အာ​မုတ် 5:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို အစ္စရေး​အမျိုးအနွယ်​တို့​၊ သင်​တို့​အကြောင်း​ကို ငါ​ငိုချင်းဖွဲ့​သီဆို​မည်​။ ဤ​အကြောင်း​ကို သင်​တို့ နားထောင်​ကြ​လော့​။

Common Language Bible

¹ အို ဣ​သ​ရေ​လ​ပြည်​သား​တို့၊ သင်​တို့​ကို သင်္ဂြိုဟ်​ဖို့​ငါ​သီ​ဆို​မည့်​ဤ​အ​သု​ဘ တေး​ကို​နား​ဆင်​ကြ​လော့။

Garrad Bible

¹ အို ဣ သ ရေ လ အ မျိုး သား တို့၊ သင် တို့ ကို ရည် လျက်၊ ငါ ဖွဲ့ ဆို မည့် ငို ချင်း ချက် ကို နာ ခံ ကြ ရ မည် မှာ၊

Judson Bible

¹ အို ဣ​သ​ရေ​လ​အ​မျိုး၊ ယ​ခု​သင်​တို့၌ ငါ​မြွက်​ဆို၍ မြည်​တမ်း​သော​စ​ကား​ကို နား​ထောင်​ကြ​လော့။

အာ​မုတ် 5:1 ပူးပေါင်းရင်းမြစ်များ

ယေ​ရ​မိ 18:13

သို့ဖြစ်၍ ထာဝရဘုရား​က “​လူမျိုးခြား​တို့​တွင်​မေးကြည့်​လော့​။ ဤသို့သော​အမှု​ကို မည်သူ​ကြား​ဖူး​သနည်း​။ အစ္စရေး​အပျိုကညာ​သည် စက်ဆုပ်ဖွယ်​အမှု​ကို ပြု​လေ​ပြီ​။

ယေ​ရ​မိ 7:29

သင်​တို့​၏​ဆံပင်​ကို​ရိတ်​၍ လွှင့်ပစ်​လော့​။ တောင်ကတုံး​များ​ပေါ်၌ မြည်တမ်း​ခြင်း​ပြု​ကြ​လော့​။ အကြောင်းမူကား ထာဝရဘုရား​သည် အမျက်​တော်​ခံထိုက်​သော​မျိုးဆက်​ကို ပယ်​တော်မူ​ပြီ​၊ စွန့်ပစ်​တော်မူ​ပြီ’​ဟူ၍ ပြောကြား​ရ​မည်”​ဟု မိန့်​တော်မူ​၏​။

ယေ​ရ​မိ 9:10

ငါ​သည် တောင်​များ​အတွက် ငိုကြွေး​မြည်တမ်း​မည်​။ စားကျက်​တောကြီး​များ​အတွက် ကြေကွဲဝမ်းနည်း​မည်​။ အကြောင်းမူကား ထို​နေရာ​တို့​ကို မီးလောင်​သွား​ပြီ​။ ဖြတ်သန်းသွားလာ​သော​သူ​တစ်​ယောက်​မျှ​မ​ရှိ​။ သိုးနွား​တို့​၏​အသံ​ကို​မ​ကြား​ရ​။ ကောင်းကင်​ငှက်​များ​၊ တိရစ္ဆာန်​များ​သည်​လည်း အဝေး​သို့​ထွက်ပြေး​သွား​ကြ​ပြီ​။

ယေ​ရ​မိ 9:17

ကောင်းကင်​ဗိုလ်ခြေ​အရှင်​ထာဝရဘုရား​က “​ဆင်ခြင်​ကြ​လော့​။ အမျိုးသမီးငိုချင်းသည်​တို့​ကို​ခေါ်​လော့​။ သူ​တို့​လာ​ပါစေ​။ ကျွမ်းကျင်​သော​အမျိုးသမီးငိုချင်းသည်​တို့​ကို လွှတ်လိုက်​လော့​။ သူ​တို့​လာ​ပါစေ​။

