ဧ​ဖက် 6:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ အမျိုးမျိုး​သော ဆုတောင်း​ခြင်း​နှင့်​အသနားခံ​ခြင်း​တို့​ဖြင့် အချိန်​ရှိ​သရွေ့ ဝိညာဉ်​တော်​၌​ဆုတောင်း​ကြ​လော့။ ထိုသို့​ပြု​နိုင်​ရန် နိုးနိုးကြားကြား​ရှိ​လျက် ဇွဲ​လုံ့လ​အပြည့်အဝ​ဖြင့် သန့်ရှင်း​သူ​အပေါင်း​တို့​အတွက် အသနားခံ​ကြ​လော့။

Common Language Bible

¹⁸ သင်​တို့​အား​ကူ​ညီ​စောင်​မ​တော်​မူ​ရန်​ဘု​ရား သ​ခင်​အား​အ​စဉ်​အ​မြဲ​ဆု​တောင်း​ကြ​လော့။ ဝိ​ညာဉ်​တော်​ညွှန်​ကြား​တော်​မူ​သည့်​အ​တိုင်း အ​ခါ​ခပ်​သိမ်း​ဆု​တောင်း​ကြ​လော့။ ထို့​ကြောင့် နိုး​နိုး​ကြား​ကြား​နေ​ကြ​လော့။ ဇွဲ​သတ္တိ​ရှိ​ကြ လော့။ အ​ခါ​မ​လပ်​ဘု​ရား​သ​ခင်​၏​လူ​စု တော်​အ​တွက်​ဆု​တောင်း​ကြ​လော့။-

Garrad Bible

^18-20 ဝိ ညာဉ် တော် အား ဖြင့် အ ခါ ခပ် သိမ်း တောင်း လျှောက် ပ ဌ နာ ပြု လျက် ရပ် ခံ ကြ လော့။ ငါ အ တည့် အ လင်း ကြား ပြော သင့် သည် နှင့် အ ညီ သ တင်း တော် မြတ် နက် နဲ ရာ ကို အ တည့် အ လင်း ဖော် ပြ ရန် ဟော ပြော ခြင်း နှုတ် သ တ္တိ ကို သ နား တော် မူ စေ ခြင်း ငှါ ထို သ တင်း တော် မြတ် ကြောင့် အ ကျဉ်း ခံ ရ သော သံ တ မန် ဖြစ် သူ ငါ့ အ ဖို့လည်း ကောင်း၊ သီး သန့် ထား တော် မူ သူ အ ပေါင်း တို့ အ ဖို့လည်း ကောင်း ထို သို့ ပ ဌ နာ ပြု မြဲ ပြု လျက် စောင့် နေ ကြ လော့။

Judson Bible

¹⁸ ကာ​လ​အ​စဉ် စိတ်​နှ​လုံး​ပါ​လျက် ဆု​တောင်း ပ​တ္ထ​နာ​ပြု​ခြင်း​အ​မျိုး​မျိုး​တို့​ဖြင့် ဆု​တောင်း​ကြ​လော့။ ထို​သို့ ဆု​တောင်း​ခြင်း​ငှာ အား​မ​လျော့​ဘဲ​လျက်၊ ငါ​မှ​စ၍ သန့်​ရှင်း​သူ အ​ပေါင်း​တို့​အ​ဖို့ ဆု​တောင်း​လျက် စောင့်​ရှောက်​ကြ​လော့။-

ခေတ်သစ်​မြန်မာ သမ္မာကျမ်း

¹⁸ အမျိုးမျိုးသော ဆုတောင်းခြင်း​နှင့် အသနားခံခြင်းတို့​ဖြင့် ဝိညာဉ်တော် ညွှန်ကြားတော်မူသည့်​အတိုင်း အချိန်အခါ​တိုင်း​တွင် ဆုတောင်းကြလော့။ ထိုသို့ ဆုတောင်း​နိုင်ရန် နိုးနိုးကြားကြား နေ​၍ ယုံကြည်သူ​အပေါင်းတို့​အတွက် ဇွဲမလျှော့ဘဲ ဆုတောင်းကြလော့။

