ဟေ​ရှာ​ယ 61:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထာဝရဘုရား​၏​မင်္ဂလာ​နှစ်ကာလ​နှင့် ငါ​တို့​ဘုရားသခင်​၏​လက်စားချေ​ရာ​နေ့​ကို ဟောပြော​ရန်​၊ ငိုကြွေးမြည်တမ်း​သော​သူ​အပေါင်း​တို့​ကို နှစ်သိမ့်​ပေး​ရန် ငါ့​ကို​စေလွှတ်​တော်မူ​၏​။

Common Language Bible

² ထာ​ဝ​ရ​ဘု​ရား​သည်​မိ​မိ​၏​လူ​မျိုး​တော်​အား ကယ်​တင်​တော်​မူ​၍ ရန်​သူ​တို့​အား​ဖြို​ခွင်း​တော်​မူ​သည့်​အ​ချိန် ကျ​ရောက်​ပြီ​ဖြစ်​ကြောင်း​ကြေ​ညာ​ရန်​ငါ့​ကို စေ​လွှတ်​တော်​မူ​ပြီ။ ဝမ်း​နည်း​ပူ​ဆွေး​သူ​အ​ပေါင်း​တို့​အား နှစ်​သိမ့်​မှု​ပေး​ရန်၊

Judson Bible

² ထာ​ဝ​ရ​ဘု​ရား၏​မင်္ဂ​လာ​နှစ်​နှင့်၊ ငါ​တို့​ဘု​ရား​သ​ခင် အ​ပြစ်​ပေး​တော်​မူ​ရာ နေ့​ရက်​ကာ​လ​ကို ကြား​ပြော​စေ​ခြင်း​ငှာ​လည်း​ကောင်း၊ စိတ်​မ​သာ​ညည်း​တွား​သော သူ​တို့​အား နှစ်​သိမ့်​စေ​ခြင်း​ငှာ​လည်း​ကောင်း၊

ဟေ​ရှာ​ယ 61:2 ပူးပေါင်းရင်းမြစ်များ

ဟေ​ရှာ​ယ 1:24

ကောင်းကင်​ဗိုလ်ခြေ​အရှင်သခင်​ထာဝရဘုရား​၊ အစ္စရေး​လူမျိုး​တို့​၏​တန်ခိုးကြီး​သော​အရှင်​က “​ငါ့​ကို​ရန်ပြုသောသူ​တို့​ကို ငါ​ကျေနပ်​သည်​အထိ ငါ​ပြု​မည်​။ ငါ့​ရန်သူ​တို့​ကို ငါ​ကိုယ်တိုင် လက်တုံ့ပြန်​မည်​။

ဟေ​ရှာ​ယ 13:6

ညည်းတွားငိုကြွေး​ကြ​လော့​။ ထာဝရဘုရား​၏​နေ့ရက်​သည် ရောက်​လု​နီး​ပြီ​။ ထို​နေ့ရက်​သည် အနန္တတန်ခိုးရှင်​ထံမှ​ဖျက်ဆီး​ခြင်း​ဘေး​ကဲ့သို့ ရောက်လာ​မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဟေ​ရှာ​ယ 25:8

သေ​ခြင်း​ကို ထာဝရ​ပျက်စီး​စေ​တော်မူ​မည်​။ ဘုရားရှင်​ထာဝရဘုရား​သည် လူ​ခပ်သိမ်း​တို့​၏​မျက်နှာ​မှ မျက်ရည်​ကို သုတ်ပေး​တော်မူ​မည်​။ မိမိ​လူမျိုး​တော်​ခံရ​သော​ကဲ့ရဲ့ပြစ်တင်​ခြင်း​ကို မြေ​တစ်ပြင်လုံး​မှ​ဖယ်ရှား​တော်မူ​မည်​။ ထိုသို့ ထာဝရဘုရား​မိန့်​တော်မူ​ပြီ​။

ဟေ​ရှာ​ယ 34:2

အကယ်စင်စစ် ထာဝရဘုရား​သည် လူမျိုး​အပေါင်း​တို့​ကို အမျက်ထွက်​တော်မူ​၍ အမျက်​တော်​သည် သူ​တို့​၏​စစ်သည်ဗိုလ်ပါ​အားလုံး​အပေါ် သက်ရောက်​လေ​ပြီ​။ ကိုယ်တော်​သည် သူ​တို့​ကို အကုန်အစင်​ဖျက်ဆီး​တော်မူ​မည်​။ သူ​တို့​ကို သတ်ဖြတ်​သူ​လက်​သို့ အပ်​တော်မူ​မည်​။

ဟေ​ရှာ​ယ 34:8

ထာဝရဘုရား​၌ လက်စားချေ​ရာ​နေ့​၊ ဇိအုန်​မြို့​ကို ရန်ပြု​သော​သူ​ကို ဒဏ်ပေး​သော​နှစ် ရှိ​၏​။