ယေ​ရ​မိ 9:20

အို မိန်းမ​တို့​၊ ထာဝရဘုရား​၏​နှုတ်ကပတ်တော်​ကို နားထောင်​ကြ​လော့​။ ကိုယ်တော်​၏​နှုတ်ကပတ်တော်​ကို နားစွင့်​ကြ​လော့​။ သင်​တို့​၏​သမီးပျို​တို့​အား မြည်တမ်း​ခြင်း​ကို သင်ကြား​ပေး​ကြ​လော့​။ မိန်းမ​အချင်းချင်း ငိုချင်း​ကို သင်ကြား​ပေး​ကြ​လော့​။

ယေ​ရ​မိ 9:9

“ထိုသို့သော​အမှုအရာ​များ​ကြောင့် ငါ​သည် သူ​တို့​ကို ဒဏ်​မ​ခတ်​ဘဲ​နေ​ရ​မည်လော​။ ထိုသို့​သော​လူမျိုး​ကို ငါ​ကိုယ်တိုင်​လက်တုံ့​မ​ပြန်​ဘဲ နေ​ရ​မည်လော​”​ဟု ထာဝရဘုရား​မိန့်​တော်မူ​၏​။

ယေ​ဇ​ကျေ​လ 19:1

အစ္စရေး​ခေါင်းဆောင်​တို့​နှင့်ဆိုင်သော ငိုချင်း​ကို ဖွဲ့ဆို​လော့​။

ယေ​ဇ​ကျေ​လ 19:14

အကိုင်း​တစ်​ကိုင်း​မှ မီး​ထွက်လာ​၍ အသီး​တို့​ကို လောင်ကျွမ်း​လေ​၏​။ ထို့ကြောင့် ရာဇလှံတံ​အဖြစ် အသုံးပြု​နိုင်​သည့် သန်မာ​သော​အကိုင်းအခက်​တစ်ခုမျှ​မ​ရှိ​တော့​ပေ​ဟု သီဆို​လော့​။ ဤသည်ကား ငိုကြွေးမြည်တမ်းစရာ ငိုချင်း​တစ်​ပုဒ်​ပေတည်း’​ဟူ၍ မြွက်ဆို​လော့”​ဟု မိန့်ဆို​၏​။

ယေ​ဇ​ကျေ​လ 26:17

သူ​တို့​သည် သင့်​ကြောင့်​ငိုကြွေး​လျက် အို ပင်လယ်သား​နေ​သော​မြို့​၊ ပင်လယ်ပြင်​မှာ​အားကြီး​သော​မြို့​၊ ကျော်စော​သော​မြို့​၊ သင်​သည် ပျက်စီး​လေ​ပြီ​တကား​။ မြို့သား​တို့​သည် ပင်လယ်သား​အားလုံး​ကို ကြောက်ရွံ့တုန်လှုပ်​စေ​ခဲ့​၏​။

ယေ​ဇ​ကျေ​လ 27:2

“​အချင်း​လူသား​၊ တိုင်ရာ​မြို့​အတွက် ငိုချင်း​ချ​လော့​။

ယေ​ဇ​ကျေ​လ 28:12

“​အချင်း​လူသား​၊ တိုင်ရာ​ဘုရင်​နှင့်​ပတ်သက်၍ ငိုချင်း​ချ​လျက် သူ့​အား ဤသို့ ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် စံတင်လောက်အောင် ပြီးပြည့်စုံ​သော​သူ​၊ ဉာဏ်ပညာ​ပြည့်ဝ​သူ​၊ အပြစ်​ပြောစရာ​မ​ရှိ​အောင်​လှ​သူ ဖြစ်​၏​။

ယေ​ဇ​ကျေ​လ 32:16

လူမျိုးတကာ​တို့​မှ ငိုချင်းသည်​မိန်းမ​တို့​က ငိုချင်းဆို​ကြ​လိမ့်မည်​။ အီဂျစ်​ပြည်​နှင့် သူ​၏​လူအလုံးအရင်း​တို့​ကြောင့် ငိုချင်းဆို​ကြ​လိမ့်မည်​။ ဤသည်ကား အီဂျစ်​ပြည်​အတွက် ငိုချင်း​ဖြစ်​၏’​ဟူ၍ ဘုရားရှင်​ထာဝရဘုရား မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 32:2

