ဟေ​ရှာ​ယ 24:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ထို​နေ့ရက်​၌ ထာဝရဘုရား​သည် ကောင်းကင်​ဗိုလ်ခြေ​တို့​ကို ကောင်းကင်​၌​လည်းကောင်း​၊ မြေကြီး​ဘုရင်​တို့​ကို မြေကြီး​ပေါ်၌​လည်းကောင်း ဒဏ်ခတ်​တော်မူ​မည်​။

Common Language Bible

²¹ မိုး​ကောင်း​ကင်​ကို​အ​စိုး​ရ​သည့်​နတ်​များ နှင့်​လော​ကီ​ဘု​ရင်​တို့​အား ထာ​ဝ​ရ​ဘု​ရား အ​ပြစ်​ဒဏ်​ခတ်​တော်​မူ​မည့်​အ​ချိန်​ကာ​လ ကျ​ရောက်​လာ​လိမ့်​မည်။-

Garrad Bible

²¹ ထို ကာ လ ထာ ဝ ရ ဘု ရား သည်၊ ဘ ဝဂ် ရှိ ဗိုလ် ခြေ တို့ ကို ဘ ဝဂ်၌လည်း‌ ကောင်း၊ မြေ ကြီး ရှိ ဘု ရင် တို့ ကို မြေ ကြီး ၌ လည်း‌ ကောင်း၊ အ စီ အ ရင် ကြွ လာ တော် မူ သ ဖြင့်၊

Judson Bible

²¹ ထို​ကာ​လ၌ ထာ​ဝ​ရ​ဘု​ရား​သည်၊ မြင့်​သော​အ​ရပ်၌ မြင့်​သော​အ​လုံး​အ​ရင်း​ကို​လည်း​ကောင်း၊ မြေ​ပေါ်​မှာ​မြေ​ကြီး ရှင်​ဘု​ရင်​တို့​ကို​လည်း​ကောင်း ကြည့်​ရှု​စစ်​ကြော​တော်​မူ​လိမ့်​မည်။

ဟေ​ရှာ​ယ 24:21 ပူးပေါင်းရင်းမြစ်များ

ဆာ​လံ 76:12

ကိုယ်တော်​သည် အုပ်ချုပ်သူမင်း​တို့​၏​စိတ်​ကို နှိမ့်ချ​တော်မူ​၏​။ ကမ္ဘာမြေကြီး​ပေါ်ရှိ ရှင်ဘုရင်​တို့​အတွက် ကြောက်ရွံ့ဖွယ်​ဖြစ်​တော်မူ​၏​။

ဟေ​ရှာ​ယ 10:12

ဘုရားရှင်​သည် ဇိအုန်​တောင်​နှင့်​ဂျေရုဆလင်​မြို့​၌ ပြု​ရ​မည့်​အမှု​ရှိသမျှ​ကို ပြု​ပြီး​သောအခါ စိတ်နှလုံး​ခက်ထန်​သော​၊ မျက်နှာ​ထောင်လွှား​သော အဆီးရီးယား​ဘုရင်​ကို အပြစ်ဒဏ်​ပေး​မည်​။

ဟေ​ရှာ​ယ 13:11

ဆိုးညစ်​သော​ကမ္ဘာကြီး​၊ ဆိုးယုတ်​သော​ဒုစရိုက်သမား​တို့​ကို ငါ​ဒဏ်ခတ်​မည်​။ မာနထောင်လွှား​သော​သူ​တို့​၏​မာန​ကို ငါ​ချုပ်ငြိမ်း​စေ​မည်​။ ကြမ်းကြုတ်​သော​သူ​တို့​၏​မာန​ကို ငါ​ချိုး​ပစ်​မည်​။

ဟေ​ရှာ​ယ 2:12

အကယ်စင်စစ် ကောင်းကင်​ဗိုလ်ခြေ​အရှင်​ထာဝရဘုရား​၌ နေ့ရက်​တစ်​ရက်​ရှိ​၏​။ ထို​နေ့ရက်​၌ မောက်မာ​ထောင်လွှား​သော​သူ​၊ ကိုယ့်ကိုယ်ကိုယ်​ချီးမြှောက်​သော​သူ​အပေါင်း​တို့​၏​မာန်စွယ်​ကို ချိုး​တော်မူ​မည်​။

