ဧ​သ​တာ 3:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို့နောက်တွင် အာရွှေရု​မင်းကြီး​သည် အာဂတ်​အမျိုး​ဟမ္မေဒါသ​၏​သား​ဟာမန်​ကို ချီးမြှင့်မြှောက်စား​လေ​၏​။ သူ​၌​ရှိ​သော​မှူးမတ်​အပေါင်း​တို့​ထက် ရာထူး​တိုးမြှင့်​ပေး​၏​။

Common Language Bible

¹ ကာ​လ​အ​နည်း​ငယ်​ကြာ​သော်​ဇေ​ရဇ်​မင်း သည်​အာ​ဂတ် မှ​ဆင်း​သက်​သူ၊ ဟ​မ္မေဒါ​သ​၏​သား​ဟာ​မန် အား​ဝန်​ကြီး​ချုပ်​အ​ဖြစ်​ချီး​မြှင့်​တော်​မူ​၏။-

Garrad Bible

¹ ထို အ ခြင်း အ ရာ နောက်၊ အာ ရွှေ ရု မင်း သည်၊ အာ ဂတ် အ မျိုး ဟ မ္မေ ဒါ သ သား ဟာ မန် ကို သူ ကောင်း ပြု၍၊ အ ပါး တော် မြဲ မှူး တော် မတ် တော် တ ကာ တို့ ထက် နေ ရာ ထူး ပေး သည် နှင့် အ ညီ၊

Judson Bible

¹ ထို​နောက်​မှ ရှင်​ဘု​ရင်​အာ​ရွှေ​ရု​သည် အာ​ဂတ်​အ​မျိုး၊ ဟ​မ္မေ​ဒါ​သ​သား​ဟာ​မန်​ကို ချီး​မြှောက်၍၊ အ​ထံ​တော်၌​ရှိ​သော မှူး​မတ်​အ​ပေါင်း​တို့​ထက် သာ၍​မြင့်​မြတ်​သော နေ​ရာ​ကို ပေး​တော်​မူ၏။

ဧ​သ​တာ 3:1 ပူးပေါင်းရင်းမြစ်များ

ကမ္ဘာ​ဦး 41:40

သင်​သည် ငါ​၏​နန်းတော်အုပ်​ဖြစ်​ရ​မည်​။ ငါ​၏​လူ​အပေါင်း​တို့​သည် သင်​၏​အမိန့်​ကို​နာခံ​ကြ​ရ​မည်​။ ငါ​သည် ရာဇပလ္လင်​အားဖြင့်​သာ သင့်​ထက်​ကြီးမြတ်​မည်​”​ဟု မိန့်ဆို​၏​။

ကမ္ဘာ​ဦး 41:55

အီဂျစ်​ပြည်​တစ်ပြည်လုံး​ဆာလောင်မွတ်သိပ်​သောအခါ လူ​တို့​သည် အစားအစာ​အတွက် ဖာရော​မင်းကြီး​ထံ အော်ဟစ်​ကြ​၏​။ ထိုအခါ ဖာရော​မင်းကြီး​သည် အီဂျစ်​ပြည်သား​အပေါင်း​တို့​အား “​ယောသပ်​ထံသို့ သွား​ကြ​လော့​။ သင်​တို့​အား သူ​ပြော​သည့်​အတိုင်း​ပြု​ကြ​လော့​”​ဟု မိန့်ဆို​၏​။

ဧ​ဇ​ရ 7:14

သင်​လက်စွဲ​ထား​သော သင့်​ဘုရားသခင်​၏​ပညတ်တရား​နှင့်​ပတ်သက်၍ ယုဒ​ပြည်သူ​၊ ဂျေရုဆလင်​မြို့သား​တို့​ကို စစ်ဆေး​ရန် ရှင်ဘုရင်​နှင့်​အကြံပေး​ပုဂ္ဂိုလ်​ခုနစ်​ဦး​တို့​သည် သင့်​ကို စေလွှတ်​၏​။

ဧ​သ​တာ 1:14

ရှင်ဘုရင်​ရှေ့​တော်​တွင် ခစား​ရ​ပြီး နိုင်ငံ​တော်​၌ အမြင့်ဆုံး​ရာထူး​ရရှိ​ထား​သူ​၊ ရှင်ဘုရင်​နှင့်​အနီးကပ်​နေ​ရ​သူ​များ​မှာ ပါးရှား​ပြည်​နှင့်​မေဒိ​ပြည်​အကြီးအကဲ​ခုနစ်​ဦး​ဖြစ်​သော ကာရှေန​၊ ရှေသာ​၊ အာဒမာသ​၊ တာရှု​၊ မေရက်​၊ မာသေန​၊ မမုကန်​တို့​ဖြစ်​ကြ​၏​။

ဧ​သ​တာ 3:10

ထိုအခါ ရှင်ဘုရင်​သည် မိမိ​လက်​မှ​တံဆိပ်တုံးလက်စွပ်​တော်​ကို​ချွတ်​၍ ဂျူး​လူမျိုး​တို့​၏​ရန်သူ​ဖြစ်​သော အာဂတ်​အမျိုး​ဟမ္မေဒါသ​၏​သား​ဟာမန်​အား ပေး​လေ​၏​။

