ဟေ​ရှာ​ယ 65:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ သူ​တို့​မ​ခေါ်​မီ ငါ​ထူး​မည်​။ သူ​တို့​တောင်းလျှောက်​နေစဉ် ငါ​နားထောင်​မည်​။

Common Language Bible

²⁴ သူ​တို့​ပြု​သည့်​ဆု​တောင်း​ပတ္ထ​နာ​မ​ပြီး​မ​ဆုံး မီ​၌​ပင်​လျှင် ငါ​သည်​သူ​တို့​၏​ပန်​ကြား​ချက် ကို​နား​ညောင်း​မည်။-

Garrad Bible

²⁴ သူ တို့ မ ခေါ် မီ ငါ ထူး မည်။ လျှောက် ကြ စဉ် ပင် နား ညောင်း မည်။

Judson Bible

²⁴ ငါ​သည် သူ​တို့​မ​ခေါ်​မီ​က​ပင် ထူး​မည်။ လျှောက်​စဉ်​တွင်​ပင် ငါ​နား​ထောင်​မည်။

ဟေ​ရှာ​ယ 65:24 ပူးပေါင်းရင်းမြစ်များ

ကမ္ဘာ​ဦး 24:15

ထိုသို့ ဆုတောင်း​၍​မ​ပြီး​မီ ရေဗက္ကာ​သည် မိမိ​ပခုံး​ပေါ်တွင် ရေအိုး​တင်​လျက်​ထွက်လာ​၏​။ သူ​သည် အာဗြဟံ​၏​ညီ​နာခေါ်​နှင့် သူ​၏​မယား​မိလခါ​၏​သား​ဖြစ်​သူ ဗေသွေလ​၏​သမီး​ဖြစ်​၏​။

၄ ရာ 19:20

အာမုတ်​၏​သား​ဟေရှာယ​သည်​လည်း ဟေဇကိ​မင်းကြီး​ထံသို့​လူ​လွှတ်​၍ “​အစ္စရေး​လူမျိုး​၏​ဘုရားသခင်​ထာဝရဘုရား​က ‘​သင်​သည် အဆီးရီးယား​ဘုရင်​သနာခရိပ်​မင်းကြီး​နှင့်​ပတ်သက်၍ ငါ့​ထံ​ဆုတောင်း​သော​အရာ​ကို ငါ​ကြား​ရ​ပြီ’​ဟု မိန့်​တော်မူ​၏​။

ဆာ​လံ 32:5

အကျွန်ုပ်​သည် အကျွန်ုပ်​၏​အပြစ်​ကို ကိုယ်တော်​ထံ​ဝန်ချ​ပါ​၏​။ အကျွန်ုပ်​၏​ဒုစရိုက်​ကို​လည်း ဖုံးအုပ်​မ​ထား​ပါ​။ “​အကျွန်ုပ်​ကျူးလွန်​သော​အပြစ်​များ​ကို ထာဝရဘုရား​ထံ​ဖော်ပြဝန်ခံ​မည်​”​ဟု အကျွန်ုပ်​ပြောဆို​ခဲ့​ပါ​၏​။ ထိုအခါ ကိုယ်တော်​သည် အကျွန်ုပ်​၏​အပြစ်​ဒုစရိုက်​ကို ခွင့်လွှတ်​တော်မူ​၏​။(​စေလာ)

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ဆာ​လံ 91:15

သူ​သည် ငါ့​ကို​ခေါ်​သောအခါ သူ့​ကို​ငါ​ထူး​မည်​။ ဆင်းရဲဒုက္ခ​ရောက်​သောအခါ သူ​နှင့်အတူ​ငါ​ရှိ​မည်​။ ငါ​သည် သူ့​ကို​ကယ်မ​၍ သူ့​ကို​ဂုဏ်ပြု​မည်​။

ဟေ​ရှာ​ယ 30:19

ဂျေရုဆလင်​မြို့​တွင်​နေထိုင်​သော အို ဇိအုန်​မြို့သား​တို့​၊ သင်​တို့ ငိုကြွေး​ရ​တော့​မည်​မ​ဟုတ်​။ ကိုယ်တော်​သည် သင်​တို့​အော်ဟစ်​သောအခါ သင်​တို့​ကို အမှန်ပင်​သနား​တော်မူ​မည်​။ သင်​တို့​အော်ဟစ်​သံ​ကို ကြား​သောအခါ ထူး​တော်မူ​မည်​။

