ဟေ​ရှာ​ယ 42:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သင်​သည် အမှုအရာ​များစွာ​ကို မြင်တွေ့​သော်လည်း အလေး​မ​ထား​။ နား​ပွင့်​နေ​သော်လည်း မ​ကြား​။

Common Language Bible

²⁰ အို ဣ​သ​ရေ​လ​အ​မျိုး​သား​တို့၊​သင်​တို့​သည် တွေ့​မြင်​ရ​မှု​များ​သော်​လည်း၊ ထို​အ​မှု​တို့​သည်​သင်​တို့​အ​တွက်​အ​ဘယ်​သို့ အ​ဋ္ဌိ​ပ္ပါယ်​ရှိ​သ​နည်း။ သင်​တို့​တွင်​ကြား​တတ်​သော​နား​များ​ရှိ​သော်​လည်း အ​ဘယ်​အ​ရာ​ကို​သင်​တို့​အ​မှန်​တ​ကယ် ကြား​ကြ​လေ​ပြီ​နည်း'' ဟု​မိန့်​တော်​မူ​၏။

Garrad Bible

²⁰ သင် သည် များ ပြား သော အ ခြင်း အ ရာ ကို မြင် လျက် ပင်၊ ဂ ရု မ ပြု တတ်။ နား ပွင့် လျက် ပင်၊ မ ကြား တတ်။

Judson Bible

²⁰ သင်​သည် များ​စွာ​မြင်​သော်​လည်း အာ​ရုံ​မ​ပြု​တတ်။ နား​ပွင့်​လျက်​ရှိ​သော်​လည်း မ​ကြား​တတ်။

ဟေ​ရှာ​ယ 42:20 ပူးပေါင်းရင်းမြစ်များ

ဆာ​လံ 107:43

မည်သူ​သည် ပညာရှိ​ဖြစ်​သနည်း​။ ထို​သူ​သည် ဤ​အမှုအရာ​တို့​ကို​မှတ်သားဆင်ခြင်​၍ ထာဝရဘုရား​၏​မေတ္တာကရုဏာ​တော်​ကို နားလည်​ပါစေ​။

ဟေ​ရှာ​ယ 1:3

နွား​သည် မိမိ​ပိုင်ရှင်​ကို​သိ​၏​။ မြည်း​သည်​လည်း သခင်​ကျွေး​သော​စားခွက်​ကို​သိ​၏​။ သို့သော် အစ္စရေး​လူမျိုး​သည် မ​သိ​။ ငါ​၏​လူမျိုး​တော်​သည် နား​မ​လည်​ပါတကား​”​ဟု မိန့်​တော်မူ​၏​။

ဟေ​ရှာ​ယ 58:2

သို့သော် ဖြောင့်မတ်​စွာ​ပြုကျင့်​၍ မိမိ​တို့​ဘုရားသခင်​၏​စီရင်ထုံးဖွဲ့ချက်​ကို မ​စွန့်ပယ်​သော​လူမျိုး​ကဲ့သို့ သူ​တို့​သည် နေ့တိုင်း ငါ့​ကို​ရှာ​၍ ငါ​၏​တရားလမ်း​တို့​ကို သိလို​ကြ​၏​။ ဖြောင့်မတ်​သော​စီရင်ထုံးဖွဲ့ချက်​ကို မေးမြန်း​ကြ​၏​။ ဘုရားသခင်​ထံ​တော်​သို့​ချဉ်းကပ်​ခြင်း​ကို နှစ်သက်​ကြ​၏​။

ဟေ​ရှာ​ယ 6:9

ကိုယ်တော်​က​လည်း “​ဤ​လူမျိုး​ထံ​သွား​၍ ‘​သင်​တို့​သည် ကြား​လျက်ပင် နား​မ​လည်​ဘဲ ကြား​ကြ​လိမ့်မည်​။ မြင်​လျက်ပင် သတိ​မ​မူ​ဘဲ မြင်​ကြ​လိမ့်မည်​’​ဟု ပြော​လော့​။

