ဟေ​ရှာ​ယ 62:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဖြတ်သွား​ကြ​။ မြို့​တံခါး​ကို ဖြတ်သွား​ကြ​။ လူမျိုးတကာ​တို့​သွား​ရာ​လမ်း​ကို​ပြင်​ကြ​။ ဖို့​ကြ​။ လမ်းမကြီး​ကို​ဖို့​ကြ​။ ကျောက်ခဲ​ကို​ဖယ်​ကြ​။ လူမျိုးတကာ​တို့​အတွက် အချက်ပြအလံ​ကို​လွှင့်ထူ​ကြ​။

Common Language Bible

¹⁰ ယေ​ရု​ရှ​လင်​မြို့​သူ​မြို့​သား​တို့၊ မြို့​တွင်း​မှ ထွက်​ကြ​လော့။ ပြည်​တော်​ပြန်​သင်​တို့​၏​အ​မျိုး​သား​များ အ​တွက် လမ်း​ကို​ဖောက်​လုပ်​ကြ​လော့။ လမ်း​မ​ကြီး​ကို​ပြင်​ဆင်​ကြ​လော့။ ကျောက်​ခဲ​တို့​ကို​ဖယ်​ရှား​ပစ်​ကြ​လော့။ တိုင်း​သူ​ပြည်​သား​များ​သိ​စေ​ရန်​အ​ချက်​ပြ အ​လံ​များ​တင်​ကြ​လော့။

Garrad Bible

¹⁰ မြို့ တံ ခါး များ မှ ထွက် ကြ လော့။ ထွက် ကြ လော့။ လူ မျိုး တော် တို့ သွား ရာ လမ်း မ ကို ဖို့၍ ပြင် ဆင် ကြ လော့။ ဖို့ ကြ လော့။ ကျောက် လုံး များ ကို ဖယ် ရှင်း ကြ လော့။ လူ အ မျိုး မျိုး တို့ အား အ လံ ထူ ပြ ကြ လော့။

Judson Bible

¹⁰ မြို့​တံ​ခါး​မှ ထွက်​ကြ။ ထွက်​ကြ။ လူ​များ​ဖို့​လမ်း​ကို ပြင်​ကြ။ မြေ​ဖို့​ကြ။ ဖို့​ကြ။ ကျောက်​များ​ကို ပယ်​ရှင်း​ကြ။ လူ​များ​ဖို့ အ​လံ​ကို​ထူ​ကြ။

ဟေ​ရှာ​ယ 62:10 ပူးပေါင်းရင်းမြစ်များ

ဆာ​လံ 24:7

အချင်း​တံခါး​တို့​၊ သင်​တို့​၏​မုခ်ဦး​ကို​ကြွ​လိုက်​ကြ​လော့​။ အချင်း​ထာဝရ​တံခါး​တို့​၊ ကိုယ်ကို​ကြွ​လိုက်​ကြ​လော့​။ ဘုန်းကြီး​သော​ဘုရင်​ဝင်​တော်မူ​မည်​။

ဆာ​လံ 68:4

ဘုရားသခင်​ထံသို့ သီချင်းဆို​ကြ​လော့​။ ကိုယ်တော်​၏​နာမ​တော်​ကို သီဆိုချီးမွမ်း​ကြ​လော့​။ မိုးတိမ်​များ​ကို​စီး​တော်မူ​သော​အရှင်​ကို ချီးကျူး​ထောမနာ​ပြု​ကြ​လော့​။ ကိုယ်တော်​၏​နာမ​တော်​ကား ထာဝရဘုရား​ပေတည်း​။ ကိုယ်တော်​၏​ရှေ့​တော်​၌ ရွှင်မြူး​ကြ​လော့​။

ထွက်​မြောက် 17:15

မောရှေ​သည်​လည်း ယဇ်ပလ္လင်​ကို​တည်​၍ ၎င်း​၏​အမည်​ကို “​ထာဝရဘုရား​သည် ငါ​၏​အောင်လံ​ဖြစ်​တော်မူ​၏​”​ဟု ခေါ်​၏​။

ဟေ​ရှာ​ယ 11:10

ထို​နေ့ရက်​၌ ယေရှဲ​၏​အမြစ်​သည် လူ​တို့​အတွက် အောင်လံ​သဖွယ်​ရပ်တည်​လိမ့်မည်​။ လူမျိုး​တို့​သည် သူ့​ကို မေးမြန်း​စူးစမ်း​ကြ​လိမ့်မည်​။ ကိန်းဝပ်​တော်မူ​ရာ​အရပ်​သည် ဘုန်းအသရေ​ရှိ​လိမ့်မည်​။

