၁ ကော 10:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ငါ​တို့​ကျေးဇူး​တော်​ချီးမွမ်း​ရာ မင်္ဂလာ​ခွက်​သည် ခရစ်တော်​၏​သွေး​တော်​ကို မျှဝေ​ခံယူ​ခြင်း​ဖြစ်​သည်​မ​ဟုတ်​လော။ ငါ​တို့​ဖဲ့​သော​မုန့်​သည် ခရစ်တော်​၏​ကိုယ်ခန္ဓာ​တော်​ကို မျှဝေ​ခံယူ​ခြင်း​ဖြစ်​သည်​မ​ဟုတ်​လော။

Common Language Bible

¹⁶ ငါ​တို့​သည်​ဘု​ရား​သ​ခင်​၏​ကျေး​ဇူး​တော်​ကို ချီး​မွမ်း​၍ ပွဲ​တော်​ခွက်​ဖ​လား​မှ​စ​ပျစ်​ရည်​ကို သောက်​ကြ​သော​အ​ခါ ခ​ရစ်​တော်​၏​သွေး​တော်​ကို ဆက်​ဆံ​သုံး​ဆောင်​ကြ​သည်​မ​ဟုတ်​လော။ မုန့်​ကို စား​သော​အ​ခါ​၌​လည်း ခ​ရစ်​တော်​၏​ကိုယ်​ခန္ဓာ တော်​ကို​ဆက်​ဆံ​သုံး​ဆောင်​ကြ​သည်​မ​ဟုတ် လော။-

Garrad Bible

¹⁶ ငါ တို့ ကောင်း ကြီး ပေး ကြ သော မင်္ဂ လာ ဖ လား တော် သည် ခ ရစ် တော်၏ အ သွေး တော် ကို ဆက် ဆံ သုံး ဆောင် ခြင်း မ ဟုတ် လော။ ငါ တို့ ဖဲ့ ကြ သော မုန့် တော် လည်း ခ ရစ် တော်၏ ကိုယ် ခ န္ဓာ တော် ကို ဆက် ဆံ သုံး ဆောင် ခြင်း မ ဟုတ် လော။

Judson Bible

¹⁶ ငါ​တို့​သည် ကျေး​ဇူး​တော်​ကို ချီး​မွမ်း​ရာ မင်္ဂ​လာ​ခွက်​ဖ​လား​မူ​ကား၊ ခ​ရစ်​တော်၏​အ​သွေး​ကို ဆက်​ဆံ​ခြင်း​ဖြစ်​သည် မ​ဟုတ်​လော။ ငါ​တို့​ဖဲ့​သော​မုန့်​မူ​ကား၊ ခ​ရစ်​တော်၏ ကိုယ်​ကို ဆက်​ဆံ​ခြင်း​ဖြစ်​သည် မ​ဟုတ်​လော။-

ခေတ်သစ်​မြန်မာ သမ္မာကျမ်း

¹⁶ ကောင်းချီး​မင်္ဂလာ​ခွက်​ကို ကျွန်ုပ်တို့​ကောင်းချီးပေး​၍ သောက်သည်​မှာ ခရစ်တော်​၏ အသွေးတော်​ကို မျှဝေခံယူကြခြင်း​ဖြစ်သည် မဟုတ်လော။ မုန့်​ကို ဖဲ့​၍ စားသည်​မှာ ခရစ်တော်​၏ ကိုယ်ခန္ဓာ​ကို မျှဝေခံယူကြခြင်း​ဖြစ်သည် မဟုတ်လော။

၁ ကော 10:16 ပူးပေါင်းရင်းမြစ်များ

လုကာ 22:17

ထို့နောက် ခွက်​ကို​ယူ​၍ ကျေးဇူး​တော်​ချီးမွမ်း​ပြီးလျှင်“ဤ​ခွက်​ကို​ယူ​၍ အချင်းချင်း​ဝေ​သောက်​ကြ​လော့။

တမန်တော်ဝတ္ထု 2:42

ထို​သူ​တို့​သည် တမန်တော်​တို့​၏​သွန်သင်​ချက်​ကို​ခံယူ​ခြင်း၊ မုန့်​ဖဲ့​ခြင်း၊ မိတ်သဟာယ​ဖွဲ့​ခြင်း​နှင့် ဆုတောင်း​ခြင်း​အမှု​တို့​ကို အစဉ်တစိုက်​ပြု​ကြ​၏။

