ဟေ​ရှာ​ယ 26:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ကိုယ်တော်​သည် လူမျိုး​တော်​ကို တိုးပွား​စေ​တော်မူ​ပြီ​။ အို ထာဝရဘုရား​၊ ကိုယ်တော်​သည် လူမျိုး​တော်​ကို တိုးပွား​စေ​ခြင်း​ဖြင့် ဘုန်း​တော်​ကို​ထင်ရှား​စေ​တော်မူ​ပြီ​။ ပြည်​တော်​၏​နယ်နိမိတ်​အားလုံး​ကို ပို၍​ကျယ်ဝန်း​စေ​တော်မူ​ပြီ​။

Common Language Bible

¹⁵ အို ထာ​ဝ​ရ​ဘု​ရား​ကိုယ်​တော်​ရှင်​သည် ကျွန်​တော်​မျိုး​တို့​၏​နိုင်ငံ​ကို​ကြီး​ပွား​တိုး​တက် စေ​တော်​မူ​ပါ​ပြီ။ ကြီး​ပွား​တိုး​တက်​စေ​တော်​မူ​ပါ​ပြီ။ ယင်း​၏​နယ်​ပယ်​တို့​လည်း​လေး​ဘက်​လေး​တန် ပို​မို​ကျယ်​ဝန်း​စေ​တော်​မူ​ပါ​ပြီ။ ဤ​သို့​ပြု​တော်​မူ​သ​ဖြင့်​ကိုယ်​တော်​ရှင်​တွင် ဂုဏ်​အ​သ​ရေ​ရှိ​ပါ​၏။

Garrad Bible

¹⁵ အို ထာ ဝ ရ ဘု ရား၊ ကိုယ် တော် သည်၊ ဘုန်း တော် ထင် ရှား လျက်၊ လူ မျိုး တော် ကို များ ပြား စွာ ကြီး ပွား စေ ၍၊ ပြည် တော်၌ နယ် ရှိ သ မျှ ကျယ် ဝန်း စေ တော် မူ ခဲ့ ပြီ။

Judson Bible

¹⁵ အို​ထာ​ဝ​ရ​ဘု​ရား၊ အ​ကျွန်ုပ်​တို့​အ​မျိုး​ကို တိုး​ပွား​စေ​တော်​မူ​ပြီ။ အ​ကျွန်ုပ်​တို့​အ​မျိုး​ကို တိုး​ပွား​စေ​သ​ဖြင့်၊ ဘုန်း​ကြီး​တော်​မူ၏။ ပြည်​တော်​ကို ပတ်​ဝန်း​ကျင်၌ ကျယ်​စေ​တော်​မူ​ပြီ။

ဟေ​ရှာ​ယ 26:15 ပူးပေါင်းရင်းမြစ်များ

ကမ္ဘာ​ဦး 12:2

ငါ​သည် သင့်​ကို ကြီးမြတ်​သော​လူမျိုး​ဖြစ်​စေ​မည်​။ သင့်​ကို ငါ​ကောင်းချီးပေး​၍ သင်​၏​အမည်နာမ​ကို ကြီးမြတ်​စေ​သဖြင့် သင်​သည် ကောင်းချီးမင်္ဂလာ​ဖြစ်​လိမ့်မည်​။

ကမ္ဘာ​ဦး 13:16

ငါ​သည် သင်​၏​သားစဉ်မြေးဆက်​ကို မြေမှုန့်​ကဲ့သို့​များပြား​စေ​မည်​။ သို့ဖြစ်၍ တစ်စုံတစ်ယောက်​သည် မြေမှုန့်​ကို​ရေတွက်​နိုင်​လျှင် သင်​၏​သားစဉ်မြေးဆက်​ကို​လည်း ရေတွက်​နိုင်​လိမ့်မည်​။

၃ ရာ 8:46

မ​ပြစ်မှား​ဘဲ​နေနိုင်သူ တစ်ယောက်​မျှ​မ​ရှိ​သည်​ဖြစ်​၍ သူ​တို့​သည် ကိုယ်တော့်​ကို ပြစ်မှား​မိ​လျှင် ကိုယ်တော်​သည် သူ​တို့​ကို အမျက်ထွက်​၍ ရန်သူ​လက်​သို့ အပ်လိုက်​သဖြင့် ရပ်နီး​ရပ်ဝေး​ရှိ​ရန်သူ​တို့​၏​ပြည်​သို့ သူ​တို့​ကို ဖမ်းဆီး​ခေါ်ဆောင်​သွား​ပြီး

