ဟေ​ရှာ​ယ 63:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ စပျစ်သီး​နယ်​ရာ​ကျင်း​၌ ငါ တစ်ပါးတည်း နင်းနယ်​၏​။ လူ​တစ်​ယောက်​မျှ ငါ​နှင့်​မ​ရှိ​။ သူ​တို့​ကို ငါ့​အမျက်​ဖြင့် နင်းနယ်​ပြီ​။ ငါ့​ဒေါသ​ဖြင့် နင်းချေ​ပြီ​။ သူ​တို့​သွေး​သည် ငါ့​ဝတ်ရုံ​ကို​စဉ်​သဖြင့် ငါ့​အဝတ်အစား​ရှိသမျှ စွန်းထင်း​လေ​ပြီ​။

Common Language Bible

³ ထာ​ဝ​ရ​ဘု​ရား​က``ငါ​သည်​လူ​မျိုး​တ​ကာ တို့​ကို​စ​ပျစ်​သီး​များ​သ​ဖွယ်​နင်း​နယ်​ခဲ့ လေ​ပြီ။ အ​ဘယ်​သူ​မျှ​ငါ့​အား​ကူ​ညီ​ရန် မ​လာ​မ​ရောက်​ကြ။ ငါ​သည်​အ​မျက်​ထွက် သ​ဖြင့်​သူ​တို့​အား​နင်း​နယ်​ရာ​တွင်​ငါ​၏ အ​ဝတ်​များ​သည်​သူ​တို့​၏​သွေး​များ​ဖြင့် စွန်း​၍​သွား​ပေ​သည်။-

Garrad Bible

³ လူ မျိုး များ အ နက် တစ် ယောက် မျှ မ ပါ ဘဲ၊ ငါ တစ် ပါး တည်း စ ပျစ် ရည် ကျင်း သ ဖွယ် ဖိ နင်း ရ သ ဖြင့်၊ အ မျက် ကြောင့် ဖိ လျက် ဒေါ သ ကြောင့် နင်း လျက်၊ ငါ့ ဝတ် လုံ သည် ချင်း တို့ သွေး ရည် လူး ခြင်း၊ အ ဝတ် ရှိ သ မျှ သည် စွန်း ခြင်း ခံ ခဲ့ ပြီ။

Judson Bible

³ စ​ပျစ်​သီး​ကို ငါ​တစ်​ယောက်​တည်း နင်း​နယ်​ရ​ပြီ။ လူ​များ​အ​ထဲ​က တစ်​ယောက်​မျှ​မ​ပါ။ သူ​တို့​ကို ငါ​အ​မျက်​ထွက်၍ ကျော်​နင်း​ပြီ။ ပြင်း​စွာ​အ​မျက်​ထွက်၍ နှိပ်​နင်း​ပြီ။ သူ​တို့​အ​သွေး​သည် ငါ့​အ​ဝတ်​ပေါ်​မှာ ဖျန်း​လျက်​ရှိ​ပြီ။ ငါ့​အ​ဝတ်​တန်​ဆာ​ရှိ​သ​မျှ​ကို ငါ​ဆိုး​ပြီ။

ဟေ​ရှာ​ယ 63:3 ပူးပေါင်းရင်းမြစ်များ

ကမ္ဘာ​ဦး 49:11

သူ​၏​မြည်း​ကို စပျစ်ပင်​၌​ချည်​ထား​၏​။ သူ့​မြည်းမ​၏​သား​ကို အကောင်းဆုံးစပျစ်ပင်​၌​ချည်​ထား​၏​။ သူ​၏​အဝတ်တန်ဆာ​ကို စပျစ်ဝိုင်​ဖြင့် လျှော်​၏​။ သူ​၏​ဝတ်ရုံ​ကို စပျစ်​သွေး​ဖြင့် လျှော်​၏​။

၄ ရာ 9:33

ယေဟု​က သူ​တို့​အား “​သူ့​ကို တွန်းချ​ပစ်​လိုက်​”​ဟု ဆို​၏​။ သူ​တို့​က​လည်း ယေဇဗေလ​ကို တွန်းချ​လိုက်​ရာ သူ့​သွေး​တို့​သည် နံရံ​များ​၊ မြင်း​များ​ပေါ်သို့ စဉ်သွား​လေ​၏​။ ယေဟု​လည်း သူ့​ကို​တက်နင်း​သွား​လေ​၏​။

ယောဘဝတ္တု။ 40:12

မောက်မာ​သော​သူ​တို့​ကို နှိမ့်ချ​ကြည့်​လိုက်​ပါ​။ လူယုတ်မာ​တို့​ကို သူ​တို့​ရှိ​သော​နေရာ​တွင်ပင် နင်းချေ​လိုက်​ပါ​။

ဆာ​လံ 60:12

ငါ​တို့​သည် ဘုရားသခင်​အားဖြင့် ရဲရင့်​စွာ​ပြု​ကြ​မည်​။ ကိုယ်တော်​သည် ငါ​တို့​အား​ရန်ဖက်ပြု​သော​သူ​များ​ကို နင်းချေ​တော်မူ​လိမ့်မည်​။

