖြောင့်မတ်​ခြင်း​နောက်​သို့​လိုက်​၍ ထာဝရဘုရား​ကို​ရှာ​သော​သူ​တို့​၊ ငါ့​စကား​ကို​နားထောင်​ကြ​လော့​။ သင်​တို့​ကို ခုတ်ဖြတ်ယူ​ရာ​ကျောက်ဆောင်​၊ သင်​တို့​ကို တူးယူ​ရာ​မိုင်းတွင်း​ကို ကြည့်​ကြ​လော့​။

ရော​မ 12:6

ငါ​တို့​၌​ပေးအပ်​တော်မူ​သော ကျေးဇူး​တော်​အတိုင်း အထူးထူး​အပြားပြား​သော​ဆု​ကျေးဇူး​များ​ကို ရရှိ​ကြ​၏။ သို့ဖြစ်၍ ထို​ဆု​ကျေးဇူး​သည် ပရောဖက်ပြု​ဟောပြော​ခြင်း​ဖြစ်လျှင် ယုံကြည်​ခြင်း​၏​ပမာဏ​အတိုင်း ပရောဖက်ပြု​ဟောပြော​စေ။

ရော​မ 14:19

သို့ဖြစ်၍ ငြိမ်သက်​ခြင်း​ကို​ဖြစ်စေ​သော​အမှုအရာ​များ​နှင့် အချင်းချင်း​တည်ဆောက်​မြှင့်တင်​ပေး​သော​အမှုအရာ​များ​ကို ကြိုးစား​ပြု​ကြ​ကုန်စို့။

ရော​မ 9:30

သို့ဖြစ်လျှင် ငါ​တို့​သည် မည်သို့​ဆို​ရ​မည်နည်း။ ဖြောင့်မတ်​ခြင်း​ကို​ရရှိ​ရန် မ​ကြိုးစား​သော​လူမျိုးခြား​တို့​သည် ဖြောင့်မတ်​ခြင်း​ကို​ခံယူ​ရရှိ​ကြ​၏။ တစ်နည်းဆိုသော် ယုံကြည်​ခြင်း​အားဖြင့်​ရရှိ​သော ဖြောင့်မတ်​ခြင်း​ဖြစ်​၏။

၁ ကော 12:1

ညီအစ်ကို​တို့၊ ဝိညာဉ်​ဆု​ကျေးဇူး​များ​နှင့်​ပတ်သက်၍ အောက်ပါ​အကြောင်းအရာ​များ​ကို သင်​တို့​မ​သိ​ဘဲ မ​နေ​စေ​လို​ပါ။

၁ ကော 12:31

သင်​တို့​မူကား ပို၍​မြတ်​သော​ဆု​ကျေးဇူး​တို့​ကို အလွန်​လိုချင်​သော​စိတ်​ရှိ​ကြ​လော့။ ငါ​သည် သင်​တို့​အား သာ၍​ထူးမြတ်​သော​လမ်း​ကို ပြ​ဦး​မည်။

၁ ကော 13:13

ယခု​တွင် ယုံကြည်​ခြင်း၊ မျှော်လင့်​ခြင်း​နှင့် ချစ်​ခြင်း​မေတ္တာ ဤ​သုံး​ပါး​တို့​သည် တည်​လျက်​ရှိ​၏။ ဤ​သုံး​ပါး​တို့​တွင် ချစ်​ခြင်း​မေတ္တာ​သည် အမြတ်ဆုံး​ဖြစ်​၏။

၁ ကော 13:2

ငါ​သည် ပရောဖက်ပြု​ဟောပြော​နိုင်​သော​အခွင့်​ကို​ရရှိ​၍ လျှို့ဝှက်​နက်နဲ​သော​အရာ​ရှိသမျှ​နှင့် အသိပညာ​အလုံးစုံ​တို့​ကို နားလည်​သိရှိ​ကာ တောင်​များ​ကို​ရွှေ့​နိုင်​သည့် ယုံကြည်​ခြင်း​အပြည့်အဝ​ရှိ​သော်လည်း မေတ္တာ​မ​ရှိ​လျှင် အချည်းနှီး​ဖြစ်​၏။

