ဟေ​ရှာ​ယ 43:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ပင်လယ်ပြင်​၌ လမ်းမ​ကို​လည်းကောင်း​၊ လှိုင်းထန်​သော​ရေပြင်​၌ လမ်း​ကို​လည်းကောင်း ဖြစ်​စေ​တော်မူ​သော​၊

Common Language Bible

¹⁶ ရှေး​အ​ခါ​က၊ထာ​ဝ​ရ​ဘု​ရား​သည်​ပင်​လယ် ဝဲ​သြ​ဃ​ကို ဖြတ်​၍​လမ်း​ဖောက်​တော်​မူ​ခဲ့​၏။

Garrad Bible

^16-17 အား ကြီး သော သ မု ဒ္ဒ ရာ၌ လမ်း ခ ရီး ကို ပြု ပြင် တော် မူ ထ သော၊ ရ ထား တပ် မြင်း တပ် နှင့် တ ကွ၊ ဗိုလ် ထု အ လုံး အ ရင်း ကို ထုတ် ဆောင် ပြီး လျှင်၊ မ ထ နိုင် အောင် တစ် ပြိုင် နက် ဖြို လှဲ တော် မူ ထ သော၊ ကုန် ဆုံး စေ ၍ မီး စာ ကဲ့ သို့ ငြိမ်း သတ် တော် မူ သော ထာ ဝ ရ ဘု ရား မိန့် တော် မူ သည် ကား၊

Judson Bible

¹⁶ ပြင်း​ထန်​သော ပင်​လယ်​ရေ၌ လမ်း​ခ​ရီး​ကို ဖန်​ဆင်း​တော်​မူ​ထ​သော၊

ဟေ​ရှာ​ယ 43:16 ပူးပေါင်းရင်းမြစ်များ

နေ​ဟ​မိ 9:11

သူ​တို့​ရှေ့​၌​ပင် ကိုယ်တော်​သည် ပင်လယ်​ကို​ခွဲ​တော်မူ​၍ ပင်လယ်​အလယ် ခြောက်သွေ့​သော​မြေ​ပေါ်တွင် သူ​တို့​ကို ဖြတ်ကူး​စေ​၏​။ သူ​တို့​ကို လိုက်​သော​သူ​တို့​အား ကျောက်တုံး​ကို ရေနက်​ထဲ​ပစ်ချ​သကဲ့သို့ ပင်လယ်နက်​ထဲသို့​ပစ်ချ​တော်မူ​၏​။

ဆာ​လံ 106:9

ကိုယ်တော်​သည် ပင်လယ်​နီ​ကို ဆုံးမ​တော်မူ​ရာ ၎င်း​သည်​ခန်းခြောက်​လေ​၏​။ ထို့နောက် တောကန္တာရ​ကို​ဖြတ်​သကဲ့သို့ နက်ရှိုင်း​သော​ရေထု​ကို ဖြတ်​၍ သူ​တို့​ကို​ပို့ဆောင်​တော်မူ​၏​။

ဆာ​လံ 77:19

ကိုယ်တော်​၏​လမ်း​သည် ပင်လယ်​ကို​ဖြတ်ကျော်​၍ ကိုယ်တော်​၏​လမ်းခရီး​သည် ကျယ်ဝန်း​သော​ရေပြင်​ကို ဖြတ်ကျော်​ပါ​၏​။ သို့သော် ကိုယ်တော်​၏​ခြေရာ​တော်​တို့​ကို မ​သိ​မ​မြင်​ရ​ပါ​။

ဆာ​လံ 77:20

ကိုယ်တော်​သည် မောရှေ​နှင့်​အာရုန်​တို့​လက်​ဖြင့် မိမိ​၏​လူမျိုး​တော်​ကို သိုးအုပ်​ကဲ့သို့​ပို့ဆောင်​တော်မူ​၏​။

ဆာ​လံ 78:13

ပင်လယ်​ကို​ခွဲ​၍ သူ​တို့​ကို​ဖြတ်သွား​စေ​တော်မူ​၏​။ ရေ​များ​ကို တာတမံ​ကဲ့သို့ မတ်မတ်တည်​စေ​တော်မူ​၏​။

ထွက်​မြောက် 14:16

သင်​မူကား တောင်ဝှေး​ကို​မြှောက်​ပြီးလျှင် ပင်လယ်​အပေါ်​သို့ သင့်​လက်​ကို​ဆန့်​၍ ပင်လယ်​ကို​ခွဲ​လော့​။ ထိုအခါ အစ္စရေး​အမျိုးသား​တို့​သည် ပင်လယ်​ထဲ၌ ခြောက်သွေ့​သော​မြေ​ပေါ်တွင် သွား​ရ​လိမ့်မည်​။