ဟေ​ရှာ​ယ 24:4

ကမ္ဘာမြေကြီး​သည် ငိုကြွေးမြည်တမ်း​၍ ညှိုးနွမ်း​၏​။ ကမ္ဘာလောက​သည် အားလျော့​ချည့်နဲ့​၏​။ ဂုဏ်မြင့်​သူမြေကြီးသား​တို့​သည် အားလျော့​ကြ​၏​။

ဟေ​ရှာ​ယ 60:11

လူမျိုးတကာ​တို့​၏​ဥစ္စာပစ္စည်း​ကို သင့်​ထံသို့​ယူဆောင်​လာ​နိုင်​မည့်​အကြောင်း​၊ သူ​တို့​၏​ရှင်ဘုရင်​များ​ကို သင့်​ထံသို့​ခေါ်ဆောင်​လာ​နိုင်​မည့်​အကြောင်း သင်​၏​တံခါး​တို့​ကို ပိတ်​မ​ထား​ရ​၊ နေ့နေ့ညည​အစဉ်​ဖွင့်​ထား​ရ​မည်​။

ယေ​ဇ​ကျေ​လ 39:1

အချင်း​လူသား​၊ ဂေါဂ​မင်းကြီး​ကို​ဆန့်ကျင်​၍ ပရောဖက်ပြု​လော့​။ ဘုရားရှင်​ထာဝရဘုရား​က ‘အို မေရှက်​ပြည်​၊ တုဗလ​ပြည်​တို့​၏​အကြီးအကဲ​ခေါင်းဆောင် ဂေါဂ​မင်းကြီး​၊ သင့်​ကို ငါ​စီရင်​မည်​။

ယေ​ဇ​ကျေ​လ 39:5

ငါ​မိန့်ဆို​ထား​သည့်​အတိုင်း သင်​သည် ကွင်းပြင်​တွင် လဲကျ​သေဆုံး​ရ​လိမ့်မည်’​ဟု မိန့်​တော်မူ​၏​။

ယော​လ 3:19

ယုဒ​လူမျိုး​တို့​ကို ညှဉ်းပန်းနှိပ်စက်​၍ သူ​တို့​၏​ပြည်​တွင် အပြစ်မဲ့​သော​သူ​တို့​ကို သတ်ဖြတ်​ကြ​သောကြောင့် အီဂျစ်​ပြည်​သည် လူသူကင်းမဲ့​ရာ​ဖြစ်​လိမ့်မည်​။ ဧဒုံ​ပြည်​သည် လူသူကင်းမဲ့​သော​တောကန္တာရ​ဖြစ်​လိမ့်မည်​။

ဇေဖနိ 1:8

“ထာဝရဘုရား​၏​ယဇ်ပူဇော်​ရာ​နေ့​၌ မှူးမတ်​များ​၊ ဘုရင့်​သား​တော်​များ​နှင့် တစ်ပါးအမျိုးသား​ဝတ်စုံ​ဝတ်ဆင်​သော​သူ​များ​ကို ငါ​ဒဏ်ခတ်​မည်​။

ဗျာ​ဒိတ် 17:14

သူ​တို့​သည် သိုးသငယ်​တော်​နှင့်​စစ်တိုက်​ကြ​လိမ့်မည်။ သို့သော် သိုးသငယ်​တော်​သည် သူ​တို့​ကို​အနိုင်ရ​တော်မူ​လိမ့်မည်။ အကြောင်းမူကား ကိုယ်တော်​သည် အရှင်​တကာ​တို့​၏​အရှင်၊ ဘုရင်​တကာ​တို့​၏​ဘုရင်​ဖြစ်​တော်မူ​၏။ ကိုယ်တော်​နှင့်အတူ​ရှိ​သော​သူ​များ​သည်​လည်း ခေါ်ယူ​တော်မူ​ခြင်း​ခံရ​သော​သူ၊ ရွေးကောက်​ခံရ​သော​သူ​နှင့် သစ္စာ​ရှိ​သော​သူ​များ​ဖြစ်​ကြ​၏”​ဟု ဆို​၏။

ဗျာ​ဒိတ် 18:9

သူ​နှင့်အတူ​တရားနှင့်မညီ​မေထုန်​ပြု​ကြ​ပြီး စည်းစိမ်​ခံစား​ခဲ့​ကြ​သော ကမ္ဘာ​မြေကြီး​၏​ရှင်ဘုရင်​တို့​သည် သူ့​ကို​လောင်ကျွမ်း​သည့်​မီးခိုး​ကို မြင်​ကြ​သောအခါ သူ့​အတွက် ရင်ဘတ်​စည်တီး​လျက်​ငိုကြွေး​ကြ​လိမ့်မည်။