၁ ကော 14:22

သို့ဖြစ်၍ အခြား​သော​ဘာသာ​စကား​တို့​သည် ယုံကြည်​သူ​တို့​အတွက် နိမိတ်​လက္ခဏာ​မ​ဟုတ်​ဘဲ မ​ယုံကြည်​သူ​တို့​အတွက် နိမိတ်​လက္ခဏာ​ဖြစ်​၏။ ပရောဖက်ပြု​ဟောပြော​ခြင်း​မူကား မ​ယုံကြည်​သူ​တို့​အတွက် နိမိတ်​လက္ခဏာ​မ​ဟုတ်​ဘဲ ယုံကြည်​သူ​တို့​အတွက် နိမိတ်​လက္ခဏာ​ဖြစ်​၏။

၁ ကော 14:37

တစ်စုံတစ်ယောက်​သည် မိမိ​ကိုယ်​ကို ပရောဖက်​၊ သို့မဟုတ် ဝိညာဉ်​လူ​ဖြစ်​သည်​ဟု​ထင်မှတ်​လျှင် သင်​တို့​ထံ ငါ​ရေး​လိုက်​သော​အကြောင်းအရာ​တို့​သည် သခင်​ဘုရား​၏​ပညတ်​တော်​ဖြစ်​ကြောင်း သူ​သည် သိမှတ်​ရ​မည်။

၁ ကော 14:39

သို့ဖြစ်၍ ငါ့​ညီအစ်ကို​တို့၊ ပရောဖက်ပြု​ဟောပြော​ရန် အလွန်​အလိုရှိ​ကြ​လော့။ အခြား​သော​ဘာသာ​စကား​ပြောဆို​ခြင်း​ကို​လည်း မ​တားမြစ်​ကြ​နှင့်။

၁ ကော 16:14

သင်​တို့​ပြု​သမျှ​သော​အမှု​တို့​ကို ချစ်​ခြင်း​မေတ္တာ​ဖြင့် ပြု​ကြ​လော့။

ဧ​ဖက် 1:3

အထက်​ကောင်းကင်​အရပ်​တွင်​ရှိ​သော ဝိညာဉ်ရေး​ဆိုင်ရာ​ကောင်းချီး​မင်္ဂလာ​အပေါင်း​တို့​ဖြင့် ငါ​တို့​ကို ခရစ်တော်​၌ ကောင်းချီး​ပေး​တော်မူ​သည့် ငါ​တို့​သခင်​ယေရှု​ခရစ်တော်​၏​ခမည်းတော်​ဖြစ်​တော်မူ​သော ဘုရားသခင်​သည် မင်္ဂလာရှိ​ပါစေသော။

၁ သက် 5:20

ပရောဖက်ပြု​ဟောပြော​ခြင်း​ကို မထီမဲ့မြင်​မ​ပြု​ကြ​နှင့်။

၁ တိ 4:14

အသင်းတော်​အကြီးအကဲ​များ​၏​လက်​တင်​ခြင်း​နှင့်တကွ ပရောဖက်ပြု​ဟောပြော​ခြင်း​အားဖြင့် သင့်​အပေါ်​ပေးအပ်​ထား​၍ သင်​၌​ရှိ​သည့်​ဆု​ကျေးဇူး​ကို လျစ်လျူ​မ​ရှု​နှင့်။

၁ တိ 5:10

သားသမီး​များ​ကို​ပြုစု​စောင့်ရှောက်​ခြင်း၊ ဧည့်ဝတ်​ကျေပွန်​ခြင်း၊ သန့်ရှင်း​သူ​တို့​၏​ခြေ​ကို​ဆေး​ခြင်း၊ ဆင်းရဲ​ဒုက္ခ​ခံရ​သူ​များ​ကို​ကူညီ​စောင့်ရှောက်​ခြင်း၊ ကောင်း​သော​အမှု​ရှိသမျှ​တို့​ကို​ပါဝင်​လုပ်ဆောင်​ခြင်း စသည့်​ကောင်း​သော​အမှု​များ​ကြောင့် ချီးကျူး​ခံရ​သူ​ဖြစ်​ရ​မည်။

