ဟေ​ရှာ​ယ 62:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင့်​ကို “​စွန့်ပစ်​ခံရ​သူ​”​ဟု ခေါ်​တော့​မည်​မ​ဟုတ်​။ သင်​၏​မြေ​ကို​လည်း “​လူသူကင်းမဲ့​ရာ​အရပ်​”​ဟု ခေါ်​တော့​မည်​မ​ဟုတ်​။ သင့်​ကို “​ငါ​နှစ်သက်မြတ်နိုးသူ​”​ဟူ၍​လည်းကောင်း​၊ သင်​၏​မြေ​ကို “​လက်ထပ်​ပြီး​သူ​”​ဟူ၍​လည်းကောင်း ခေါ်ဝေါ်​ကြ​လိမ့်မည်​။ အကြောင်းမူကား ထာဝရဘုရား​သည် သင့်​ကို​နှစ်သက်မြတ်နိုး​တော်မူ​၏​။ သင်​၏​မြေ​သည်​လည်း လက်ထပ်​ခွင့်​ရ​လိမ့်မည်​။

Common Language Bible

⁴ ``စွန့်​ပစ်​ခြင်း​ကို​ခံ​ရ​သူ'' ဟု​နာ​မည်​တွင် တော့​မည်​မ​ဟုတ်။ သင်​၏​ပြည်​သည်​လည်း``အ​ပယ်​ခံ​ဇ​နီး'' ဟူ​သော​နာ​မည်​ကို​ခံ​ယူ​ရ​တော့​မည်​မ​ဟုတ်။ သင်​၏​နာ​မည်​သစ်​မှာ``ဘု​ရား​သ​ခင်​နှစ်​သက် မြတ်​နိုး​သူ'' ဟူ​၍​ဖြစ်​လိမ့်​မည်။ သင်​၏​ပြည်​သည်​လည်း``ပျော်​ရွှင်​စွာ​ထိမ်း​မြား ထား​သူ'' ဟု​နာ​မည်​တွင်​လိမ့်​မည်။ အ​ဘယ်​ကြောင့်​ဆို​သော်​ထာ​ဝ​ရ​ဘု​ရား​သည် သင့်​ကို​နှစ်​သက်​တော်​မူ​သ​ဖြင့်၊ ခင်​ပွန်း​ဖြစ်​သူ​သည်​မိ​မိ​ဇ​နီး​ကို​မြတ်​နိုး သ​ကဲ့​သို့၊ သင်​၏​ပြည်​ကို​လည်း​မြတ်​နိုး​တော်​မူ​လိမ့်​မည်။

Garrad Bible

⁴ သင့် ကို စွန့် ခွာ သူ ဟူ၍ လည်း‌ ကောင်း၊ နေ ပြည် ကို ဆိတ် ညံ ပြည် ဟူ ၍ လည်း‌ ကောင်း၊ ခေါ် ရ တော့ မည် မ ဟုတ်။ ထာ ဝ ရ ဘု ရား သည် သင့် ကို နှစ် သက် တော် မူ ၍၊ နေ ပြည် ကို လည်း စု လျား ပတ် မည့် အ လျောက်၊ သင် သည် ငါ နှစ် သက် သူ၊ နေ ပြည် လည်း စု လျား ပတ် သော ပြည် ဟူ သော အ မည် များ ကို ရ လိမ့် မည်။

Judson Bible

⁴ သင့်​ကို၊ စွန့်​ပစ်​သော​သူ ဟူ၍​လည်း​ကောင်း၊ သင်၏​မြေ​ကို၊ လူ​ဆိတ်​ညံ​သော​မြေ​ဟူ၍​လည်း​ကောင်း နောက်​တစ်​ဖန် မ​ခေါ်​ရ။ သင်​သည် ငါ​နှစ်​သက်​သော​သူ၊ သင်၏​မြေ​သည် လက်​ထပ်​သော​မြေ​ဟူ​သော​အ​မည်​ကို ရ​လိမ့်​မည်။ အ​ကြောင်း​မူ​ကား၊ ထာ​ဝ​ရ​ဘု​ရား​သည် သင့်​ကို နှစ်​သက်​တော်​မူ၏။ သင်၏​မြေ​ကို​လည်း လက်​ထပ်​ရ​လိမ့်​မည်။

