ဟေ​ရှာ​ယ 6:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ကိုယ်တော်​က​လည်း “​ဤ​လူမျိုး​ထံ​သွား​၍ ‘​သင်​တို့​သည် ကြား​လျက်ပင် နား​မ​လည်​ဘဲ ကြား​ကြ​လိမ့်မည်​။ မြင်​လျက်ပင် သတိ​မ​မူ​ဘဲ မြင်​ကြ​လိမ့်မည်​’​ဟု ပြော​လော့​။

Common Language Bible

⁹ ဤ​သို့​ဖြင့်​ကိုယ်​တော်​သည်​ငါ့​အား​ထို​သူ​တို့​ထံ​သို့​စေ​လွှတ်​ပြီး​လျှင်``သူ​တို့​အား`သင်​တို့​သည်​ထပ်​ကာ​ထပ်​ကာ​နား​ထောင်​သော်​လည်း​နား​လည်​လိမ့်​မည်​မ​ဟုတ်။ ထပ်​ကာ​ထပ်​ကာ​ကြည့်​သော်​လည်း​အ​ဖြစ်​အ​ပျက်​ကို​သိ​လိမ့်​မည်​မ​ဟုတ်' ဟု​ပြော​ကြား​လော့'' ဟု​မိန့်​တော်​မူ​၏။-

Garrad Bible

⁹ ကြား လျက် ပင် နား မ လည် ရ၊ ကြည့် လျက် ပင် မ သိ မ မြင် ရ ဟု ထို လူ မျိုး အား ဆင့် ဆို လော့။

Judson Bible

⁹ ထာ​ဝ​ရ​ဘု​ရား​က​လည်း၊ ထို​လူ​မျိုး​ရှိ​ရာ​သို့ သွား​ပြီး​လျှင်၊ သင်​တို့​သည် ကြား​လျက်​ပင်၊ အ​နက်​ကို​နား​မ​လည်​ဘဲ ကြား​ကြ​လိမ့်​မည်။ မြင်​လျက်​ပင် အာ​ရုံ​မ​ပြု​ဘဲ မြင်​ကြ​လိမ့်​မည်​ဟု ပြော​လော့။

ဟေ​ရှာ​ယ 6:9 ပူးပေါင်းရင်းမြစ်များ

သုတ္တံကျမ်း။ 28:5

မကောင်းမှု​ပြု​သော​သူ​တို့​သည် တရားမျှတမှု​ကို​နား​မ​လည်​ကြ​။ ထာဝရဘုရား​ကို​ရှာ​သော​သူ​တို့​မူကား အပြည့်အဝ​နားလည်​ကြ​၏​။

ဟေ​ရှာ​ယ 28:13

ထို့ကြောင့် ထာဝရဘုရား​၏​နှုတ်ကပတ်တော်​သည် သူ​တို့​၌ ပညတ်ချက်​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ စည်းမျဉ်း​တစ်​ခု​ပေါ်​တစ်​ခု​၊ တစ်​ခု​ပေါ်​တစ်​ခု​၊ သည်​နည်းနည်း​ဟို​နည်းနည်း ဖြစ်​လိမ့်မည်​။ သူ​တို့​သွား​သောအခါ နောက်ပြန်​လဲကျ​မည်​၊ ကျိုးပဲ့​မည်​၊ ကျော့ကွင်း​မိ​မည်​၊ အဖမ်း​ခံရ​မည်​။

ဟေ​ရှာ​ယ 29:10

အကြောင်းမူကား ထာဝရဘုရား​သည် နှစ်ခြိုက်​စွာ​အိပ်မောကျ​သော​ဝိညာဉ်​ကို သင်​တို့​အပေါ်​သွန်းလောင်း​လျက် ပရောဖက်​များ​ဖြစ်​သော သင်​တို့​၏​မျက်စိ​ကို​ပိတ်​တော်မူ​၍ ဗျာဒိတ်ရသူ​များ​ဖြစ်​သော သင်​တို့​၏​ဦးခေါင်း​များ​ကို ဖုံးအုပ်​ထား​တော်မူ​ပြီ​။

ဟေ​ရှာ​ယ 29:13

ဘုရားရှင်​က​လည်း “​ဤ​လူမျိုး​သည် နှုတ်​ဖြင့် ချဉ်းကပ်​၍ နှုတ်ခမ်း​ဖြင့် ငါ့​ကို​ဂုဏ်ပြုချီးမွမ်း​ကြ​၏​။ သူ​တို့​၏​စိတ်နှလုံး​မူကား ငါ​နှင့်​ဝေး​လှ​၏​။ သူ​တို့​သည် လူ​တို့​သွန်သင်​သော​ပညတ်ချက်​အရ ငါ့​ကို ကြောက်ရွံ့​ကြ​၏​။

ဟေ​ရှာ​ယ 29:14

ထို့ကြောင့် ကြည့်ရှု​လော့​။ ငါ​သည် ဤ​လူမျိုး​ကို​အံ့ဩ​စေ​မည့် အံ့ဖွယ်​အမှု​တစ်​ခု​ပြီး​တစ်​ခု ပြု​မည်​။ သူ​တို့​ထဲမှ ပညာရှိ​တို့​၏​ဉာဏ်ပညာ​သည် ပျက်စီး​သွား​မည်​။ အသိဉာဏ်​ရှိ​သူ​တို့​၏​အသိဉာဏ်​သည်​လည်း ကွယ်ပျောက်​သွား​မည်​”​ဟု မိန့်​တော်မူ​၏​။

