ဟေ​ရှာ​ယ 66:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ကြည့်ရှု​လော့​။ ထာဝရဘုရား​သည် မီး​နှင့်​ကြွလာ​တော်မူ​မည်​။ လေပွေ​ကဲ့သို့ စစ်ရထား​နှင့်​ကြွလာ​တော်မူ​မည်​။ ရန်သူ​တို့​ကို အမျက်ပြင်း​စွာ​တုံ့ပြန်​မည်​။ မီးလျှံ​ဖြင့်​ဆုံးမ​မည်​။

Common Language Bible

¹⁵ ထာ​ဝ​ရ​ဘု​ရား​သည်​မီး​လျှံ​ကို​စီး​၍​ကြွ လာ​တော်​မူ​လိမ့်​မည်။ ကိုယ်​တော်​သည်​မိ​မိ အ​မျက်​ထွက်​သူ​တို့​အား​အ​ပြစ်​ဒဏ်​ခတ် ရန်​လေ​ဗွေ​ရ​ထား​ကို​စီး​၍​ကြွ​လာ​တော် မူ​လိမ့်​မည်။-

Garrad Bible

¹⁵ ထာ ဝ ရ ဘု ရား သည် ဒေါ သ အ ရှိန် အား ဖြင့် အ မျက် တော် ကိုလည်း‌ ကောင်း၊ မီး လျှံ အား ဖြင့် အ ဆုံး အ မ တော် ကို လည်း‌ ကောင်း၊ စီ ရင် ခြင်း ငှာ၊ လေ ဗွေ သ ဖွယ် စစ် ရ ထား တော် များ ပါ၊ မီး ရှိန် နှင့် တ ကွ ကြွ လာ တော် မူ လိမ့် မည်။

Judson Bible

¹⁵ ကြည့်​ရှု​လော့။ ထာ​ဝ​ရ​ဘု​ရား​သည် ပြင်း​စွာ​သော အ​ရှိန်​အား​ဖြင့် အ​မျက်​တော်​ကို​လည်း​ကောင်း၊ မီး​လျှံ​အား​ဖြင့် ဆုံး​မ​တော်​မူ​ခြင်း​ကို​လည်း​ကောင်း ထင်​ရှား​စွာ​ပြ​ခြင်း​ငှာ၊ လေ​ပွေ​ကဲ့​သို့​သော ရ​ထား​တော်​တို့​ကို​စီး၍၊ မီး​ကဲ့​သို့ ကြွ​လာ​တော်​မူ​လိမ့်​မည်။

ဟေ​ရှာ​ယ 66:15 ပူးပေါင်းရင်းမြစ်များ

ဆာ​လံ 11:6

ကိုယ်တော်​သည် မီးခဲ​တို့​ကို ဆိုးယုတ်​သော​သူ​တို့​အပေါ် ရွာကျ​စေ​တော်မူ​လိမ့်မည်​။ မီး​၊ ကန့်​နှင့် ပူလောင်​သော​လေ​သည် သူ​တို့​ခွက်ဖလား​အတွက် ဝေစု​ဖြစ်​လိမ့်မည်​။

ဆာ​လံ 18:9

ကိုယ်တော်​သည် မိုးကောင်းကင်​ကို ညွတ်​စေ​၍ ကြွဆင်း​တော်မူ​၏​။ အမှောင်ထု​သည် ခြေ​တော်​အောက်​၌​ရှိ​၏​။

ဆာ​လံ 21:9

ကိုယ်တော်​ပေါ်ထွန်း​တော်မူ​သော​အချိန်​၌ ကိုယ်တော်​သည် သူ​တို့​ကို တောက်လောင်​နေ​သော​မီးပြင်းဖို​ကဲ့သို့ ဖြစ်​စေ​တော်မူ​လိမ့်မည်​။ ထာဝရဘုရား​သည် အမျက်​တော်​ဖြင့် သူ​တို့​ကို​ဝါးမျို​လိမ့်မည်​။ မီး​သည် သူ​တို့​ကို​လောင်ကျွမ်း​လိမ့်မည်​။