ဟေ​ရှာ​ယ 62:4 ပူးပေါင်းရင်းမြစ်များ

ဆာ​လံ 149:4

အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို နှစ်သက်​တော်မူ​၏​။ ကိုယ်တော်​သည် စိတ်နှိမ့်ချ​သော​သူ​တို့​ကို ကယ်တင်​ခြင်း​နှင့်​တင့်တယ်​စေ​တော်မူ​၏​။

ဆာ​လံ 16:3

ကမ္ဘာမြေကြီး​ပေါ်​ရှိ သန့်ရှင်း​သော​သူ​တို့​နှင့်​ပတ်သက်၍​မူကား သူ​တို့​သည် ကြီးမြတ်​သော​သူ​ဖြစ်​ကြ​၏​။ ငါ​သည် သူ​တို့​ကို အလွန်​နှစ်သက်​၏​။

ဟေ​ရှာ​ယ 49:14

သို့သော် ဇိအုန်​မြို့​က “​ထာဝရဘုရား​သည် ငါ့​ကို​စွန့်ပယ်​တော်မူ​ပြီ​။ ဘုရားရှင်​သည် ငါ့​ကို​မေ့လျော့​တော်မူ​ပြီ​”​ဟု ဆို​လေ​ပြီ​တကား​။

ဟေ​ရှာ​ယ 54:1

ထာဝရဘုရား​က “​သား​မ​ဖွား​ဖူး​သော​အမြုံမ​၊ ရွှင်လန်း​စွာ​သီချင်းဆို​လော့​။ ကလေး​မ​မွေး​ဖူး​သော​မိန်းမ​၊ သီချင်း​ဟစ်ကြော်​သီဆို​လော့​။ ကြွေးကြော်​လော့​။ အကြောင်းမူကား စွန့်ပစ်​ခံရ​သော​မိန်းမ​၏​သားသမီး​သည် ယောက်ျားရှိ​သော​မိန်းမ​၏​သားသမီး​ထက် သာ၍​များ​၏​”​ဟု မိန့်​တော်မူ​၏​။

ဟေ​ရှာ​ယ 60:15

သင့်​ကို​စွန့်ပစ်​မုန်းတီး​ကြ​ပြီး မည်သူ​မျှ​မ​ဖြတ်သန်း​ကြ​သော်လည်း ငါ​သည် သင့်​ကို ထာဝရ​ဂုဏ်ယူဝင့်ကြွားစရာ​၊ မျိုးဆက်အဆက်ဆက်​ပျော်ရွှင်စရာ​ဖြစ်စေ​မည်​။

ဟေ​ရှာ​ယ 60:18

သင်​၏​ပြည်​၌ ရက်စက်ကြမ်းကြုတ်မှု​အကြောင်း​၊ သင်​၏​နယ်နိမိတ်​အတွင်း​၌ ပျက်စီး​ပြိုပျက်​ခြင်း​အကြောင်း ကြား​ရ​တော့​မည်​မ​ဟုတ်​။ သင်​၏​မြို့ရိုး​တို့​ကို “​ကယ်တင်​ခြင်း​”​၊ သင်​၏​မြို့​တံခါး​တို့​ကို “​ချီးမွမ်း​ခြင်း​”​ဟူ၍ သင်​ခေါ်ဆို​လိမ့်မည်​။