ဧ​ဖက် 6:18 ပူးပေါင်းရင်းမြစ်များ

၃ ရာ 8:52

ကိုယ်တော်​၏​အစေအပါး​၊ ကိုယ်တော်​၏​လူမျိုး​တော်​အစ္စရေး​တို့ ဆုတောင်း​အသနားခံ​သည်​ကို မြင်​တော်မူ​လှည့်​ပါ​။ ကိုယ်တော့်​ထံ တောင်းလျှောက်​သမျှ​ကို နားညောင်း​တော်မူ​ပါ​။

၃ ရာ 8:54

ထိုသို့ ရှောလမုန်​မင်းကြီး​သည် ဤ​ဆုတောင်း​အသနားခံချက်​အလုံးစုံ​တို့​ကို ထာဝရဘုရား​ထံ​တောင်းလျှောက်​ပြီး​သောအခါ ထာဝရဘုရား​၏​ယဇ်ပလ္လင်​ရှေ့​တွင် ဒူးထောက်​ပြီး ကောင်းကင်​သို့ လက်​ကို​ဆန့်​ရာ​မှ ထ​၍

၃ ရာ 8:59

ထာဝရဘုရား​ထံ အကျွန်ုပ်​တောင်းလျှောက်​သော ဤ​ဆုတောင်းချက်​များ​သည် အကျွန်ုပ်​တို့​၏​ဘုရားသခင်​ထာဝရဘုရား​ထံ နေ့ညမပြတ်​ရောက်ရှိ​ပါစေသော​။ နေ့စဉ်​နှင့်အမျှ ကြုံ​နေ​ရ​သော ကိုယ်တော့်​အစေအပါး​၏​အမှုကိစ္စ​များ​နှင့် ကိုယ်တော့်​လူမျိုး​တော်​အစ္စရေး​တို့​၏​အမှုကိစ္စ​များ​ကို​လည်း စီရင်​ပေးသနား​တော်မူ​ပါစေသော​။

၃ ရာ 9:3

ထာဝရဘုရား​က သူ့​အား “​ငါ့​ရှေ့မှောက်​တွင် သင်​ဆုတောင်း​အသနားခံ​သည်​ကို ငါ​နားညောင်း​ပြီ​။ သင်​တည်ဆောက်​သော​ဤ​အိမ်​တော်​ကို ငါ​သန့်ရှင်း​စေ​မည်​။ ငါ့​နာမ​အဖို့ အစဉ်​တည်​စေ​မည်​။ ဤ​အိမ်​တော်​ကို ငါ​အစဉ်အမြဲ​ကြည့်ရှု​နှလုံးသွင်း​မည်​။

ဧ​သ​တာ 4:8

ထို့ပြင် ဂျူး​လူမျိုး​တို့​ကို​ဖျက်ဆီး​မည့်​အကြောင်း ရှုရှန်​မြို့​တွင် ကြေညာ​သည့် အမိန့်​စာ​မိတ္တူ​ကို​လည်း ပေး​လိုက်​၏​။ ဤ​စာ​ကို ဧသတာ​အား​ပြ​၍ သူ့​ကို​ရှင်းပြ​ရန်​နှင့် ဧသတာ​အား ရှင်ဘုရင်​ထံသို့​ဝင်​၍ ကိုယ့်​လူမျိုး​တို့​အတွက် မင်းကြီး​ထံ​အသနားခံ​တောင်းလျှောက်​ရန် မှာလိုက်​လေ​၏​။

ယောဘဝတ္တု။ 27:10

သူ​သည် အနန္တတန်ခိုးရှင်​ကို နှစ်သက်​လိမ့်မည်​လော​။ ဘုရားသခင်​ထံ အစဉ်​အော်ဟစ်​ဆုတောင်း​လိမ့်မည်​လော​။