ဆာ​လံ 50:3

ငါ​တို့​၏​ဘုရားသခင်​သည် ကြွလာ​တော်မူ​မည်​။ ကိုယ်တော်​သည် တိတ်ဆိတ်​စွာ​နေ​တော်မူ​မည်​မ​ဟုတ်​။ ကိုယ်တော်​၏​ရှေ့​တော်​၌ ဝါးမျို​တတ်​သော​မီး​ရှိ​၍ ကိုယ်တော်​၏​ပတ်လည်​၌ ပြင်းထန်​သော​မုန်တိုင်း​ရှိ​၏​။

ဆာ​လံ 68:17

ဘုရားသခင်​၏​စစ်ရထား​တို့​သည် အထောင်​အသောင်း​မက​များပြား​ကြ​၏​။ ဘုရားရှင်​သည် သိနာ​တောင်​မှာ​ကဲ့သို့ သူ​တို့​နှင့်အတူ သန့်ရှင်းရာဌာန​တော်​၌ ရှိ​တော်မူ​၏​။

ဆာ​လံ 97:3

မီး​သည် ကိုယ်တော်​၏​ရှေ့​မှ​သွား​၍ ကိုယ်တော်​၏​ရန်သူ​တို့​ကို လှည့်ပတ်​လောင်ကျွမ်း​၏​။

ဟေ​ရှာ​ယ 10:17

အစ္စရေး​လူမျိုး​၏​အလင်း​သည် မီး​သဖွယ်​ဖြစ်​၏​။ အစ္စရေး​လူမျိုး​၏​သန့်ရှင်း​သော​အရှင်​သည် မီးလျှံ​သဖွယ်​ဖြစ်​၏​။ တစ်နေ့ချင်း​တွင် ထို​ဘုရင်​၏​ဆူးပင်​၊ ချုံပင်​များ​ကို လောင်ကျွမ်း​ဝါးမျို​လိမ့်မည်​။

ဟေ​ရှာ​ယ 26:11

အို ထာဝရဘုရား​၊ ကိုယ်တော်​သည် လက်​တော်​ကို​မြှောက်​သော်လည်း သူ​တို့​မ​မြင်​။ ကိုယ်တော်​၏​လူမျိုး​တော်​အတွက် ကိုယ်တော်​စိတ်အားထက်သန်​တော်မူ​သည်​ကို သူ​တို့​တွေ့မြင်​၍ ရှက်ကြောက်​ကြ​ပါစေ​။ ကိုယ်တော်​၏​ရန်သူ​တို့​ကို လောင်ကျွမ်း​မည့်​မီး​သည် သူ​တို့​ကို​လောင်ကျွမ်း​ပါစေ​။

ဟေ​ရှာ​ယ 30:30

ထာဝရဘုရား​သည် မိမိ​၏​ဘုန်းကြီး​သော​အသံ​ကို ကြား​စေ​တော်မူ​မည်​။ ပြင်းထန်​သော​အမျက်​တော်​၊ တောက်လောင်​နေ​သော​မီးတောက်​မီးလျှံ​နှင့်တကွ သည်းထန်​သော​မိုး​၊ မုန်တိုင်း​၊ မိုးသီး​တို့​ဖြင့် လက်ရုံး​တော်​ကြွဆင်း​လာ​သည်​ကို မြင်​စေ​တော်မူ​မည်​။

ဟေ​ရှာ​ယ 30:33

အကယ်စင်စစ် တောဖက်​အရပ်​ကို ရှေးယခင်​ကပင် ပြင်ဆင်​ထား​လေ​ပြီ​။ ထို​အရပ်​ကို ရှင်ဘုရင်​အတွက် အဆင်သင့်​ဖြစ်စေ​ပြီ​။ ထို​အရပ်​သည် နက်​၍​ကျယ်ဝန်း​ပြီး မီးရှို့​ရန်​ထင်း​အမြောက်အမြား​ပုံထား​၏​။ ထာဝရဘုရား​၏​ထွက်သက်လေ​သည် ကန့်ရည်စီးကြောင်း​ကဲ့သို့​ထွက်လာ​၍ ထို​အရပ်​ကို မီးစွဲလောင်​စေ​မည်​။