ဟေ​ရှာ​ယ 11:12

လူမျိုး​အပေါင်း​တို့​အတွက် အချက်ပြအလံ​လွှင့်ထူ​တော်မူ​မည်​။ နှင်ထုတ်​ခြင်း​ခံရ​သော​အစ္စရေး​လူမျိုး​တို့​ကို ပြန်​စုဝေး​စေ​တော်မူ​မည်​။ ကွဲလွင့်​နေ​သော​ယုဒ​အမျိုး​တို့​ကို မြေကြီး​အရပ်​လေး​မျက်နှာ​မှ ခေါ်ယူစုစည်း​တော်မူ​မည်​။

ဟေ​ရှာ​ယ 11:16

အစ္စရေး​လူမျိုး​တို့ အီဂျစ်​ပြည်​မှ​ထွက်လာ​သော​နေ့​၌ သူ​တို့​အတွက် လမ်းမကြီး​ဖြစ်​ခဲ့​သကဲ့သို့ အဆီးရီးယား​ပြည်​မှ အသက်ရှင်​ကျန်ရစ်​သော​လူမျိုး​တော်​အတွက် လမ်းမကြီး​ဖြစ်​လိမ့်မည်​။

ဟေ​ရှာ​ယ 18:3

လောကသား​အပေါင်း​တို့​၊ မြေကြီးသား​အပေါင်း​တို့​၊ တောင်​များ​ပေါ်တွင် အချက်ပြအလံ​ကို​လွှင့်ထူ​သောအခါ သင်​တို့​ကြည့်​ကြ​လော့​။ တံပိုး​ကို​မှုတ်​သောအခါ သင်​တို့ နားထောင်​ကြ​လော့​။

ဟေ​ရှာ​ယ 19:23

ထို​နေ့ရက်​၌ အီဂျစ်​ပြည်​မှ အဆီးရီးယား​ပြည်​သို့ လမ်းမကြီး​ပေါက်​လိမ့်မည်​။ အဆီးရီးယား​ပြည်သား​တို့​သည် အီဂျစ်​ပြည်​သို့​လည်းကောင်း​၊ အီဂျစ်​ပြည်သား​တို့​သည် အဆီးရီးယား​ပြည်​သို့​လည်းကောင်း သွားလာ​ကြ​လိမ့်မည်​။ အီဂျစ်​ပြည်သား​တို့​သည် အဆီးရီးယား​ပြည်သား​တို့​နှင့်အတူ ဝတ်ပြု​ကြ​လိမ့်မည်​။

ဟေ​ရှာ​ယ 26:1

ထို​နေ့ရက်​၌ ယုဒ​ပြည်​တွင် ဤ​သီချင်း​ကို သီဆို​လိမ့်မည်​။ “​ငါ​တို့​၌ ခိုင်ခံ့​သော​မြို့​ရှိ​၏​။ ကိုယ်တော်​သည် ကယ်တင်​ခြင်း​ကို မြို့ရိုး​သဖွယ်​၊ တံတိုင်း​သဖွယ် တည်​တော်မူ​မည်​။

ဟေ​ရှာ​ယ 26:2

မြို့​တံခါး​တို့​ကို ဖွင့်​ကြ​လော့​။ သစ္စာ​စောင့်ထိန်း​၍ ဖြောင့်မတ်​သော​လူမျိုး​ဝင်လာ​မည်​။

ဟေ​ရှာ​ယ 35:8

ထို​အရပ်​၌ လမ်းမကြီး​တစ်​လမ်း​ရှိ​၏​။ ထို​လမ်း​ကို သန့်ရှင်း​သော​လမ်း​ဟု ခေါ်ဝေါ်​ကြ​လိမ့်မည်​။ ထို​လမ်း​၌ မစင်ကြယ်​သော​သူ သွားလာ​ရ​မည်​မ​ဟုတ်​။ ထို​လမ်း​သည် ထို​လမ်း​ပေါ် လျှောက်​မည့်​သူ​တို့​အတွက်​သာ​ဖြစ်​၏​။ ဆိုးမိုက်​ခဲ့​သော​သူ​တို့​ပင် ထို​လမ်း​ပေါ်​ရောက်​လျှင် လမ်းလွဲ​ကြ​တော့​မည်​မ​ဟုတ်​။

ဟေ​ရှာ​ယ 35:9

ထို​လမ်း​၌ ခြင်္သေ့​မ​ရှိ​။ ကြမ်းကြုတ်​သော တောရိုင်းတိရစ္ဆာန် တစ်​ကောင်​မျှ ထို​လမ်း​ပေါ်သို့ မ​တက်လာ​။ မည်သည့်​တိရစ္ဆာန်​ကို​မျှ မ​တွေ့​ရ​။ ရွေးနုတ်​ခံရ​သော​သူ​တို့​သာ ထို​လမ်း​၌ သွားလာ​ကြ​လိမ့်မည်​။