ဆာ​လံ 4:1

အကျွန်ုပ်​ကို​ဖြောင့်မတ်​စေ​တော်မူ​သော ဘုရားသခင်​၊ အကျွန်ုပ်​ခေါ်​သောအခါ အကျွန်ုပ်​ကို​ထူး​တော်မူ​ပါ​။ အကျွန်ုပ်​ဆင်းရဲဒုက္ခ​ထဲ​ရောက်​သောအခါ ကိုယ်တော်​သည် အကျွန်ုပ်​ကို ချမ်းသာ​ပေး​တော်မူ​ပါ​ပြီ​။ အကျွန်ုပ်​ကို​သနား​၍ အကျွန်ုပ်​၏​ဆုတောင်းချက်​ကို နားညောင်း​တော်မူ​ပါ​။

ဆာ​လံ 6:9

ထာဝရဘုရား​သည် ငါ​၏​အသနားခံချက်​ကို ကြား​တော်မူ​ပြီ​။ ထာဝရဘုရား​သည် ငါ​၏​ဆုတောင်းချက်​ကို လက်ခံ​တော်မူ​၏​။

ဟေ​ရှာ​ယ 26:16

အို ထာဝရဘုရား​၊ သူ​တို့​သည် ဆင်းရဲဒုက္ခ​ရောက်​သောအခါ ကိုယ်တော့်​ကို​ရှာ​ကြ​ပါ​၏​။ ကိုယ်တော်​သည် သူ​တို့​ကို​ဆုံးမပဲ့ပြင်​တော်မူ​သောအခါ သူ​တို့​သည် ဆုတောင်း​ပတ္ထနာပြု​ကြ​ပါ​၏​။

ဒံ​ယေ​လ 6:10

ထို​အမိန့်စာ​ကို ဒါရိ​မင်းကြီး​လက်မှတ်ရေးထိုး​ကြောင်း ဒံယေလ​ကြားသိ​သော်လည်း သူ​သည် အိမ်​သို့​ပြန်​၍​အပေါ်ထပ် မိမိ​အခန်း​သို့​ဝင်​ကာ ဂျေရုဆလင်​မြို့​ဘက်​သို့​မျက်နှာမူ​ထား​သော ပြတင်းပေါက်​ကို​ဖွင့်​ပြီး ဘုရားသခင်​ရှေ့​တော်​တွင် ယခင်​က​တစ်​နေ့​သုံး​ကြိမ်​ဒူးထောက်​ဆုတောင်း​ခဲ့​သည့်​အတိုင်း ဆုတောင်း​လျက်​ကျေးဇူး​တော်​ကို ချီးမွမ်း​လေ​၏​။

ဒံ​ယေ​လ 9:20

ထိုသို့ ငါ​သည် ငါ့​အပြစ်​၊ ငါ့​လူမျိုး​အစ္စရေး​တို့​၏​အပြစ်​ကို ဝန်ချတောင်းပန်​၍ မြွက်ဆို​ဆုတောင်း​ခဲ့​၏​။ ဘုရားသခင်​၏​သန့်ရှင်း​သော​တောင်​တော်​အတွက်​လည်း ဘုရားသခင်​ထာဝရဘုရား​ထံ ပျပ်ဝပ်​အသနားခံ​ခဲ့​၏​။

ဟော​ရှေ 12:4

ကောင်းကင်တမန်​နှင့် ပြိုင်​၍​အနိုင်ရ​ခဲ့​၏​။ ကိုယ်တော့်​ထံ ငိုကြွေး​၍ ကောင်းချီး​တောင်းခံ​ခဲ့​၏​။ ဗေသလ​မြို့​တွင် ကိုယ်တော်​နှင့်​တွေ့​၏​။ ထို​အရပ်​တွင် ကိုယ်တော်​သည် ငါ​တို့​နှင့် စကား​ပြောဆို​ခဲ့​၏​။

