ဟေ​ရှာ​ယ 32:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ မိုးသီးကျ​၍ တောအုပ်​သည် ပြိုလဲ​သွား​မည်​။ မြို့​သည် မြေ​နှင့်​တစ်ညီတည်း​ပြိုကျပျက်စီးသွား​မည်​။

Common Language Bible

¹⁹ (သစ်​တော​များ​အ​ပေါ်​သို့​မိုး​သီး​များ​ကျ လိမ့်​မည်။ မြို့​သည်​လည်း​ပြို​ပျက်​၍​သွား​လိမ့် မည်။-)

Garrad Bible

¹⁹ သို့ ရာ တွင် မိုး သီး ကျ သ ဖြင့်၊ တော ပိတ် ပေါင်း ရှင်း လင်း၍၊ မြို့ လည်း ပြို ပျက် နှင့် လိမ့် မည်။

Judson Bible

¹⁹ သို့​ရာ​တွင်၊ မိုး​သီး​ကျ​သ​ဖြင့် တော​အုပ်​ကို​လှဲ၍၊ မြို့​ကို​လည်း မြေ​နှင့် တ​ညီ​တည်း ဖြို​ဖျက်​လိမ့်​မည်။

ဟေ​ရှာ​ယ 32:19 ပူးပေါင်းရင်းမြစ်များ

ဟေ​ရှာ​ယ 10:18

တော​၏​ဘုန်းအသရေ​နှင့် သီးနှံ​ဖြစ်ထွန်း​သော​မြေ​ကို အကာ​မှ​အနှစ်​တိုင်အောင် ဖျက်ဆီး​တော်မူ​မည်​။ ထို​ဘုရင်​သည် နေမကောင်း​သော​သူ​ကဲ့သို့ ချုံးကျ​သွား​မည်​။

ဟေ​ရှာ​ယ 10:19

ကလေးသူငယ်​ပင် စာရင်းမှတ်​နိုင်​လောက်အောင် တော​၌​သစ်ပင်​အနည်းငယ်​သာ​ကြွင်းကျန်​လိမ့်မည်​။

ဟေ​ရှာ​ယ 10:33

ကြည့်ရှု​လော့​။ ကောင်းကင်​ဗိုလ်ခြေ​အရှင်သခင်​ထာဝရဘုရား​သည် အကိုင်း​တို့​ကို ကြမ်းတမ်း​စွာ​ချိုင်​တော်မူ​မည်​။ မြင့်​သော​အပင်​တို့​ကို ခုတ်ဖြတ်​၍ ကြီးမား​သော​အပင်​တို့​ကို လှဲချ​တော်မူ​မည်​။

ဟေ​ရှာ​ယ 24:10

ဖရိုဖရဲ​ဖြစ်​နေ​သော​မြို့​သည် ပြိုပျက်​လေ​ပြီ​။ လူ​တို့​မ​ဝင်​နိုင်​အောင် အိမ်​တိုင်း​ပိတ်​ထား​ကြ​ပြီ​။

ဟေ​ရှာ​ယ 24:12

မြို့​ထဲ၌ လူသူကင်းမဲ့​ကျန်​ခဲ့​ပြီ​။ မြို့​တံခါး​သည်​လည်း ရိုက်ချိုး​ခံရ​၍ ပျက်စီး​လေ​ပြီ​။

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 25:4

အကြောင်းမူကား ကိုယ်တော်​သည် ဆင်းရဲသား​တို့​မှီခို​ရာ​၊ ဒုက္ခ​ရောက်​နေ​သော​နွမ်းပါး​သူ​တို့​မှီခို​ရာ​၊ မုန်တိုင်း​ထဲမှ ခိုလှုံ​ရာ​၊ အပူရှိန်​မှ​ကာကွယ်​ပေး​သော အရိပ်အာဝါသ ဖြစ်​တော်မူ​၏​။ ကြမ်းကြုတ်​သော​သူ​တို့​၏​ဒေါသ​သည် နံရံ​ကို​တိုက်ဖြို​သော​မုန်တိုင်း​ကဲ့သို့​ဖြစ်​၏​။