ယေ​ရ​မိ 6:10

သူ​တို့​သည် အကျွန်ုပ်​၏​စကား​ကို​နားထောင်​ကြ​မည့်​အကြောင်း မည်သူ့​ကို​ပြော​ရ​မည်နည်း​၊ မည်သူ့​ကို​သတိပေး​ရ​မည်နည်း​။ သူ​တို့​၏​နား​သည် အရေဖျားလှီး​ခြင်း​မ​ခံ​သော​နား​ဖြစ်၍ နား​မ​ထောင်​နိုင်​ကြ​။ ထာဝရဘုရား​၏​နှုတ်ကပတ်တော်​ကို မ​နှစ်သက်​၊ ပြက်ရယ်ပြု​ကြ​၏​။

ယေ​ဇ​ကျေ​လ 33:31

သူ​တို့​သည် ငါ့​လူမျိုး​တော်​ကဲ့သို့ သင့်​ထံ​လာ​၍ သင့်​ရှေ့​တွင်​ထိုင်​လျက် သင့်​စကား​ကို နားထောင်​ကြ​သော်လည်း မ​လိုက်နာ​ဘဲ​နေ​၏​။ သူ​တို့​၏​နှုတ်​သည် ချစ်​ဖွယ်​စကား​ကို ပြောဆို​ကြ​၏​။ သူ​တို့​၏​စိတ်​မူကား မတရား​သော​အကျိုး​စီးပွား​ကို စွဲလမ်း​ကြ​၏​။

ယေ​ဇ​ကျေ​လ 33:32

သင့်​စကား​သည် သူ​တို့​အတွက် ကျွမ်းကျင်​စွာ​တီးမှုတ်​၍ ချိုသာ​သော​အသံ​ဖြင့်​သီဆို​သော သာယာနာပျော်ဖွယ်​သီချင်း​နှင့်​တူ​၏​။ သူ​တို့​သည် သင့်​စကား​ကို နားထောင်​သော်လည်း မ​လိုက်နာ​ကြ​။

တော​လည် 14:22

အီဂျစ်​ပြည်​၌​လည်းကောင်း​၊ တောကန္တာရ​၌​လည်းကောင်း ငါ​ပြ​ခဲ့​သော​နိမိတ်လက္ခဏာ​များ​နှင့် ငါ​၏​ဘုန်းအသရေ​ကို လူ​အပေါင်း​တို့​သည် တွေ့မြင်​လျက်​နှင့် ငါ့​ကို​ဆယ်​ကြိမ်​တိုင်အောင်​အကဲစမ်း​၍ ငါ့​စကား​ကို နား​မ​ထောင်​ကြ​သောကြောင့်

မဿဲ 13:13

ဤ​အကြောင်း​ကြောင့် ငါ​သည် သူ​တို့​အား ပုံ​ဥပမာ​များ​ဖြင့်​မြွက်ဆို​ရ​၏။ အဘယ်ကြောင့်​ဆိုသော် သူ​တို့​သည် မြင်​လျက်​ပင်​မ​မြင်၊ ကြား​လျက်​ပင်​မ​ကြား၊ နား​လည်း​မ​လည်​ကြ​သောကြောင့်​ဖြစ်​၏။

ရော​မ 2:21

သူတစ်ပါး​ကို​သွန်သင်​လျက်​ပင် သင့်ကိုယ်သင်​မ​သွန်သင်​သလော။ မ​ခိုးယူ​ရ​ဟု​ဟောပြော​လျက်​ပင် သင်​ကိုယ်တိုင်​ခိုးယူ​ရ​သလော။

တ​ရား​ဟော 4:9

သင်​တို့​သတိပြု​ကြ​လော့​။ သင်​တို့​မျက်စိ​ဖြင့်​တွေ့မြင်​ခဲ့​ရ​သော​အမှုအရာ​များ​ကို သင်​တို့​မ​မေ့လျော့​စေရန်​နှင့် သင်​တို့​အသက်ရှင်​သမျှ​ကာလ​ပတ်လုံး သင်​တို့​စိတ်နှလုံး​လမ်း​မ​လွဲ​စေရန် သင်​တို့​၏​စိတ်​ကို​အထူး​စောင့်ထိန်း​လော့​။ သင်​တို့​၏​သား​မြေး​တို့​ကို​လည်း ပြောပြ​ကြ​လော့​။