ဟေ​ရှာ​ယ 22:5

ကောင်းကင်​ဗိုလ်ခြေ​အရှင်သခင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့​၌ စိတ်အာရုံ​ချိုင့်ဝှမ်း​တွင် ထိတ်လန့်ချောက်ချား​ခြင်း​ရှိ​မည်​၊ နိုင်ထက်စီးနင်း​ခံရ​မည်​၊ ရုန်းရင်းဆန်ခတ်​ဖြစ်​မည်​။ မြို့ရိုး​ပြိုပျက်​၍ တောင်​များ​ဆီသို့ အော်ဟစ်သံ​များ ရောက်သွား​လိမ့်မည်​။

ဟေ​ရှာ​ယ 25:10

ထာဝရဘုရား​သည် လက်​တော်​ကို ဤ​တောင်​ပေါ်တွင်​တင်ထား​တော်မူ​မည်​။ နွားချေးပုံ​၌ ကောက်ရိုး​ကို​နင်းနယ်​သကဲ့သို့ မောဘ​ပြည်​ကို နင်းနယ်​တော်မူ​မည်​။

ဟေ​ရှာ​ယ 28:3

သေသောက်ကြူး​သူ​ဧဖရိမ်​အမျိုး​တို့​၏​မာန​သရဖူ​သည် ခြေ​အောက်​၌ နင်းချေ​ခြင်း​ခံရ​လိမ့်မည်​။

ဟေ​ရှာ​ယ 59:17

ကိုယ်တော်​သည် ဖြောင့်မတ်​ခြင်း​ကို​ရင်အုပ်တန်ဆာ​ကဲ့သို့ ဝတ်ဆင်​တော်မူ​၏​။ ခေါင်း​ပေါ်၌ ကယ်တင်​ခြင်း​သံခမောက်​ကို ဆောင်း​တော်မူ​၏​။ လက်စားချေ​ခြင်း​ဝတ်ရုံ​ကို​ဝတ်ဆင်​၍ စိတ်အားထက်သန်​ခြင်း​ဝတ်လုံ​ကို လွှမ်းခြုံ​တော်မူ​၏​။

ဟေ​ရှာ​ယ 63:6

လူ​တို့​ကို ငါ့​အမျက်​ဖြင့်​နင်းချေ​ပြီ​။ ငါ့​ဒေါသ​ဖြင့် ယစ်မူး​စေ​ပြီ​။ သူ​တို့​၏​သွေး​ကို မြေ​ပေါ်သို့​ကျ​စေ​ပြီ​။

မြည်​တမ်း​စ​ကား 1:15

ဘုရားသခင်​သည် ငါ့​စစ်သူရဲ​အားလုံး​ကို နင်းချေ​တော်မူ​ပြီ​။ စစ်သည်​အလုံးအရင်း​ကို ဆင့်ခေါ်​၍ ငါ​၏​လူငယ်​တို့​ကို ဖျက်ဆီး​စေ​တော်မူ​ပြီ​။ ယုဒ​သမီး​ပျို​ကို စပျစ်သီးနယ်ရာကျင်း​၌ နင်းနယ်​တော်မူ​ပြီ​။

ယော​လ 3:13

ရိတ်သိမ်းစရာ​သီးနှံ​မှည့်ဝင်း​ပြီ​ဖြစ်၍ တံစဉ်​ကို​ဆန့်တန်း​ကြ​လော့​။ စပျစ်သီးနယ်ရာကျင်း ပြည့်​နေ​သည်​ဖြစ်၍ လာ​၍​နင်းချေ​ကြ​လော့​။ စည်​များ လျှံ​နေ​သကဲ့သို့ ထို​သူ​တို့​၏​ဆိုးညစ်မှု​များ​သည် များပြား​လျက်​ရှိ​၏​။”

မိက္ခာ 7:10

“​သင်​၏​ဘုရားသခင်​ထာဝရဘုရား​ကား အဘယ်မှာ​ရှိ​သနည်း”​ဟု ငါ့​အား ပြောဆို​သော​ရန်သူ​သည် ထို​အဖြစ်​ကို​မြင်​၍ အရှက်ကွဲ​ရ​လိမ့်မည်​။ ယခု​တွင် သူ​သည် လမ်း​ပေါ်မှ ရွှံ့​ကဲ့သို့ နင်းချေ​ခံရ​သည်​ကို ငါ့​မျက်စိ​ဖြင့် တပ်အပ်​မြင်​ရ​လိမ့်မည်​။

ဇာ​ခ​ရိ 10:5

သူ​တို့​သည် လမ်း​ပေါ်မှ​ရွှံ့​ကို​နင်း​သကဲ့သို့ စစ်ပွဲ​တွင် ရန်သူ​ကို​နင်းချေ​သော​စစ်သူရဲ​များ ဖြစ်​ကြ​လိမ့်မည်​။ ထာဝရဘုရား​သည် သူ​တို့​နှင့်အတူ​ပါရှိ​သောကြောင့် စစ်တိုက်​ရာ​တွင် မြင်းစီးသူရဲ​တို့​ကို အရှက်ကွဲ​စေ​လိမ့်မည်​။

မာ​လ​ခိ 4:3

သင်​တို့​သည် ဆိုးယုတ်​သော​သူ​တို့​ကို နင်းချေ​လိမ့်မည်​။ အကြောင်းမူကား ငါ​စီရင်​ရာ​နေ့ရက်​၌ သူ​တို့​သည် သင်​တို့​၏​ခြေဖဝါး​အောက်​သို့​ရောက်​သော ပြာမှုန့်​ဖြစ်​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။