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

၄ ရာ 23:27

ထို့ကြောင့် ထာဝရဘုရား​က “​အစ္စရေး​လူမျိုး​ကို ငါ​ဖယ်ရှား​ပစ်​သကဲ့သို့ ယုဒ​လူမျိုး​ကို​လည်း ငါ့​ရှေ့​မှ​ဖယ်ရှား​ပစ်​မည်​။ ငါ​ရွေးချယ်​ခဲ့​သော​ဂျေရုဆလင်​မြို့​နှင့် ‘ထို​နေရာ​၌​ငါ့​နာမ​ကို​တည်​စေ​မည်’​ဟု ငါ​ဆို​ခဲ့​သော​အိမ်​တော်​ကို ငါ​စွန့်ပစ်​မည်​”​ဟု မိန့်​တော်မူ​၏​။

နေ​ဟ​မိ 9:23

သူ​တို့​၏​သားမြေး​များ​ကို မိုးကောင်းကင်​ကြယ်​ကဲ့သို့ များပြား​စေ​တော်မူ​၏​။ ဘိုးဘေး​တို့​ဝင်ရောက်​ပိုင်ဆိုင်​ရန် ကိုယ်တော်​မိန့်မှာ​သည့်​ပြည်​သို့ သူ​တို့​ကို​ပို့ဆောင်​တော်မူ​၏​။

ယောဘဝတ္တု။ 12:23

တိုင်းနိုင်ငံ​တို့​ကို အားကြီး​စေ​ပြီးမှ ဖျက်ဆီး​ပစ်​တော်မူ​၏​။ တိုင်းနိုင်ငံ​တို့​ကို ကျယ်ပြန့်​စေ​ပြီးမှ ကွဲလွင့်​စေ​တော်မူ​၏​။

ဟေ​ရှာ​ယ 10:22

အို အစ္စရေး​၊ သင်​၏​လူမျိုး​သည် ပင်လယ်​သဲပွင့်​နှင့်အမျှ​များ​သော်လည်း အကြွင်းအကျန်​သာ ပြန်လာ​ကြ​လိမ့်မည်​။ သုတ်သင်ဖျက်ဆီး​ခြင်း​ကို စီရင်​တော်မူ​ပြီ​။ ဖြောင့်မတ်​ခြင်း လွှမ်းမိုး​လေ​ပြီ​။

ဟေ​ရှာ​ယ 33:17

သင့်​မျက်စိ​သည် တင့်တယ်​သော​ရှင်ဘုရင်​ကို တွေ့မြင်​ရ​မည်​။ အဝေး၌ရှိ​သော​ပြည်​ကို ရှုမြင်​ရ​မည်​။

ဟေ​ရှာ​ယ 40:5

ထာဝရဘုရား​၏​ဘုန်းအသရေ​တော်​သည် ထင်ရှား​တော်မူ​မည်​။ လူ​အပေါင်း​တို့​သည် အတူတကွ​ဖူးမြင်​ရ​ကြ​လိမ့်မည်​။ အကယ်စင်စစ် ထာဝရဘုရား​၏​နှုတ်​တော်​မှ မိန့်​တော်မူ​ပြီ​”​ဟူ၍​ဖြစ်​၏​။

ဟေ​ရှာ​ယ 44:23

အို မိုးကောင်းကင်​၊ ထိုသို့ ထာဝရဘုရား ပြု​တော်မူ​ပြီ​ဖြစ်၍ ရွှင်လန်း​စွာ​သီချင်းဆို​လော့​။ မြေကြီး​၏​နက်ရှိုင်း​သော​အရပ်​တို့​၊ ဝမ်းမြောက်​စွာ​ကြွေးကြော်​ကြ​လော့​။ အို တောင်​တို့​၊ ဟစ်ကြော်​ကြ​လော့​။ တော​နှင့်တကွ သစ်ပင်​အပေါင်း​တို့​၊ သီချင်းဆို​ကြ​လော့​။ အကြောင်းမူကား ထာဝရဘုရား​သည် ယာကုပ်​အမျိုး​ကို ရွေးနုတ်​တော်မူ​ပြီ​။ အစ္စရေး​လူမျိုး​၌ ဘုန်းထင်ရှား​တော်မူ​ပြီ​။

