အာ​မုတ် 2:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ လေးသမား​လည်း မ​ထ​နိုင်​။ ခြေလျင်သမား​လည်း ထွက်​မ​ပြေး​နိုင်​။ မြင်းစီးသူရဲ​လည်း သူ့​အသက် သူ​မ​ကယ်​နိုင်​။

Common Language Bible

¹⁵ လေး​ကို​ကိုင်​စွဲ​ထား​သော​သူ​များ​သည်​လည်း ရပ်​တည်​ခြင်း​ငှာ​မ​တတ်​နိုင်​ကြ။ လျင်​မြန်​စွာ ပြေး​နိုင်​သူ​များ​သည်​လည်း​လွတ်​လိမ့်​မည် မ​ဟုတ်၊ မြင်း​ပေါ်​မှ​လူ​များ​သည်​လည်း​မိ​မိ တို့​အ​သက်​ဘေး​မှ​လွတ်​မြောက်​ကြ​လိမ့်​မည် မ​ဟုတ်။-

Garrad Bible

¹⁵ လေး ကိုင် သည့် ခံ ရပ် ခွင့်၊ ခြေ လျင် သည် လွတ် မြောက် ခွင့်၊ မြင်း စီး သူ သည် သေ ဘေး လွတ် ခွင့် မ ရ ကြ ဘဲ၊

Judson Bible

¹⁵ လေး​ကို​ကိုင်​သော​သူ​သည် မ​ရပ်​ရ။ လျင်​မြန်​သော ခြေ​သည်​သူ​ရဲ​သည် ကိုယ်​ကို မ​ကယ်​လွှတ်​ရ။ မြင်း​စီး​သူ​ရဲ​သည်​လည်း ကိုယ်​ကို မ​ကယ်​လွှတ်​ရ။

အာ​မုတ် 2:15 ပူးပေါင်းရင်းမြစ်များ

ယေ​ဇ​ကျေ​လ 39:3

ထို့နောက် သင့်​လက်ဝဲ​လက်​မှ​လေး​ကို ချိုး​၍ လက်ယာ​လက်​မှ​မြား​ကို ရိုက်ချ​ပစ်​မည်​။

ဒေသနာကျမ်း။ 9:11

တစ်ဖန် နေ​အောက်​တွင် ငါ​ပြန်​၍​တွေ့မြင်​သည်​ကား ပြိုင်ပွဲ​သည် လျင်မြန်​သော​သူ​တို့​အတွက်​သာ​မ​ဟုတ်​။ စစ်ပွဲ​သည် ခွန်အားကြီး​သော​သူ​တို့​အတွက်​သာ​မ​ဟုတ်​။ အစားအစာ​သည် ပညာရှိ​သော​သူ​တို့​အတွက်​သာ​မ​ဟုတ်​။ ဓနဥစ္စာ​သည် အသိဉာဏ်​ရှိ​သော​သူ​တို့​အတွက်​သာ​မ​ဟုတ်​။ မျက်နှာရ​ခြင်း​သည်​လည်း တတ်သိ​နားလည်​သော​သူ​တို့​အတွက်​သာ​မ​ဟုတ်​။ အကြောင်းမူကား အချိန်​ကာလ​နှင့်​အကြောင်းတိုက်ဆိုင်မှု​သည် ထို​သူ​အားလုံး​တို့​၌ ရောက်လာ​တတ်​၏​။

ဟေ​ရှာ​ယ 31:3

အီဂျစ်​ပြည်သား​တို့​သည် ဘုရား​မ​ဟုတ်​၊ လူ​မျှသာ​ဖြစ်​၏​။ သူ​တို့​၏​မြင်း​သည်​လည်း ဝိညာဉ်​မ​ဟုတ်​၊ အသွေးအသား​မျှသာ​ဖြစ်​၏​။ ထာဝရဘုရား လက်​တော်​ကို​ဆန့်​သောအခါ ကူညီ​သော​သူ​သည် ခလုတ်တိုက်​၍ အကူညီ​ခံရ​သူ​သည် လဲကျ​လိမ့်မည်​။ သူ​တို့​အားလုံး​သည် အတူတကွ​ပျက်စီး​ကြ​လိမ့်မည်​။

ယေ​ရ​မိ 51:56

အကြောင်းမူကား ဘေဘီလုံ​မြို့​ကို တိုက်ခိုက်ဖျက်ဆီး​မည့်​သူ ရောက်လာ​ပြီ​။ ဘေဘီလုံ​စစ်သူရဲ​တို့ အဖမ်း​ခံရ​ပြီ​။ သူ​တို့​၏​လေး​တို့​သည်​လည်း ကျိုး​လေ​ပြီ​။ ထာဝရဘုရား​သည် အကျိုးအပြစ်​အလျောက် ပြန်ပေးဆပ်​သော​ဘုရားသခင် ဖြစ်​တော်မူ​သောကြောင့် အမှန်ပင် ပြန်ပေးဆပ်​တော်မူ​မည်​။

ဟ္ဂဲ 2:22

တိုင်းနိုင်ငံ​ရှိ ရာဇပလ္လင်​တို့​ကို ငါ​ဖြိုလှဲ​မည်​။ တိုင်းတစ်ပါးသား​တို့​၏​နိုင်ငံ့​အင်အား​ကို ငါ​ဖြိုဖျက်​မည်​။ စစ်ရထား​နှင့်တကွ စီးနင်း​သူ​တို့​ကို မှောက်လှန်​ပစ်​မည်​။ အချင်းချင်း​ဓား​ဖြင့်​ခုတ်​ကြ​သဖြင့် မြင်း​များ​နှင့် မြင်းစီးသူရဲ​တို့​သည် လဲကျ​သေဆုံး​ကြ​ရ​လိမ့်မည်’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

ဇာ​ခ​ရိ 10:5

သူ​တို့​သည် လမ်း​ပေါ်မှ​ရွှံ့​ကို​နင်း​သကဲ့သို့ စစ်ပွဲ​တွင် ရန်သူ​ကို​နင်းချေ​သော​စစ်သူရဲ​များ ဖြစ်​ကြ​လိမ့်မည်​။ ထာဝရဘုရား​သည် သူ​တို့​နှင့်အတူ​ပါရှိ​သောကြောင့် စစ်တိုက်​ရာ​တွင် မြင်းစီးသူရဲ​တို့​ကို အရှက်ကွဲ​စေ​လိမ့်မည်​။

အာ​မုတ် 9:1

တစ်ဖန် ငါ​မြင်​ရ​သည်​မှာ ဘုရားရှင်​သည် ယဇ်ပလ္လင်​နား​တွင် ရပ်​နေ​တော်မူ​၏​။ ကိုယ်တော်​က “တံခါးခုံ​များ​လှုပ်ခါ​၍ လူ​အပေါင်း​တို့​ခေါင်း​ပေါ်သို့ ပြိုကျ​သည်​အထိ ခေါင်တိုင်​တို့​ကို ရိုက်ချိုး​လော့​။ ထို​ဘေး​မှ​လွတ်​၍ ကြွင်းကျန်သူ​တို့​ကို ဓား​နှင့် ငါ​ကွပ်မျက်​မည်​။ ထွက်ပြေး​သော​သူ မ​ရှိ​ရ​။ လွတ်မြောက်​သော​သူ မ​ရှိ​ရ​။