ဟေ​ရှာ​ယ 61:10

ငါ​သည် ထာဝရဘုရား​၌ အလွန်​ဝမ်းမြောက်​မည်​။ ငါ​၏​စိတ်ဝိညာဉ်​သည် ဘုရားသခင်​၌ ရွှင်လန်း​မည်​။ အကြောင်းမူကား သတို့သား​သည် ခေါင်းပေါင်း​ပေါင်း​ထား​သကဲ့သို့​၊ သတို့သမီး​သည် ရတနာ​များ​ဖြင့် ကိုယ်​ကို​တန်ဆာဆင်​ထား​သကဲ့သို့ ကိုယ်တော်​သည် ငါ့​ကို ကယ်တင်​ခြင်း​အဝတ်တန်ဆာ​ဆင်ယင်​ပေး​၍ ဖြောင့်မတ်​ခြင်း​ဝတ်ရုံ​လွှမ်းခြုံ​စေ​တော်မူ​ပြီ​။

ဟေ​ရှာ​ယ 62:12

သူ​တို့​ကို “​ထာဝရဘုရား​ရွေးနုတ်​တော်မူ​သည့် သန့်ရှင်း​သော​လူမျိုး​”​ဟု ခေါ်​ကြ​လိမ့်မည်​။ သင့်​ကို “​စွန့်ပစ်​မ​ခံရ​ဘဲ ပြန်ရှာ​ထား​သော​မြို့​”​ဟု ခေါ်​ကြ​လိမ့်မည်​။

ဟေ​ရှာ​ယ 62:2

လူမျိုးတကာ​တို့​သည် သင်​၏​ဖြောင့်မတ်​ခြင်း​ကို​လည်းကောင်း​၊ ရှင်ဘုရင်​အပေါင်း​တို့​သည် သင်​၏​ဘုန်းအသရေ​ကို​လည်းကောင်း မြင်​ရ​ကြ​လိမ့်မည်​။ ထာဝရဘုရား​၏​နှုတ်​တော်​ထွက်​နာမည်​သစ်​ဖြင့် သင့်​ကို​ခေါ်​ကြ​လိမ့်မည်​။

ဟေ​ရှာ​ယ 62:5

လူပျို​သည် အပျိုကညာ​နှင့်​လက်ထပ်​သကဲ့သို့ သင်​၏​သား​တို့​သည် သင်​နှင့်​လက်ထပ်​လိမ့်မည်​။ သတို့သား​သည် သတို့သမီး​ကြောင့် ဝမ်းမြောက်ပျော်ရွှင်​ရ​သကဲ့သို့ သင်​၏​ဘုရားသခင်​သည် သင့်​ကြောင့် ဝမ်းမြောက်ပျော်ရွှင်​တော်မူ​လိမ့်မည်​။

ဟေ​ရှာ​ယ 65:19

ငါ​သည်​လည်း ဂျေရုဆလင်​မြို့​ကြောင့် ရွှင်လန်း​မည်​။ ငါ​၏​လူ​တို့​ကြောင့် ဝမ်းမြောက်​မည်​။ ထို​မြို့​၌ ငိုကြွေးသံ​၊ အော်ဟစ်သံ​ကို ကြား​ရ​တော့​မည်​မ​ဟုတ်​။

ယေ​ရ​မိ 3:14

အို လမ်းလွဲ​သော​သားသမီး​တို့​၊ ပြန်လာ​ကြ​လော့”​ဟု မိန့်​တော်မူ​၏။ ထာဝရဘုရား​က “ငါ​သည် သင်​တို့​၏​ခင်ပွန်း​ဖြစ်​၏​။ သင်​တို့​ကို မြို့​တစ်​မြို့​လျှင်​တစ်ယောက်​၊ မျိုးနွယ်စု​တစ်​စု​လျှင်​နှစ်​ယောက် ရွေးယူ​၍ ဇိအုန်​မြို့​သို့​ပို့ဆောင်​မည်​။

