ဟ​ဗက္ကုတ် 3:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ကိုယ်တော်​၏​လူမျိုး​တော်​ကို​ကယ်တင်​ရန်​နှင့် ကိုယ်တော်​ဘိသိက်ပေး​ထား​သော​သူ​ကို​ကယ်တင်​ရန် ကြွလာ​တော်မူ​ပြီ​။ အိမ်​ကို အုတ်မြစ်​မှ​အမိုး​တိုင်အောင်​လှန်ပစ်​သကဲ့သို့ ဆိုးယုတ်​သော​အမျိုးအနွယ်​၏​အကြီးအမှူး​ကို ချေမှုန်း​တော်မူ​၏​။ (စေလာ)

Garrad Bible

¹³ ဘိ သိက် တော် ခံ လူ မျိုး တော် ကို ကယ် ဆယ် တော် မူ ရန် ချီ ထွက် ရာ။ လူ ဆိုး တို့ အိမ် ခေါင် ကို ဖျက် ဆီး၍ အ ခြေ အ မြစ် ထုပ် လျောက် တိုင် အောင်၊ ဟင်း လင်း ဖြစ် စေ တော် မူ၏။

Judson Bible

¹³ ကိုယ်​တော်၏​လူ​တို့​ကို ကယ်​တင်​ခြင်း၊ ကိုယ်​တော်​ပေး​တော်​မူ၍ ဘိ​သိက်​ခံ​သော​သူ​တို့​ကို ကယ်​တင်​ခြင်း​အ​လို​ငှာ ထွက်​ကြွ​တော်​မူ၏။ အ​ဓ​မ္မ​လူ၏​အိမ်၌ ဦး​ခေါင်း​ကို နှိပ်​စက်၍၊ မူ​လ​အ​မြစ်​ကို လည်​ပင်း​တိုင်​အောင် ပယ်​ရှင်း​တော်​မူ၏။

ဟ​ဗက္ကုတ် 3:13 ပူးပေါင်းရင်းမြစ်များ

၂ ရာ 5:20

ဒါဝိဒ်​မင်းကြီး​သည် ဗာလပေရဇိမ်​အရပ်​သို့ ချီသွား​၍ ထို​နေရာ​တွင် သူ​တို့​ကို တိုက်ခိုက်​လေ​၏​။ ဒါဝိဒ်​မင်းကြီး​က “​ထာဝရဘုရား​သည် ငါ့​ရန်သူ​ကို ရေကာတာ​ကျိုးပေါက်​ပျက်စီး​သွား​သကဲ့သို့ ငါ့​ရှေ့​တွင် ပျက်စီး​စေ​လေ​ပြီ​”​ဟု ဆို​၏​။ ထို့ကြောင့် ထို​နေရာ​ကို ဗာလပေရဇိမ် ဟု​အမည်​မှည့်ခေါ်​လေ​၏​။

ဆာ​လံ 105:15

“​ငါ​ဘိသိက်ပေး​ထား​သော​သူ​တို့​ကို မ​ထိ​ကြ​နှင့်​။ ငါ​၏​ပရောဖက်​တို့​ကို​လည်း အန္တရာယ်​မ​ပြု​ကြ​နှင့်​”​ဟု မိန့်​တော်မူ​၏​။

ဆာ​လံ 105:26

ကိုယ်တော်​သည် မိမိ​အစေအပါး​မောရှေ​နှင့် မိမိ​ရွေးချယ်​ထား​သော အာရုန်​တို့​ကို စေလွှတ်​တော်မူ​၏​။

ဆာ​လံ 110:6

တိုင်းနိုင်ငံ​တို့​ကို စစ်ကြောစီရင်​လျက် အလောင်း​နှင့်​ပြည့်နှက်​စေ​ကာ ကမ္ဘာမြေ​တစ်ဝန်းလုံး​ရှိ​ခေါင်းဆောင်​များ​ကို ချေမှုန်း​တော်မူ​လိမ့်မည်​။

ဆာ​လံ 137:7

အို ထာဝရဘုရား​၊ ဂျေရုဆလင်​မြို့​၏​နေ့ရက်​၌ “​ဖြိုဖျက်​ကြ​။ အောက်ခြေ​အထိ ဖြိုဖျက်​ကြ​”​ဟု ဆို​ကြ​သော ဧဒုံ​အမျိုးသား​တို့​ကို အောက်မေ့​တော်မူ​ပါ​။