ဟေ​ရှာ​ယ 31:9

သူ​၏​ကျောက်​သည် ကြောက်လန့်​၍ ပျောက်ကွယ်​သွား​လိမ့်မည်​။ သူ​၏​အကြီးအကဲ​တို့​သည် အချက်ပြအလံ​ကြောင့် စိတ်ပျက်​ကြ​လိမ့်မည်​”​ဟု ဇိအုန်​တောင်​ပေါ်တွင်​မီး​၊ ဂျေရုဆလင်​မြို့​တွင် မီးဖို​တည်​တော်မူ​သော ထာဝရဘုရား​မိန့်​တော်မူ​၏​။

ဟေ​ရှာ​ယ 5:25

ထာဝရဘုရား​သည် မိမိ​လူမျိုး​တော်​ကို အမျက်ထွက်​၍ သူ​တို့​အပေါ်​လက်​တော်​ကို​ဆန့်​လျက် ဒဏ်ခတ်​တော်မူ​မည်​။ တောင်​တို့​သည်​လှုပ်ခတ်​ကြ​လိမ့်မည်​။ သူ​တို့​အလောင်း​သည် လမ်းမ​အလယ်​၌ အမှိုက်သရိုက်​ကဲ့သို့​ဖြစ်​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 5:28

သူ​တို့​၏​မြား​တို့​သည် ချွန်ထက်​၍ သူ​တို့​၏​လေး​ရှိသမျှ​တို့​သည်​လည်း တင်​ထား​လျက်​ရှိ​၏​။ မြင်း​တို့​၏​ခွာ​သည် မီးခတ်ကျောက်​နှင့်​တူ​သည်​ဟု​ထင်​ရ​၏​။ စစ်ရထား​ဘီး​တို့​သည် လေပွေ​ကဲ့သို့​ဖြစ်​၏​။

ဟေ​ရှာ​ယ 51:20

သင်​၏​သား​တို့​သည် အားနည်း​မောပန်း​နေ​ကြ​ပြီ​။ လမ်း​ရှိသမျှ​၌ ကျော့ကွင်း​မိ​သော​တောဆိတ်​ကဲ့သို့ လဲလျောင်း​နေ​ကြ​ပြီ​။ သူ​တို့​သည် ထာဝရဘုရား​၏​အမျက်​တော်​၊ သင်​၏​ဘုရားသခင်​ဆုံးမ​တော်မူ​ခြင်း​နှင့် ပြည့်​လေ​ပြီ​။

ယေ​ရ​မိ 25:37

ငြိမ်းချမ်း​သာယာ​သော​နေထိုင်​ရာ​အရပ်​တို့​သည် ထာဝရဘုရား​၏​ပြင်းထန်​သော​အမျက်​တော်​ဒဏ်​ကြောင့် ပျက်စီး​လေ​ပြီ​။

ယေ​ရ​မိ 4:13

ကြည့်ရှု​လော့​။ ဖျက်ဆီး​သော​သူ​သည် မိုးတိမ်​ကဲ့သို့​တက်လာ​မည်​။ သူ​၏​စစ်ရထား​သည် လေပွေ​ကဲ့သို့ ဖြစ်​မည်​။ သူ​၏​မြင်း​တို့​သည် လင်းယုန်​ထက်​လျင်မြန်​၏​။ ငါ​တို့​၌ အမင်္ဂလာ​ရှိ​၏​။ ငါ​တို့​သည် ဖျက်ဆီး​ခြင်း​ခံ​ကြ​ရ​ပြီ​။

ယေ​ရ​မိ 4:3

ထာဝရဘုရား​က ယုဒ​ပြည်သူ ဂျေရုဆလင်​မြို့သား​တို့​အား “​သင်​တို့​၏​လယ်မြေ​ကို ထွန်ယက်​ကြ​လော့​။ ဆူးပင်​များ​ကြားတွင် မျိုး​မ​ကြဲ​နှင့်​။