ဟေ​ရှာ​ယ 6:12

ထာဝရဘုရား​သည် လူ​တို့​ကို​ဝေး​ရာ​သို့ နှင်ထုတ်​တော်မူ​၍ ပြည်​ထဲ​၌ စွန့်ခွာ​ထား​သော​နေရာ​များ​သာ​ကျန်ရှိ​သည့်​တိုင်အောင် ဖြစ်​၏​။

ဟေ​ရှာ​ယ 60:21

သင်​၏​လူ​အပေါင်း​တို့​သည် ဖြောင့်မတ်​ကြ​လိမ့်မည်​။ ပြည်​တော်​ကို အစဉ်အမြဲ​ပိုင်ဆိုင်​ကြ​ရ​လိမ့်မည်​။ ငါ​စိုက်​သော​အကိုင်း​၊ ငါ့​လက်​ဖြင့်​ပြု​သော​အရာ​ဖြစ်၍ ငါ​၏​ဘုန်း​ကို​ထင်ရှား​စေ​ကြ​လိမ့်မည်​။

ဟေ​ရှာ​ယ 9:3

ကိုယ်တော်​သည် လူမျိုး​တော်​ကို​တိုးပွား​စေ​၍ သူ​တို့​ကို အလွန်​ဝမ်းမြောက်​စေ​တော်မူ​ပြီ​။ သူ​တို့​သည် သီးနှံ​ရိတ်သိမ်း​ချိန်​၌ ဝမ်းမြောက်​သကဲ့သို့​၊ လုယက်ပစ္စည်း​ခွဲဝေ​ချိန်​၌ ရွှင်လန်း​သကဲ့သို့ ကိုယ်တော်​၏​ရှေ့မှောက်​တွင် ဝမ်းမြောက်​ကြ​ပါ​ပြီ​။

ယေ​ရ​မိ 30:19

သူ​တို့​ထံမှ ချီးမွမ်း​ခြင်း​သီချင်း​နှင့် ပျော်မြူး​သော​အသံ​ထွက်ပေါ်​လာ​မည်​။ သူ​တို့​ကို ငါ​တိုးပွား​စေ​မည်​၊ လျော့နည်း​စေ​မည်​မ​ဟုတ်​။ သူ​တို့​ကို ငါ​ဂုဏ်ပြု​မည်​၊ အထင်သေး​ခြင်း ခံရ​စေ​မည်​မ​ဟုတ်​။

ယေ​ရ​မိ 32:37

‘ကြည့်ရှု​လော့​။ ငါ​သည် ပြင်းစွာ​သော​အမျက်ဒေါသ​ဖြင့် သူ​တို့​ကို​နှင်ထုတ်​ခဲ့​ရာ​အရပ်ရပ်​တို့​မှ ပြန်လည်​စုဝေး​စေ​ပြီး ဤ​အရပ်​သို့ ပြန်လာ​စေ​မည်​။ ဘေးကင်းလုံခြုံ​စွာ​နေထိုင်​စေ​မည်​။

ယေ​ဇ​ကျေ​လ 36:24

‘ငါ​သည် သင်​တို့​ကို လူမျိုးတကာ​တို့​ထံမှ ထုတ်ဆောင်​လာ​မည်​။ အရပ်ရပ်​တို့​မှ ပြန်လည်​စုစည်း​၍ နေရင်းပြည်​သို့ ပြန်​ပို့ဆောင်​မည်​။

