၁ ကော 13:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ မ​လျောက်ပတ်​စွာ​မ​ပြု​တတ်။ ကိုယ်ကျိုး​ကို​မ​ရှာ​တတ်။ ဒေါသ​အလွယ်တကူ​မ​ထွက်​တတ်။ သူတစ်ပါး​အပြစ်​ကို မှတ်​၍​မ​ထား​တတ်။

Common Language Bible

⁵ မ​လျောက်​ပတ်​သည့်​အ​မှု​ကို​မ​ပြု​တတ်။ ကိုယ် ကျိုး​ကို​မ​ရှာ​တတ်။ ဒေါ​သ​အ​မျက်​မ​ထွက် တတ်။ သူ​တစ်​ပါး​၏​အ​ပြစ်​ကို​မှတ်​၍​မ​ထား တတ်။-

Garrad Bible

⁵ မ သင့် မ လျော် ပြု ကျင့် ခြင်း၊ ကိုယ့် အ ကျိုး ကို ရှာ ခြင်း၊ စိတ် တို ခြင်း၊ နစ် နာ မှု ကို အ ရေး ယူ ခြင်း များ နှင့် ကင်း သည့် ပြင်၊

Judson Bible

⁵ မ​လျောက်​ပတ်​စွာ မ​ကျင့်​တတ်၊ ကိုယ်​အ​ကျိုး​ကို မ​ရှာ​တတ်၊ ဒေါ​သ​အ​မျက် မ​ထွက်​တတ်၊ အ​ပြစ်​ရှိ​သည်​ဟု မ​ထင်​တတ်၊-

ခေတ်သစ်​မြန်မာ သမ္မာကျမ်း

⁵ မရိုင်းစိုင်းတတ်။ ကိုယ်ကျိုး​ကို မရှာတတ်။ ဒေါသ​မထွက်တတ်။ သူတစ်ပါး​၏ အပြစ်​ကို မှတ်မထားတတ်။

၁ ကော 13:5 ပူးပေါင်းရင်းမြစ်များ

၁ ကော 10:24

မည်သူမျှ ကိုယ်​ကျိုး​ကို​မ​ရှာ​နှင့်။ လူတိုင်း သူတစ်ပါး​အကျိုး​ကို​ရှာ​စေ။

ယာ​ကုပ် 1:19

ငါ​ချစ်​သော​ညီအစ်ကို​တို့၊ ဤ​အချက်​ကို သိမှတ်​ကြ​လော့။ လူ​တိုင်း​သည် ကြားနာ​ခြင်း​အရာ​၌ လျင်မြန်​၍ စကား​ပြော​ခြင်း​နှင့်​အမျက်ထွက်​ခြင်း​အရာ​တို့​၌ နှေးကွေး​ကြ​စေ။

ဖိ​လိပ္ပိ 2:21

လူ​အပေါင်း​တို့​သည် ယေရှု​ခရစ်တော်​၏​အကျိုး​ကို​မ​ရှာ ကိုယ်​ကျိုး​ကို​သာ​ရှာ​ကြ​၏။

ဖိ​လိပ္ပိ 4:8

နောက်ဆုံး​အနေဖြင့်​ဆိုရလျှင် ညီအစ်ကို​တို့၊ မှန်ကန်​သော​အရာ​ရှိ​သမျှ၊ ဂုဏ်သရေ​ရှိ​သော​အရာ​ရှိသမျှ၊ ဖြောင့်မတ်​သော​အရာ​ရှိသမျှ၊ ဖြူစင်​သန့်ရှင်း​သော​အရာ​ရှိသမျှ၊ နှစ်သက်​ဖွယ်​ကောင်း​သော​အရာ​ရှိသမျှ​နှင့် ဂုဏ်​သတင်း​ကောင်း​သော​အရာ​ရှိသမျှ​တို့​၌ ကောင်းမြတ်​သော​အရာ​တစ်စုံတစ်ခု​၊ သို့မဟုတ် ချီးမွမ်း​ထိုက်​သော​အရာ​တစ်စုံတစ်ခု​ရှိ​လျှင် ထို​အရာ​တို့​ကို နှလုံးသွင်း​ကြ​လော့။

