ဧ​ဖက် 2:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ထို့နောက် ကိုယ်တော်​သည် ကြွလာ​တော်မူ​၍ အဝေး​၌​ရှိ​သော​သင်​တို့​ကို​လည်းကောင်း၊ အနီး​၌​ရှိ​သော​သူ​တို့​ကို​လည်းကောင်း သင့်မြတ်​ငြိမ်းချမ်း​ခြင်း​နှင့်ဆိုင်သည့် ကောင်းမြတ်​သော​သတင်း​ကို​ဟောပြော​တော်မူ​၏။

Common Language Bible

¹⁷ သို့​ဖြစ်​၍​ယ​ခင်​ဘု​ရား​သ​ခင်​နှင့်​ဝေး​လျက်​နေ ခဲ့​သော​သင်​တို့​လူ​မျိုး​ခြား​များ​အား​လည်း​ကောင်း၊ ဘု​ရား​သ​ခင်​နှင့်​နီး​ခဲ့​သူ​ယု​ဒ​အ​မျိုး​သား​များ အား​လည်း​ကောင်း ခ​ရစ်​တော်​သည်​ကြွ​လာ​တော်​မူ​၍ ရန်​ငြိမ်း​ခြင်း​ဆိုင်​ရာ​သ​တင်း​ကောင်း​ကို​ဟော​ပြော ကြေ​ညာ​တော်​မူ​၏။-

Garrad Bible

¹⁷ ဝေး ကွာ သော သင် တို့ နှင့် နီး စပ် သော ငါ တို့ အား ရန် ငြိမ်း ခြင်း သ တင်း တော် မြတ် ကို ကြွ ရောက် ဟော ပြော တော် မူ ၏။

Judson Bible

¹⁷ ထို​ခ​ရစ်​တော်​သည်​လည်း ကြွ​လာ၍၊ ဝေး​လျက်​ရှိ​သော သင်​တို့​အား​လည်း​ကောင်း၊ နီး​လျက်​ရှိ​သော ငါ​တို့​အား​လည်း​ကောင်း၊ ရန်​ငြိမ်း​ခြင်း​တ​ရား​တည်း​ဟူ​သော ဧ​ဝံ​ဂေ​လိ​တ​ရား​ကို ဟော​တော်​မူ၏။-

ခေတ်သစ်​မြန်မာ သမ္မာကျမ်း

¹⁷ ကိုယ်တော်​သည် ကြွလာ​၍ ဘုရားသခင်​နှင့် ဝေးကွာသော လူမျိုးခြား သင်တို့​ကို​လည်းကောင်း၊ နီးသော ဂျူးလူမျိုးတို့​ကို​လည်းကောင်း ငြိမ်းချမ်းခြင်း​နှင့်ဆိုင်သော သတင်းကောင်း​ကို ဟောပြောတော်မူ၏။

ဧ​ဖက် 2:17 ပူးပေါင်းရင်းမြစ်များ

ဆာ​လံ 148:14

ကိုယ်တော်​သည် မိမိ​၏​လူမျိုး​တော်​အတွက် ဦးချို​ကို​ချီးမြှောက်​တော်မူ​၏​။ ၎င်း​သည် မိမိ​၏​သန့်ရှင်း​သူ​အားလုံး​အတွက်​၊ မိမိ​အနီး​တွင်​ရှိ​သည့်​လူမျိုး​တည်းဟူသော အစ္စရေး​အမျိုးသား​တို့​အတွက် ချီးမွမ်း​ရာ​ဖြစ်​၏​။ ဟာလေလုယ​။

ဆာ​လံ 75:1

အို ဘုရားသခင်​၊ အကျွန်ုပ်​တို့​သည် ကိုယ်တော်​၏​ကျေးဇူးတော်​ကို​ချီးမွမ်း​ကြ​ပါ​၏​။ ကိုယ်တော်​၏​နာမ​တော်​သည် နီး​သည်​ဖြစ်၍ ကိုယ်တော်​၏​ကျေးဇူးတော်​ကို​ချီးမွမ်း​ကြ​ပါ​၏​။ လူ​တို့​သည် ကိုယ်တော်​၏​အံ့ဖွယ်​သော​အမှု​တို့​ကို ပြောကြား​ကြ​ပါ​၏​။

