ဟေ​ရှာ​ယ 61:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သင်​တို့​ကို ထာဝရဘုရား​၏​ယဇ်ပုရောဟိတ်​ဟု ခေါ်ဝေါ်​ကြ​လိမ့်မည်​။ ဘုရားသခင်​၏​အမှု​တော်​ဆောင်​ဟု ခေါ်ဝေါ်​ကြ​လိမ့်မည်​။ သင်​တို့​သည် လူမျိုးခြား​တို့​၏​ဥစ္စာပစ္စည်း​ကို စံစား​ရ​လိမ့်မည်​။ သူ​တို့​၏​ဂုဏ်သရေ​၌ ဝါကြွား​ကြ​လိမ့်မည်​။

Common Language Bible

⁶ သင်​တို့​မူ​ကား၊ထာ​ဝ​ရ​ဘု​ရား​၏​ယဇ်​ပု​ရော ဟိတ်​များ၊ ဘု​ရား​သ​ခင်​၏​ဘုန်း​တော်​ကြီး​များ​ဟု နာ​မည်​တွင်​လျက်၊ လူ​မျိုး​တ​ကာ​တို့​၏​စည်း​စိမ်​ချမ်း​သာ​များ​ကို ခံ​စား​ကာ၊ ယင်း​သို့​ခံ​စား​ရ​သည့်​အ​တွက်​ဂုဏ်​ယူ ဝါ​ကြွား​ကြ​လိမ့်​မည်။

Garrad Bible

⁶ သင် တို့ မူ ကား ထာ ဝ ရ ဘု ရား၏ ပ ရော ဟိတ်၊ ငါ တို့ ဘု ရား သ ခင်၏ အ မှု တော် ဆောင် ဟု ခေါ် ဝေါ် ခံ ရ၍၊ လူ မျိုး ခြား တို့ စည်း စိမ် ကို ခံ စား လျက်၊ ၎င်း တို့ အ သ ရေ ကြောင့် ဂုဏ် တက် ကြ လိမ့် မည်။

Judson Bible

⁶ သင်​တို့​မူ​ကား၊ ထာ​ဝ​ရ​ဘု​ရား၏ ယဇ်​ပု​ရော​ဟိတ်​ဟူ၍​လည်း​ကောင်း၊ ငါ​တို့​ဘု​ရား​သ​ခင်၏ အ​မှု​တော်​ထမ်း​ဟူ၍​လည်း​ကောင်း သ​မုတ်​ခြင်း​ကို ခံ​ရ​ကြ​လိမ့်​မည်။ တစ်​ပါး​အ​မျိုး​သား​တို့၏ စည်း​စိမ်​ကို​စား၍၊ သူ​တို့၏​ဘုန်း​အ​သ​ရေ၌ ဝါ​ကြွား​ဝမ်း​မြောက် ကြ​လိမ့်​မည်။

ဟေ​ရှာ​ယ 61:6 ပူးပေါင်းရင်းမြစ်များ

ထွက်​မြောက် 19:6

သင်​တို့​သည် ငါ့​အဖို့ နိုင်ငံ​တော်​၏​ယဇ်ပုရောဟိတ်​များ​၊ သန့်ရှင်း​သော​လူမျိုး​တော်​ဖြစ်​ကြ​မည်​’​ဟု ဆင့်ဆို​ရ​မည်​။ ဤသည်ကား အစ္စရေး​အမျိုးသား​တို့​အား သင်​ပြောဆို​ရ​မည့်​စကား​များ​ဖြစ်​၏”​ဟု မိန့်​တော်မူ​၏​။

ဟေ​ရှာ​ယ 23:18

သို့သော် ထို​မြို့​၏​အကျိုးအမြတ်​နှင့် ဝင်ငွေ​တို့​ကို ထာဝရဘုရား​အား ဆက်ကပ်​ကြ​ရ​မည်​။ စုဆောင်းခွင့်​မ​ရှိ​၊ သိုမှီးခွင့်​မ​ရှိ​။ ထို​မြို့​၏​အကျိုးအမြတ်​သည် ထာဝရဘုရား​ရှေ့​တော်​၌​နေ​သော​သူ​တို့ ဝဝလင်လင်​စား​ရ​ရန်​နှင့် ကောင်းကောင်းမွန်မွန်​ဝတ်​ရ​ရန်​အတွက် ဖြစ်​လိမ့်မည်​။

ဟေ​ရှာ​ယ 54:3

အကြောင်းမူကား သင်​သည် လက်ယာ​ဘက်​၊ လက်ဝဲ​ဘက်​သို့ ပျံ့နှံ့​ရောက်ရှိ​မည်​။ သင်​၏​သားစဉ်မြေးဆက်​တို့​သည် တိုင်းနိုင်ငံ​တို့​ကို​ပိုင်ဆိုင်​မည်​။ လူသူကင်းမဲ့​သော​မြို့​တို့​၌ နေထိုင်​ကြ​မည်​။