ယေ​ရ​မိ 46:15

သင်​၏​စစ်သူရဲ​တို့​သည် အဘယ်ကြောင့် ဝမ်းလျားမှောက်​လဲကျ​ကုန်​ကြ​သနည်း​။ ထာဝရဘုရား​သည် သူ​တို့​ကို​လှဲချ​လိုက်​သောကြောင့် သူ​တို့​မ​ရပ်တည်​နိုင်​ကြ​။

ယေ​ဇ​ကျေ​လ 38:17

ဘုရားရှင်​ထာဝရဘုရား​က ‘အစ္စရေး​လူမျိုး​တို့​ကို တိုက်ခိုက်​ရန် သင့်​ကို ငါ​စစ်ချီ​လာ​စေ​မည့်​အကြောင်း ရှေး​နှစ်ပေါင်း​များစွာ ပရောဖက်ပြု​ဟောပြော​ခဲ့​သော ငါ့​အစေအပါး အစ္စရေး​လူမျိုး​တို့​၏​ပရောဖက်​များ​အားဖြင့် သင့်​ကို​ရည်မှတ်​၍ ရှေးယခင်​ကပင် ငါ​မိန့်ဆို​ခဲ့​သည်​မ​ဟုတ်​လော’​ဟု မိန့်​တော်မူ​၏​။

ယေ​ဇ​ကျေ​လ 5:15

ငါ​သည် အမျက်​ဒေါသ​ပြင်းစွာ​ဖြင့် သင့်​ကို​ဆုံးမ​၍ အပြစ်ဒဏ်​ပေး​သောအခါ သင့်​ဝန်းကျင်​ရှိ လူမျိုးတကာ​တို့​တွင် သင်​သည် ကဲ့ရဲ့စရာ​၊ ပုတ်ခတ်စရာ​၊ ခိုင်းနှိုင်းစရာ​၊ လူသူကင်းမဲ့​ရာ ဖြစ်​လိမ့်မည်​ဟု ငါ​ထာဝရဘုရား မိန့်​တော်မူ​ပြီ​။

ဒံ​ယေ​လ 11:40

နောက်ဆုံး​ကာလ​တွင် တောင်​ဘုရင်​သည် သူ့​ကို တွန်းလှန်​တိုက်ခိုက်​လိမ့်မည်​။ မြောက်​ဘုရင်​သည်​လည်း စစ်ရထား​များ​၊ မြင်းစီးသူရဲ​များ​၊ သင်္ဘော​များ​ဖြင့် မုန်တိုင်း​တိုက်​သကဲ့သို့ ချီလာ​၍ တိုင်းပြည်​များ​ကို ဝင်ရောက်​လွှမ်းမိုး​တိုက်ခိုက်​သွား​လိမ့်မည်​။

ဒံ​ယေ​လ 7:10

မီး​မြစ်​တစ်​စင်း​သည် ရှေ့​တော်​မှ စီး​ထွက်​၏​။ အထောင်ထောင်​သော​လူ​တို့​သည် အမှု​တော်​ကို ထမ်း​ကြ​၏​။ အသောင်းသောင်း​သော​လူ​တို့​သည် ရှေ့​တော်​တွင် ရပ်​လျက်​နေ​၏​။ တရားစီရင်​ချိန်​ကျရောက်​သဖြင့် စာအုပ်​များ​ကို ဖွင့်​ထား​၏​။

ဟော​ရှေ 8:7

သူ​တို့​သည် လေ​ကို​ကြဲ​သဖြင့် လေပွေ​ကို​သာ ရိတ်​ရ​လိမ့်မည်​။ ကောက်ပဲသီးနှံ​တို့​လည်း အညှောက်​မ​ထွက်​။ ထွက်​ပြန်​လျှင်​လည်း အသီး​မ​သီး​။ သီး​ပြန်​လျှင်​လည်း သူစိမ်း​လူ​တို့ စား​သွား​လိမ့်မည်​။

