ဟေ​ရှာ​ယ 47:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို့ကြောင့် ဘေးအန္တရာယ်​သည် သင့်​အပေါ်​သက်ရောက်​မည်​။ ထို​ဘေးအန္တရာယ်​ကို ကာကွယ်​ပေး​မည့်​ဂါထာ​ကို သင်​သိ​မည်​မ​ဟုတ်​။ ဘေးဒုက္ခ​သည် သင့်​အပေါ်​ကျရောက်​မည်​။ သင်​တားဆီး​နိုင်​မည်​မ​ဟုတ်​။ သင်​မ​သိ​လိုက်​မီ​မှာပင် ဖျက်ဆီး​ခြင်း​ဘေး​သည် သင့်​အပေါ် ရုတ်တရက်​သက်ရောက်​မည်​။

Common Language Bible

¹¹ ဘေး​အန္တ​ရာယ်​ဆိုး​သည်​သင်​၏​အ​ပေါ်​သို့ သက်​ရောက်​လာ​လိမ့်​မည်။ ယင်း​ကို​သင်​၏​မှော်​အ​တတ်​က​တား​ဆီး​နိုင် လိမ့်​မည်​မ​ဟုတ်။ သင်​သည်​အ​ဘယ်​အ​ခါ​က​မျှ​အိပ်​မက်​၌​ပင် မ​မြင်​မက်​ဘူး​သော​ဆုံး​ပါး​ပျက်​စီး​မှု​နှင့် ကြုံ​တွေ့​ရ​လိမ့်​မည်။

Garrad Bible

¹¹ မ န္တာန် ဖြင့် မ ကွယ် ကာ နိုင် သော ဘေး၊ မ ပုန်း ရှောင် နိုင် သော ဥ ပဒ်၊ မ မြော် မြင် နိုင် သော အ န္တ ရာယ် များ သည်၊ သင့် အ ပေါ် တွင် ရှောင် တ ခင် သင့် ရောက် လိမ့် မည်။

Judson Bible

¹¹ ထို​ကြောင့်၊ အ​ဆုံး​မ​ထင်​သော ဘေး​ဥ​ပဒ်​သည် သင်၏​အ​ပေါ်​မှာ ရောက်​လိမ့်​မည်။ သင်​သည် မ​ဖြေ​နိုင်​သော အ​ပြစ်​ဒဏ်​နှင့်​လည်း​ကောင်း၊ မ​မျှော်​လင့်​နိုင်​အောင် ချက်​ချင်း ဖျက်​ဆီး​ခြင်း​နှင့်​လည်း​ကောင်း တွေ့​ကြုံ​ရ​လိမ့်​မည်။

ဟေ​ရှာ​ယ 47:11 ပူးပေါင်းရင်းမြစ်များ

နေ​ဟ​မိ 4:11

ရန်သူ​တို့​က​လည်း “​သူ​တို့​မ​သိ​လိုက်​ချိန်​မှာ သူ​တို့​ထဲ​သို့​ဝင်​၍ သူ​တို့​ကို​သတ်ပစ်​မည်​။ သူ​တို့​အလုပ်​ကို ရပ်တန့်​စေ​မည်​”​ဟု ဆို​ကြ​၏​။

ဆာ​လံ 35:8

ပျက်စီးဆုံးပါး​ခြင်း​သည် ထိုသို့​သော​သူ​အပေါ် အမှတ်မထင်​ကျရောက်​ပါစေသော​။ သူ​လျှို့ဝှက်​စွာ​ထောင်​ထား​သော​ပိုက်ကွန်​၌ သူ​ကိုယ်တိုင်​ပြန်မိ​၍ ထို​ပျက်စီးဆုံးပါး​ခြင်း​ထဲသို့​ပင် ကျရောက်​ပါစေသော​။

ဆာ​လံ 50:22

ဘုရားသခင်​ကို​မေ့လျော့​တတ်​သော​သူ​တို့​၊ ဤ​အချက်​ကို သတိ​နှင့်​ဆင်ခြင်​ကြ​လော့​။ သို့မဟုတ်​ပါက ငါ​သည် သင်​တို့​ကို အပိုင်းပိုင်း​ဆုတ်ဖြဲ​သဖြင့် ကယ်နုတ်​သူ​မ​ရှိ​ဖြစ်​လိမ့်မည်​။

ဆာ​လံ 55:15

သေ​ခြင်း​သည် သူ​တို့​ကို ရုတ်တရက်​ဖမ်း​ပါစေ​။ သူ​တို့​သည် မရဏာနိုင်ငံ​သို့ အရှင်လတ်လတ်​ဆင်းသွား​ကြ​ရ​ပါစေ​။ အကြောင်းမူကား မကောင်းမှု​တို့​သည် သူ​တို့​တည်းခိုနေထိုင်​ရာ​နေရာ သူ​တို့​အလယ်​၌​ရှိ​ကြ​၏​။