ဇာ​ခ​ရိ 12:10

ငါ​သည် ဒါဝိဒ်​အမျိုးအနွယ်​မှစ၍ ဂျေရုဆလင်​မြို့သူမြို့သား​တို့​အား သနားကြင်နာ​တတ်​သော​စိတ်သဘော​၊ ဆုတောင်း​ပတ္ထနာပြု​တတ်​သော​စိတ်သဘော​ကို သွန်းလောင်း​ပေး​မည်​။ သူ​တို့​သည် မိမိ​တို့​ထိုးဖောက်​ခဲ့​သော​ငါ့​ကို မြင်​ရ​သောအခါ တစ်ဦးတည်း​သော​သား​အတွက် မြည်တမ်း​သကဲ့သို့ မြည်တမ်း​ရ​လိမ့်မည်​၊ သားဦး​အတွက် ခါးသီး​စွာ​ခံစား​ရ​သကဲ့သို့ ခါးသီး​စွာ​ခံစား​ရ​လိမ့်မည်​။

မဿဲ 17:21

[သို့သော် ထို​နတ်​မျိုး​သည် ဆုတောင်း​ခြင်း​နှင့်​အစာရှောင်​ခြင်း​အားဖြင့်​မ​ဟုတ်​လျှင် မ​ထွက်​တတ်]”​ဟု မိန့်​တော်မူ​၏။

မဿဲ 26:41

ဖြားယောင်း​သွေးဆောင်​ရာ​ထဲသို့ မ​ကျရောက်​စေရန် သတိ​နှင့်​စောင့်​နေ​လျက် ဆုတောင်း​ကြ​လော့။ စိတ်​ဝိညာဉ်​သည် ထက်သန်​သော်လည်း ကိုယ်ကာယ​မူကား အားနည်း​၏”​ဟု မိန့်​တော်မူ​၏။

ရှင်မာကု 13:33

သတိပြု​၍​နိုးနိုးကြားကြား​ရှိ​ကြ​လော့။ အကြောင်းမူကား ထို​အချိန်​သည် မည်သည့်​အခါ​၌​ကျရောက်​မည်​ကို သင်​တို့​မ​သိ​ကြ။

ရှင်မာကု 14:38

ဖြားယောင်း​သွေးဆောင်​ရာ​ထဲသို့ မ​ကျရောက်​စေရန် သတိ​နှင့်​စောင့်​နေ​လျက် ဆုတောင်း​ကြ​လော့။ စိတ်​ဝိညာဉ်​သည် ထက်သန်​သော်လည်း ကိုယ်ကာယ​မူကား အားနည်း​၏”​ဟု မိန့်​တော်မူ​၏။

လုကာ 21:36

ထို့ကြောင့် သင်​တို့​သည် ဖြစ်ပျက်​တော့မည့် ဤ​အမှု​ခပ်သိမ်း​တို့​မှ လွတ်မြောက်​၍ လူ့သား​၏​ရှေ့​တော်​၌ မတ်တတ်ရပ်​နိုင်​ရန် အချိန်​ရှိသရွေ့ နိုးနိုးကြားကြား​ရှိ​လျက် ဆုတောင်း​ကြ​လော့”​ဟု မိန့်​တော်မူ​၏။

လုကာ 22:46

“အဘယ်ကြောင့်​အိပ်ပျော်​နေ​ကြ​သနည်း။ ဖြားယောင်း​သွေးဆောင်​ရာ​ထဲသို့ မ​ကျရောက်​စေရန် ထ​၍​ဆုတောင်း​ကြ​လော့”​ဟု မိန့်​တော်မူ​၏။

လုကာ 3:26

နဂ္ဂဲ​သည် မာအတ်​၏​သား၊ မာအတ်​သည် မတ္တသိ​၏​သား၊ မတ္တသိ​သည် ရှေမိ​၏​သား၊ ရှေမိ​သည် ယောသပ်​၏​သား၊ ယောသပ်​သည် ယုဒ​၏​သား၊

လုကာ 3:37

လာမက်​သည် မသုရှလ​၏​သား၊ မသုရှလ​သည် ဧနောက်​၏​သား၊ ဧနောက်​သည် ယာရက်​၏​သား၊ ယာရက်​သည် မဟာလေလေလ​၏​သား၊ မဟာလေလေလ​သည် ကာဣနန်​၏​သား၊

