ဟေ​ရှာ​ယ 42:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ထာဝရဘုရား​သည် မိမိ​၏​ဖြောင့်မတ်​ခြင်း​အတွက် ကျေနပ်အားရ​တော်မူ​၏​။ ကိုယ်တော်​သည် ပညတ်တရား​ကို ကြီးမြတ်​စေ​တော်မူ​၏​။ အထွတ်အမြတ်​ဖြစ်စေ​တော်မူ​၏​။

Common Language Bible

²¹ ထာ​ဝ​ရ​ဘု​ရား​သည်​ကယ်​တင်​ရန်​စိတ်​စော လျက်​နေ​သည့် ဘု​ရား​သ​ခင်​ဖြစ်​၍၊ ကိုယ်​တော်​သည်​မိ​မိ​၏​တ​ရား​တော်​ကို ရို​သေ​လေး​စား​ကြ​ရန်​အ​လို​ရှိ​တော်​မူ​၏။

Garrad Bible

²¹ ဖြောင့် မတ် တော် မူ သည့် အ တိုင်း ထာ ဝ ရ ဘု ရား သည် တ ရား တော် ကို ချီး မြှောက် ဂုဏ် တင် မည် ဟု သ ဘော ထား တော် မူ သော် လည်း။

Judson Bible

²¹ ထာ​ဝ​ရ​ဘု​ရား​သည် မိ​မိ​ဖြောင့်​မတ်​ခြင်း​ကြောင့် အား​ရ​နှစ်​သက်​သ​ဖြင့်၊ တ​ရား​တော်​ကို ချီး​မြှောက်၍ ဂုဏ်​အ​သ​ရေ​နှင့် ပြည့်​စုံ​စေ​တော်​မူ​မည်။

ဟေ​ရှာ​ယ 42:21 ပူးပေါင်းရင်းမြစ်များ

ဆာ​လံ 138:2

အကျွန်ုပ်​သည် ကိုယ်တော်​၏​သန့်ရှင်း​သော ဗိမာန်တော်​သို့​မျက်နှာမူ​၍ ရှိခိုးကိုးကွယ်​ပါ​မည်​။ ကိုယ်တော်​၏​မေတ္တာကရုဏာ​တော်​နှင့်​သမ္မာတရား​အတွက် နာမ​တော်​ကို​ချီးမွမ်း​ပါ​မည်​။ အကြောင်းမူကား ကိုယ်တော်​သည် နာမ​တော်​နှင့်​ကတိ​တော်​တို့​ကို အရာခပ်သိမ်း​တို့​ထက် ချီးမြှောက်​တော်မူ​ပြီ​။

ဆာ​လံ 40:8

အကျွန်ုပ်​၏​ဘုရားသခင်​၊ ကိုယ်တော်​၏​အလို​တော်​ဆောင်ရွက်​ရ​သည်​ကို အကျွန်ုပ်​နှစ်သက်​ပါ​၏​။ ကိုယ်တော်​၏​တရားတော်​သည်​လည်း အကျွန်ုပ်​၏​စိတ်နှလုံး​ထဲ​၌​ရှိ​ပါ​၏​”​ဟု လျှောက်​၏​။

ဆာ​လံ 71:16

အကျွန်ုပ်​သည် ဘုရားရှင်​ထာဝရဘုရား​၏ အစွမ်းတန်ခိုး​တော်​များ​ဖြင့် သွား​၍ ကိုယ်တော်​၏​ဖြောင့်မတ်​ခြင်း​ကို​သာ ထုတ်ဖော်​ပြောဆို​ပါ​မည်​။

ဆာ​လံ 71:19

အို ဘုရားသခင်​၊ ကိုယ်တော်​၏​ဖြောင့်မတ်​ခြင်း​သည် အထက်ကောင်းကင်​တိုင်အောင်​ရောက်​ပါ​၏​။ ကြီးမြတ်​သော​အမှု​တို့​ကို​ပြု​တော်မူ​သော ဘုရားသခင်​၊ မည်သူ​သည် ကိုယ်တော်​နှင့်​တူ​ပါ​သနည်း​။

ဟေ​ရှာ​ယ 42:4

သူ​သည် အား​မ​လျော့​၊ စိတ်​မ​ပျက်​ဘဲ မြေကြီး​ပေါ်တွင် တရားမျှတမှု​ကို တည်​စေ​မည်​။ ကမ်းရိုးတန်းဒေသ​များ​သည် သူ​၏​တရားတော်​ကို မျှော်လင့်စောင့်စား​ကြ​လိမ့်မည်​။