ဆာ​လံ 73:19

သူ​တို့​သည် ချက်ချင်းပင် ကြီးစွာ​သော​ပျက်စီး​ခြင်း​သို့​ရောက်​၍ ထိတ်လန့်ဖွယ်​ရာ​များ​ဖြင့် အကုန်အစင် ဖယ်ရှား​ခြင်း​ခံ​ကြ​ရ​ပါ​သည်​တကား​။

သုတ္တံကျမ်း။ 13:21

ဒုက္ခ​သည် အပြစ်သား​တို့​၏​နောက်​သို့ လိုက်​တတ်​၏​။ ဖြောင့်မတ်​သော​သူ​တို့​မူကား ကောင်း​သော​ဆုလာဘ်​ကို​ရရှိ​လိမ့်မည်​။

ဟေ​ရှာ​ယ 13:6

ညည်းတွားငိုကြွေး​ကြ​လော့​။ ထာဝရဘုရား​၏​နေ့ရက်​သည် ရောက်​လု​နီး​ပြီ​။ ထို​နေ့ရက်​သည် အနန္တတန်ခိုးရှင်​ထံမှ​ဖျက်ဆီး​ခြင်း​ဘေး​ကဲ့သို့ ရောက်လာ​မည်​။

ဟေ​ရှာ​ယ 29:5

သို့သော် သင့်​ရန်သူ​အလုံးအရင်း​သည် ဖုန်မှုန့်​ကဲ့သို့​ဖြစ်​မည်​။ ကြမ်းကြုတ်​သူ​အလုံးအရင်း​သည် လွင့်မျော​နေ​သော​ဖွဲ​ကဲ့သို့ ဖြစ်​မည်​။ ထိုကဲ့သို့ ရုတ်ခြည်း​ဖြစ်​မည်​။

ဟေ​ရှာ​ယ 30:13

ဤ​ဒုစရိုက်​သည် ဖောင်းကြွ​လာ​၍ ပြိုလဲ​တော့​မည့် မြင့်မား​သော​မြို့ရိုး​ပေါ်က အက်ကွဲ​ရာ​ကဲ့သို့​ဖြစ်​၍ ရုတ်ခြည်း​ကျိုးပဲ့​သွား​လိမ့်မည်​။

ဟေ​ရှာ​ယ 37:36

ထာဝရဘုရား​၏​ကောင်းကင်တမန်​သည် ထွက်လာ​၍ အဆီးရီးယား​တပ်စခန်း​ထဲတွင် စစ်သည်​တစ်သိန်း​ရှစ်သောင်း​ငါးထောင်​ကို သတ်​လေ​၏​။ နံနက်​စောစောထ​ကြ​သောအခါ အလောင်းကောင်​များ​သာ တွေ့​ရ​၏​။

ဟေ​ရှာ​ယ 45:7

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

ဟေ​ရှာ​ယ 47:9

သင်​သည် မှော်အတတ်​မည်မျှပင်​တတ်​သော်လည်း​၊ သင်​၏​ဂါထာမန္တန်​မည်မျှပင်​စွမ်း​သော်လည်း သားသမီး​ဆုံးရှုံး​ခြင်း​၊ မုဆိုးမ​ဖြစ်​ခြင်း နှစ်မျိုးလုံး​သည် တစ်နေ့တည်း တစ်ခဏချင်း​တွင် သင့်​ထံ​ရောက်လာ​မည်​။ မလွဲမသွေ​ရောက်လာ​မည်​။

ဟေ​ရှာ​ယ 48:8

သင်​ကြား​လည်း​မ​ကြား​၊ သိ​လည်း​မ​သိ​၊ အစ​ကတည်းက သင်​နား​ပိတ်​လျက်​နေ​၏​။ သင်​သည် အလွန်​သစ္စာမဲ့​၍ ဖွားစ​ကပင် သင့်​ကို ဆန့်ကျင်ပုန်ကန်​သော​သူ​ဟု​ခေါ်​ကြ​သည်​ကို ငါ​သိ​၏​။

ဟေ​ရှာ​ယ 57:1

ဖြောင့်မတ်​သော​သူ​ဆုံးပါး​သွား​သည်​ကို မည်သူ​မျှ​နှလုံး​မ​သွင်း​ကြ​။ ကျေးဇူးပြု​တတ်​သော​သူ​တို့ ရုပ်သိမ်း​ခြင်း​ခံရ​သည်​ကို မည်သူ​မျှ​နား​မ​လည်​ကြ​။ အကယ်စင်စစ် ဖြောင့်မတ်​သော​သူ​သည် မကောင်းမှု​ထဲမှ​ရုပ်သိမ်း​ခံရ​ခြင်း​ဖြစ်​၏​။

ယေ​ရ​မိ 51:29

ကမ္ဘာမြေကြီး တုန်ခါ​လေ​ပြီ​၊ တုန်လှုပ်​လေ​ပြီ​။ အကြောင်းမူကား ဘေဘီလုံ​မြို့​ကို နေထိုင်​သူ​မ​ရှိ​၊ လူသူကင်းမဲ့​ရာ​အရပ်​ဖြစ်​စေ​မည်​ဟူသော ထာဝရဘုရား​၏​အကြံအစည်​တော်​အတိုင်း ထို​မြို့​၌ ဖြစ်လာ​လေ​ပြီ​။