ဟေ​ရှာ​ယ 40:3

ကြွေးကြော်​သံ​တစ်​ခု​မှာ “​တောကန္တာရ​၌ ထာဝရဘုရား​ကြွ​တော်မူ​မည့်​လမ်း​ကို ပြင်ဆင်​ကြ​လော့​။ သဲကန္တာရ​၌ ငါ​တို့​၏​ဘုရားသခင်​ကြွ​တော်မူ​မည့် လမ်းမကြီး​ကို ဖြောင့်တန်း​စေ​ကြ​လော့​။

ဟေ​ရှာ​ယ 40:4

ချိုင့်ဝှမ်း​ရှိသမျှ​ကို ဖို့​၍ တောင်ကြီး​တောင်ငယ်​ရှိသမျှ​ကို ဖြို​ရ​မည်​။ မညီညာ​သော​မြေ​သည် ချောမွေ့​၍ ကြမ်းတမ်း​သော​နေရာ​တို့​သည် လွင်ပြင်​ဖြစ်သွား​မည်​။

ဟေ​ရှာ​ယ 48:20

ဘေဘီလုံ​မြို့​မှ ထွက်လာ​ကြ​လော့​။ ခါလဒဲ​လူမျိုး​တို့​ထံမှ ထွက်ပြေး​လာ​ကြ​လော့​။ “​ထာဝရဘုရား​သည် မိမိ​အစေအပါး​ယာကုပ်​အမျိုး​ကို ရွေးနုတ်​တော်မူ​ပြီ​”​ဟု ရွှင်လန်း​သော​အသံ​ဖြင့် မြေကြီး​စွန်း​ရောက်​သည်​အထိ ကြေညာ​ကြ​လော့​။ ကြားသိ​စေ​ကြ​လော့​။

ဟေ​ရှာ​ယ 49:11

ငါ​သည် တောင်​ရှိသမျှ​တို့​ကို လမ်း​ဖြစ်စေ​မည်​။ လမ်းမကြီး​တို့​ကို​လည်း ဖို့​မည်​။

ဟေ​ရှာ​ယ 49:22

ဘုရားရှင်​ထာဝရဘုရား​က “​ကြည့်ရှု​လော့​။ ငါ​သည် တိုင်းနိုင်ငံ​တို့​ကို လက်​မြှောက်ပြ​မည်​။ လူမျိုးတကာ​တို့​ကို အချက်ပြအလံ ထူပြ​မည်​။ သူ​တို့​သည် သင်​၏​သား​တို့​ကို လက်​ထဲ၌​ပွေ့ချီ​လာ​မည်​။ သင်​၏​သမီး​တို့​ကို ပခုံး​ပေါ်၌ ထမ်းလာ​ကြ​မည်​။

ဟေ​ရှာ​ယ 52:11

ထွက်သွား​ကြ​။ ထွက်သွား​ကြ​။ ထို​အရပ်​မှ ထွက်ခွာ​သွား​ကြ​။ မစင်ကြယ်​သော​အရာ​ကို မ​ထိ​ကြ​နှင့်​။ ထို​အရပ်​မှ ထွက်ခွာ​သွား​ကြ​လော့​။ ထာဝရဘုရား​၏​တဲ​တော်​တန်ဆာပလာ​များ​ကို ထမ်း​သော​သူ​တို့​၊ သန့်ရှင်းစင်ကြယ်​ခြင်း​ရှိ​ကြ​လော့​။

ဟေ​ရှာ​ယ 57:14

တစ်စုံတစ်ယောက်​က “​မြေဖို့​ကြ​။ မြေဖို့​ကြ​။ လမ်း​ကို​ပြင်​ကြ​။ ငါ​၏​လူ​တို့​သွား​ရာ​လမ်း​မှ ခလုတ်တံသင်း​ကို​ဖယ်ရှား​ကြ​လော့​”​ဟု ဆို​လိမ့်မည်​။

ဟေ​ရှာ​ယ 60:11

လူမျိုးတကာ​တို့​၏​ဥစ္စာပစ္စည်း​ကို သင့်​ထံသို့​ယူဆောင်​လာ​နိုင်​မည့်​အကြောင်း​၊ သူ​တို့​၏​ရှင်ဘုရင်​များ​ကို သင့်​ထံသို့​ခေါ်ဆောင်​လာ​နိုင်​မည့်​အကြောင်း သင်​၏​တံခါး​တို့​ကို ပိတ်​မ​ထား​ရ​၊ နေ့နေ့ညည​အစဉ်​ဖွင့်​ထား​ရ​မည်​။