ယေ​ရ​မိ 32:41

သူ​တို့​ကို ကောင်းစား​စေ​ရာ​၌ ငါ​နှစ်သက်အားရ​မည်​။ ငါ​သည် စိတ်စေတနာ​အပြည့်အဝ​၊ စိတ်ဝိညာဉ်​အကြွင်းမဲ့​ဖြင့် သူ​တို့​ကို ဤ​ပြည်​ထဲ၌ အခိုင်အမာ​နေရာချ​ထား​မည်’​ဟု မိန့်​တော်မူ​၏​။

ယေ​ရ​မိ 33:9

ဤ​မြို့​သည် ငါ့​အဖို့ ဝမ်းမြောက်စရာ​၊ ချီးမွမ်းစရာ​၊ ဂုဏ်ပြုစရာ ဖြစ်​လိမ့်မည်​။ ဤ​မြို့​အတွက် ငါ​ပြု​ပေး​သော​ကောင်းကျိုးချမ်းသာ​တို့​ကို ကမ္ဘာမြေ​ပေါ်ရှိ လူမျိုး​အပေါင်း​တို့​ကြားသိ​ကြ​လိမ့်မည်​။ ဤ​မြို့​ကို ကောင်းကျိုးချမ်းသာ​အတိ​၊ ငြိမ်သက်​ခြင်း​အတိ​ရှိ​စေ​သည်​ကို သူ​တို့ အံ့ဩ​တုန်လှုပ်​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 36:35

သူ​တို့​က လူသူကင်းမဲ့​ခဲ့​သော ဤ​မြေ​သည် ဧဒင်​ဥယျာဉ်​ကဲ့သို့​ဖြစ်လာ​ပြီ​။ ဖျက်ဆီး​ခံရ​သဖြင့် ဆိတ်ညံ​၍ လူသူကင်းမဲ့​သော​မြို့​များ​သည်​လည်း လူ​နေထိုင်​ရာ​ခိုင်ခံ့​သော​မြို့​များ​ဖြစ်လာ​ပြီ​ဟု ပြောဆို​ကြ​လိမ့်မည်​။

ဟော​ရှေ 2:21

တစ်ဖန် ထာဝရဘုရား​က “ထို​နေ့ရက်​တွင် ငါ​ထူး​တော်မူ​မည်​။ ငါ​သည် မိုးကောင်းကင်​ကို ထူး​တော်မူ​မည်​။ မိုးကောင်းကင်​လည်း မြေကြီး​ကို ထူး​လိမ့်မည်​။

ဟော​ရှေ 2:22

မြေကြီး​သည် ဆန်စပါး​၊ စပျစ်ဝိုင်​အသစ်​၊ ဆီ​တို့​ကို ထူး​လိမ့်မည်​။ ထို​အရာ​တို့​သည်​လည်း ယေဇရေလ​ကို ထူး​လိမ့်မည်​။

ဇေဖနိ 3:17

သင်​၏​ဘုရားသခင် ထာဝရဘုရား​သည် သင့်​အလယ်​တွင်​ရှိ​၍ အားကြီး​သော​အရှင်​သည် သင့်​ကို ကယ်တင်​လိမ့်မည်​။ ကိုယ်တော်​သည် သင်​နှင့်အတူ ဝမ်းမြောက်​ရွှင်လန်း​လိမ့်မည်​။ ချစ်​သော​စိတ်​ဖြင့် ငြိမ်ဝပ်​စွာ​နေ​လိမ့်မည်​။ သင်​နှင့်အတူ ရွှင်လန်း​စွာ​သီချင်းဆို​လိမ့်မည်”​ဟု ဆို​လိမ့်မည်​။

မာ​လ​ခိ 3:12

“လူမျိုး​အပေါင်း​တို့​သည် သင်​တို့​ကို မင်္ဂလာ​ရှိ​သူ​ဟု ခေါ်​ကြ​လိမ့်မည်​။ အကြောင်းမူကား သင်​တို့​ပြည်​သည် နှစ်သက်ဖွယ်​သော​ပြည်​ဖြစ်​လိမ့်မည်”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