ဟေ​ရှာ​ယ 56:6

ထာဝရဘုရား​၏​အမှု​တော်​ကို​ထမ်းဆောင်​၍ နာမ​တော်​ကို​ချစ်မြတ်နိုး​သော​ကိုယ်တော်​၏​အစေအပါး​ဖြစ်​ရန် ထာဝရဘုရား​၌​မှီဝဲဆည်းကပ်​သော တိုင်းတစ်ပါးသား​တို့​ကို​လည်းကောင်း​၊ ဥပုသ်နေ့​ကို​မ​ညစ်ညူး​စေရန် စောင့်ထိန်း​၍ ငါ​၏​ပဋိညာဉ်​ကို​စွဲကိုင်​ထား​သော​သူ​အပေါင်း​တို့​ကို​လည်းကောင်း

ဟေ​ရှာ​ယ 66:12

ထာဝရဘုရား​က “​ကြည့်ရှု​လော့​။ ငါ​သည် ငြိမ်းချမ်းမှု​ကို မြစ်ရေ​ကဲ့သို့​လည်းကောင်း​၊ လူမျိုးတကာ​တို့​၏​ဘုန်းအသရေ​ကို စီးဆင်း​သော​စမ်းချောင်း​ကဲ့သို့​လည်းကောင်း ဂျေရုဆလင်​မြို့​ထဲသို့ စီးဆင်း​စေ​မည်​။ သင်​တို့​ကို နို့တိုက်​မည်​၊ ခါးစောင်း​၌ ချီထား​မည်​၊ ကလေး​ကဲ့သို့ ဒူး​ပေါ်တွင်​မြှူ​မည်​။

ဟေ​ရှာ​ယ 66:21

ထာဝရဘုရား​က “​ထို​သူ​အချို့​တို့​ကို ယဇ်ပုရောဟိတ်​အဖြစ်​၊ လေဝိ​အမျိုးသား​အဖြစ် ငါ​ခေါ်ယူ​မည်​”​ဟု မိန့်​တော်မူ​၏​။

ယေ​ရ​မိ 33:18

နေ့စဉ်​နှင့်အမျှ ငါ့​မျက်မှောက်​၌ မီးရှို့ရာယဇ်​ကို​ပူဇော်​ခြင်း​၊ ဘောဇဉ်ပူဇော်သက္ကာ​ကို​မီးရှို့​ခြင်း​၊ ယဇ်ပူဇော်​ခြင်း​ကို​ပြု​ရ​သော လေဝိ​အမျိုး ယဇ်ပုရောဟိတ်​တို့​သည်​လည်း မ​ပြတ်​ရ’​ဟူ၍ မိန့်​တော်မူ​သည်​”​ဟု မိန့်ဆို​၏​။

ယေ​ဇ​ကျေ​လ 14:11

သို့မှ အစ္စရေး​အမျိုးအနွယ်​သည် ငါ့​ထံမှ​လမ်းလွဲ​တော့​မည်​မ​ဟုတ်​။ အပြစ်​ကျူးလွန်​ခြင်း​ဖြင့် ကိုယ်ကို​ညစ်ညူး​စေ​တော့​မည်​မ​ဟုတ်​။ သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​ဟု မိန့်​တော်မူ​၏​’​ဟူ၍ ဆင့်ဆို​လော့​”​ဟု မိန့်ဆို​၏​။

ရော​မ 12:1

သို့ဖြစ်၍ ညီအစ်ကို​တို့၊ ဘုရားသခင်​၏​ကရုဏာ​တော်​အားဖြင့် သင်​တို့​အား ငါ​တိုက်တွန်း​နှိုးဆော်​လို​သည်​မှာ သင်​တို့​၏​ကိုယ်ခန္ဓာ​ကို ဘုရားသခင်​နှစ်သက်​တော်မူ​သည့် သန့်ရှင်း​၍​အသက်ရှင်​သော​ယဇ်​အဖြစ် ပူဇော်​ကြ​လော့။ ဤသည်ကား သင်​တို့​ပြု​အပ်​သော ဝိညာဉ်ရေး​ဆိုင်ရာ​ဝတ်ပြု​ခြင်း​ဖြစ်​၏။

၁ ကော 3:5

သို့ဖြစ်လျှင် အာပေါလု​ကား မည်သူ​နည်း။ ပေါလု​ကား မည်သူ​နည်း။ သူ​တို့​သည် မိမိ​တို့​တစ်ဦးစီ​အား ထာဝရ​ဘုရား​ပေးအပ်​တော်မူ​သည့်​အတိုင်း သင်​တို့​ကို ယုံကြည်​ခြင်း​သို့​ပို့ဆောင်​ပေး​သော အမှု​တော်​ဆောင်​များ​ဖြစ်​ကြ​၏။

၁ ကော 4:1

ထို့ကြောင့် လူ​တို့​သည် ငါ​တို့​အား ခရစ်တော်​၏​အမှု​တော်​ဆောင်​အဖြစ်​လည်းကောင်း၊ ဘုရားသခင်​၏​လျှို့ဝှက်​နက်နဲ​သော​အရာ​များ​ကို စောင့်ရှောက်​ရ​သော ဘဏ္ဍာစိုး​အဖြစ်​လည်းကောင်း မှတ်ယူ​ပါစေ။