ဟေ​ရှာ​ယ 42:20

သင်​သည် အမှုအရာ​များစွာ​ကို မြင်တွေ့​သော်လည်း အလေး​မ​ထား​။ နား​ပွင့်​နေ​သော်လည်း မ​ကြား​။

ဟေ​ရှာ​ယ 43:8

မျက်စိ​ရှိ​သော်လည်း မမြင်​သော​သူ​၊ နား​ရှိ​သော်လည်း မကြား​သော​သူ​တို့​ကို ထုတ်ဆောင်​ခဲ့​လော့​။

ယေ​ရ​မိ 5:21

‘​မျက်စိ​ရှိ​သော်လည်း မ​မြင်​၊ နား​ရှိ​သော်လည်း မ​ကြား​၊ မိုက်မဲ​၍ အသိဉာဏ်​မ​ရှိ​သော​လူ​တို့​၊ ယခု ဤ​စကား​ကို​နားထောင်​ကြ​လော့​။

ယေ​ဇ​ကျေ​လ 12:2

“​အချင်း​လူသား​၊ ပုန်ကန်​တတ်​သော​အမျိုး​တို့​ကြား​တွင် သင်​နေ​ရ​၏​။ သူ​တို့​သည် ပုန်ကန်​တတ်​သော​အမျိုး​ဖြစ်​သောကြောင့် မျက်စိ​ရှိ​လျက် မ​မြင်​၊ နား​ရှိ​လျက် မ​ကြား​ကြ​။

ဟော​ရှေ 1:9

ထိုအခါ ထာဝရဘုရား​က “​ဤ​သား​အမည်​ကို လောအမ္မိ​ဟု မှည့်ခေါ်​လော့​။ အကြောင်းမှာ သင်​တို့​သည် ငါ​၏​လူမျိုး​တော်​မ​ဟုတ်​။ ငါ​သည်​လည်း သင်​တို့​၏​ဘုရားသခင်​မ​ဟုတ်”​ဟု မိန့်​တော်မူ​၏​။

ရှင်မာကု 4:12

ဤသည်ကား သူ​တို့​သည် မြင်​လျက်​ပင် သတိ​မ​မူ​ဘဲ​မြင်​၍ ကြား​လျက်​ပင် နား​မ​လည်​ဘဲ​ကြား​ကြ​စေရန်​ဖြစ်​၏။ သို့မဟုတ်လျှင် သူ​တို့​သည် ပြောင်းလဲ​၍ ခွင့်လွှတ်​ခြင်း​ခံရ​ကြ​လိမ့်မည်”​ဟု မိန့်​တော်မူ​၏။

လုကာ 8:10

ကိုယ်တော်​က​လည်း“သင်​တို့​အား ဘုရားသခင်​၏​နိုင်ငံ​တော်​နှင့်ဆိုင်သည့် လျှို့ဝှက်​နက်နဲ​သော​အရာ​များ​ကို သိ​ခွင့်​ပေး​ထား​၏။ အခြား​သော​သူ​တို့​မူကား မြင်​လျက်​ပင် မ​မြင်​စေရန်​နှင့် ကြား​လျက်​ပင် နား​မ​လည်​စေရန် သူ​တို့​အား ပုံ​ဥပမာ​များ​ဖြင့်​ဟောပြော​ရ​၏။

ရှင်ယောဟန် 12:40

“သူ​တို့​သည် မျက်စိ​ဖြင့်​မြင်​၍ စိတ်နှလုံး​ဖြင့်​နားလည်​ကာ ပြောင်းလဲ​ကြ​သဖြင့် သူ​တို့​ကို​ကျန်းမာ​စေ​ရ​မည့်​အဖြစ်​မျိုး​မ​ရှိ​စေရန် ဘုရားသခင်​သည် သူ​တို့​၏​မျက်စိ​ကို ကွယ်​စေ​တော်မူ​၍ သူ​တို့​၏​စိတ်နှလုံး​ကို မာကျော​စေ​တော်မူ​၏”​ဟု ထပ်မံ​၍ ဟောပြော​ခဲ့​သောကြောင့်​ဖြစ်​၏။

ရော​မ 11:8

“ဘုရားသခင်​သည် သူ​တို့​အား ယနေ့​ထိ​တိုင်အောင် ထိုင်းမှိုင်း​သော​စိတ်သဘော​ကို​လည်းကောင်း၊ မ​မြင်​နိုင်​သော​မျက်စိ​ကို​လည်းကောင်း၊ မ​ကြား​နိုင်​သော​နား​ကို​လည်းကောင်း ပေး​တော်မူ​၏”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။

တ​ရား​ဟော 29:4

သို့သော် ယနေ့​ထိတိုင် ထာဝရဘုရား​သည် သင်​တို့​အား နားလည်​နိုင်​သော​စိတ်​၊ မြင်​နိုင်​သော​မျက်စိ​၊ ကြား​နိုင်​သော​နား​တို့​ကို ပေး​တော်​မ​မူ​။