“​အချင်း​လူသား​၊ အီဂျစ်​ဘုရင်​ဖာရော​မင်းကြီး​အတွက် ငိုကြွေးမြည်တမ်း​လျက် ‘​သင်​သည် လူမျိုးတကာ​တို့​တွင် ခြင်္သေ့ပျို​နှင့်​တူ​၏​။ မြစ်ချောင်း​တို့​တွင် ကူးခတ်​သွားလာ​ပြီး ထို​မြစ်ချောင်း​တို့​ကို ခြေ​ဖြင့်​မွှေနှောက်​ကာ နောက်ကျိ​စေ​သော ပင်လယ်​မြွေနဂါး​နှင့်​တူ​၏’​ဟု သူ့​အား ဆင့်ဆို​လော့​။

အာ​မုတ် 3:1

အစ္စရေး​အမျိုးသား​တို့​၊ သင်​တို့​နှင့် သင်​တို့​မျိုးနွယ်စု​အပေါင်း​တို့​ကို အီဂျစ်​ပြည်​မှ​ထုတ်ဆောင်​လာ​ခဲ့​သော​ထာဝရဘုရား​က သင်​တို့​အား ဆန့်ကျင်​၍ မိန့်​တော်မူ​သော​စကား​ကို နားထောင်​ကြ​လော့​။

အာ​မုတ် 4:1

ဆင်းရဲသား​တို့​ကို​နှိပ်စက်​ပြီး နွမ်းပါး​သူ​တို့​ကို​ညှဉ်းဆဲ​ကာ မိမိ​သခင်​တို့​ကို​ပင် “ငါ​တို့​အတွက် သောက်စရာ​ယူ​ခဲ့​ပါ”​ဟု ဆို​တတ်​သော ရှမာရိ​တောင်​ပေါ်မှ ဗာရှန်​နွားမ​တို့​၊ ဤ​စကား​ကို နားထောင်​ကြ​လော့​။

အာ​မုတ် 5:16

ထို့ကြောင့် ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား ဤသို့​မိန့်​တော်မူ​ပြီ​။ ထာဝရဘုရား​က “​လမ်းဆုံလမ်းခွ​၌ ငိုကြွေး​ကြ​လိမ့်မည်​။ လူစည်ကား​ရာ​နေရာ​ရှိသမျှ​၌ ‘​အလိုလေး​၊ အလိုလေး​’​ဟု အော်ဟစ်​ကြ​လိမ့်မည်​။ ငိုကြွေးမြည်တမ်း​ရန် လယ်သမား​တို့​ကို ခေါ်​ကြ​လိမ့်မည်​။ ငိုချင်းချ​ရန် ငိုချင်းသည်​တို့​ကို ခေါ်​ကြ​လိမ့်မည်​။

အာ​မုတ် 8:14

‘အို ဒန်​၊ သင်​၏​ဘုရား​အသက်ရှင်​သည့်​အတိုင်း’​ဟူ၍​လည်းကောင်း​၊ ‘ဗေရရှေဘ​ကျင့်စဉ်​တို့ ရှင်သန်​နေ​သည့်​အတိုင်း’​ဟူ၍​လည်းကောင်း ရှမာရိ​အပြစ်​ကို​တိုင်တည်ကျိန်ဆို​တတ်​သော​သူ​တို့​သည် နောက်တစ်ဖန် ပြန်​မ​ထ​နိုင်​အောင် ကျဆုံး​ရ​လိမ့်မည်”​ဟု မိန့်​တော်မူ​၏​။

မိက္ခာ 2:4

ထို​နေ့ရက်​၌ လူ​တို့​က သင်​တို့​ကို ပုံခိုင်း​၍ ‘ငါ​တို့ လုံးလုံး​ပျက်စီး​ကြ​ရ​ပြီ​။ ကိုယ်တော်​သည် ငါ့​လူမျိုး​တို့​၏​အမွေမြေ​ကို သူတစ်ပါး​အား လွှဲပြောင်း​ပေး​ပြီ​။ ငါ့​ထံမှ​လည်း ရုပ်သိမ်း​လိုက်​ပြီ​။ ငါ​တို့​၏​လယ်ယာ​ကို​လည်း ရန်သူ​အား ပေးလိုက်​လေ​ပြီ’​ဟူ၍ ခါးသီး​စွာ​ငိုကြွေးမြည်တမ်း​ကြ​လိမ့်မည်”​ဟု မိန့်​တော်မူ​၏​။