ဂ​လာ​တိ 5:13

ညီအစ်ကို​တို့၊ သင်​တို့​သည် လွတ်လပ်​မှု​အတွက် ခေါ်ယူ​တော်မူ​ခြင်း​ခံရ​ကြ​၏။ သို့သော် ထို​လွတ်လပ်​မှု​ကို သွေးသား​ဇာတိ​အတွက် အခွင့်အရေး​တစ်​ခု​အနေဖြင့် မ​သုံး​ဘဲ မေတ္တာ​အားဖြင့် အချင်းချင်း​အစေခံ​ကြ​လော့။

၁ ကော 12:25

ဤသည်ကား ကိုယ်ခန္ဓာ​၌ ကွဲပြား​မှု​မ​ရှိ​ဘဲ အင်္ဂါ​အစိတ်အပိုင်း​များ​သည် အချင်းချင်း​ဂရုစိုက်​ကြ​စေရန်​အတွက်​ဖြစ်​၏။

၂ ကော 5:19

ဆိုလို​သည်​မှာ ဘုရားသခင်​သည် လောကီ​သား​တို့​ကျူးလွန်​သော​အပြစ်​များ​ကို သူ​တို့​အပေါ်​သင့်ရောက်​စေ​တော်​မ​မူ​ဘဲ သူ​တို့​ကို ခရစ်တော်​၌ မိမိ​နှင့်​ပြန်လည်​သင့်မြတ်​စေ​တော်မူ​ပြီး ပြန်လည်​သင့်မြတ်​ခြင်း​တရား​ကို ငါ​တို့​၌​အပ်​ထား​တော်မူ​၏။

၁ ကော 10:33

ထိုနည်းတူ ငါ​သည်​လည်း လူ​တို့​ကယ်တင်​ခြင်း​ခံရ​မည့်​အကြောင်း ကိုယ်​ကျိုး​ကို​မ​ရှာ​ဘဲ အများ​အကျိုး​ကို​ရှေးရှု​လျက် ခပ်သိမ်း​သော​အမှု​တို့​၌ လူ​အပေါင်း​တို့​ကို​နှစ်သက်​စေရန် ကြိုးစား​နေ​၏။

၁ ကော 11:18

ပထမ​အနေဖြင့် သင်​တို့​သည် အသင်းတော်​၌​စုဝေး​ကြ​သောအခါ သင်​တို့​တွင် ကွဲပြား​မှု​များ​ရှိ​သည်​ဟု ငါ​ကြား​ရ​၍ ၎င်း​ကို တစ်စိတ်တစ်ဒေသ ငါ​ယုံ​၏။

မဿဲ 5:22

သို့သော် သင်​တို့​အား ငါ​ဆို​သည်​ကား မိမိ​ညီအစ်ကို​အပေါ် အမျက်ထွက်​သော​သူ​တိုင်း​သည် အပြစ်​စီရင်​ခြင်း​ကို​ခံထိုက်​၏။ မိမိ​ညီအစ်ကို​အား ‘အလကား​လူ’​ဟု ပြော​သော​သူ​သည် တရား​လွှတ်တော်​လက်​သို့ အပ်နှံ​ခြင်း​ခံထိုက်​၍ ‘လူမိုက်’​ဟု ပြော​သော​သူ​သည် ငရဲ​မီး​ဒဏ်​ကို​ခံထိုက်​၏။

လုကာ 7:39

ကိုယ်တော်​ကို​ဖိတ်ခေါ်​သော​ဖာရိရှဲ​သည် ထို​အခြင်းအရာ​ကို​မြင်​သောအခါ “ဤ​သူ​သည် ပရောဖက်​ဖြစ်​သည်​ဆိုလျှင် သူ့​ကို​တို့ထိ​နေ​သော​အမျိုးသမီး​သည် မည်သူ​ဖြစ်​ကြောင်း​နှင့် မည်သို့သော​အမျိုးသမီး​ဖြစ်​ကြောင်း​သိ​ရ​မည်။ အကြောင်းမူကား ဤ​အမျိုးသမီး​သည် အပြစ်​များ​သော​သူ​ဖြစ်​၏”​ဟု မိမိ​စိတ်​ထဲ၌​ဆို​လေ​၏။

