ဟေ​ရှာ​ယ 29:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ စကား​အားဖြင့် လူ​ကို​အပြစ်ပြု​စေ​သော​သူ​၊ မြို့​တံခါးဝ​တွင် အဆုံးအဖြတ်​ပေး​သူ​ကို​ထောင်ချောက်​ဆင်​သော​သူ​၊ ဖြောင့်မတ်​သော​သူ​ကို အကြောင်းမဲ့​ဘေးဖယ်​သူ အပေါင်း​တို့​သည် ဖယ်ရှား​ခြင်း​ခံရ​မည်​။

Common Language Bible

²¹ ဘု​ရား​သ​ခင်​သည်​သူ​တစ်​ပါး​တို့​ကို အ​သ​ရေ​ဖျက်​သူ​များ၊ ရာ​ဇ​ဝတ်​သင့်​သူ တို့​ကို​အ​ပြစ်​ဒဏ်​နှင့်​ကင်း​လွတ်​အောင်​ဆောင် ရွက်​ကြ​သူ​များ​နှင့်​ရိုး​ဖြောင့်​သူ​တို့​တ​ရား မျှ​တ​စွာ​စီ​ရင်​ဆုံး​ဖြတ်​ခြင်း​မ​ခံ​ရ​စေ ရန်​လိမ်​လည်​၍ သက်​သေ​ခံ​သော​သူ​တို့ အား​သုတ်​သင်​ဖျက်​ဆီး​တော်​မူ​လိမ့်​မည်။

Judson Bible

²¹ တ​ရား​တွေ့၍ ဆင်း​ရဲ​သား​ကို အ​ပြစ်​ရောက်​စေ​သော​သူ၊ မြို့​တံ​ခါး​ဝ​မှာ အ​မှု​သည်​ကို ကျော့​မိ​စေ​ခြင်း​ငှာ ပြု​သော​သူ၊ အ​ပြစ်​မ​ရှိ​သော​သူ​ကို မ​တ​ရား​သ​ဖြင့် ရှုံး​စေ​သော​သူ​အ​ပေါင်း​တို့​ကို သုတ်​သင်​ပယ်​ရှင်း​ရ၏။

ဟေ​ရှာ​ယ 29:21 ပူးပေါင်းရင်းမြစ်များ

ဆာ​လံ 127:5

မိမိ​၏​မြားကျည်တောက်​ကို ထို​မြား​တို့​နှင့်​ပြည့်​စေ​သော​သူ​သည် မင်္ဂလာ​ရှိ​၏​။ သူ​သည် တံခါးဝ​၌ ရန်သူ​များ​နှင့်​ရင်ဆိုင်​ပြောဆို​သောအခါ အရှက်ကွဲ​ရ​လိမ့်မည်​မ​ဟုတ်​။

သုတ္တံကျမ်း။ 28:21

မျက်နှာလိုက်​ခြင်း​သည် မ​ကောင်း​ပေ​။ သို့သော် လူ​သည် မုန့်​တစ်လုတ်စာ​အတွက် အပြစ်ကျူးလွန်​တတ်​၏​။

ဟေ​ရှာ​ယ 10:1

ဆင်းရဲ​သော​သူ​တို့​၏​အမှု​ကို ရှောင်လွှဲ​ဖို့​၊ အဖိနှိပ်​ခံရ​သော ငါ​၏​လူမျိုး​တော်​၏​အခွင့်အရေး​ကို ပိတ်ပင်​ဖို့​၊ မုဆိုးမ​တို့​ကို သားကောင်​ဖြစ်စေ​ဖို့​၊ မိဘမဲ့​တို့​၏​ဥစ္စာ​ကို​လုယူ​ဖို့ မတရား​သော​ဥပဒေ​ကို ပြဋ္ဌာန်း​သော​သူ​နှင့် ကြပ်တည်း​သော​စည်းမျဉ်း​ကို​ရေးဆွဲ​သော​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 32:7

လူလိမ်လူကောက်​၏​လက်နက်​ကား မကောင်းမှု​ဖြစ်​၏​။ ဆင်းရဲသား​ပြော​သော​စကား မှန်ကန်​ခဲ့​လျှင်ပင် ဆင်းရဲသား​တို့​ကို မုသား​စကား​ဖြင့် ဖျက်ဆီး​ရန် ဆိုးညစ်​သော​အမှု​ကို ကြံစည်​တတ်​၏​။

ဟေ​ရှာ​ယ 5:20

အဆိုး​ကို အကောင်း​၊ အကောင်း​ကို အဆိုး​ဟု ဆို​တတ်​သော​သူ​၊ အလင်း​ကို အမှောင်​၊ အမှောင်​ကို အလင်း ဖြစ်စေ​သော​သူ​၊ အခါး​ကို အချို​၊ အချို​ကို အခါး ဖြစ်စေ​သော​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 5:23

ထို​သူ​တို့​သည် တံစိုးလက်ဆောင်​ကြောင့် ဆိုးယုတ်​သော​သူ​ကို ဖြောင့်မတ်​သည်​ဟု​စီရင်​၍ ဖြောင့်မတ်​သော​သူ​တို့​၏​ဖြောင့်မတ်​ခြင်း​ကို ဖယ်ရှား​တတ်​ကြ​၏​။

