ဧ​သ​တာ 8:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သိဝန်​ဟု​ခေါ်​သော တတိယ​လ​၊ နှစ်ဆယ့်​သုံး​ရက်​နေ့​တွင် ရှင်ဘုရင်​၏​စာရေးတော်​များ​ကို ဆင့်ခေါ်​၍ အိန္ဒိယ​ပြည်​မှ အီသီယိုးပီးယား​ပြည်​တိုင်အောင် ပြည်ထောင်​တစ်ရာ​နှစ်ဆယ့်​ခုနစ်​ပြည်​၌​ရှိ​သော ဂျူး​လူမျိုး​များ​၊ အုပ်ချုပ်ရေး​အရာရှိ​များ​၊ ဘုရင်ခံ​များ​နှင့် အကြီးအကဲ​များ​ထံသို့ အမိန့်စာ​ကို​ရေးသားပေးပို့​စေ​၏​။ ထို​စာ​ကို ဒေသ​အလိုက် သူ့​စာပေ​၊ လူမျိုး​အလိုက်​သူ့​ဘာသာစကား​ဖြင့်​လည်းကောင်း​၊ ဂျူး​လူမျိုး​အတွက်​လည်း သူ့​စာပေ​၊ သူ့​ဘာသာစကား​ဖြင့်​လည်းကောင်း မော်ဒကဲ​ပြောကြား​သမျှ​အတိုင်း ရေးသား​၏​။

Common Language Bible

⁹ ဤ​သို့​ဖြစ်​ပျက်​သည်​မှာ​သိ​ဝန်​ခေါ်​တ​တိ​ယ လ၊ နှစ်​ဆယ့်​သုံး​ရက်​နေ့​၌​ဖြစ်​၏။ မော်​ဒ​ကဲ သည်​မင်း​ကြီး​၏​အ​တွင်း​ဝန်​များ​ကို​ခေါ် ယူ​ကာ​ယု​ဒ​အ​မျိုး​သား​တို့​ထံ​သို့​လည်း ကောင်း၊ အိန္ဒိ​ယ​ပြည်​မှ​အဲ​သ​ရော​ပိ​ပြည် တိုင်​အောင်​တစ်​ရာ့​နှစ်​ဆယ့်​ခု​နစ်​ပြည်​နယ် ရှိ​ဘု​ရင်​ခံ​များ၊ အုပ်​ချုပ်​ရေး​မှူး​များ နှင့်​မင်း​အ​ရာ​ရှိ​များ​ထံ​သို့​အ​မှာ​စာ များ​ရေး​သား​ရန်​နှုတ်​တိုက်​ချ​ပေး​လေ သည်။ ထို​စာ​များ​ကို​ပြည်​နယ်​အ​သီး​သီး တွင်​အ​သုံး​ပြု​သည့်​ဘာ​သာ​စ​ကား များ​ဖြင့်​လည်း​ကောင်း၊ ယု​ဒ​အ​မျိုး​သား တို့​အ​တွက်​ယု​ဒ​ဘာ​သာ​ဖြင့်​လည်း ကောင်း​ရေး​သား​ထား​သ​တည်း။-

Garrad Bible

⁹ သိ ဝန် ခေါ် တ တိ ယ လ၊ နှစ် ဆယ့် သုံး ရက် နေ့ တွင်၊ သံ တော် ဆင့် များ ကို ခေါ်၍၊ မော် ဒ ကဲ မိန့် မှာ သ မျှ ကို၊ အိ န္ဒိ ယ ပြည် မှ ကု ရှ ပြည် တိုင် အောင်၊ တစ် ရာ့ နှစ် ဆယ့် ခု နှစ် ပြည် ထောင် ရှိ ယု ဒ လူ မျိုး တို့ ထံ ကိုယ့် ဘာ သာ အ က္ခ ရာ အ လိုက် လည်း ကောင်း၊ ဘု ရင် ခံ ချုပ်၊ ဘု ရုင် ခံ၊ မှူး တော် မတ် တော် တို့ ထံ၊ ပြည် ထောင် တ ကာ ရှိ လူ အ မျိုး မျိုး တို့ ဘာ သာ အ က္ခ ရာ အ လိုက် လည်း ကောင်း၊

Judson Bible

⁹ ထို​အ​ခါ သိ​ဝန်​အ​မည်​ရှိ​သော တ​တိ​ယ​လ နှစ်​ဆယ်​သုံး​ရက်​နေ့​တွင်၊ စာ​ရေး​တော်​ကြီး​တို့​ကို ခေါ်၍၊ အိ​န္ဒိ​ယ​ပြည်​မှ ကု​ရှ​ပြည်​တိုင်​အောင် တိုင်း​ပြည်​တစ်​ရာ​နှစ်​ဆယ် ခု​နစ်​ပြည်​တို့၌​ရှိ​သော ယု​ဒ​လူ၊ ကိုယ်​စား​တော်​မင်း၊ အ​ပြည်​ပြည်​အုပ်​သော မြို့​ဝန်၊ မြို့​သူ​ကြီး​တို့​ကို မော်​ဒ​ကဲ မှာ​ထား​သ​မျှ​အ​တိုင်း၊ ယု​ဒ​ဘာ​သာ​စ​ကား​မှ​စ၍ လူ​အ​မျိုး​မျိုး ပြော​သော​စ​ကား အ​သီး​အ​သီး​အား​ဖြင့်၊