ရှင်မာကု 3:5

ထိုအခါ ကိုယ်တော်​သည် အမျက်​တော်​ဖြင့် ပတ်ပတ်လည်​သို့​ကြည့်ရှု​တော်မူ​ပြီး သူ​တို့​၏​စိတ်နှလုံး​မာကျော​မှု​အတွက် အလွန်​ဝမ်းနည်း​၍ လက်​တစ်ဖက်​သေ​သော​သူ​အား“သင်​၏​လက်​ကို​ဆန့်​လော့”​ဟု မိန့်​တော်မူ​၏။ သူ​သည်​လည်း လက်​ကို​ဆန့်​လိုက်​ရာ သူ​၏​လက်​သည် အကောင်း​ပကတိ​ဖြစ်​လေ​၏။

၂ သက် 3:7

အကြောင်းမူကား ငါ​တို့​ကို မည်ကဲ့သို့​အတုယူ​ရ​မည်​ကို သင်​တို့​ကိုယ်တိုင်​သိ​ကြ​၏။ ငါ​တို့​သည် သင်​တို့​အလယ်၌ စည်းမဲ့​ကမ်းမဲ့​နေ​ကြ​သည်​မ​ဟုတ်။

၁ ကော 7:36

တစ်စုံတစ်ယောက်​သည် မိမိ​နှင့်ဆိုင်သော​အပျို​ကညာ​ကို အခါလင့်​စေ​လျှင် မ​လျောက်ပတ်​ဟု​ထင်မှတ်​၍ ထိုသို့​ပြု​စရာ​လည်း​ရှိ​လျှင် သူ​၏​ဆန္ဒ​အတိုင်း​ပြု​ပါစေ။ သူ​သည် အပြစ်​ပြု​သည်​မ​ဟုတ်။ သူ​တို့​အိမ်ထောင်ပြု​ပါစေ။

မဿဲ 9:4

ယေရှု​သည် သူ​တို့​၏​စဉ်းစား​ဆင်ခြင်​မှု​များ​ကို သိမြင်​တော်မူ​၍“အဘယ်ကြောင့် သင်​တို့​၏​စိတ်နှလုံး​ထဲ၌ မကောင်း​သော​အရာ​များ​ကို စဉ်းစား​ဆင်ခြင်​နေ​ကြ​သနည်း။

ဟေ​ရှာ​ယ 3:5

လူ​တစ်ဦး​ကို​တစ်ဦး​၊ အိမ်နီးချင်း​တစ်ဦး​ကို​တစ်ဦး ညှဉ်းဆဲ​ကြ​လိမ့်မည်​။ လူငယ်​သည် လူကြီး​ကို​လည်းကောင်း​၊ လူယုတ်​သည် လူမြတ်​ကို​လည်းကောင်း စော်ကား​လိမ့်မည်​။

၂ ရာ 10:3

အမ္မုန်​အမျိုးသား​အကြီးအကဲ​တို့​က မိမိ​တို့​၏​အရှင်​ဟာနုန်​မင်းကြီး​အား “​ဒါဝိဒ်​မင်းကြီး​သည် အရှင့်​ခမည်းတော်​ကို​ရိုသေလေးစား​သဖြင့် အရှင့်​ထံ​နှစ်သိမ့်​သူ​များ​ကို စေလွှတ်​သည်​ဟု အရှင်​ထင်​သလော​။ ထိုသို့​မ​ဟုတ်​။ မိမိ​၏​မင်းမှုထမ်း​တို့​ကို ဒါဝိဒ်​မင်းကြီး​စေလွှတ်​လိုက်​ခြင်း​မှာ မြို့​ကို​စူးစမ်း​ထောက်လှမ်း​၍ တိုက်ခိုက်​မှောက်လှန်​ရန်​သာ ဖြစ်​သည်​”​ဟု လျှောက်တင်​ကြ​၏​။