တမန်တော်ဝတ္ထု 1:14

သူ​တို့​အားလုံး​သည် အမျိုးသမီး​များ​နှင့် ယေရှု​၏​မယ်တော်​မာရိ​မှစ၍ ကိုယ်တော်​၏​ညီ​တော်​များ​နှင့်အတူ တစ်စိတ်​တစ်သဘောတည်း​ဖြင့် ဆုတောင်း​ခြင်း​အမှု​ကို အစဉ်တစိုက်​ပြု​နေ​ကြ​၏။

တမန်တော်ဝတ္ထု 10:2

သူ​သည် ဘုရား​ဝတ်​၌​မွေ့လျော်​သော​သူ​ဖြစ်​ပြီး သူ​၏​အိမ်သူအိမ်သား​အားလုံး​နှင့်တကွ ဘုရားသခင်​ကို​ကြောက်ရွံ့​ရိုသေ​၍ ဂျူး​လူမျိုး​တို့​အား များစွာ​ပေးကမ်း​စွန့်ကြဲ​ကာ ဘုရားသခင်​ထံ အမြဲ​ဆုတောင်း​လျက်​နေ​၏။

တမန်တော်ဝတ္ထု 12:5

ဤသို့ဖြင့် ပေတရု​သည် ထောင်​ထဲ၌ ထိန်းသိမ်း​ထား​ခြင်း​ခံရ​၏။ သို့ရာတွင် အသင်းတော်​သည် သူ့​အတွက် ဘုရားသခင်​ထံသို့ စိတ်အား​ထက်သန်​စွာ​ဆုတောင်း​လျက်​နေ​၏။

တမန်တော်ဝတ္ထု 6:4

ငါ​တို့​မူကား ဆုတောင်း​ခြင်း​နှင့် နှုတ်ကပတ်တော်​ဟောပြော​ခြင်း​အမှု​တို့​ကို အစဉ်တစိုက်​ပြု​ကြ​မည်”​ဟု ဆို​ကြ​၏။

ရော​မ 12:12

မျှော်လင့်​ခြင်း​၌​ဝမ်းမြောက်​လျက် ဆင်းရဲ​ဒုက္ခ​ကို​သည်းခံ​ကာ ဆုတောင်း​ခြင်း​အမှု​ကို အစဉ်တစိုက်​ပြု​ကြ​လော့။

ရော​မ 8:15

သင်​တို့​သည် ကြောက်ရွံ့​ခြင်း​သို့ တစ်ဖန်​ရောက်​စေ​သော ကျွန်​၏​ဝိညာဉ်​ကို​ခံယူ​ရရှိ​ကြ​သည်​မ​ဟုတ်​ဘဲ သားသမီး​အရာ​ကို​ပေး​သော​ဝိညာဉ်​တော်​ကို ခံယူ​ရရှိ​ကြ​၏။ ထို​ဝိညာဉ်​တော်​အားဖြင့် “အဗ္ဗ၊ အဖ”​ဟု ငါ​တို့​ခေါ်​ကြ​၏။

ဂ​လာ​တိ 4:6

ထိုသို့ သင်​တို့​သည် သား​သမီး​များ​ဖြစ်​ကြ​သောကြောင့် ဘုရားသခင်​သည် “အဗ္ဗ၊ အဖ”​ဟု ခေါ်​တတ်​သော မိမိ​သား​တော်​၏​ဝိညာဉ်​တော်​ကို ငါ​တို့​၏​စိတ်နှလုံး​ထဲသို့ စေလွှတ်​တော်မူ​၏။

ဧ​ဖက် 1:16

သင်​တို့​အတွက် အစဉ်မပြတ်​ကျေးဇူး​တော်​ချီးမွမ်း​လျက် ငါ​၏​ဆုတောင်း​ချက်​များ​၌ သင်​တို့​ကို​သတိရ​ကာ

