ဟေ​ရှာ​ယ 33:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ထို​အရပ်​၌ တန်ခိုးကြီး​သော​ထာဝရဘုရား​သည် ငါ​တို့​အတွက် မြစ်ကြီး​၊ ချောင်း​ကြီး​များ ဖြစ်​တော်မူ​မည်​။ ထို​နေရာ​တွင် တက်​ခတ်​လှေ​လည်း မ​သွား​နိုင်​၊ သင်္ဘော​ကြီး​လည်း ဖြတ်​မ​ကူး​နိုင်​။

Common Language Bible

²¹ ထာ​ဝ​ရ​ဘု​ရား​သည်​မိ​မိ​၏​ဘုန်း​အ​သ​ရေ တော်​ကို ငါ​တို့​အား​ဖူး​မြင်​ခွင့်​ပေး​တော်​မူ လိမ့်​မည်။ ငါ​တို့​သည်​မြစ်​ကြီး​ချောင်း​ကြီး များ​အ​နီး​တွင်​နေ​ထိုင်​ရကြ​လိမ့်​မည်။ သို့ ရာ​တွင်​ထို​မြစ်​ကြီး​တို့​တွင်​ရန်​သူ​လှေ သင်္ဘော​များ​သွား​လာ​ရ​ကြ​လိမ့်​မည် မ​ဟုတ်။-

Garrad Bible

²¹ ထို မြို့ တွင် ဘုန်း ကြီး တော် မူ သော ထာ ဝ ရ ဘု ရား သည်၊ ငါ တို့ အ ဖို့ ကျယ် ဝန်း သော ကျုံး မြစ် အ စား ဖြစ် တော် မူ လျက်၊ ရဲ လှေ လှော် ကား၊ တင့် တယ် သော စစ် သင်္ဘော တစ် စင်း မျှ မ စုန် မ ဆန် ရ။

Judson Bible

²¹ ထို​မြို့​တွင် ဘုန်း​ကြီး​သော ထာ​ဝ​ရ​ဘု​ရား​သည် ငါ​တို့၌ ကျယ်​သော​မြစ်​များ ဆုံး​ရာ​အ​ရပ် ဖြစ်​တော်​မူ​လိမ့်​မည်။ ထို​အ​ရပ်၌ တက်​သော​ရဲ​လှေ၊ အား​ကြီး​သော သင်္ဘော​တစ်​စင်း​မျှ မ​လျှောက်​မ​သွား​ရ။

ဟေ​ရှာ​ယ 33:21 ပူးပေါင်းရင်းမြစ်များ

ဆာ​လံ 29:3

ထာဝရဘုရား​၏​အသံ​တော်​သည် ရေ​ပေါ်၌​ရှိ​တော်မူ​၏​။ ဘုန်းကြီး​သော​ဘုရား​သည် ထစ်ချုန်း​တော်မူ​၏​။ ထာဝရဘုရား​သည် များစွာ​သော​ရေ​ပေါ်၌​ရှိ​တော်မူ​၏​။

ဟေ​ရှာ​ယ 12:6

အို ဇိအုန်​မြို့သား​တို့​၊ ကြွေးကြော်​လော့​။ ရွှင်လန်း​စွာ​သီချင်းဆို​လော့​။ အကြောင်းမူကား သင်​တို့​တွင် အစ္စရေး​လူမျိုး​၏​သန့်ရှင်း​သော​အရှင်​သည် ကြီးမြတ်​တော်မူ​၏​”​ဟု ဆို​ကြ​လိမ့်မည်​။

ဟေ​ရှာ​ယ 33:17

သင့်​မျက်စိ​သည် တင့်တယ်​သော​ရှင်ဘုရင်​ကို တွေ့မြင်​ရ​မည်​။ အဝေး၌ရှိ​သော​ပြည်​ကို ရှုမြင်​ရ​မည်​။

ဟေ​ရှာ​ယ 41:18

ငါ​သည် တောင်ကတုံး​ပေါ်တွင် မြစ်​ကို​လည်းကောင်း​၊ ချိုင့်ဝှမ်း​အလယ်​တွင် စမ်းရေ​ကို​လည်းကောင်း စီးဆင်း​စေ​မည်​။ တောကန္တာရ​ကို ရေအိုင်​ဖြစ်စေ​၍ ခြောက်သွေ့​သော​အရပ်​ကို စမ်းရေတွင်း​ဖြစ်စေ​မည်​။

