ဟေ​ရှာ​ယ 30:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ အကယ်စင်စစ် အဆီးရီးယား​ပြည်​သည် ထာဝရဘုရား​၏​အသံ​တော်​ကြောင့် ကြောက်လန့်​ကြ​လိမ့်မည်​။ ကိုယ်တော်​သည် သူ​တို့​ကို ကြိမ်လုံး​တော်​ဖြင့် ဒဏ်ခတ်​တော်မူ​မည်​။

Common Language Bible

³¹ အာ​ရှု​ရိ​အ​မျိုး​သား​တို့​သည်​ဘု​ရား​သ​ခင် ၏​အ​သံ​တော်​ကို​ကြား​သော​အ​ခါ ကြောက် လန့်​တုန်​လှုပ်​လျက်​ကိုယ်​တော်​ပေး​အပ်​တော် မူ​သော​အ​ပြစ်​ဒဏ်​အ​ဟုန်​ကို​ခံ​စား​ရ​ကြ လိမ့်​မည်။-

Garrad Bible

³¹ အာ ရှု ရိ လူ မျိုး သည် ထို အ သံ တော် ကို ထောက်၍၊ လှံ တံ ဖြင့် ထာ ဝ ရ ဘု ရား ဒဏ် ခတ် တော် မူ သည့် ကာ လ၊ စိတ် လျော့ ကြောက် လန့် ကြ လိမ့် မည်။

Judson Bible

³¹ သို့​ဖြစ်၍၊ အာ​ရှု​ရိ​လူ​သည် ထာ​ဝ​ရ​ဘု​ရား၏​အ​သံ​တော်​အား​ဖြင့် လှဲ​ချ​ခြင်း၊ လှံ​တံ​တော်​အား​ဖြင့် ဒဏ်​ခတ်​ခြင်း​ကို ခံ​ရ​လိမ့်​မည်။

ဟေ​ရှာ​ယ 30:31 ပူးပေါင်းရင်းမြစ်များ

ဆာ​လံ 125:5

မိမိ​တို့​၏​ကောက်ကျစ်​သော​လမ်း​များ​ဘက်​သို့ လှည့်သွား​သော​သူ​တို့​ကို​ကား ထာဝရဘုရား​သည် အပြစ်ဒုစရိုက်​ပြု​သော​သူ​တို့​နှင့်အတူ နှင်ထုတ်​တော်မူ​လိမ့်မည်​။ အစ္စရေး​လူမျိုး​၌ ငြိမ်သက်​ခြင်း​ရှိ​ပါစေသော​။

ဟေ​ရှာ​ယ 10:12

ဘုရားရှင်​သည် ဇိအုန်​တောင်​နှင့်​ဂျေရုဆလင်​မြို့​၌ ပြု​ရ​မည့်​အမှု​ရှိသမျှ​ကို ပြု​ပြီး​သောအခါ စိတ်နှလုံး​ခက်ထန်​သော​၊ မျက်နှာ​ထောင်လွှား​သော အဆီးရီးယား​ဘုရင်​ကို အပြစ်ဒဏ်​ပေး​မည်​။

ဟေ​ရှာ​ယ 10:15

ပုဆိန်​သည် သူ့​ကို​ကိုင်​သော​သူ​ထက် မိမိကိုယ်မိမိ​အမွှမ်းတင်​မည်လော​။ လွှ​သည် သူ့​ကို​အသုံးပြု​သော​သူ​ထက် မိမိကိုယ်မိမိ​ချီးမြှောက်​မည်လော​။ ကြိမ်လုံး​က ကိုင်မြှောက်​သော​သူ​ကို ပြန်​၍​လွှဲယမ်း​သကဲ့သို့​၊ တောင်ဝှေး​က သစ်သား​မ​ဟုတ်​သော​လူ​ကို ပြန်​၍​ကိုင်မြှောက်​သကဲ့သို့ ဖြစ်​ပါ​သည်​တကား​။

ဟေ​ရှာ​ယ 10:24

ထို့ကြောင့် ကောင်းကင်​ဗိုလ်ခြေ​အရှင်သခင်​ထာဝရဘုရား​က “​ဇိအုန်​မြို့​နေ​ငါ့​လူမျိုး​တော်​တို့​၊ အီဂျစ်​လူမျိုး​ပြု​သကဲ့သို့ သင့်​ကို ကြိမ်လုံး​နှင့်​ရိုက်နှက်​၍ သင့်​အပေါ်​တုတ်​မြှောက်​ထား​သော အဆီးရီးယား​လူမျိုး​ကို​မ​ကြောက်​နှင့်​။