ဧ​သ​တာ 8:9 ပူးပေါင်းရင်းမြစ်များ

၄ ရာ 18:26

ထိုအခါ ဟိလခိ​၏​သား​ဧလျာကိမ်​၊ ရှေဗန​၊ ယောအာ​တို့​က ရာဗရှာခ​အား “​အာရမိတ်​ဘာသာစကား​ကို ကျွန်တော်မျိုး​တို့​နားလည်​သည်​ဖြစ်၍ ကျွန်တော်မျိုး​တို့​အား အာရမိတ်​ဘာသာစကား​နှင့်​ပြော​ပါ​လော့​။ မြို့ရိုး​ပေါ်ရှိ​လူ​တို့​ကြားသိ​အောင် ယုဒ​ဘာသာစကား​ဖြင့် မ​ပြော​ပါ​နှင့်​”​ဟု ဆို​ကြ​၏​။

၂ ရာ​ချုပ် 15:10

သူ​တို့​သည် အာသ​မင်းကြီး နန်းစံ​တစ်ဆယ့်​ငါး​နှစ်​၊ တတိယ​လ​တွင် ဂျေရုဆလင်​မြို့​၌ စုဝေး​ကြ​ပြီး

ဧ​သ​တာ 1:1

အာရွှေရု​မင်းကြီး​လက်ထက်​တွင် ဖြစ်ပျက်​သော​အရာ​များ​ကား ဤသို့​ဖြစ်​၏​။ အာရွှေရု​မင်းကြီး​သည် အိန္ဒိယ​ပြည်​မှ​အီသီယိုးပီးယား​ပြည်​တိုင်အောင် ပြည်ထောင်​တစ်ရာ​နှစ်ဆယ့်​ခုနစ်​ပြည်​ကို စိုးစံ​လေ​၏​။

ဧ​သ​တာ 1:22

ယောက်ျား​တိုင်း ကိုယ့်​အိမ်ထောင်​ကို​ဦးစီး​ရ​မည်​။ ကိုယ့်​လူမျိုး​၏​ဘာသာစကား​ကို​သာ ပြောဆို​ရ​မည် ဟူသော​အမိန့်စာ​ကို နယ်မြေဒေသ​အလိုက် သူ့​စာပေ​၊ သူ့​လူမျိုး​၏​ဘာသာစကား​အတိုင်း ရှင်ဘုရင်​ပိုင်​နယ်မြေဒေသ​အားလုံး​သို့ ပေးပို့​၏​။

ဧ​သ​တာ 10:1

ထို့နောက် အာရွှေရု​မင်းကြီး​သည် ပြည်​တော်​တစ်ခွင် ပင်လယ်​ကမ်းရိုးတန်းဒေသ​များ​ပါမကျန် အခွန်​စည်းကြပ်​လေ​၏​။

ဒံ​ယေ​လ 4:1

နိုင်ငံ​အသီးသီး​မှ ဘာသာစကား​အမျိုးမျိုး​ကို​ပြောဆို​သော ကမ္ဘာ​အရပ်ရပ်​ရှိ​လူမျိုး​အပေါင်း​တို့​ထံသို့ ငါ​နေဗုခဒ်နေဇာ​မင်းကြီး ပြောကြား​လိုက်​ပါ​၏​။ သင်​တို့ ကြီးပွား​တိုးတက်​ကြ​ပါစေသော​။

ဒံ​ယေ​လ 6:1

ဒါရိ​မင်းကြီး​သည် နိုင်ငံ​ကို​အုပ်ချုပ်​မည့်​အရာရှိ တစ်ရာ့​နှစ်ဆယ်​ကို နိုင်ငံ​တစ်ဝန်းလုံး​တွင် ခန့်ထား​ရန်​အလိုရှိ​၏​။

ဒံ​ယေ​လ 6:25

ထို့နောက် ဒါရိ​မင်းကြီး​သည် မြေ​တစ်ပြင်လုံး​ရှိ​နိုင်ငံ​အသီးသီး​မှ ဘာသာ​စကား​အမျိုးမျိုး​ပြောဆို​သော လူမျိုး​အပေါင်း​တို့​ထံသို့ စာရေး​လိုက်​၏​။ ထို​စာ​တွင် “​သင်​တို့​၌ ငြိမ်ဝပ်ချမ်းသာ တိုးပွား​ပါစေသော​။