၂ တိ 2:10

ထို့ကြောင့် ရွေးကောက်​ခံရ​သော​သူ​တို့​သည် ခရစ်တော်​ယေရှု​၌​ရှိ​သော​ကယ်တင်​ခြင်း​ကို ထာဝရ​ဘုန်း​အသရေ​နှင့်တကွ ရရှိ​နိုင်​မည့်​အကြောင်း ငါ​သည် သူ​တို့​အတွက် အရာရာ​ကို​သည်းခံ​၏။

ယေ​ရ​မိ 11:19

ငါ​သည် သတ်​ရန်​ခေါ်ဆောင်​သွား​သည့် နူးညံ့​သော​သိုးသငယ်​ကဲ့သို့​ဖြစ်​၏​။ “​သူ​၏​အပင်​ကို အသီး​နှင့်တကွ ဖျက်ဆီး​ကြ​ကုန်​စို့​။ သူ​၏​အမည်​ကို နောက်ထပ်​အမှတ်​မ​ရ​စေရန် လူ့လောက​မှ သူ့​ကို​ဖယ်ရှား​ကြ​ကုန်​စို့​”​ဟု ဆို​လျက် ငါ့​ကို လျှို့ဝှက်ကြံစည်​နေ​ကြ​သည်​ကို ငါ​မ​သိ​ခဲ့​ပေ​။

သုတ္တံကျမ်း။ 14:17

စိတ်တို​သော​သူ​သည် မိုက်မဲ​သော​အမှု​ကို​ပြု​တတ်​၏​။ ကောက်ကျစ်​သော​ဉာဏ်​ရှိ​သော​သူ​သည်​လည်း အမုန်းခံရ​လိမ့်မည်​။

ယောဘဝတ္တု။ 21:27

ငါ့​ကို ဒုက္ခပေး​မည့် သင်​တို့​၏​အတွေး​များ​နှင့် သင်​တို့​၏​ကောက်ကျစ်​သော​အကြံအစည်​များ​ကို​လည်း ငါ​သိ​၏​။

တော​လည် 16:15

ထိုအခါ မောရှေ​သည် အလွန်​အမျက်ထွက်​၍ ထာဝရဘုရား​အား “​ထို​သူ​တို့​၏​ဘောဇဉ်ပူဇော်သက္ကာ​ကို လှည့်ကြည့်​တော်​မ​မူ​ပါ​နှင့်​။ အကျွန်ုပ်​သည် သူ​တို့​ထံမှ မြည်း​တစ်​ကောင်​ကို​မျှ မ​ယူ​ခဲ့​ဖူး​ပါ​။ သူ​တို့​ထဲမှ​တစ်စုံတစ်ယောက်​ကို​မျှ အန္တရာယ်​မ​ပြု​ခဲ့​ဖူး​ပါ​”​ဟု လျှောက်​လေ​၏​။

တော​လည် 12:3

(​မောရှေ​သည် ကမ္ဘာမြေ​ပေါ်​ရှိ​လူ​အားလုံး​တို့​ထက် စိတ်အနှိမ့်ချ​ဆုံး​သူ​ဖြစ်​၏​။​)

၂ တိ 4:16

ငါ​၏​အမှု​အတွက် ပထမ​အကြိမ်​ချေပ​ပြောဆို​ရာ​တွင် မည်သူမျှ ငါ့​ဘက်​၌​မ​နေ​ဘဲ အားလုံး​သည် ငါ့​ကို​စွန့်ပစ်​ကြ​၏။ ဤ​အမှုအရာ​ကြောင့် သူ​တို့​၏​အပြစ်​ကို မှတ်​တော်​မ​မူ​ပါစေ​နှင့်။

တော​လည် 32:6

မောရှေ​က​လည်း ဂဒ်​သားမြေး​၊ ရုဗင်​သားမြေး​တို့​အား “​သင်​တို့​၏​အမျိုးသားချင်း​တို့ စစ်တိုက်​သွား​နေစဉ် သင်​တို့ ဤ​အရပ်​၌ နေ​ခဲ့​ကြ​မည်လော​။