၁ တိ 6:11

အို ဘုရားသခင်​၏​လူ၊ သင်​မူကား ထို​အရာ​များ​ကို​ရှောင်​၍ ဖြောင့်မတ်​ခြင်း၊ ဘုရား​ဝတ်​၌​မွေ့လျော်​ခြင်း၊ ယုံကြည်​ခြင်း၊ ချစ်​ခြင်း၊ သည်းခံ​ခြင်း၊ နူးညံ့​သိမ်မွေ့​ခြင်း​တို့​ကို လက်ကိုင်ပြု​လော့။

၂ တိ 2:22

ထို့ကြောင့် သင်​သည် လူငယ်​တို့​၏​တပ်မက်​ခြင်း​များ​ကို​ရှောင်​၍ စင်ကြယ်​သော​စိတ်နှလုံး​ဖြင့် သခင်​ဘုရား​ကို​ပတ္ထနာ​ပြု​သော​သူ​တို့​နှင့်အတူ ဖြောင့်မတ်​ခြင်း၊ ယုံကြည်​ခြင်း၊ ချစ်​ခြင်း​နှင့် ငြိမ်သက်​ခြင်း​တို့​ကို လက်ကိုင်ပြု​လော့။

ဟေ​ဗြဲ 12:14

လူ​အပေါင်း​တို့​နှင့်​ငြိမ်းချမ်း​စွာ​နေထိုင်​ရန်​နှင့် သန့်ရှင်း​ခြင်း​ကို​ရရှိ​ရန် ကြိုးစား​ကြ​လော့။ သန့်ရှင်း​ခြင်း​မ​ရှိ​လျှင် မည်သူမျှ ထာဝရ​ဘုရား​ကို​ဖူးမြင်​ရ​လိမ့်မည်​မ​ဟုတ်။

၂ ပေ 1:7

ဘုရား​ဝတ်​၌​မွေ့လျော်​ခြင်း​၌ ညီအစ်ကို​ချင်း​ချစ်​သော​မေတ္တာ​ကို​လည်းကောင်း၊ ညီအစ်ကို​ချင်း​ချစ်​သော​မေတ္တာ​၌ ချစ်​ခြင်း​မေတ္တာ​ကို​လည်းကောင်း လုံ့လ​ဝီရိယ​ရှိသမျှ​ဖြင့် ထပ်ဆင့်​ဖြည့်စွက်​ကြ​လော့။

၃ ယော 1:11

ချစ်​ရ​သော​သူ၊ မကောင်း​သော​အမှု​ကို​အတု​မ​ယူ​ဘဲ ကောင်း​သော​အမှု​ကို​အတုယူ​လော့။ ကောင်း​သော​အမှု​ကို​ပြု​သော​သူ​သည် ဘုရားသခင်​နှင့်​စပ်ဆိုင်​၏။ မကောင်း​သော​အမှု​ကို​ပြု​သော​သူ​မူကား ဘုရားသခင်​ကို မ​သိ​မ​မြင်​ဖူး​ချေ။

၁ ရာ 10:5

ထို့နောက်မှ ဖိလိတ္တိ​ခံတပ်​ရှိ​ရာ ဘုရားသခင်​၏​တောင်​တော်​သို့ ရောက်​လိမ့်မည်​။ မြို့​နား​သို့​ရောက်​လျှင် ပရောဖက်​တစ်စု​သည် သူ​တို့​ရှေ့​တွင် စောင်းပြား​၊ ပတ်သာ​၊ ပလွေ​၊ စောင်းကောက် တီးမှုတ်​သူ​တို့​ပါ​လျက်​၊ သူ​တို့​သည် ပရောဖက်ပြု​လျက် အထွတ်အမြတ်​ထား​ရာ​ကုန်းမြင့်​မှ​ဆင်းလာ​သည်​ကို သင်​တွေ့​ရ​လိမ့်မည်​။