ဟေ​ရှာ​ယ 35:4

စိတ်အားငယ်​သော​သူ​တို့​အား “​အားယူ​ကြ​လော့​။ မ​ကြောက်​ကြ​နှင့်​။ ကြည့်ရှု​လော့​။ သင်​တို့​၏​ဘုရားသခင်​သည် လက်စားချေ​ရန် ကြွလာ​မည်​။ အကျိုးအပြစ်​ပေး​ရန် ကြွလာ​မည်​။ ဘုရားသခင်​ကိုယ်တော်တိုင်​ကြွလာ​၍ သင်​တို့​ကို ကယ်တင်​တော်မူ​မည်​”​ဟု ဆို​ကြ​လော့​။

ဟေ​ရှာ​ယ 40:1

သင်​တို့​၏​ဘုရားသခင်​က “​ငါ​၏​လူမျိုး​တော်​ကို နှစ်သိမ့်​ပေး​ကြ​။ နှစ်သိမ့်​ပေး​ကြ​”​ဟု မိန့်​တော်မူ​၏​။

ဟေ​ရှာ​ယ 49:8

ထာဝရဘုရား​က “​နှစ်သက်​လက်ခံ​ဖွယ်​အချိန်​၌ သင့်​ကို​ငါ​ထူး​ပြီ​။ ကယ်တင်​ရာ​နေ့ရက်​၌ သင့်​ကို​ငါ​ကူညီမစ​ပြီ​။ သင်​သည် ပြည်​တော်​ကို ပြန်လည်​ထူထောင်​ရန်​၊ လူသူကင်းမဲ့​သော​အမွေ​ပြည်​ကို အမွေဆက်ခံ​ရန် ငါ​သည် သင့်​ကို ကာကွယ်​စောင့်ရှောက်​မည်​။ လူမျိုး​တော်​အတွက် ပဋိညာဉ်​ဖြစ်စေ​မည်​။

ဟေ​ရှာ​ယ 51:12

ထာဝရဘုရား​က “​ငါ​သာလျှင် သင်​တို့​ကို​နှစ်သိမ့်​ပေး​သော​သူ​ဖြစ်​၏​။ သေမျိုး​ဖြစ်​သော​လူ​၊ မြက်ပင်​ကဲ့သို့​ဖြစ်​သည့်​လူသား​ကို သင်​အဘယ်ကြောင့်​ကြောက်ရွံ့​သနည်း​။

ဟေ​ရှာ​ယ 57:18

သူ​၏​လမ်း​တို့​ကို ငါ​မြင်​ပြီ​။ သို့သော် ငါ​သည် သူ့​ကို​ကုသ​၍ လမ်းပြ​ပေး​မည်​။ သူ့​ကို​လည်းကောင်း​၊ သူ​နှင့်အတူ​ငိုကြွေးမြည်တမ်း​သော​သူ​တို့​ကို​လည်းကောင်း ပြန်လည်​နှစ်သိမ့်​ပေး​မည်​။

ဟေ​ရှာ​ယ 58:5

ငါ​နှစ်သက်​သော​အစာရှောင်​ခြင်း​ကား ဤသို့​လော​။ လူ​သည် မိမိကိုယ်မိမိ​နှိမ့်ချ​၍ ကျူပင်​ကဲ့သို့ ခေါင်း​ကို​ကိုင်းညွတ်​ကာ လျှော်တေ​နှင့်​ပြာ​အပေါ်​လဲလျောင်း​သော​နေ့​လော​။ ဤ​သည်​ကို အစာရှောင်​ရာ​နေ့​၊ ထာဝရဘုရား​လက်ခံ​တော်မူ​သော​နေ့​ဟု သင်​တို့​ခေါ်​မည်လော​။

ဟေ​ရှာ​ယ 60:10

တိုင်းတစ်ပါးသား​တို့​သည် သင်​၏​မြို့ရိုး​တို့​ကို​တည်ဆောက်​ကြ​ရ​မည်​။ သူ​တို့​၏​ရှင်ဘုရင်​တို့​သည် သင်​၏​အမှု​ကို​ထမ်းဆောင်​ကြ​ရ​မည်​။ အကြောင်းမူကား ငါ​သည် သင့်​ကို အမျက်ထွက်​၍ ဒဏ်ခတ်​သော်လည်း ကရုဏာထား​၍ ကျေးဇူးပြု​ဦး​မည်​။

ဟေ​ရှာ​ယ 66:14

ထိုသို့ သင်​တို့​တွေ့မြင်​သောအခါ သင်​တို့​၏​စိတ်နှလုံး​သည် ဝမ်းမြောက်​လိမ့်မည်​။ သင်​တို့​၏​အရိုး​များ​သည်​လည်း မြက်​ကဲ့သို့ သန်​လိမ့်မည်​။ ထာဝရဘုရား​၏​လက်​တော်​သည် မိမိ​အစေအပါး​တို့​ထံ ထင်ရှား​မည်​။ မိမိ​၏​ရန်သူ​တို့​ကို​မူ အမျက်ထွက်​တော်မူ​မည်​။