ဧ​သ​တာ 5:11

ဟာမန်​က သူ​တို့​အား မိမိ​မည်မျှ ဓနဥစ္စာ​ဂုဏ်ရှိန်​ကြီး​ကြောင်း​၊ သားသမီး​များပြား​ကြောင်း​၊ ရှင်ဘုရင်​သည်​လည်း မိမိ​အား မည်မျှ​ချီးမြှင့်မြှောက်စား​ကြောင်း​၊ အခြား​မှူးမတ်​များ​နှင့် မင်းမှုထမ်း​များ​ထက် ရာထူး​တိုးမြှင့်​ပေး​ကြောင်း​တို့​ကို ဝါကြွား​ပြောဆို​လေ​၏​။

ဧ​သ​တာ 7:6

ဧသတာ​က​လည်း “​ကျွန်တော်မျိုးမ​ကို ရန်ပြု​သော​ရန်သူ​ကား ဤ​လူ​ယုတ်မာ​ဟာမန်​ဖြစ်​ပါ​သည်​”​ဟု ဆို​လျှင် ဟာမန်​သည် ရှင်ဘုရင်​နှင့် မိဖုရား​ရှေ့​တွင် ကြောက်လန့်​တုန်လှုပ်​လေ​၏​။

ဧ​သ​တာ 8:3

ထို့ပြင် ဧသတာ​သည် ရှင်ဘုရင်​၏​ခြေရင်း​တွင် ပျပ်ဝပ်​လျက် ဂျူး​လူမျိုး​တို့​ကို သုတ်သင်ပယ်ရှင်း​ပစ်​ရန် အာဂတ်​လူမျိုး လူယုတ်မာ​ဟာမန် ကြံစည်​သော​အကြံအစည်​ကို ဖယ်ရှား​ပေး​ပါ​မည့်​အကြောင်း ငိုကြွေး​လျက် အသနားခံ​လျှောက်ထား​လေ​၏​။

ဆာ​လံ 12:8

ဆိုးညစ်​သော​အမှု​သည် လူသား​တို့​အလယ်​တွင် မြှောက်စား​ခြင်း​ခံရ​သောအခါ ဆိုးယုတ်​သော​သူ​တို့​သည် နေရာတကာ​သို့​လှည့်လည်​တတ်​ကြ​၏​။

သုတ္တံကျမ်း။ 29:2

ဖြောင့်မတ်​သော​သူ​တို့​တိုးပွား​သောအခါ လူ​တို့​သည် ဝမ်းမြောက်​ကြ​၏​။ ဆိုးယုတ်​သော​သူ​အုပ်စိုး​သောအခါ​၌​မူကား လူ​တို့​သည် ညည်းတွား​ကြ​၏​။

ဒေသနာကျမ်း။ 10:6

မိုက်မဲ​သော​သူ​အား အလွန်​မြင့်သောနေရာ​ကို​ပေး​၍ ချမ်းသာ​သော​သူ​တို့​သည် နိမ့်ပါး​သော​နေရာ​၌​ထိုင်​နေ​ရ​ခြင်း​ဖြစ်​၏​။

ဒံ​ယေ​လ 6:2

ထို​သူ​တို့​အထက်​တွင် ဒံယေလ​အပါအဝင် အုပ်ချုပ်ရေးမှူး​သုံး​ဦး​ကို ခန့်ထား​၏​။ ဘုရင်​၏​အကျိုး​မ​ယုတ်​စေရန် အမှုကိစ္စ​တို့​ကို အုပ်ချုပ်ရေး​အရာရှိ​တို့​က အုပ်ချုပ်ရေးမှူး​သုံး​ဦး​ထံ အစီရင်ခံ​တင်ပြ​ရ​၏​။

တော​လည် 24:7

သူ့​ရေပုံး​မှ ရေ​စီးကျ​လိမ့်မည်​။ သူ​၏​မျိုးစေ့​သည် ရေ​လုံလောက်​စွာ ရ​လိမ့်မည်​။ သူ​၏​ရှင်ဘုရင်​သည် အာဂတ်​မင်းကြီး​ထက် မြင့်မြတ်​၍ သူ​၏​နိုင်ငံ​သည်​လည်း ချီးမြှောက်​ခြင်း ခံရ​လိမ့်မည်​။

၁ ရာ 15:33

သို့သော် ရှမွေလ​က သူ့​အား “​သင့်​ဓား​သည် မိခင်​တို့​ကို သားသမီး​ဆုံးပါး​စေ​သကဲ့သို့ သင့်​မိခင်​သည်​လည်း မိန်းမ​တို့​တွင် သားသမီး​ဆုံးပါး​သူ ဖြစ်​ရ​မည်​”​ဟု ဆို​ပြီး ရှမွေလ​သည် အာဂတ်​ကို ဂိလဂါလ​မြို့​တွင် ထာဝရဘုရား​ရှေ့​တော်​၌ အပိုင်းပိုင်း​ခုတ်ဖြတ်​လိုက်​လေ​၏​။

၁ ရာ 15:8

အာမလက်​ဘုရင်​အာဂတ်​မင်းကြီး​ကို အရှင်​ဖမ်း​ပြီး သူ​၏​လူ​အပေါင်း​တို့​ကို ဓား​ဖြင့် သတ်ဖြတ်​ပစ်​လေ​၏​။