ဟေ​ရှာ​ယ 51:4

ငါ​၏​လူ​တို့​၊ ငါ့​စကား​ကို​အာရုံစိုက်​နားထောင်​ကြ​လော့​။ ငါ​၏​လူမျိုး​တို့​၊ ငါ့​စကား​ကို​စူးစိုက်​နားထောင်​ကြ​လော့​။ ပညတ်တရား​သည် ငါ့​ထံ​မှ​ထွက်ပေါ်​လာ​မည်​။ ငါ​၏​တရားမျှတမှု​ကို လူ​တို့​အတွက်​အလင်း​ဖြစ်​စေ​မည်​။

မဿဲ 17:5

ထိုသို့ ပေတရု​လျှောက်ထား​စဉ် တောက်ပ​သော​မိုးတိမ်​သည် သူ​တို့​ကို​ဖုံးလွှမ်း​၍ မိုးတိမ်​ထဲမှ​အသံ​တော်​က “ဤ​သူ​ကား ငါ​၏​ချစ်​သား​ပေတည်း။ သူ့​ကို​ငါ​နှစ်သက်​၏။ သူ့​စကား​ကို နားထောင်​ကြ​လော့”​ဟု မိန့်​တော်မူ​၏။

မဿဲ 3:15

ယေရှု​က​လည်း“ယခု​အခါ​တွင် အခွင့်​ပေး​လော့။ အကြောင်းမူကား ငါ​တို့​သည် ဖြောင့်မတ်​ခြင်း​အလုံးစုံ​ကို ဤသို့​ပြည့်စုံ​စေ​သင့်​၏”​ဟု မိန့်​တော်မူ​၏။ ထိုအခါ ယောဟန်​သည် ကိုယ်တော်​ကို​အခွင့်​ပေး​လေ​၏။

မဿဲ 3:17

ကောင်းကင်​မှ​လည်း “ဤ​သူ​ကား ငါ​၏​ချစ်​သား​ပေတည်း။ သူ့​ကို​ငါ​နှစ်သက်​၏”​ဟု အသံ​တော်​ထွက်ပေါ်​လာ​၏။

ရှင်ယောဟန် 15:10

ငါ​သည် ငါ့​ခမည်းတော်​၏​ပညတ်​ချက်​များ​ကို စောင့်ထိန်း​၍ ခမည်းတော်​၏​ချစ်​ခြင်း​မေတ္တာ​တော်​၌ တည်​နေ​သကဲ့သို့ သင်​တို့​သည် ငါ​၏​ပညတ်​ချက်​များ​ကို​စောင့်ထိန်း​လျှင် ငါ​၏​ချစ်​ခြင်း​မေတ္တာ​၌ တည်​နေ​ကြ​လိမ့်မည်။

ရှင်ယောဟန် 8:29

ငါ့​ကို​စေလွှတ်​တော်မူ​သော​အရှင်​သည် ငါ​နှင့်အတူ​ရှိ​၍ ငါ​သည် ထို​အရှင်​နှစ်သက်​တော်မူ​သော​အမှုအရာ​တို့​ကို အစဉ်​ပြု​နေ​သောကြောင့် သူ​သည် ငါ့​ကို တစ်ကိုယ်တည်း​ပစ်ထား​တော်​မ​မူ”​ဟု မိန့်​တော်မူ​၏။

ရော​မ 10:4

ခရစ်တော်​သည် ယုံကြည်​သော​သူ​တိုင်း ဖြောင့်မတ်​ခြင်း​ကို​ရရှိ​ရန် ပညတ်​တရား​၏​အဆုံးသတ်​ရာ​ဖြစ်​တော်မူ​၏။

ရော​မ 3:31

သို့ဖြစ်လျှင် ငါ​တို့​သည် ယုံကြည်​ခြင်း​ကြောင့် ပညတ်​တရား​ကို ပယ်ဖျက်​ကြ​သလော။ လုံးဝ​မ​ပယ်ဖျက်​ကြ။ ပညတ်​တရား​ကို တည်မြဲ​တည်​စေ​ကြ​၏။

ရော​မ 7:12

ထို့ကြောင့် ပညတ်​တရား​သည် သန့်ရှင်း​၏။ ပညတ်​တော်​သည်​လည်း သန့်ရှင်း​ဖြောင့်မတ်​၍ ကောင်းမြတ်​၏။