ယေ​ရ​မိ 31:13

အပျိုကညာ​တို့​သည် ဝမ်းမြောက်​ကခုန်​ကြ​လိမ့်မည်​။ လူပျို​၊ လူအို​တို့​လည်း ဝမ်းမြောက်​ကခုန်​ကြ​လိမ့်မည်​။ ငါ​သည် သူ​တို့​၏​ငိုကြွေးမြည်တမ်း​ခြင်း​ကို ပျော်ရွှင်​ခြင်း​ဖြစ်စေ​မည်​။ သူ​တို့​ကို နှစ်သိမ့်ပေး​၍ ဝမ်းနည်း​ခြင်း​အစား ဝမ်းမြောက်​ခြင်း​ကို​ပေး​မည်​။

ယေ​ရ​မိ 46:10

ထို​နေ့ရက်​သည် ရန်သူ​တို့​ကို ကောင်းကင်​ဗိုလ်ခြေ​အရှင် ဘုရားရှင်​ထာဝရဘုရား လက်တုံ့ပြန်​ရာ​နေ့​ဖြစ်​၏​။ ဓား​သည် ရန်သူ​တို့​ကို ကျေနပ်​သည်​အထိ ဝါးမျို​မည်​။ သူ​တို့​သွေး​ကို သောက်​မည်​။ မြောက်ဘက်​အရပ်​၊ ယူဖရေးတီး​မြစ်​နား​၌ ကောင်းကင်​ဗိုလ်ခြေ​အရှင်​ထာဝရဘုရား​အဖို့ ယဇ်ပူဇော်ပွဲ​ကျင်းပ​လိမ့်မည်​။

မိက္ခာ 3:8

အကျွန်ုပ်​မူကား ယာကုပ်​ပုန်ကန်​သော​အပြစ်​၊ အစ္စရေး​ကျူးလွန်​သော​အပြစ်​ကို ဖော်ပြ​နိုင်​ရန် ထာဝရဘုရား​၏​ဝိညာဉ်​တော်​တန်ခိုး​နှင့်​လည်းကောင်း​၊ တရားမျှတမှု​နှင့် အစွမ်းတန်ခိုး​တို့​နှင့်​လည်းကောင်း ပြည့်ဝ​၏​။

မဿဲ 5:4

ဝမ်းနည်း​ကြေကွဲ​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် နှစ်သိမ့်​ခြင်း​ကို​ခံစား​ရ​ကြ​လိမ့်မည်။

လုကာ 4:19

ထာဝရ​ဘုရား​၏​မင်္ဂလာ​နှစ်​ကို ဟောပြော​စေရန်​လည်းကောင်း ကိုယ်တော်​သည် ငါ့​ကို​စေလွှတ်​တော်မူ​ပြီ”​ဟူ၍ ဖြစ်​၏။

လုကာ 6:21

ယခု​ဆာလောင်​နေ​သော​သင်​တို့​သည် မင်္ဂလာရှိ​ကြ​၏။ အကြောင်းမူကား သင်​တို့​သည် ဝပြော​ခြင်း​သို့​ရောက်​ကြ​လိမ့်မည်။ ယခု​ငိုကြွေး​နေ​သော​သင်​တို့​သည် မင်္ဂလာရှိ​ကြ​၏။ အကြောင်းမူကား သင်​တို့​သည် ရယ်မော​ကြ​လိမ့်မည်။

၂ ကော 6:2

အကြောင်းမူကား ကိုယ်တော်​က “ငါ​သည် နှစ်သက်​လက်ခံ​ဖွယ်​ရာ​အချိန်​၌ သင်​၏​စကား​ကို​နားထောင်​ပြီ။ ကယ်တင်​ရာ​နေ့ရက်​၌ သင့်​ကို​ကူညီမစ​ပြီ”​ဟု မိန့်​တော်မူ​၏။ ကြည့်ရှု​လော့။ ယခု​ပင် နှစ်သက်​လက်ခံ​ဖွယ်​ရာ​အချိန်​ဖြစ်​၏။ ယခု​ပင် ကယ်တင်​ရာ​နေ့ရက်​ဖြစ်​၏။

၁ သက် 2:16

လူမျိုးခြား​တို့​ကယ်တင်​ခြင်း​ရရှိ​ရန် ငါ​တို့​ဟောပြော​သည်​ကို တားမြစ်​ကာ မိမိ​တို့​အပြစ်​များ​ကို အစဉ်အမြဲ​ဖြည့်ဆည်း​ကြ​၏။ သို့ဖြစ်၍ အမျက်​တော်​သည် သူ​တို့​အပေါ်သို့ အဆုံးစွန်​သက်ရောက်​လေ​၏။