ထွက်​မြောက် 14:29

အစ္စရေး​အမျိုးသား​တို့​မူကား ပင်လယ်​ထဲ၌ ခြောက်သွေ့​သော​မြေ​ပေါ်တွင် လျှောက်သွား​ရ​၏​။ ရေ​သည် သူ​တို့​၏​လက်ယာ​ဘက်​နှင့်​လက်ဝဲ​ဘက်​၌ တံတိုင်း​သဖွယ်​ဖြစ်​လျက်​နေ​၏​။

ဟေ​ရှာ​ယ 43:2

သင်​သည် ရေ​ကို​ဖြတ်ကူး​သောအခါ သင်​နှင့်အတူ​ငါ​ရှိ​မည်​။ မြစ်​ကို​ဖြတ်ကူး​သောအခါ သင့်​ကို ရေလွှမ်း​မည်​မ​ဟုတ်​။ မီး​ထဲ​လျှောက်​သောအခါ သင့်​ကို​မီးလောင်​မည်​မ​ဟုတ်​။ မီးလျှံ​သည် သင့်​ကို ဟပ်​မည်​မ​ဟုတ်​။

ဟေ​ရှာ​ယ 44:27

ငါ​သည် သမုဒ္ဒရာ​ကို ‘​ခန်းခြောက်​လော့​။ သင်​၏​မြစ်​တို့​ကို​လည်း ငါ​ခြောက်သွေ့​စေ​မည်​’​ဟု မိန့်ဆို​၏​။

ဟေ​ရှာ​ယ 50:2

ငါ​လာ​သောအခါ အဘယ်ကြောင့် လူ​တစ်ယောက်​မျှ​မ​ရှိ​သနည်း​။ ငါ​ခေါ်​သောအခါ အဘယ်ကြောင့် ထူး​သော​သူ​မ​ရှိ​သနည်း​။ ငါ့​လက်​သည် မ​ရွေးနုတ်​နိုင်​လောက်အောင် တိုလွန်း​သလော​။ ငါ​၌ ကယ်တင်​နိုင်​သော​တန်ခိုး​မ​ရှိ​သလော​။ ငါ​ဆုံးမ​သဖြင့် ပင်လယ်​သည် ခန်းခြောက်​၏​။ ငါ​သည် မြစ်​တို့​ကို တောကန္တာရ​ဖြစ်စေ​၍ ငါး​တို့​သည် ရေ​မ​ရှိ​သောကြောင့် အပုပ်နံ့ထွက်​ကြ​၏​။ ရေငတ်​၍​သေ​ကြ​၏​။

ဟေ​ရှာ​ယ 51:10

အလွန်​နက်ရှိုင်း​သော​ပင်လယ်​ရေထု​ကို​ခန်းခြောက်​စေ​သော​သူ​၊ ရွေးနုတ်​ခံရ​သော​သူ​များ​ဖြတ်ကူး​နိုင်​ရန် နက်ရှိုင်း​သော​ပင်လယ်​ကို လမ်း​ဖြစ်စေ​သော​သူ​ကား ကိုယ်တော်​ပင်​မ​ဟုတ်​လော​။

ဟေ​ရှာ​ယ 51:15

ငါ​သည် ပင်လယ်​ရေ​ကို​ထကြွ​စေ​၍ လှိုင်းတံပိုး​တို့​ကို​မြည်ဟိန်း​စေ​သော သင်​၏​ဘုရားသခင်​ထာဝရဘုရား​ဖြစ်​၏​။ နာမ​တော်​သည် ကောင်းကင်​ဗိုလ်ခြေ​အရှင်​ထာဝရဘုရား​ဖြစ်​၏​။

ယေ​ရ​မိ 31:35

နေ့​အချိန်​၌ အလင်းရောင်​ရရှိ​ရန် နေ​ကို​ပေး​သော​အရှင်​၊ ညအချိန်​၌ အလင်းရောင်​ပေး​ရန် လ​နှင့်​ကြယ်​များ​ကို ပြဋ္ဌာန်း​သော​အရှင်​၊ ပင်လယ်​ရေ​ကို​ထကြွ​စေ​သော​အရှင်​၊ လှိုင်းတံပိုး​ကို​မြည်ဟိန်း​စေ​သော​အရှင်​၊ ကောင်းကင်​ဗိုလ်ခြေ​အရှင်​ထာဝရဘုရား​ဟု ဘွဲ့နာမ​ရှိ​တော်မူ​သော ထာဝရဘုရား​က ဤသို့​မိန့်​တော်မူ​၏​။

ဗျာ​ဒိတ် 16:12

ဆဋ္ဌမ​ကောင်းကင်​တမန်​သည် သူ​၏​ဖလား​ကို ကြီးမား​သော​ယူဖရေးတီး​မြစ်​ပေါ်သို့​သွန်းလောင်း​သောအခါ အရှေ့​ပြည်​မှ​ဘုရင်​များ​အတွက် လမ်း​ကို​ပြင်ဆင်​ပေး​ရန် မြစ်​ရေ​သည်​ခန်းခြောက်​သွား​လေ​၏။