ရှင်ယောဟန် 3:29

သတို့သမီး​ကို​ရ​သော​သူ​သည် သတို့သား​ဖြစ်​၏။ သတို့သား​၏​အသံ​ကို ရပ်​လျက်​နားထောင်​နေ​သော သတို့သား​၏​မိတ်ဆွေ​မူကား သတို့သား​၏​အသံ​ကြောင့် ဝမ်းမြောက်​ဝမ်းသာ​ဖြစ်​၏။ သို့ဖြစ်၍ ငါ​သည်​လည်း ထို​ဝမ်းမြောက်​ခြင်း​နှင့် ပြည့်ဝ​လျက်​ရှိ​၏။

၂ ကော 11:2

ဤသို့​ဆို​ရ​ခြင်း​မှာ ငါ​သည် ဘုရားသခင်​၏​သဝန်တို​စိတ်​မျိုး​ဖြင့် သင်​တို့​ကို သဝန်တို​၏။ အကြောင်းမူကား ငါ​သည် သင်​တို့​ကို ဖြူစင်​သန့်ရှင်း​သော​အပျို​ကညာ​အဖြစ် ခရစ်တော်​အား​ဆက်သ​လျက် ထို​တစ်ဦးတည်း​သော​ခင်ပွန်း​နှင့်​စေ့စပ်​ကြောင်းလမ်း​ထား​ပြီ​ဖြစ်​၏။

တ​ရား​ဟော 30:9

သင်​၏​ဘုရားသခင်​ထာဝရဘုရား​သည် သင်​လုပ်ဆောင်​လေရာရာ​၌​အောင်မြင်​စေ​တော်မူ​မည့်​အကြောင်း​၊ သင့်​သားသမီး​၊ သင့်​တိရစ္ဆာန်​၏​သားပေါက်​၊ သင့်​မြေ​၏​အသီးအနှံ​ကို​လည်း တိုးပွား​စေ​တော်မူ​မည့်​အကြောင်း​၊ ထာဝရဘုရား​သည် သင်​၏​ဘိုးဘေး​တို့​ကို​ကောင်းစား​စေ​တော်မူ​ရာ​၌ နှစ်သက်အားရ​တော်မူ​သကဲ့သို့ သင်​၌​လည်း နှစ်သက်အားရ​တော်မူ​မည့်​အကြောင်း

ဟေ​ဗြဲ 13:5

အသက်ရှင်​နေထိုင်​မှု​တွင် ငွေ​ကို​တပ်မက်​ခြင်း​မ​ရှိ​ဘဲ မိမိ​၌​ရှိ​သော​အရာ​နှင့် ရောင့်ရဲ​ကြ​လော့။ အကြောင်းမူကား “ငါ​သည် မည်သည့်​အခါ​မျှ သင့်​ကို​စွန့်ခွာ​မည်​မ​ဟုတ်။ မည်သည့်​အခါ​မျှ သင့်​ကို​ပစ်ပယ်​မည်​မ​ဟုတ်”​ဟု ကိုယ်တော်​မိန့်​တော်မူ​၏။

၁ ပေ 2:10

သင်​တို့​သည် ယခင်​က လူမျိုး​တော်​မ​ဟုတ်​ခဲ့​သော်လည်း ယခု​အခါ ဘုရားသခင်​၏​လူမျိုး​တော်​ဖြစ်​ကြ​ပြီ။ ယခင်​က ကရုဏာ​တော်​ကို​မ​ခံစား​ခဲ့​ရ​သော်လည်း ယခု​အခါ ကရုဏာ​တော်​ကို​ခံစား​ရ​ကြ​ပြီ။

ဗျာ​ဒိတ် 21:2

တစ်ဖန် သန့်ရှင်း​သော​ဂျေရုဆလင်​မြို့​သစ်​သည် သတို့သား​အတွက်​ဆင်မြန်း​ထား​သည့် သတို့သမီး​ကဲ့သို့​ပြင်ဆင်​လျက် ဘုရားသခင်​အထံ​တော်၊ ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။