ဟေ​ရှာ​ယ 43:19

ကြည့်ရှု​လော့​။ အသစ်​သော​အရာ​ကို ငါ​ပြု​မည်​။ ယခု ထို​အရာ ဖြစ်လာ​ပြီ​။ သင်​တို့ မ​သိ​ကြ​သလော​။ အကယ်စင်စစ် တောကန္တာရ​၌ လမ်း​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ဖြစ်​စေ​မည်​။

ဟေ​ရှာ​ယ 43:20

ငါ​ရွေးချယ်​သော ငါ့​လူမျိုး​တို့​သောက်​ဖို့​ရန် တောကန္တာရ​၌​ရေ​များ​ကို​လည်းကောင်း​၊ သဲကန္တာရ​၌ မြစ်​တို့​ကို​လည်းကောင်း ငါ​ပေး​သောကြောင့် ခွေးအ​များ​၊ ငှက်ကုလားအုတ်​များ​နှင့် တောရိုင်းတိရစ္ဆာန်​တို့​သည် ငါ့​ကို ဂုဏ်ပြုချီးမွမ်း​ကြ​လိမ့်မည်​။

ဟေ​ရှာ​ယ 48:18

သင်​သည် ငါ​၏​ပညတ်ချက်​တို့​ကို အာရုံစိုက်​နားထောင်​ခဲ့​လျှင် သင်​၏​ကောင်းကျိုးချမ်းသာ​သည် မြစ်ရေ​ကဲ့သို့​ဖြစ်​မည်​။ သင်​၏​ဖြောင့်မတ်​ခြင်း​သည် ပင်လယ်​လှိုင်း​ကဲ့သို့​ဖြစ်​မည်​။

ဟေ​ရှာ​ယ 66:12

ထာဝရဘုရား​က “​ကြည့်ရှု​လော့​။ ငါ​သည် ငြိမ်းချမ်းမှု​ကို မြစ်ရေ​ကဲ့သို့​လည်းကောင်း​၊ လူမျိုးတကာ​တို့​၏​ဘုန်းအသရေ​ကို စီးဆင်း​သော​စမ်းချောင်း​ကဲ့သို့​လည်းကောင်း ဂျေရုဆလင်​မြို့​ထဲသို့ စီးဆင်း​စေ​မည်​။ သင်​တို့​ကို နို့တိုက်​မည်​၊ ခါးစောင်း​၌ ချီထား​မည်​၊ ကလေး​ကဲ့သို့ ဒူး​ပေါ်တွင်​မြှူ​မည်​။

ဇာ​ခ​ရိ 2:9

စင်စစ် သူ​တို့​အပေါ်​၌ ငါ့​လက်​ကို​ဝှေ့ယမ်း​မည်​။ သူ​တို့​သည် သူ​တို့​အစေအပါး​၏​လက်​၌ လုယက်ပစ္စည်း ဖြစ်​လိမ့်မည်​။ သို့မှ ကောင်းကင်​ဗိုလ်ခြေ​အရှင်​ထာဝရဘုရား​သည် ငါ့​ကို​စေလွှတ်​တော်မူ​ကြောင်း​ကို သင်​တို့​သိ​ရ​လိမ့်မည်​။

တော​လည် 23:21

ယာကုပ်​အမျိုး​၌ အမင်္ဂလာ​ကို​မ​မြင်​။ အစ္စရေး​လူမျိုး​၌ အခက်အခဲ​ပြဿနာ​ကို​မ​တွေ့​။ သူ​၏​ဘုရားသခင်​ထာဝရဘုရား​သည် သူ​နှင့်အတူ​ရှိ​တော်မူ​၏​။ သူ့​ထံ၌ ရှင်ဘုရင်​၏​ဝမ်းမြောက်​စွာ​ကြွေးကြော်သံ​ကို​ကြား​ရ​၏​။

တမန်တော်ဝတ္ထု 7:2

သတေဖန်​က “ညီအစ်ကို​တို့​နှင့်​အဖ​တို့၊ နားထောင်​ကြ​ပါ။ ငါ​တို့​အဖ​အာဗြဟံ​သည် ခါရန်​မြို့​၌​မ​နေထိုင်​မီ မက်ဆိုပိုတေးမီးယား​ပြည်​၌​ရှိ​စဉ် ဘုန်း​ကြီး​တော်မူ​သော​ဘုရားသခင်​သည် သူ့​အား​ထင်ရှား​လျက်

တ​ရား​ဟော 23:15

မိမိ​သခင်​ထံမှ​ထွက်ပြေး​၍ သင့်​ထံ လာရောက်ခိုလှုံ​သော​ကျွန်​ကို သူ့​သခင်​ထံ ပြန်​မ​အပ်​ရ​။