ဟေ​ရှာ​ယ 10:26

ကောင်းကင်​ဗိုလ်ခြေ​အရှင်​ထာဝရဘုရား​သည် မိဒျန်​လူမျိုး​တို့​ကို ဩရဘ​ကျောက်​နား၌​ဒဏ်ခတ်​သကဲ့သို့ သူ​တို့​ကို ကျာပွတ်​နှင့်​ရိုက်​တော်မူ​မည်​။ အီဂျစ်​လူမျိုး​ကို​ပြု​သကဲ့သို့ ပင်လယ်​ပေါ်တွင် တောင်ဝှေး​တော်​ကို မြှောက်​ထား​တော်မူ​မည်​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 11:4

ဆင်းရဲ​သော​သူ​တို့​ကို ဖြောင့်မတ်​စွာ​တရားစီရင်​မည်​။ နိမ့်ကျ​သော​မြေကြီးသား​တို့​အတွက် တရားမျှတ​စွာ​ဆုံးဖြတ်​မည်​။ မြေကြီး​ကို သူ​၏​နှုတ်​ကြိမ်လုံး​ဖြင့် ရိုက်နှက်​၍ ဆိုးယုတ်​သော​သူ​တို့​ကို နှုတ်ထွက်​လေ​ဖြင့် ကွပ်မျက်​မည်​။

ဟေ​ရှာ​ယ 14:25

အဆီးရီးယား​လူမျိုး​ကို ငါ့​ပြည်​တွင် ချိုးဖဲ့​မည်​။ ငါ့​တောင်​များ​ပေါ်တွင် ငါ​နင်းချေ​မည်​။ သူ​၏​ထမ်းပိုး​ကို အစ္စရေး​လူမျိုး​တို့​အပေါ်​မှ ဖယ်ရှား​မည်​။ သူ​၏​ဝန်​ကို အစ္စရေး​လူမျိုး​တို့​၏​ပခုံး​ပေါ်​မှ​ဖယ်ရှား​မည်​”​ဟု ကျိန်ဆို​တော်မူ​၏​။

ဟေ​ရှာ​ယ 27:7

သူ့​ကို​ရိုက်နှက်​သော​သူ​အား ကိုယ်တော်​ဒဏ်ခတ်​တော်မူ​သကဲ့သို့ သူ့​ကို​ဒဏ်ခတ်​တော်မူ​သလော​။ သူ့​ကို​သတ်​သော​သူ​တို့ အသတ်​ခံရ​သကဲ့သို့ သူ​အသတ်​ခံရ​သလော​။

ဟေ​ရှာ​ယ 30:30

ထာဝရဘုရား​သည် မိမိ​၏​ဘုန်းကြီး​သော​အသံ​ကို ကြား​စေ​တော်မူ​မည်​။ ပြင်းထန်​သော​အမျက်​တော်​၊ တောက်လောင်​နေ​သော​မီးတောက်​မီးလျှံ​နှင့်တကွ သည်းထန်​သော​မိုး​၊ မုန်တိုင်း​၊ မိုးသီး​တို့​ဖြင့် လက်ရုံး​တော်​ကြွဆင်း​လာ​သည်​ကို မြင်​စေ​တော်မူ​မည်​။

ဟေ​ရှာ​ယ 31:8

“​အဆီးရီးယား​သည် လူ့​ဓား​မ​ဟုတ်​သော​ဓား​ဖြင့် ကျဆုံး​လိမ့်မည်​။ လူ့​ဓား​မ​ဟုတ်​သော​ဓား​သည် သူ့​ကို​ဝါးမျို​မည်​။ သူ​သည် ဓားဘေး​မှ​ထွက်ပြေး​ရ​မည်​။ သူ​၏​လူပျို​တို့​သည် အခိုင်းအစေ​ဖြစ်​ကြ​ရ​မည်​။

ဟေ​ရှာ​ယ 9:4

အကြောင်းမူကား ကိုယ်တော်​သည် မိဒျန်​လူမျိုး​လက်​မှ​ကယ်တင်​ခဲ့​စဉ်က ပြု​သကဲ့သို့ သူ​ထမ်း​ရ​သော​ထမ်းပိုး​၊ သူ့​ကျော​ကို​ရိုက်​သော​တုတ်​၊ သူ့​ကို​ညှဉ်းဆဲ​သော​ကြိမ်လုံး​တို့​ကို ချိုး​တော်မူ​ပြီ​။