ဟေ​ရှာ​ယ 19:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထို​နေ့ရက်​၌ အစ္စရေး​ပြည်​သည် အီဂျစ်​ပြည်​၊ အဆီးရီးယား​ပြည်​တို့​နှင့်အတူ တတိယ​မြောက်​ပြည်​အဖြစ်​ပူးပေါင်း​၍ ကမ္ဘာမြေကြီး​အလယ်​၌ ကောင်းချီးမင်္ဂလာ​ဖြစ်​လိမ့်မည်​။

Common Language Bible

²⁴ ထို​အ​ချိန်​ကာ​လ​ကျ​ရောက်​လာ​သော​အ​ခါ ဣ​သ​ရေ​လ​ပြည်​သည်​အီ​ဂျစ်​ပြည်၊ အာ​ရှု​ရိ ပြည်​နှင့်​ရင်​ဘောင်​တန်း​လျက်​နေ​လိမ့်​မည်။ ထို နိုင်​ငံ​သုံး​ခု​သည်​ကမ္ဘာ​တစ်​ဝှမ်း​လုံး​အ​တွက် ကောင်း​ကျိုး​ချမ်း​သာ​ကို​ဖြစ်​ပွား​စေ​လိမ့်​မည်။-

Garrad Bible

^24-25 ထို ကာ လ၊ ဗိုလ် ခြေ တို့ အ ရှင် ထာ ဝ ရ ဘု ရား က၊ လူ မျိုး တော် အိ ဂျစ်၊ လက် ဖြစ် တော် အာ ရှု ရိ၊ အ ပိုင် တော် ဣ သ ရေ လ လူ မျိုး တို့ ၌၊ မင်္ဂ လာ ရှိ ကြ စေ သ တည်း ဟု ကောင်း ကြီး ပေး တော် မူ သည့် အ လျောက်၊ ဣ သ ရေ လ၊ အိ ဂျစ်၊ အာ ရှု ရိ လူ သုံး မျိုး တို့ သည်၊ မြေ ပ ထ ဝီ ဗ ဟို တွင် မင်္ဂ လာ အ ရင်း ခံ ဖြစ် ကြ လိမ့် သ တည်း။

Judson Bible

²⁴ ထို​ကာ​လ၌ ဣ​သ​ရေ​လ​အ​မျိုး​သည် အဲ​ဂု​တ္တု​အ​မျိုး​နှင့်​လည်း​ကောင်း၊ အာ​ရှု​ရိ​အ​မျိုး​နှင့်​လည်း​ကောင်း​ပေါင်း၍၊ တ​တိ​ယ​အ​မျိုး​တည်း​ဟူ​သော မြေ​ကြီး​အ​လယ်၌ မင်္ဂ​လာ​ပြု​သော​အ​မျိုး​ဖြစ်​လိမ့်​မည်။

ဟေ​ရှာ​ယ 19:24 ပူးပေါင်းရင်းမြစ်များ

ကမ္ဘာ​ဦး 12:2

ငါ​သည် သင့်​ကို ကြီးမြတ်​သော​လူမျိုး​ဖြစ်​စေ​မည်​။ သင့်​ကို ငါ​ကောင်းချီးပေး​၍ သင်​၏​အမည်နာမ​ကို ကြီးမြတ်​စေ​သဖြင့် သင်​သည် ကောင်းချီးမင်္ဂလာ​ဖြစ်​လိမ့်မည်​။

ဟေ​ရှာ​ယ 19:23

ထို​နေ့ရက်​၌ အီဂျစ်​ပြည်​မှ အဆီးရီးယား​ပြည်​သို့ လမ်းမကြီး​ပေါက်​လိမ့်မည်​။ အဆီးရီးယား​ပြည်သား​တို့​သည် အီဂျစ်​ပြည်​သို့​လည်းကောင်း​၊ အီဂျစ်​ပြည်သား​တို့​သည် အဆီးရီးယား​ပြည်​သို့​လည်းကောင်း သွားလာ​ကြ​လိမ့်မည်​။ အီဂျစ်​ပြည်သား​တို့​သည် အဆီးရီးယား​ပြည်သား​တို့​နှင့်အတူ ဝတ်ပြု​ကြ​လိမ့်မည်​။

ဟေ​ရှာ​ယ 19:25

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​၏​လူ​ဖြစ်​သော​အီဂျစ်​လူမျိုး​၊ ငါ့​လက်​ဖြင့်​ပုံဖော်ဖန်ဆင်း​ထား​သူ​ဖြစ်​သော​အဆီးရီးယား​လူမျိုး​၊ ငါ့​အမွေဥစ္စာ​ဖြစ်​သော​အစ္စရေး​လူမျိုး​တို့​၌ မင်္ဂလာရှိ​ကြ​စေ​သတည်း​”​ဟု သူ​တို့​ကို ကောင်းချီးပေး​တော်မူ​မည်​။

ဟေ​ရှာ​ယ 27:13

ထို​နေ့ရက်​၌ တံပိုး​ကြီး​ကို​မှုတ်​လိမ့်မည်​။ အဆီးရီးယား​ပြည်​၌​ပျောက်ဆုံး​သော​သူ​၊ အီဂျစ်​ပြည်​သို့​နှင်ထုတ်​ခြင်း​ခံရ​သော​သူ​တို့​သည် ဂျေရုဆလင်​မြို့​၊ သန့်ရှင်း​သော​တောင်​ပေါ်သို့​လာ​၍ ထာဝရဘုရား​ကို ရှိခိုးကိုးကွယ်​ကြ​လိမ့်မည်​။