ဟေ​ရှာ​ယ 60:18

သင်​၏​ပြည်​၌ ရက်စက်ကြမ်းကြုတ်မှု​အကြောင်း​၊ သင်​၏​နယ်နိမိတ်​အတွင်း​၌ ပျက်စီး​ပြိုပျက်​ခြင်း​အကြောင်း ကြား​ရ​တော့​မည်​မ​ဟုတ်​။ သင်​၏​မြို့ရိုး​တို့​ကို “​ကယ်တင်​ခြင်း​”​၊ သင်​၏​မြို့​တံခါး​တို့​ကို “​ချီးမွမ်း​ခြင်း​”​ဟူ၍ သင်​ခေါ်ဆို​လိမ့်မည်​။

ဟေ​ရှာ​ယ 66:19

သူ​တို့​တွင် နိမိတ်လက္ခဏာ​ပြ​မည်​။ အသက်ရှင်​ကျန်ရစ်​သော​သူ​တို့​ကို တာရှု​ပြည်​၊ ပုလ​ပြည်​၊ လေးပစ်ကျွမ်းကျင်​သော​လုဒ​ပြည်​၊ တုဗလ​ပြည်​၊ ယာဝန်​ပြည်​၊ ဝေးလံ​သော​ကမ်းရိုးတန်းဒေသ​များ​စသော ငါ​၏​ဂုဏ်​သတင်း​ကို​မ​ကြား​ဖူး​၊ ဘုန်းအသရေ​ကို​လည်း မ​မြင်​ဖူး​သည့်​လူမျိုး​များ​ထံသို့ ငါ​စေလွှတ်​မည်​။ ထို​လူမျိုး​များ​တွင် ငါ​၏​ဘုန်းအသရေ​ကို သူ​တို့​ပြောကြား​ကြ​လိမ့်မည်​။

ယေ​ရ​မိ 18:15

သို့သော် ငါ​၏​လူမျိုး​သည် ငါ့​ကို​မေ့လျော့​ပြီ​။ သူ​တို့​သည် အချည်းနှီး​သော​အရာ​ရှေ့​၌ နံ့သာပေါင်း​ကို​မီးရှို့​ကြ​လေ​ပြီ​။ သူ​တို့​သည် ရှေးလမ်းဟောင်း​များ​တွင် ခလုတ်တိုက်​လဲကျ​ကြ​လေ​ပြီ​။ လမ်းမ မ​ဟုတ်​သော လမ်းကြား​များ​တွင် လိုက်လျှောက်​ကြ​လေ​ပြီ​။

ယေ​ရ​မိ 4:6

ဇိအုန်​တောင်​ရှိ​ရာ​ဘက်​သို့ အချက်ပြအလံ​ကို လွှင့်ပြ​လော့​။ လုံခြုံ​ရာ​သို့​ပြေး​ကြ​လော့​။ ရပ်​မ​နေ​ကြ​နှင့်​။ အကြောင်းမူကား ငါ​သည် ပျက်စီး​ခြင်း​ဘေးအန္တရာယ်​ကြီး​ကို မြောက်အရပ်​မှ ရောက်လာ​စေ​မည်​”​ဟု မိန့်​တော်မူ​၏​။

ယေ​ဇ​ကျေ​လ 26:2

“​အချင်း​လူသား​၊ တိုင်ရာ​မြို့​က ဂျေရုဆလင်​မြို့​ကို​ဆန့်ကျင်​၍ ‘​အဟား​၊ လူမျိုးတကာ​တို့​၏​တံခါး​ကြီး ကျိုးပဲ့​လေ​ပြီ​။ ဟင်းလင်းပွင့်​လေ​ပြီ​။ ထို​မြို့​သည် လူဆိတ်ညံ​ရာ​ဖြစ်​လေ​ပြီ​။ ငါ့​အလို​ပြည့်စုံ​လေ​ပြီ​’​ဟု ဆို​၏​။

မဿဲ 22:9

လမ်းဆုံလမ်းခွ​များ​သို့​သွား​၍ တွေ့​သမျှ​သော​သူ​တို့​ကို မင်္ဂလာဆောင်​ပွဲ​သို့ ဖိတ်ခေါ်​ကြ​လော့’​ဟု မိန့်​တော်မူ​၏။

ဟေ​ဗြဲ 12:13

ခြေ​မသန်စွမ်း​သူ​တို့​သည် အဆစ်​လွဲ​ခြင်း​မ​ရှိ​ဘဲ အကောင်းပကတိ​ဖြစ်​လာ​စေရန် သင်​တို့​၏​ခြေ​အတွက် ဖြောင့်​သော​လမ်း​တို့​ကို​ပြင်ဆင်​ကြ​လော့။