ဟေ​ရှာ​ယ 41:17

ဆင်းရဲ​နွမ်းပါး​သော​သူ​တို့​သည် ရေ​ကို​ရှာ​ကြ​၏​။ ရေ​မ​ရှိ​သောကြောင့် သူ​တို့​သည် ရေငတ်​၍ အာခေါင်​ခြောက်ကပ်​သောအခါ ငါ​ထာဝရဘုရား​သည် သူ​တို့​ကို​ထူး​မည်​။ အစ္စရေး​လူမျိုး​၏​ဘုရားသခင် ငါ​သည် သူ​တို့​ကို စွန့်ပစ်​မည်​မ​ဟုတ်​။

ဟေ​ရှာ​ယ 55:6

တွေ့​နိုင်​သည့်​ကာလ​တွင် ထာဝရဘုရား​ကို​ရှာ​ကြ​လော့​။ အနီး​၌​ရှိ​တော်မူ​သည့်​ကာလ​တွင် ကိုယ်တော့်​ကို ခေါ်ဆို​ပတ္ထနာပြု​ကြ​လော့​။

ဟေ​ရှာ​ယ 58:9

သင်​ခေါ်​သောအခါ ထာဝရဘုရား ထူး​တော်မူ​မည်​။ အကူအညီ​အော်ဟစ်​တောင်းခံ​သောအခါ “​ငါ​ရှိ​၏​”​ဟု မိန့်​တော်မူ​မည်​။ သင်​သည် သူတစ်ပါး​ကို​လက်ညှိုးထိုး​ခြင်း​၊ ယုတ်ညံ့​သော​စကား​ပြောဆို​ခြင်း​ဟူသော သင့်​တွင်​ရှိ​သော​ထမ်းပိုး​ကို ဖယ်ရှား​၍

ဟေ​ရှာ​ယ 59:1

ကြည့်ရှု​လော့​။ ထာဝရဘုရား​၏​လက်​တော်​သည် မ​ကယ်တင်​နိုင်​အောင် တို​သည်​မ​ဟုတ်​။ နား​တော်​သည်​လည်း မ​ကြား​နိုင်​အောင် ထိုင်း​သည်​မ​ဟုတ်​။

ဒံ​ယေ​လ 10:12

တစ်ဖန် သူ​က “​ဒံယေလ​၊ မ​ကြောက်​နှင့်​။ သင်​သည် ဘုရားသခင်​၏​ရှေ့​တော်​တွင် ကိုယ်​ကို​နှိမ့်ချ​၍ နားလည်​လို​သော​ဆန္ဒရှိ​သည့်​ပထမဆုံး​နေ့​မှစ၍ သင့်​စကား​ကို ဘုရားသခင်​ကြား​တော်မူ​ပြီ​။ သင့်​စကား​ကြောင့် ငါ​ရောက်လာ​ရ​ခြင်း​ဖြစ်​၏​။

ဇာ​ခ​ရိ 13:9

ငါ​သည် ထို​သုံးပုံတစ်ပုံ​ကို မီး​ထဲသို့​ထည့်​၍ ငွေ​ကို​သန့်စင်​သကဲ့သို့ သန့်စင်​မည်​။ ရွှေ​ကို​စစ်​သကဲ့သို့ စစ်​မည်​။ သူ​တို့​သည် ငါ့​နာမ​ကို​ခေါ်​သောအခါ ငါ​ထူး​မည်​။ ‘သူ​တို့​သည် ငါ့​လူမျိုး​တော်​ဖြစ်​ကြ​၏’​ဟု ငါ​ဆို​မည်​။ သူ​တို့​က​လည်း ‘ထာဝရဘုရား​သည် အကျွန်ုပ်​တို့​၏​ဘုရားသခင်​ဖြစ်​တော်မူ​၏’​ဟူ၍ လျှောက်ဆို​ကြ​လိမ့်မည်”​ဟု မိန့်​တော်မူ​၏​။

ရှင်မာကု 11:24

ထို့ကြောင့် သင်​တို့​အား ငါ​ဆို​မည်။ သင်​တို့​ဆုတောင်း​သောအခါ တောင်းလျှောက်​သမျှ​သော​အရာ​တို့​ကို ရရှိ​ပြီ​ဟု​ယုံကြည်​ကြ​လော့။ ထိုအခါ သင်​တို့​အတွက် ထို​အတိုင်း​ဖြစ်​လိမ့်မည်။

တမန်တော်ဝတ္ထု 4:31

ထိုသို့ သူ​တို့​ဆုတောင်း​ပြီး​သောအခါ သူ​တို့​စုဝေး​နေ​ကြ​သော​နေရာ​သည် တုန်လှုပ်​၍ သူ​တို့​အားလုံး​သည် သန့်ရှင်း​သော​ဝိညာဉ်​တော်​နှင့်​ပြည့်ဝ​လျက် ဘုရားသခင်​၏​နှုတ်ကပတ်​တရား​ကို ရဲရင့်​စွာ​ဟောပြော​ကြ​၏။