ဆာ​လံ 20:6

ထာဝရဘုရား​သည် မိမိ​ဘိသိက်ပေး​ထား​သော​သူ​ကို ကယ်တင်​တော်မူ​ကြောင်း ယခု​ငါ​သိ​၏​။ ကိုယ်တော်​သည် သူ့​အား လက်ယာ​လက်​တော်​၏​အစွမ်းတန်ခိုး​တော်​များ​ဖြင့် ကယ်တင်​တော်မူ​၏​။ မိမိ​၏​သန့်ရှင်း​သော​ကောင်းကင်ဘုံ​မှ သူ့​ကို​ထူး​တော်မူ​၏​။

ဆာ​လံ 28:8

ထာဝရဘုရား​သည် မိမိ​လူမျိုး​တော်​၏ အစွမ်းသတ္တိ​ဖြစ်​တော်မူ​၏​။ ကိုယ်တော်​သည် မိမိ​ဘိသိက်ပေး​ထား​သော​သူ​အတွက် ကယ်တင်​ခြင်း​ရဲတိုက်​ဖြစ်​တော်မူ​၏​။

ဆာ​လံ 68:7

အို ဘုရားသခင်​၊ ကိုယ်တော်​သည် မိမိ​လူမျိုး​တော်​၏​ရှေ့​မှ​ကြွ​ပြီး ကန္တာရမြေ​ကို​ကျော်ဖြတ်​ချီတက်​တော်မူ​သောအခါ(​စေလာ)

ဆာ​လံ 77:20

ကိုယ်တော်​သည် မောရှေ​နှင့်​အာရုန်​တို့​လက်​ဖြင့် မိမိ​၏​လူမျိုး​တော်​ကို သိုးအုပ်​ကဲ့သို့​ပို့ဆောင်​တော်မူ​၏​။

ဆာ​လံ 99:6

ကိုယ်တော်​၏​ယဇ်ပုရောဟိတ်​များ​ထဲတွင် မောရှေ​နှင့်​အာရုန်​တို့​ပါ​၍ ကိုယ်တော်​၏​နာမ​တော်​ကို​ခေါ်​သော​သူ​တို့​တွင် ရှမွေလ ပါ​၏​။ သူ​တို့​သည် ထာဝရဘုရား​ကို​ခေါ်​၍ ကိုယ်တော်​သည် သူ​တို့​ကို ထူး​တော်မူ​၏​။

ဟေ​ရှာ​ယ 63:11

ထိုအခါ ကိုယ်တော်​သည် မောရှေ​နှင့်​လူမျိုး​တော်​တို့​ခေတ်​မှ​အချိန်​ကာလ​ကို အောက်မေ့​တော်မူ​၏​။ သိုးစု​ကို သိုးထိန်း​တို့​နှင့်အတူ ပင်လယ်​ထဲမှ​ခေါ်ဆောင်​လာ​သော​သူ​ကား အဘယ်မှာ​နည်း​။ သူ​တို့​အလယ်​၌ သန့်ရှင်း​သော​ဝိညာဉ်​တော်​ကို ချပေး​သော​သူ​ကား အဘယ်မှာ​နည်း​။

ဟေ​ရှာ​ယ 64:1

ကိုယ်တော်​သည် မိုးကောင်းကင်​ကို​ဆုတ်ဖြဲ​၍ ဆင်းသက်​တော်မူ​လျှင် တောင်​တို့​သည် ကိုယ်တော်​၏​ရှေ့​တော်​တွင် လှုပ်​ကြ​ပါ​လိမ့်မည်​။

ယေ​ဇ​ကျေ​လ 13:14

သင်​တို့​ထုံးဖြူ​သုတ်​ခဲ့​သော​မြို့ရိုး​ကို မြေ​တိုင်အောင် ဖြိုချ​မည်​။ အုတ်မြစ်​ကို လှန်ပစ်​မည်​။ ထို​ပြိုကျ​သွား​သော​မြို့ရိုး​နှင့်အတူ သင်​တို့​ပါ ပျက်စီး​သွား​မည်​။ သို့မှ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်​။