တမန်တော်ဝတ္ထု 2:46

သူ​တို့​သည် နေ့တိုင်း တညီတညွတ်တည်း​ဖြင့် ဗိမာန်​တော်​၌ အစဉ်တစိုက်​စုဝေး​ကြ​၍ တစ်အိမ်​ပြီး​တစ်အိမ်​မုန့်​ဖဲ့​ခြင်း​အမှု​ကို​ပြု​လျက် စေတနာ​စိတ်​နှင့်​ရွှင်မြူး​သော​စိတ်​တို့​ဖြင့် အစားအစာ​ကို ဝေမျှ​စား​သောက်​ကြ​ကာ

တမန်တော်ဝတ္ထု 20:11

ထို့နောက် အပေါ်သို့​ပြန်​တက်​ပြီးလျှင် မုန့်​ကို​ဖဲ့​၍ စားသုံး​ကာ မိုးလင်း​သည်​အထိ ကြာမြင့်​စွာ​ပြောဆို​ပြီးမှ ထွက်ခွာ​သွား​လေ​၏။

တမန်တော်ဝတ္ထု 20:7

ရက်သတ္တပတ်​၏​ပထမ​နေ့​တွင် ငါ​တို့​သည် မုန့်​ကို​ဖဲ့​ရန် စုဝေး​ကြ​၏။ ပေါလု​သည် သူ​တို့​နှင့်​ဆွေးနွေး​ပြောဆို​လျက်​နေ​၏။ သူ​သည် နောက်တစ်နေ့​တွင် ထွက်ခွာ​ရန်​ကြံရွယ်​ထား​သည်​ဖြစ်၍ သန်းခေါင်​အချိန်​တိုင်အောင် တရား​စကား​ကို ဆက်၍​ဟောပြော​လေ​၏။

၁ ကော 1:9

မိမိ​၏​သား​တော်​တည်းဟူသော ငါ​တို့​သခင်​ယေရှု​ခရစ်တော်​၏​မိတ်သဟာယ​ဖွဲ့​ခြင်း​ထဲသို့ သင်​တို့​ကို​ခေါ်​တော်မူ​သော​ဘုရားသခင်​သည် သစ္စာ​နှင့်​ပြည့်စုံ​တော်မူ​၏။

၁ ကော 10:15

သင်​တို့​အား ပညာ​သတိ​ရှိ​သော​သူ​ကို​ပြော​သကဲ့သို့ ငါ​ပြော​၏။ ငါ​ပြော​သော​အရာ​ကို ဆင်ခြင်​သုံးသပ်​ကြ​လော့။

၁ ကော 12:13

အကြောင်းမူကား ဂျူး​လူမျိုး​ဖြစ်စေ၊ ဂရိ​လူမျိုး​ဖြစ်စေ၊ ကျွန်​ဖြစ်စေ၊ လွတ်လပ်​သူ​ဖြစ်စေ ငါ​တို့​ရှိသမျှ​သည် ဝိညာဉ်​တော်​တစ်ပါးတည်း​အားဖြင့် ကိုယ်ခန္ဓာ​တစ်ခုတည်း​ထဲသို့ ဗတ္တိဇံ​ခံ​ကြ​ပြီး အားလုံး​သည် ဝိညာဉ်​တော်​တစ်ပါးတည်း​ကို သောက်​ရ​ကြ​၏။

ဟေ​ဗြဲ 3:14

အကြောင်းမူကား ငါ​တို့​သည် အစ​၌​ရှိ​သော​စိတ်ချ​မှု​ကို အဆုံး​တိုင်အောင် ခိုင်မြဲ​စွာ​စွဲကိုင်​ထား​လျှင် ခရစ်တော်​နှင့်​စပ်ဆိုင်​သော​သူ​များ​ဖြစ်​ကြ​၏။

၁ ယော 1:3

ငါ​တို့​မြင်​ရ​ကြား​ရ​သော​အရာ​ကို သင်​တို့​အား​ပြောကြား​ရ​ခြင်း​မှာ သင်​တို့​သည်​လည်း ငါ​တို့​နှင့်​မိတ်သဟာယ​ဖွဲ့​ခြင်း​ရှိ​စေရန်​ဖြစ်​၏။ ငါ​တို့​၏​မိတ်သဟာယ​ဖွဲ့​ခြင်း​သည် ခမည်းတော်​နှင့်​လည်းကောင်း၊ ခမည်းတော်​၏​သား​တော်​ယေရှု​ခရစ်တော်​နှင့်​လည်းကောင်း မိတ်သဟာယ​ဖွဲ့​ခြင်း​ဖြစ်​၏။

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။