ဆာ​လံ 85:10

မေတ္တာကရုဏာ​နှင့် သမ္မာတရား​သည် တွေ့ဆုံ​ကြ​ပြီ​။ ဖြောင့်မတ်​ခြင်း​နှင့် ငြိမ်းချမ်း​ခြင်း​သည် အချင်းချင်း​နမ်း​ကြ​ပြီ​။

ဟေ​ရှာ​ယ 27:5

သို့မဟုတ် သူ​သည် ငါ့​ထံသို့ လာရောက်​ခိုလှုံ​ပါစေ​။ ငါ​နှင့်​ငြိမ်းချမ်းရေး​ယူ​ပါစေ​။ ငါ​နှင့်​ငြိမ်းချမ်းရေး​ယူ​ပါစေ​။

ဟေ​ရှာ​ယ 52:7

ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ငြိမ်းချမ်း​ခြင်း​အကြောင်း​ပြောကြား​သော​သူ​၊ ကောင်းမြတ်​သော​သတင်း​ယူဆောင်​လာ​သော​သူ​တည်းဟူသော ကယ်တင်​ခြင်း​အကြောင်း​ပြောကြား​သော​သူ​၊ “​သင်​၏​ဘုရားသခင်​သည် စိုးစံ​တော်မူ​၏​”​ဟု ဇိအုန်​မြို့​အား​ပြော​သော​သူ​၏​ခြေ​သည် တောင်​ပေါ်တွင် အလွန်​တင့်တယ်​စွ​ပါ​တကား​။

ဇာ​ခ​ရိ 9:10

ဧဖရိမ်​ပြည်​၏​စစ်ရထား​၊ ဂျေရုဆလင်​မြို့​၏​မြင်း​တို့​ကို ငါ​ဖယ်ရှား​ပစ်​မည်​။ စစ်​လေးလက်နက်​တို့​သည်​လည်း ကျိုးပဲ့​ကုန်​လိမ့်မည်​။ ရှင်ဘုရင်​သည် လူမျိုးတကာ​တို့​ကို ငြိမ်းချမ်းရေး​သတင်းစကား​ပြောကြား​လိမ့်မည်​။ သူ​၏​အုပ်စိုးမှု​အာဏာစက်​သည် တစ်​ပင်လယ်​မှ တစ်​ပင်လယ်​တိုင်အောင်​လည်းကောင်း​၊ ယူဖရေးတီး​မြစ်​မှ မြေကြီး​စွန်း​တိုင်အောင်​လည်းကောင်း ရောက်​လိမ့်မည်​။

မဿဲ 10:13

ထို​အိမ်​သည် ထိုက်တန်​လျှင် သင်​တို့​၏​ငြိမ်သက်​ခြင်း​သည် ၎င်း​အပေါ်သို့​သက်ရောက်​ပါစေ။ မ​ထိုက်တန်​လျှင်​မူကား သင်​တို့​၏​ငြိမ်သက်​ခြင်း​သည် သင်​တို့​ထံ​ပြန်လာ​ပါစေ။

လုကာ 15:8

ထိုမှတစ်ပါး အမျိုးသမီး​တစ်ဦး​၌ ငွေ​ဒင်္ဂါး​ဆယ်​ပြား​ရှိ​ပြီး ၎င်း​တို့​ထဲမှ တစ်​ပြား​သည်​ပျောက်ဆုံး​လျှင် သူ​သည် ဆီမီး​ထွန်း​၍ အိမ်​ကို​လှဲကျင်း​ကာ ၎င်း​ကို​မတွေ့မချင်း​သေချာ​စွာ​ရှာ​မည်​မ​ဟုတ်​လော။