ဧ​ဖက် 2:22

သင်​တို့​သည်​လည်း ဝိညာဉ်​တော်​အားဖြင့် ဘုရားသခင်​ကိန်းဝပ်​တော်မူ​ရာ​အဖြစ်​သို့ ထို​သခင်​၌ အတူတကွ​တည်ဆောက်​ခြင်း​ခံရ​ကြ​၏။

ဧ​ဖက် 3:18

ထို​မေတ္တာ​တော်​၏​အလျား၊ အနံ၊ အမြင့်၊ အနက်​တို့ မည်မျှ​ရှိသည်​ကို သန့်ရှင်း​သူ​အားလုံး​နှင့်အတူ သဘောပေါက်​နိုင်​စွမ်း​ရှိ​သဖြင့်

ဧ​ဖက် 3:8

သန့်ရှင်း​သူ​အားလုံး​တို့​တွင် အငယ်ဆုံး​သော​သူ​ထက် သာ၍​ငယ်​သော​ငါ့​အား ဤ​ကျေးဇူး​တော်​ကို​ပေးအပ်​တော်မူ​ခြင်း​မှာ ချင့်မျှော်​တွေးဆ​၍​မ​ရ​နိုင်​သော ခရစ်တော်​၏​ကြွယ်ဝ​မှု​ကို လူမျိုးခြား​တို့​အား​ဟောပြော​စေရန်​နှင့်

ဧ​ဖက် 6:19

ငါ​သည် နှုတ်​ကို​ဖွင့်​သောအခါ ပြော​ရ​မည့်​စကား​ကို ငါ့​အား​ပေး​တော်မူ​၍ ကောင်းမြတ်​သော​သတင်း​နှင့်ဆိုင်သည့် လျှို့ဝှက်​နက်နဲ​သော​အရာ​ကို ရဲရင့်​စွာ​ပြောပြ​နိုင်​ရန် ငါ့​အတွက်​လည်း ဆုတောင်း​ပေး​ကြ​လော့။

ဖိ​လိပ္ပိ 1:4

ငါ​ဆုတောင်း​သည့်​အခါ​တိုင်း သင်​တို့​အားလုံး​အတွက် ဝမ်းမြောက်​သော​စိတ်​နှင့် အစဉ်အမြဲ​ဆုတောင်း​၏။

ဖိ​လိပ္ပိ 4:6

မည်သည့်​အမှု​ကို​မျှ မ​စိုးရိမ်​ဘဲ အရာရာ​၌ ကျေးဇူး​တော်​ချီးမွမ်း​ခြင်း​နှင့်တကွ ဆုတောင်း​ခြင်း​နှင့်​အသနားခံ​ခြင်း​တို့​ဖြင့် သင်​တို့​တောင်းခံ​လို​သော​အရာ​များ​ကို ဘုရားသခင်​အား သိ​စေ​ကြ​လော့။

ကော​လော​သဲ 1:3

ငါ​တို့​သည် သင်​တို့​အတွက် အစဉ်အမြဲ​ဆုတောင်း​လျက် ငါ​တို့​သခင်​ယေရှု​ခရစ်တော်​၏​ခမည်းတော်​တည်းဟူသော ဘုရားသခင်​ကို ကျေးဇူးတင်​ကြ​၏။

ကော​လော​သဲ 1:4

အကြောင်းမှာ ခရစ်တော်​ယေရှု​အပေါ်​၌​ရှိ​သော​သင်​တို့​၏​ယုံကြည်​ခြင်း​နှင့် သန့်ရှင်း​သူ​အပေါင်း​တို့​အပေါ် သင်​တို့​ထားရှိ​သည့် ချစ်​ခြင်း​မေတ္တာ​အကြောင်း​ကို ငါ​တို့​ကြား​ရ​သောကြောင့်​ဖြစ်​၏။