အာ​မုတ် 7:4

တစ်ဖန် ဘုရားရှင်​ထာဝရဘုရား​က ငါ့​အား ဤသို့ မြင်​စေ​တော်မူ​ပြန်​၏​။ ကြည့်ရှု​လော့​။ ဘုရားရှင်​ထာဝရဘုရား​သည် တရားစီရင်​ရန် မီး​ကို​ဆင့်ခေါ်​ရာ မီး​သည် ကျယ်ပြန့်​နက်ရှိုင်း​သော​ရေထု​ကို ဝါးမျို​ပြီးလျှင် မြေကြီး​ကို​လည်း ဝါးမျို​လေ​၏​။

နာ​ဟုံ 1:6

ကိုယ်တော်​၏​အမျက်​တော်​ရှေ့​၌ မည်သူ​ရပ်​နိုင်​မည်နည်း​။ ကိုယ်တော်​၏​ပြင်းစွာ​သော​အမျက်​တော်​ကို မည်သူ​ကြံ့ကြံ့​ခံနိုင်​မည်နည်း​။ အမျက်​တော်​ကို မီး​ကဲ့သို့​သွန်ချ​တော်မူ​လျှင် ရှေ့​တော်​၌ ကျောက်ဆောင်​များ ပြိုကျ​ကုန်​ပါ​၏​။

ဟ​ဗက္ကုတ် 3:8

အို ထာဝရဘုရား​၊ ကိုယ်တော်​သည် အောင်ပွဲခံ​မြင်း​တော်​၊ ရထား​တော်​တို့​ကို စီး​တော်မူ​သည်​မှာ ချောင်း​တို့​ကို စိတ်ဆိုး​၍​လော​။ မြစ်​တို့​ကို အမျက်ထွက်​၍​လော​။ ပင်လယ်​ကို ဒေါသ​ထွက်​၍​လော​။

ဇာ​ခ​ရိ 6:1

တစ်ဖန် ငါ​မျှော်ကြည့်​ပြန်​ရာ တောင်​နှစ်​လုံး​ကြား​မှ စစ်ရထား​လေး​စီး​ထွက်လာ​သည်​ကို ငါ​မြင်​ရ​၏​။ ထို​တောင်​တို့​သည် ကြေးနီ​တောင်​များ ဖြစ်​ကြ​၏​။

မဿဲ 22:7

ထိုအခါ ဘုရင်​သည် အမျက်ထွက်​၍ သူ​၏​စစ်သား​များ​ကို​စေလွှတ်​ကာ ထို​လူသတ်သမား​တို့​ကို​ဖျက်ဆီး​စေ​ပြီး သူ​တို့​၏​မြို့​ကို​မီးရှို့​စေ​၏။

တ​ရား​ဟော 28:20

ထာဝရဘုရား​ကို​စွန့်ပယ်​ခြင်း​တည်းဟူသော ဆိုးညစ်မှု​ကို သင်​ပြု​သောကြောင့် သင်​သည် အလျင်အမြန်​ဖျက်ဆီး​ခြင်း​ခံရ​မည်​။ ပျက်စီး​ခြင်း​သို့​မ​ရောက်​မ​ချင်း ထာဝရဘုရား​သည် သင်​ပြုကျင့်​လုပ်ဆောင်​လေရာရာ​၌ ကျိန်ဆဲ​ခြင်း​၊ ထိတ်လန့်ချောက်ချား​ခြင်း​၊ ပြစ်တင်မောင်းမဲ​ခြင်း​တို့​ကို သင့်​အပေါ်​သို့ ကျရောက်​စေ​တော်မူ​မည်​။

၂ ပေ 3:7

ယခု​ရှိ​သော ကောင်းကင်​နှင့်​မြေကြီး​မူကား ထို​နှုတ်ကပတ်တော်​အားဖြင့် မီး​အတွက်​သိုမှီး​ထား​ခြင်း​ခံရ​၍ ဘုရား​တရား​မဲ့​သော​သူ​တို့​၏​ပျက်စီး​ခြင်း​နှင့် တရား​စီရင်​ခြင်း​နေ့ရက်​တိုင်အောင် ထိန်းသိမ်း​ထား​ခြင်း​ခံရ​လျက်​ရှိ​၏။