၂ ကော 11:23

သူ​တို့​သည် ခရစ်တော်​၏​အစေခံ​ဖြစ်​ကြ​သလော။ ငါ​သည် ပို၍​ပင်​ဖြစ်​၏​ဟု ရူးသွပ်​နေ​သူ​တစ်​ဦး​ကဲ့သို့ ငါ​ဆို​၏။ ငါ​သည် ပို၍​ကြိုးပမ်း​အားထုတ်​လျက် အကြိမ်ပေါင်း​များစွာ​အကျဉ်း​ချ​ခံရ​လျက် ပို၍​များစွာ​ရိုက်နှက်​ခြင်း​ခံရ​လျက် သေဘေး​နှင့် မကြာခဏ​ရင်ဆိုင်​ရ​၏။

၂ ကော 6:4

အလွန်​သည်းခံ​ခြင်း​၌​ဖြစ်စေ၊ ဒုက္ခ​ဆင်းရဲ​ခြင်း​၌​ဖြစ်စေ၊ ခက်ခဲ​ကျပ်တည်း​ခြင်း​၌​ဖြစ်စေ၊ နာကျင်​ခြင်း​ဝေဒနာ​၌​ဖြစ်စေ၊

တ​ရား​ဟော 18:2

သူ​တို့​သည် မိမိ​တို့​၏​အမျိုးသားချင်း​တို့​နှင့်အတူ အမွေ​မ​ရ​ကြ​။ ထာဝရဘုရား​ကတိထား​တော်မူ​သည့်​အတိုင်း ထာဝရဘုရား​သည် သူ​တို့​၏​အမွေ​ဖြစ်​၏​။

၁ ပေ 2:5

သင်​တို့​ကိုယ်တိုင်​သည်​လည်း အသက်ရှင်​သော​ကျောက်​ကဲ့သို့ ဝိညာဉ်ရေး​ဆိုင်ရာ​အိမ်​တော်​အဖြစ် တည်ဆောက်​ခြင်း​ကို​ခံ​ကြ​လော့။ ဤသည်ကား သင်​တို့​သည် သန့်ရှင်း​သော​ယဇ်ပုရောဟိတ်​မျိုး​ဖြစ်​လျက် ဘုရားသခင်​နှစ်သက်​လက်ခံ​တော်မူ​သော ဝိညာဉ်ရေး​ဆိုင်ရာ​ယဇ်​များ​ကို ယေရှု​ခရစ်တော်​အားဖြင့် ပူဇော်​နိုင်​ရန် ဖြစ်​၏။

၁ ပေ 2:9

သင်​တို့​မူကား ရွေးကောက်​ခံရ​သော​အမျိုးအနွယ်၊ တော်ဝင်​ယဇ်ပုရောဟိတ်​မျိုး၊ သန့်ရှင်း​သော​တိုင်းသူပြည်သား၊ ပိုင်ဆိုင်​တော်မူ​သော​လူမျိုး​တော်​ဖြစ်​ကြ​၏။ ဤသည်ကား သင်​တို့​ကို အမှောင်​ထဲမှ မိမိ​၏​အံ့ဩဖွယ်​အလင်း​ထဲသို့ ခေါ်ယူ​တော်မူ​သော​အရှင်​၏​ကောင်းမြတ်​တော်မူ​ခြင်း​များ​ကို သင်​တို့​ဖော်ပြ​ကြ​မည့်​အကြောင်း​တည်း။

ဗျာ​ဒိတ် 1:6

ငါ​တို့​အား နိုင်ငံ​တော်​ဖြစ်​စေ​လျက် မိမိ​ခမည်းတော်​ဘုရားသခင်​ရှေ့​တော်​၌ ယဇ်ပုရောဟိတ်​များ​ဖြစ်​စေ​တော်မူ​သော​အရှင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။

ဗျာ​ဒိတ် 20:6

ပထမ​ရှင်ပြန်​ထမြောက်​ခြင်း​၌​ပါ​သော​သူ​သည် မင်္ဂလာရှိ​သူ၊ သန့်ရှင်း​သူ​ဖြစ်​၏။ ဒုတိယ​သေ​ခြင်း​သည် သူ​တို့​အပေါ်​မည်သည့်​အခွင့်​အာဏာ​မျှ​မ​ရှိ။ သူ​တို့​သည် ဘုရားသခင်​နှင့်​ခရစ်တော်​၏​ယဇ်ပုရောဟိတ်​များ​ဖြစ်​ကြ​ပြီး ခရစ်တော်​နှင့်အတူ အနှစ်​တစ်ထောင်​စိုးစံ​ကြ​လိမ့်မည်။

ဗျာ​ဒိတ် 5:10

သူ​တို့​ကို အကျွန်ုပ်​တို့​၏​ဘုရားသခင်​အတွက် နိုင်ငံ​တော်​တစ်​ခု​နှင့် ယဇ်ပုရောဟိတ်​များ​ဖြစ်​စေ​တော်မူ​သဖြင့် သူ​တို့​သည် ကမ္ဘာ​မြေကြီး​ပေါ်တွင် အုပ်စိုး​ရ​ကြ​လိမ့်မည်”​ဟု ဆို​ကြ​၏။