ဟေ​ရှာ​ယ 26:5

ကိုယ်တော်​သည် မြင့်ရာအရပ်​၌​နေ​သော​သူ​တို့​ကို နှိမ့်ချ​တော်မူ​၏​။ မြင့်မား​သော​မြို့​ကို နိမ့်ကျ​စေ​တော်မူ​၏​။ ထို​မြို့​ကို မြေကြီး​တိုင်အောင်​နိမ့်ကျ​စေ​တော်မူ​၏​။ မြေမှုန့်​တိုင်အောင်​ရောက်​စေ​တော်မူ​၏​။

ဟေ​ရှာ​ယ 27:10

ခိုင်ခံ့​သော​မြို့​သည် အထီးကျန်​၍ တောကန္တာရ​ကဲ့သို့ စွန့်ခွာ​သွား​ခြင်း​၊ စွန့်ပစ်​ထား​ခြင်း​ခံရ​သော​နေရာ​ဖြစ်​လိမ့်မည်​။ နွားသငယ်​သည် ထို​နေရာ​တွင် ကျက်စား​လိမ့်မည်​၊ လဲလျောင်း​လိမ့်မည်​။ ထို​နေရာ​ရှိ​အခက်အလက်​တို့​ကို အကုန်အစင်​စား​လိမ့်မည်​။

ဟေ​ရှာ​ယ 28:17

ငါ​သည် တရားမျှတမှု​ကို မျဉ်းကြိုး​ဖြစ်​စေ​မည်​။ ဖြောင့်မတ်​ခြင်း​ကို မှန်ထုပ်​ဖြစ်စေ​မည်​။ မိုးသီး​သည် လိမ်လည်မှု​တို့​ခိုလှုံ​ရာ​အရပ်​ကို ဖယ်ရှား​မည်​။ ရေ​သည် ပုန်းခို​ရာ​အရပ်​ကို​လွှမ်းမိုး​မည်​။

ဟေ​ရှာ​ယ 28:2

ကြည့်ရှု​လော့​။ ဘုရားရှင်​၌ တန်ခိုး​ခွန်အားကြီး​သော​သူ​ရှိ​၏​။ ထို​သူ​သည် မိုးသီး​မုန်တိုင်း​၊ ဖျက်ဆီး​တတ်​သော လေပြင်းမုန်တိုင်း​၊ ရေလွှမ်းမိုး​စေ​သည့် ပြင်းထန်​သော​မိုးသက်မုန်တိုင်း​ကဲ့သို့ သေသောက်ကြူးသူ​ဧဖရိမ်​အမျိုး​တို့​၏​မာန​သရဖူ​ကို မိမိ​လက်​ဖြင့် မြေကြီး​ပေါ်သို့​ပစ်ချ​မည်​။

ဟေ​ရှာ​ယ 29:4

သင်​သည် နိမ့်ကျ​၍ မြေကြီး​ထဲမှ စကားပြော​လိမ့်မည်​။ သင့်​စကားသံ​သည် မြေမှုန့်​ထဲမှ မပွင့်တပွင့်​ထွက်ပေါ်​လာ​မည်​။ သင့်​အသံ​သည် တစ္ဆေ​၏​အသံ​ကဲ့သို့ မြေကြီး​ထဲမှ ထွက်ပေါ်​လာ​မည်​။ သင့်​စကားသံ​သည် မြေမှုန့်​ထဲမှ တိုးတိုး​သာ​ထွက်ပေါ်​လာ​မည်​။

ဟေ​ရှာ​ယ 30:30

ထာဝရဘုရား​သည် မိမိ​၏​ဘုန်းကြီး​သော​အသံ​ကို ကြား​စေ​တော်မူ​မည်​။ ပြင်းထန်​သော​အမျက်​တော်​၊ တောက်လောင်​နေ​သော​မီးတောက်​မီးလျှံ​နှင့်တကွ သည်းထန်​သော​မိုး​၊ မုန်တိုင်း​၊ မိုးသီး​တို့​ဖြင့် လက်ရုံး​တော်​ကြွဆင်း​လာ​သည်​ကို မြင်​စေ​တော်မူ​မည်​။

