ဟ​ဗက္ကုတ် 3:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ရောင်ခြည်​တော်​သည် အရုဏ်တက်​အလင်း​ကဲ့သို့​ဖြစ်​၏​။ လက်​တော်​မှ​အလင်း​ဖြာထွက်​၍ ထို​အထဲ​တွင် ကိုယ်တော်​၏​တန်ခိုး​တော် ကိန်းအောင်း​လျက်​နေ​၏​။

Garrad Bible

⁴ ဝဲ ယာ တော်၌ လျှပ် စစ် လျှပ် သ ကဲ့ သို့ လွှတ် တော် မူ သော ရောင် ခြည် သည်။ အ စွမ်း သ တ္တိ တော်၏ အ ကွယ် အ ကာ ဖြစ်၏။

Judson Bible

⁴ အ​ဆင်း​အ​ရောင်​တော်​သည် နေ​ရောင်​ကဲ့​သို့ ဖြစ်၏။ လက်​တော်​မှ ရောင်​ခြည်​သည် ထွက်၍၊ ဘုန်း​အာ​နု​ဘော်​တော်​ကို ကွယ်​ကာ​လေ၏။

ဟ​ဗက္ကုတ် 3:4 ပူးပေါင်းရင်းမြစ်များ

နေ​ဟ​မိ 9:12

ထို့ပြင် သူ​တို့​အား နေ့​အချိန်​၌ မိုးတိမ်​တိုင်​ဖြင့်​လည်းကောင်း​၊ ညအချိန်​၌ သူ​တို့​သွား​သော​လမ်းခရီး​တွင် အလင်း​ရ​ဖို့ မီး​တိုင်​ဖြင့်​လည်းကောင်း ပို့ဆောင်​တော်မူ​၏​။

ယောဘဝတ္တု။ 26:14

ဤ​အရာ​တို့​သည် ဘုရား​ပြု​တော်မူ​သော​အမှု​တို့​တွင် အရိပ်အမြွက်​မျှသာ ဖြစ်​၏​။ အသံ​တော်​ကို သဲ့သဲ့လေး​သာ ကြား​နေ​ရ​ခြင်း​ဖြစ်​၏​။ တန်ခိုး​တော်​ထစ်ချုန်းသံ​ကို မည်သူ​နားလည်​နိုင်​မည်နည်း​”​ဟု ဆို​လေ​၏​။

ဆာ​လံ 104:2

အလင်း​ကို ခြုံထည်​ကဲ့သို့​လွှမ်းခြုံ​ထား​၍ ကောင်းကင်​ကို ရွက်ထည်​ကဲ့သို့ ဖြန့်ကြက်​ထား​တော်မူ​၏​။

ဆာ​လံ 18:12

ရှေ့​တော်​ရှိ​ရောင်ခြည်​တော်​ကြောင့် မိုးသီး​နှင့်​တောက်လောင်​သော​မီးခဲ​များ​သည် ကိုယ်တော်​၏​တိမ်တိုက်​များ​ကို ဖြတ်ကျော်​၍​ထွက်လာ​ကြ​၏​။

ထွက်​မြောက် 13:21

နေ့အချိန်​၌​ဖြစ်စေ​၊ ညအချိန်​၌​ဖြစ်စေ ခရီးသွား​နိုင်​မည့်​အကြောင်း ထာဝရဘုရား​သည် လမ်းခရီး​တွင် သူ​တို့​ကို​ပို့ဆောင်​ရန် နေ့အချိန်​၌ မိုးတိမ်​တိုင်​အဖြစ်​လည်းကောင်း​၊ ညအချိန်​၌ သူ​တို့​ကို​အလင်းပေး​ရန် မီး​တိုင်​အဖြစ်​လည်းကောင်း သူ​တို့​၏​ရှေ့​မှ ကြွ​တော်မူ​၏​။