ယေ​ရ​မိ 51:43

မြို့ရွာ​တို့​သည် လူသူကင်းမဲ့​၍ ခြောက်သွေ့​သော​ကန္တာရ​မြေ ဖြစ်​လိမ့်မည်​။ နေထိုင်​သူ​မ​ရှိ​၊ ဖြတ်သန်းသွားလာ​သူ​မ​ရှိ​သော​မြေ ဖြစ်​လိမ့်မည်​။

ယေ​ရ​မိ 51:8

ဘေဘီလုံ​မြို့​ကြီး ရုတ်ခြည်း​ပြိုလဲ​ပျက်စီး​သွား​ပြီ​။ သူ့​အတွက် ညည်းတွားငိုကြွေး​ကြ​လော့​။ ဝေဒနာ​ပျောက်​ကောင်း​ပျောက်​နိုင်​မည်​ဖြစ်၍ လိမ်းဆေး​ယူလာ​ပေး​ကြ​လော့​။

မြည်​တမ်း​စ​ကား 1:21

အကျွန်ုပ်​ညည်းတွား​သံ​ကို ကြား​သော်လည်း အကျွန်ုပ်​ကို နှစ်သိမ့်ပေး​မည့်​သူ တစ်ယောက်​မျှ​မ​ရှိ​ပါ​။ အကျွန်ုပ်​ဒုက္ခ​ရောက်​ကြောင်း​ကို အကျွန်ုပ်​၏​ရန်သူ​အပေါင်း​တို့ ကြား​ကြ​ပါ​ပြီ​။ ကိုယ်တော် ဤသို့​ပြု​တော်မူ​သည်​ကို သူ​တို့ နှစ်သက်အားရ​ကြ​ပါ​၏​။ ကိုယ်တော်​မိန့်ဆို​ထား​သော​နေ့ရက် ရောက်လာ​ပါစေ​။ သူ​တို့​သည် အကျွန်ုပ်​ကဲ့သို့ ဖြစ်​ကြ​ပါစေ​။

ယေ​ဇ​ကျေ​လ 7:26

ဘေးဒုက္ခ တစ်​ခု​ပြီး​တစ်​ခု ရောက်လာ​မည်​။ သတင်းစကား တစ်​ခု​ပြီး​တစ်​ခု ကြား​ရ​မည်​။ ပရောဖက်​တို့​ထံမှ ဗျာဒိတ်နိမိတ်​ကို မေးမြန်း​သော်လည်း ရ​မည်​မ​ဟုတ်​။ ယဇ်ပုရောဟိတ်​တို့​ထံမှ တရားတော်​၊ သက်ကြီးဝါကြီး​တို့​ထံမှ အကြံဉာဏ်​တို့​သည်​လည်း ပျောက်ဆုံး​လိမ့်မည်​။

မဿဲ 18:34

ဤသို့ဖြင့် သူ​၏​သခင်​သည်​အမျက်ထွက်​ကာ အကြွေး​ရှိသမျှ​ကို ပြန်ဆပ်​သည့်​တိုင်အောင် သူ့​ကို အကျဉ်းချ​နှိပ်စက်​သော​သူ​တို့​လက်​သို့ အပ်​လေ​၏။

လုကာ 12:59

သင့်​အား ငါ​ဆို​မည်။ နောက်ဆုံး​လတ္တာ​တစ်​ပြား​ကို သင်​ပြန်၍​မ​ဆပ်​မချင်း ထို​နေရာ​မှ လုံးဝ​ထွက်​ရ​မည်​မ​ဟုတ်”​ဟု​မိန့်​တော်မူ​၏။

လုကာ 17:27

နောဧ​သည် သင်္ဘော​ထဲသို့​ဝင်​သည့်​နေ့​တိုင်အောင် လူ​တို့​သည် စား​သောက်​လျက်၊ ထိမ်းမြား​စုံဖက်​လျက်၊ ပေးစား​ဆောင်နှင်း​လျက်​နေ​၍ ရေ​လွှမ်းမိုး​ခြင်း​ရောက်လာ​ကာ သူတို့​အားလုံး​ကို​ဖျက်ဆီး​လေ​၏။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။

ဗျာ​ဒိတ် 3:3

ထို့ကြောင့် သင်​သည် မည်သို့​ခံယူ​၍ ကြားနာ​ခဲ့​သည်​ကို သတိရ​လျက် ထို​အရာ​တို့​ကို​စောင့်ထိန်း​လော့။ နောင်တရ​လော့။ သင်​သည် သတိ​နှင့်​စောင့်​နေ​ခြင်း​မ​ရှိ​ပါက သူခိုး​ကဲ့သို့ ငါ​လာ​မည်​ဖြစ်၍ မည်သည့်​အချိန်​၌ သင့်​ထံသို့​ငါ​လာ​မည်​ကို သင်​လုံးဝ​သိ​လိမ့်မည်​မ​ဟုတ်။