ဟေ​ရှာ​ယ 59:15

သစ္စာ​သည် ပျောက်ဆုံး​သွား​လေ​ပြီ​။ မကောင်းမှု​ကို ရှောင်ကြဉ်​သော​သူ​သည် လုယက်​ခြင်း​ခံရ​ပါ​သည်​တကား​။ ထို​အမှု​ကို ထာဝရဘုရား​မြင်​တော်မူ​၍ တရားမျှတမှု​မ​ရှိ​သောကြောင့် နှစ်မြို့​တော်​မ​မူ​။

ယေ​ရ​မိ 18:18

လူ​တို့​က “​လာ​ကြ​၊ ယေရမိ​ကို လုပ်ကြံ​ကြ​စို့​။ အကြောင်းမူကား ယဇ်ပုရောဟိတ်​ထံမှ​လာ​သော တရားတော်​၊ ပညာရှိ​ထံမှ​လာ​သော အကြံဉာဏ်​၊ ပရောဖက်​ထံမှ​လာ​သော နှုတ်ကပတ်တော်​သည် ငါ​တို့​၌ ပျောက်ပျက်​မည်​မ​ဟုတ်​။ လာ​ကြ​၊ သူ့​ကို အပြစ်ရှာ​ကြ​စို့​။ သူ့​စကား​ကို နား​မ​ထောင်​ဘဲ​နေ​ကြ​စို့​”​ဟု ဆို​ကြ​၏​။

ယေ​ရ​မိ 36:29

သင်​သည် ယုဒ​ဘုရင်​ယောယကိမ်​အား ‘သင်​က ထို​စာလိပ်​ပေါ်တွင် ဘေဘီလုံ​ဘုရင်​အမှန်​လာ​၍ ဤ​ပြည်​ကို​ဖျက်ဆီး​မည်​။ ဤ​ပြည်​ရှိ လူ​နှင့်​တိရစ္ဆာန်​တို့​ကို ဖယ်ရှား​ပစ်​မည်​ဟူ၍ အဘယ်ကြောင့် ရေးမှတ်​သနည်း​ဟု ဆို​လျက် စာလိပ်​ကို သင်​မီးရှို့​လေ​ပြီ​’​ဟူ၍ ထာဝရဘုရား​မိန့်​တော်မူ​၏​”​ဟု ဆင့်ဆို​ရ​မည်​။

ယေ​ဇ​ကျေ​လ 13:19

သင်​တို့​သည် မုယောဆန်​လက်တစ်ဆုပ်စာ​၊ မုန့်​တစ်လုတ်စာ​ရရှိ​ရန် ငါ့​လူမျိုး​တော်​အလယ်​တွင် ငါ့​ကို​ရှုတ်ချ​ကြ​ပြီ​။ အလိမ်အညာ​စကား​ကို​ယုံလွယ်​သော ငါ့​လူမျိုး​တော်​တို့​ကို လိမ်ညာ​ပြီး မသေသင့်​သူ​ကို သေ​အောင်​၊ သေသင့်​သူ​ကို မသေ​အောင် လုပ်​ကြ​ပြီ​တကား​ဟု မိန့်​တော်မူ​၏​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မဿဲ 22:15

ထိုအခါ ဖာရိရှဲ​တို့​သည် ထွက်သွား​၍ ကိုယ်တော်​ကို နှုတ်​တော်​ထွက်​စကား​ဖြင့် အကွက်ဆင်​ဖမ်း​နိုင်​ရန် တိုင်ပင်​ဆွေးနွေး​ကြ​၏။

မဿဲ 26:15

“ယေရှု​ကို သင်​တို့​လက်​သို့​အပ်နှံ​လျှင် သင်​တို့​သည် အကျွန်ုပ်​အား ငွေ​မည်မျှ​ပေး​မည်နည်း”​ဟု ဆို​သော် သူ​တို့​သည် ယုဒ​အား ငွေဒင်္ဂါး​သုံးဆယ်​ကို သတ်မှတ်​ပေး​ကြ​၏။

တမန်တော်ဝတ္ထု 3:14

သင်​တို့​သည် သန့်ရှင်း​၍​ဖြောင့်မတ်​သော​အရှင်​ကို​ငြင်းပယ်​ပြီး သင်​တို့​အတွက် လူသတ်သမား​ကို​လွှတ်​ပေး​ရန် တောင်းဆို​ကြ​ကာ

ယာ​ကုပ် 5:6

သင်​တို့​သည် ဖြောင့်မတ်​သော​သူ​ကို အပြစ်​ရှိ​သည်​ဟု​သတ်မှတ်​၍ သတ်​ကြ​ပြီ။ သူ​သည် သင်​တို့​ကို ဆန့်ကျင်​ခြင်း​မ​ပြု​ချေ။

သူ​ကြီး 12:6

သူ​တို့​က “​ရှိဗောလက်​”​ဟု ဆို​ခိုင်း​သည်​ကို ထို​သူ​က အသံထွက်​မ​မှန်​ဘဲ “​သိဗောလက်​”​ဟု အသံထွက်​မိ​လျှင် သူ့​ကို​ဖမ်း​၍ ဂျော်ဒန်​မြစ်ရေတိမ်ပိုင်း​၌ပင် သတ်​ပစ်​၏​။ ထိုစဉ်က ဧဖရိမ်​အမျိုးသား​တို့ လေးသောင်း​နှစ်ထောင် ကျဆုံး​လေ​၏​။