ဟေ​ရှာ​ယ 37:24

သင်​သည် သင့်​မင်းမှုထမ်း​တို့​အားဖြင့် ဘုရားရှင်​ကို​ကဲ့ရဲ့ပြစ်တင်​လျက် ငါ​၏​စစ်ရထား​များစွာ​ဖြင့် လက်ဘနွန်​တောင်​ထိပ်​အစွန်အဖျား​သို့ ငါ​တက်​ခဲ့​ပြီ​။ ထို​တောင်​ပေါ်ရှိ မြင့်မား​သော​သစ်ကတိုးပင်​၊ အကောင်းဆုံး​ထင်းရှူးပင်​တို့​ကို ငါ​ခုတ်လှဲ​ခဲ့​ပြီ​။ တောနက်ကြီး​၏​အစွန်အဖျား​သို့​လည်း ငါ​ရောက်​ခဲ့​ပြီ​။

နာ​ဟုံ 1:1

နိနေဝေ​မြို့​နှင့်ဆိုင်သော​ဗျာဒိတ်​တော်​၊ ဧလကောရှ​ရွာသား​နာဟုံ​ခံရ​သော​ဗျာဒိတ်နိမိတ်​ဆိုင်ရာ​မှတ်တမ်း​ကား ဤသို့​တည်း​။

နာ​ဟုံ 1:8

သို့သော် နိနေဝေ​မြို့​ကို ရေလွှမ်းမိုး​သုတ်သင်ဖျက်ဆီး​တော်မူ​မည်​။ မိမိ​ရန်သူ​တို့​၏​နောက်​သို့ အမှောင်ထု​ကြီး​လိုက်​စေ​မည်​။

ဇာ​ခ​ရိ 11:2

အို ထင်းရှူးပင်​၊ ညည်းတွား​လော့​။ အကြောင်းမူကား သစ်ကတိုးပင် လဲကျ​၍ ကျက်သရေဆောင်​သစ်ပင်​တို့ ပျက်စီး​ကုန်​ပြီ​။ အို ဗာရှန်​ဝက်သစ်ချပင်​တို့​၊ ညည်းတွား​ကြ​လော့​။ အကြောင်းမူကား ထူထပ်​သော​သစ်တော​ကြီး ပြုန်းတီး​သွား​လေ​ပြီ​။

မဿဲ 7:25

မိုး​ရွာ​၍ မြစ်​ရေ​စီးဆင်း​လာ​ကာ လေ​ထန်​သဖြင့် ထို​အိမ်​ကို​တိုက်ခတ်​သော်လည်း ကျောက်​ပေါ်၌​အုတ်မြစ်​ချ​ထား​သောကြောင့် ထို​အိမ်​သည် မ​ပြိုလဲ​ပေ။

ဗျာ​ဒိတ် 18:21

ထို့နောက် ခွန်အား​ကြီး​သော​ကောင်းကင်​တမန်​တစ်​ပါး​သည် ကြီးမား​သည့်​ကြိတ်ဆုံ​ကဲ့သို့သော​ကျောက်တုံး​တစ်​တုံး​ကို​ချီယူ​၍ ပင်လယ်​ထဲသို့​ပစ်ချ​ကာ “ဘေဘီလုံ​မြို့​ကြီး​သည် ဤကဲ့သို့ ကြမ်းတမ်း​စွာ​ပစ်ချ​ခြင်း​ကို​ခံရ​၍ လုံးဝ​တွေ့​ရ​တော့​မည်​မ​ဟုတ်။

ဗျာ​ဒိတ် 8:7

ပထမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ သွေး​နှင့်​ရောနှော​သော မိုးသီး​နှင့်​မီး​တို့​ဖြစ်ပေါ်​လာ​၍ မြေကြီး​ပေါ်သို့​ပစ်ချ​ခြင်း​ခံရ​၏။ ထိုအခါ မြေကြီး​၏​သုံးပုံတစ်ပုံ​သည် လောင်ကျွမ်း​၍ သစ်ပင်​များ​၏​သုံးပုံတစ်ပုံ​နှင့် စိမ်းလန်း​သော​မြက်​ပင်​ရှိသမျှ​တို့​သည်​လည်း လောင်ကျွမ်း​သွား​၏။