ထွက်​မြောက် 14:20

ထိုသို့ မိုးတိမ်​သည် အီဂျစ်​တပ်​နှင့် အစ္စရေး​တပ်​ကြား​သို့​ရောက်​၍ တစ်ဖက်​၌​အမှောင်​ကို​ဖြစ်​စေ​ပြီး တစ်ဖက်​၌​ညအချိန်​တွင် အလင်း​ကို​ပေး​၏​။ ထို့ကြောင့် တစ်ညလုံး တစ်ဖက်​နှင့်​တစ်ဖက်​မ​ချဉ်းကပ်​နိုင်​ကြ​။

သုတ္တံကျမ်း။ 18:10

ထာဝရဘုရား​၏​နာမ​တော်​သည် ခိုင်ခံ့​သော​ရဲတိုက်​ဖြစ်​၏​။ ဖြောင့်မတ်​သော​သူ​သည် ထို​ရဲတိုက်​သို့​ပြေးဝင်​၍ လုံခြုံ​စွာ​နေ​ရ​၏​။

ယေ​ဇ​ကျေ​လ 1:27

ထို​လူ​၏​ခါး​အပေါ်​ပိုင်း​သည် တောက်ပ​သော​ကြေးဝါ​အဆင်း​ရှိ​၍ ဝန်းကျင်​၌ မီးရောင်​သဖွယ်​ဖြာထွက်​နေ​သည်​ကို တွေ့​ရ​၏​။ ခါး​အောက်ပိုင်း​ဝန်းကျင်​၌​လည်း မီးရောင်​သဖွယ် တောက်ပ​သော​အလင်း​ဖြာထွက်​လျက်​ရှိ​သည်​ကို တွေ့​ရ​၏​။

ယေ​ဇ​ကျေ​လ 43:2

ထို​နေရာ​တွင် အစ္စရေး​လူမျိုး​တို့​၏​ဘုရားသခင့်​ဘုန်း​တော်​သည် အရှေ့ဘက်​မှ​ထွက်ပေါ်​လာ​၍ အသံ​တော်​သည်​လည်း ရေထု​ကြီး​ဟုန်းသံ​ကဲ့သို့​ဖြစ်​၏​။ ကိုယ်တော်​၏​ဘုန်း​တော်​သည် မြေ​တစ်ပြင်လုံး​သို့ ထွန်းလင်း​လေ​၏​။

မဿဲ 17:2

ထိုအခါ ကိုယ်တော်​သည် သူ​တို့​ရှေ့၌ အဆင်း​သဏ္ဌာန်​ပြောင်းလဲ​၍ မျက်နှာ​တော်​သည် နေ​ကဲ့သို့​ထွန်းလင်း​ကာ ဝတ်ရုံ​တော်​သည် အလင်း​ကဲ့သို့​ဖြူဖွေး​လာ​၏။

၁ တိ 6:16

ကိုယ်တော်​တစ်ပါးတည်း​သာလျှင် သေ​ခြင်း​နှင့်​ကင်း​သော​အဖြစ်​၌​ရှိ​လျက် ချဉ်းကပ်​၍​မ​ရ​သော​အလင်း​၌ ကိန်းဝပ်​တော်မူ​၏။ လူ​တို့​တွင် မည်သူ​တစ်ဦးတစ်ယောက်​မျှ ကိုယ်တော်​ကို​မ​မြင်​ဖူး​သကဲ့သို့ မြင်​လည်း​မ​မြင်​နိုင်​ပေ။ ထို​ဘုရားသခင်​၌ ဂုဏ်သရေ​နှင့်​ထာဝရ​တန်ခိုး​အရှိန်အဝါ​ရှိ​တော်မူ​ပါစေသော။ အာမင်။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။

ဗျာ​ဒိတ် 22:5

ည​သည် ရှိ​တော့မည်​မ​ဟုတ်။ ထာဝရ​အရှင်​ဘုရားသခင်​သည် သူ​တို့​အပေါ်​ထွန်းလင်း​တော်မူ​သည်​ဖြစ်၍ ဆီမီး​၏​အလင်း​နှင့်​နေ​၏​အလင်း​တို့ မ​လိုအပ်​တော့​ပေ။ သူ​တို့​သည် ကမ္ဘာ​အဆက်ဆက်​စိုးစံ​ကြ​လိမ့်မည်။