လုကာ 2:14

“အမြင့်ဆုံး​သော​အရပ်​၌ ဘုရားသခင်​သည် ဘုန်း​ကြီး​တော်မူ​စေ​သတည်း။ မြေကြီး​ပေါ်၌​လည်း နှစ်သက်​တော်မူ​သော​သူ​တို့​အပေါ် ငြိမ်သက်​ခြင်း​ရှိ​စေ​သတည်း”​ဟု မြွက်ဆို​ကြ​၏။

တမန်တော်ဝတ္ထု 10:36

ဘုရားသခင်​သည် လူ​အပေါင်း​တို့​၏​အရှင်​သခင်​ဖြစ်​တော်မူ​သော ယေရှု​ခရစ်တော်​အားဖြင့် ငြိမ်သက်​ခြင်း​နှင့်ဆိုင်သည့် ကောင်းမြတ်​သော​သတင်း​ကို​ဟောပြော​၍ အစ္စရေး​အမျိုးသား​တို့​ထံသို့ ပေးပို့​တော်မူ​သော​နှုတ်ကပတ်​တရား​ကို သင်​တို့​သိ​ကြ​၏။

တမန်တော်ဝတ္ထု 2:39

အကြောင်းမူကား ဤ​ကတိ​တော်​သည် သင်​တို့​နှင့်​သင်​တို့​၏​သားသမီး​များ​မှစ၍ အဝေး​၌​ရှိ​သော​သူ​အားလုံး​ဖြစ်​ကြ​သော ငါ​တို့​၏​ဘုရားသခင်​ထာဝရ​ဘုရား​ခေါ်​တော်မူ​သမျှ​သော​သူ​တို့​အတွက်​ဖြစ်​၏”​ဟု ဆို​လေ​၏။

ရော​မ 10:14

သို့ရာတွင် မိမိ​မ​ယုံကြည်​သော​အရှင်​ထံ မည်သို့​ပတ္ထနာ​ပြု​နိုင်​မည်နည်း။ မိမိ​မ​ကြား​ဖူး​သော​အရှင်​ကို မည်သို့​ယုံကြည်​နိုင်​မည်နည်း။ ဟောပြော​သော​သူ​မ​ရှိ​လျှင် မည်သို့​ကြား​နိုင်​မည်နည်း။

ရော​မ 5:1

ထို့ကြောင့် ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​သော​ငါ​တို့​သည် ငါ​တို့​၏​သခင်​ယေရှု​ခရစ်တော်​အားဖြင့် ဘုရားသခင်​နှင့် ငြိမ်းချမ်း​မှု​ကို​ရရှိ​ကြ​၏။

၂ ကော 5:20

ထိုသို့ ဘုရားသခင်​သည် ငါ​တို့​မှ​တစ်ဆင့် တိုက်တွန်း​တော်မူ​သည်​ဖြစ်၍ ငါ​တို့​သည် ခရစ်တော်​၏​သံတမန်​များ​ဖြစ်​ကြ​၏။ ထို့ကြောင့် “ဘုရားသခင်​နှင့်​ပြန်လည်​သင့်မြတ်​ကြ​လော့”​ဟု ခရစ်တော်​၏​ကိုယ်စား ငါ​တို့​တောင်းပန်​ကြ​၏။

တ​ရား​ဟော 4:7

အဘယ်ကြောင့်​ဆိုသော် ငါ​တို့​၏​ဘုရားသခင်​ထာဝရဘုရား​ကို ငါ​တို့​ခေါ်​သော​အခါတိုင်း ကိုယ်တော်​သည် ငါ​တို့​အနီး​၌​ရှိ​တော်မူ​သကဲ့သို့ အနီး​၌​ရှိ​တော်မူ​သော​ဘုရား​သည် မည်သည့်​လူမျိုး​ကြီး​၌​ရှိ​သနည်း​။