ယေ​ဇ​ကျေ​လ 5:12

လူ​သုံးပုံတစ်ပုံ​သည် ကပ်ရောဂါ​ဘေး​၊ ငတ်မွတ်ခေါင်းပါး​ခြင်း​ဘေး​ဖြင့် သင်​တို့​အလယ်​တွင် သေကျေ​ပျက်စီး​ကြ​မည်​။ ကျန်​သုံးပုံတစ်ပုံ​သည် ဓားဘေး​ဖြင့် သင်​တို့​ပတ်ပတ်လည်​တွင်​ကျဆုံး​ကြ​မည်​။ ကျန်​သုံးပုံတစ်ပုံ​သည် လေနှင်ရာ​အရပ်ရပ်​သို့ ကွဲလွင့်​သွား​မည်​။ ငါ​သည် ဓား​ကို​ထုတ်​၍ သူ​တို့​နောက်​ကို​လိုက်​မည်’​ဟု မိန့်​တော်မူ​၏​။

တော​လည် 23:10

ယာကုပ်​အမျိုး​မြေမှုန့်​ကို မည်သူ​ရေတွက်​နိုင်​မည်နည်း​။ အစ္စရေး​လူမျိုး​၏​လေးပုံတစ်ပုံ​ကို မည်သူ​ရေတွက်​နိုင်​မည်နည်း​။ ဖြောင့်မှန်​သော​သူ​တို့​သေ​သကဲ့သို့ ငါ​သေ​ပါရစေ​။ ငါ​၏​နိဂုံး​သည်​လည်း သူ​၏​နိဂုံး​ကဲ့သို့​ဖြစ်​ပါစေ​”​ဟု ဆို​လေ​၏​။

လုကာ 21:24

သူ​တို့​သည် ဓား​ဘေး​ဖြင့်​ကျဆုံး​၍ အခြား​သော​ပြည်​အရပ်ရပ်​သို့ ဖမ်းဆီး​ခေါ်ဆောင်​သွား​ခြင်း​ခံရ​ကြ​လိမ့်မည်။ လူမျိုးခြား​တို့​သည်​လည်း မိမိ​တို့​အချိန်အခါ​များ​ပြည့်စုံ​သည်​အထိ ဂျေရုဆလင်​မြို့​ကို နင်းချေ​ကြ​လိမ့်မည်။

ရှင်ယောဟန် 15:8

သင်​တို့​သည် များစွာ​သော​အသီး​ကို​သီး​လျက် ငါ​၏​တပည့်​များ​ဖြစ်​ခြင်း​အားဖြင့် ငါ့​ခမည်းတော်​သည် ဘုန်း​ထင်ရှား​တော်မူ​၏။

ရှင်ယောဟန် 17:1

ယေရှု​သည် ဤ​အရာ​များ​ကို​မိန့်​တော်မူ​ပြီးနောက် ကောင်းကင်​သို့​မျှော်ကြည့်​လျက်“အို အဖ၊ အချိန်​ရောက်​ပါ​ပြီ။ သား​တော်​သည် ကိုယ်တော်​၏​ဘုန်း​တော်​ကို​ထင်ရှား​စေ​နိုင်​ရန် သား​တော်​၏​ဘုန်း​ကို​ထင်ရှား​စေ​တော်မူ​ပါ။

တ​ရား​ဟော 10:22

သင်​၏​ဘိုးဘေး​တို့​သည် အီဂျစ်​ပြည်​သို့​ဆင်းသွား​သောအခါ အယောက်​ခုနစ်ဆယ်​သာ​ရှိ​၏​။ ယခုမှာ သင်​၏​ဘုရားသခင်​ထာဝရဘုရား​သည် သင့်​ကို ကောင်းကင်​ကြယ်​နှင့်အမျှ များပြား​စေ​တော်မူ​ပြီ​။

တ​ရား​ဟော 28:25

ထာဝရဘုရား​သည် သင့်​ရန်သူ​တို့​ရှေ့​၌ သင့်​ကို​ရှုံးနိမ့်​စေ​တော်မူ​မည်​။ သင်​သည် လမ်း​တစ်လမ်းတည်း​ဖြင့် သူ​တို့​ထံသို့​လာ​သော်လည်း သူ​တို့​ထံ​မှ လမ်း​ခုနစ်​လမ်း​ဖြင့် ထွက်ပြေး​ရ​မည်​။ မြေကြီး​ပေါ်​ရှိ​တိုင်းနိုင်ငံ​အားလုံး​အတွက် သင်​သည် ထိတ်လန့်စရာ​ဖြစ်​မည်​။

တ​ရား​ဟော 28:64

ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။