ကော​လော​သဲ 4:2

ဆုတောင်း​ခြင်း​အမှု​ကို အစဉ်တစိုက်​ပြု​ကြ​လော့။ ထိုသို့​ပြု​ရာ​တွင် ကျေးဇူး​တော်​ချီးမွမ်း​ခြင်း​အားဖြင့် သတိ​ဝီရိယ​ရှိ​ကြ​လော့။

၁ သက် 5:17

အမြဲမပြတ် ဆုတောင်း​ကြ​လော့​။

၁ တိ 2:1

သို့ဖြစ်၍ လူ​အပေါင်း​တို့​အတွက်​လည်းကောင်း၊ ရှင်ဘုရင်​များ​နှင့် အထက်​အာဏာပိုင်​အားလုံး​တို့​အတွက်​လည်းကောင်း အသနားခံ​ခြင်း၊ ဆုတောင်း​ခြင်း၊ ကြားခံ​တောင်းလျှောက်​ခြင်း​နှင့် ကျေးဇူး​တော်​ချီးမွမ်း​ခြင်း​တို့​ကို​ပြု​ရန် ပထမ​ဦးစွာ ငါ​တိုက်တွန်း​နှိုးဆော်​ပါ​၏။

၂ တိ 1:3

ငါ​သည် နေ့​ရော​ည​ပါ​ဆုတောင်း​သောအခါ သင့်​အကြောင်း​ကို အမြဲမပြတ်​သတိရ​လျက် စင်ကြယ်​သော​အသိစိတ်​ဖြင့် ဘိုးဘေး​တို့​လက်ထက်​က​ပင် ဝတ်ပြု​လာ​ခဲ့​သော ဘုရားသခင်​၏​ကျေးဇူး​တော်​ကို ငါ​ချီးမွမ်း​၏။

ဖိ​လေ​မုန် 1:5

အဘယ်ကြောင့်​ဆိုသော် သခင်​ယေရှု​နှင့် သန့်ရှင်း​သူ​အပေါင်း​တို့​အပေါ်​၌ သင်​ထားရှိ​သော သင်​၏​ချစ်​ခြင်း​မေတ္တာ​နှင့်​ယုံကြည်​ခြင်း​အကြောင်း​ကို ငါ​တို့​ကြား​ရ​သောကြောင့်​ဖြစ်​၏။

ဟေ​ဗြဲ 5:7

ခရစ်တော်​သည် လူသား​အဖြစ်​၌​ရှိ​စဉ် သေ​ခြင်း​မှ​ကယ်တင်​နိုင်​သော​အရှင်​ထံ ကျယ်လောင်​သော​အော်ဟစ်​သံ​နှင့်​မျက်ရည်​တို့​ဖြင့် တောင်းလျှောက်​၍ အသနားခံ​သဖြင့် ထို​ကြည်ညို​မှု​ကြောင့် ဘုရားသခင်​သည် နားညောင်း​တော်မူ​၏။

၁ ပေ 4:7

ခပ်သိမ်း​သော​အရာ​တို့​၏​နောက်ဆုံး​ချိန် နီးကပ်​လာ​ပြီ​ဖြစ်၍ ဆုတောင်း​ခြင်း​အမှု​ကို​ပြု​နိုင်​ရန် တည်ငြိမ်​မှန်ကန်​သော​စိတ်​နှင့် သမ္မာသတိ​ရှိ​ကြ​လော့။

ယု​ဒ 1:20

ချစ်​ရ​သော​သူ​တို့၊ သင်​တို့​မူကား မိမိ​တို့​၏​အလွန်​သန့်ရှင်း​သော​ယုံကြည်​ခြင်း​အပေါ်၌ မိမိတို့ကိုယ်ကို​တည်ဆောက်​လျက် သန့်ရှင်း​သော​ဝိညာဉ်​တော်​အားဖြင့် ဆုတောင်း​ကြ​လော့။

၁ ရာ 1:12

ထိုသို့ ထာဝရဘုရား​ထံ အဆက်မပြတ်​ဆုတောင်း​နေ​စဉ် ဧလိ​သည် သူ့​နှုတ်​ကို ကြည့်​လျက်​နေ​၏​။