အာ​မုတ် 9:1

တစ်ဖန် ငါ​မြင်​ရ​သည်​မှာ ဘုရားရှင်​သည် ယဇ်ပလ္လင်​နား​တွင် ရပ်​နေ​တော်မူ​၏​။ ကိုယ်တော်​က “တံခါးခုံ​များ​လှုပ်ခါ​၍ လူ​အပေါင်း​တို့​ခေါင်း​ပေါ်သို့ ပြိုကျ​သည်​အထိ ခေါင်တိုင်​တို့​ကို ရိုက်ချိုး​လော့​။ ထို​ဘေး​မှ​လွတ်​၍ ကြွင်းကျန်သူ​တို့​ကို ဓား​နှင့် ငါ​ကွပ်မျက်​မည်​။ ထွက်ပြေး​သော​သူ မ​ရှိ​ရ​။ လွတ်မြောက်​သော​သူ မ​ရှိ​ရ​။

ယော​ရှု 10:11

ထို​သူ​တို့​သည် အစ္စရေး​စစ်သည်​တို့​ရှေ့​မှ ထွက်ပြေး​ကြ​၍ ဗေသောရုန်​မြို့​မှ ဆင်းသွား​ရာ​လမ်း​တွင် အဇေကာ​မြို့​တိုင်အောင် ထာဝရဘုရား​သည် ကောင်းကင်​မှ မိုးသီးလုံးကြီး​များ​ကို သူ​တို့​အပေါ် ကျ​စေ​တော်မူ​သဖြင့် သူ​တို့​သေ​ကုန်​၏​။ အစ္စရေး​အမျိုးသား​တို့​၏​ဓား​ဖြင့်​သေ​သော​သူ​ထက် မိုးသီး​ကြောင့်​သေ​သော​သူ​ပိုများ​၏​။

ယော​ရှု 10:24

ထို​ရှင်ဘုရင်​တို့​ကို ယောရှု​ထံ​ခေါ်ဆောင်​လာ​သောအခါ ယောရှု​က အစ္စရေး​တစ်မျိုးသားလုံး​ကို ဆင့်ခေါ်​ပြီးလျှင် သူ​နှင့်အတူ​စစ်ချီ​ခဲ့​သော​စစ်သူရဲ​အကြီးအမှူး​တို့​အား “​လာ​ကြ​၊ ဤ​ရှင်ဘုရင်​တို့​၏​လည်ပင်း​ကို တက်နင်း​ကြ​”​ဟု ဆို​၏​။ သူ​တို့​လည်း လာ​၍​ရှင်ဘုရင်​တို့​၏​လည်ပင်း​ကို တက်နင်း​ကြ​၏​။

ယော​ရှု 10:42

အစ္စရေး​လူမျိုး​၏​ဘုရားသခင်​ထာဝရဘုရား​သည် အစ္စရေး​လူမျိုး​အတွက် စစ်တိုက်​တော်မူ​သောကြောင့် ယောရှု​သည် ရှင်ဘုရင်​တို့​နှင့်တကွ သူ​တို့​၏​တိုင်းပြည်​များ​ကို တစ်ချီတည်း​သိမ်းပိုက်​အောင်မြင်​ခဲ့​လေ​၏​။

ယော​ရှု 11:12

ယောရှု​သည် ထို​ဘုရင်​တို့​၏​မင်းနေပြည်တော်​ရှိသမျှ​နှင့် ဘုရင်​အပေါင်း​တို့​ကို သိမ်းပိုက်​၍ ထာဝရဘုရား​၏​အစေအပါး​မောရှေ မှာကြား​ထား​ခဲ့​သည့်​အတိုင်း တစ်ယောက်မကျန် ဓား​ဖြင့်​ကွပ်မျက်​လေ​၏​။

ယော​ရှု 11:8

ထာဝရဘုရား​သည် ရန်သူ​တို့​ကို အစ္စရေး​စစ်သည်​တို့​လက်​သို့ အပ်​တော်မူ​သဖြင့် အစ္စရေး​စစ်သည်​တို့​သည် ဆီဒုန်​မြို့​ကြီး​၊ မိသရဖောသမိမ်​မြို့​၊ အရှေ့ဘက်​အရပ်​ရှိ မိဇပါ​ချိုင့်ဝှမ်း​တိုင်အောင် လိုက်လံ​တိုက်ခိုက်​လေ​၏​။ အသက်ရှင်​ကျန်ရစ်​သူ​တစ်ယောက်မျှ​မ​ရှိ​သည့်​တိုင်အောင် လုပ်ကြံ​လေ​၏​။