ဂ​လာ​တိ 3:13

ခရစ်တော်​သည် ငါ​တို့​အတွက် ကျိန်​ခြင်း​ခံရ​သူ​ဖြစ်​ပြီး ငါ​တို့​ကို ပညတ်​တရား​၏​ကျိန်​ခြင်း​မှ ရွေးနုတ်​တော်မူ​၏။ အဘယ်ကြောင့်​ဆိုသော် “သစ်​တိုင်​ပေါ်၌​ဆွဲ​ထား​ခြင်း​ခံရ​သူ​တိုင်း ကျိန်​ခြင်း​ကို​ခံရ​သူ​ဖြစ်​၏”​ဟု ရေး​ထား​၏။

ဂ​လာ​တိ 3:21

သို့ဖြစ်လျှင် ပညတ်​တရား​သည် ဘုရားသခင်​၏​ကတိ​တော်​နှင့် ဆန့်ကျင်ဘက်​ဖြစ်​သလော။ လုံးဝ​မ​ဖြစ်​ပေ။ အကြောင်းမူကား ပေးအပ်​ထား​သော​ပညတ်​တရား​သည် အသက်ရှင်​စေ​နိုင်​သည်​ဆိုလျှင် ဖြောင့်မတ်​ခြင်း​ကို ထို​ပညတ်​တရား​အားဖြင့် အမှန်ပင်​ရရှိ​ခဲ့​ပေ​လိမ့်မည်။

တ​ရား​ဟော 4:6

လိုက်နာ​စောင့်ထိန်း​ကြ​လော့​။ သို့ပြုလျှင် ဤ​ပြဋ္ဌာန်းချက်​ရှိသမျှ​ကို​ကြားသိ​သော​လူမျိုး​ရှေ့​၌ သင်​တို့​သည်​ဉာဏ်ပညာ​ရှိ​သူ​၊ အမြော်အမြင်​ရှိ​သူ​ဟု ထင်ရှား​လိမ့်မည်​။ သူ​တို့​က​လည်း ‘​အကယ်စင်စစ် ဤ​လူမျိုး​သည် ပညာရှိ​သော​၊ အမြော်အမြင်​ရှိ​သော​လူမျိုး​ကြီး​ဖြစ်​၏​’​ဟု ဆို​ကြ​လိမ့်မည်​။

တ​ရား​ဟော 4:8

ယနေ့ သင်​တို့​ရှေ့မှောက်​၌ ငါ​ထား​သော ဤ​တရား​အလုံးစုံ​တို့​ကဲ့သို့ ဖြောင့်မှန်​သော ပြဋ္ဌာန်းချက်​၊ စီရင်ထုံးဖွဲ့ချက်​မျိုး မည်သည့်​လူမျိုး​ကြီး​၌​ရှိ​သနည်း​။

ဖိ​လိပ္ပိ 3:9

ဤသည်ကား ငါ​သည် ပညတ်​တရား​နှင့်ဆိုင်သော ငါ​၏​ဖြောင့်မတ်​ခြင်း​မ​ဟုတ်​ဘဲ ခရစ်တော်​ကို​ယုံကြည်​ခြင်း​အားဖြင့်​ရရှိ​သော​ဖြောင့်မတ်​ခြင်း​တည်းဟူသော ယုံကြည်​ခြင်း​အပေါ်၌​အခြေခံ​သည့် ဘုရားသခင်​၏​ဖြောင့်မတ်​ခြင်း​ကို​ရရှိ​၍ ခရစ်တော်​ကို​ရရှိ​ကာ ကိုယ်တော်​၌ တွေ့မြင်​ခြင်း​ခံရ​ရန်​အတွက်​ဖြစ်​၏။

ဟေ​ဗြဲ 8:10

ထာဝရ​ဘုရား​က “ထို​နေ့ရက်​များ​နောက်တွင် အစ္စရေး​အမျိုး​နှင့် ငါ​ပြု​မည့်​ပဋိညာဉ်​ကား ဤသို့​တည်း။ ငါ​သည် ငါ​၏​ပညတ်​တရား​တို့​ကို သူ​တို့​၏​အသိဉာဏ်​ထဲတွင် ထည့်သွင်း​၍ သူ​တို့​၏​စိတ်နှလုံး​ပေါ်မှာ ရေး​ထား​မည်။ ငါ​သည် သူ​တို့​၏​ဘုရား​ဖြစ်​ပြီး သူ​တို့​သည်​လည်း ငါ​၏​လူမျိုး​တော်​ဖြစ်​ကြ​လိမ့်မည်။