ဟေ​ရှာ​ယ 49:22

ဘုရားရှင်​ထာဝရဘုရား​က “​ကြည့်ရှု​လော့​။ ငါ​သည် တိုင်းနိုင်ငံ​တို့​ကို လက်​မြှောက်ပြ​မည်​။ လူမျိုးတကာ​တို့​ကို အချက်ပြအလံ ထူပြ​မည်​။ သူ​တို့​သည် သင်​၏​သား​တို့​ကို လက်​ထဲ၌​ပွေ့ချီ​လာ​မည်​။ သင်​၏​သမီး​တို့​ကို ပခုံး​ပေါ်၌ ထမ်းလာ​ကြ​မည်​။

ဟေ​ရှာ​ယ 49:6

ကိုယ်တော်​က “​ယာကုပ်​အမျိုး​ကို ပြန်လည်ထူထောင်​ရန်​၊ အသက်ရှင်​ကျန်ရစ်​သော​အစ္စရေး​လူမျိုး​တို့​ကို ပြန်ခေါ်ဆောင်​လာ​ရန် သင့်​ကို ငါ့​အစေအပါး​ဖြစ်စေ​ခြင်း​သည် အသေးအဖွဲ​မျှသာ​ဖြစ်​သေး​၏​။ မြေကြီး​စွန်း​တိုင်အောင် ငါ​၏​ကယ်တင်​ခြင်း​ရောက်ရှိ​စေရန် ငါ​သည် သင့်​ကို​လူမျိုးတကာ​တို့​အဖို့ အလင်း​ဖြစ်စေ​ဦး​မည်​”​ဟု မိန့်​တော်မူ​၏​။

ဟေ​ရှာ​ယ 6:13

သပိတ်ပင်​နှင့်​ဝက်သစ်ချပင်​တို့​သည် ခုတ်လှဲ​ခြင်း​ခံရ​၍ အငုတ်​သာ​ကျန်​သကဲ့သို့ ဆယ်ပုံတစ်ပုံ​သာ​ကြွင်းကျန်​သော​ထို​ပြည်​သည် ထပ်၍​ဝါးမျို​ဖျက်ဆီး​ခြင်း​ခံရ​လိမ့်မည်​။ သန့်ရှင်း​သော​အမျိုးအနွယ်​သည် အငုတ်​ဖြစ်​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 65:22

သူ​တို့​ဆောက်​သော​အိမ်​၌ အခြားသူ နေ​ရ​မည်​မ​ဟုတ်​။ သူ​တို့​စိုက်​သော​စပျစ်သီး​ကို​လည်း အခြားသူ​စား​ရ​မည်​မ​ဟုတ်​။ ငါ့​လူ​တို့​၏​သက်တမ်း​သည် သစ်ပင်​၏​သက်တမ်း​တမျှ ရှည်​မည်​။ ငါ​ရွေးချယ်​သော​သူ​တို့​သည် သူ​တို့​လက်​ဖြင့်​လုပ်ဆောင်​သော​အရာ​ကို ရေရှည်အကျိုး​ခံစား​ရ​မည်​။

ဟေ​ရှာ​ယ 65:8

ထာဝရဘုရား​က “​စပျစ်ဝိုင်​အသစ်​ထွက်​နိုင်​သေး​သော စပျစ်ခိုင်​ကို တွေ့ရှိ​သောအခါ ‘​မ​ဖျက်ဆီး​နှင့်​၊ ကောင်းချီးမင်္ဂလာ​ရှိ​သည်​’​ဟု လူ​တို့​ပြောဆို​တတ်​၏​။ ငါ​သည်​လည်း ငါ့​အစေအပါး​တို့​ကို​ထောက်၍ ထို့အတူ​ပြု​မည်​။ ငါ​သည် အကုန်အစင်​မ​ဖျက်ဆီး​။

ဟေ​ရှာ​ယ 66:12

ထာဝရဘုရား​က “​ကြည့်ရှု​လော့​။ ငါ​သည် ငြိမ်းချမ်းမှု​ကို မြစ်ရေ​ကဲ့သို့​လည်းကောင်း​၊ လူမျိုးတကာ​တို့​၏​ဘုန်းအသရေ​ကို စီးဆင်း​သော​စမ်းချောင်း​ကဲ့သို့​လည်းကောင်း ဂျေရုဆလင်​မြို့​ထဲသို့ စီးဆင်း​စေ​မည်​။ သင်​တို့​ကို နို့တိုက်​မည်​၊ ခါးစောင်း​၌ ချီထား​မည်​၊ ကလေး​ကဲ့သို့ ဒူး​ပေါ်တွင်​မြှူ​မည်​။

ယေ​ဇ​ကျေ​လ 34:26

သူ​တို့​နှင့်တကွ သူ​တို့​ကျက်စား​ရာ​ငါ့​တောင်​ပတ်ပတ်လည်​ကို ကောင်းချီးမင်္ဂလာ​ချပေး​မည်​။ ရာသီ​အလိုက် မိုး​ရွာသွန်း​စေ​မည်​။ ကောင်းချီးမိုး​ကို ရွာသွန်း​စေ​မည်​။

ဇာ​ခ​ရိ 8:13

အို ယုဒ​အမျိုးအနွယ်​နှင့် အစ္စရေး​အမျိုးအနွယ်​တို့​၊ သင်​တို့​သည် လူမျိုးခြား​တို့​အလယ်​တွင် ကျိန်ဆဲစရာ​ဖြစ်​ခဲ့​သော်လည်း သင်​တို့​ကို ငါ​ကယ်တင်​မည်​။ ကောင်းချီး​ပေး​မည်​။ မ​ကြောက်​ကြ​နှင့်​။ သင်​တို့​လက်​ကို ခိုင်ခံ့​စေ​လော့’​ဟု မိန့်​တော်မူ​၏​။

ရော​မ 15:27

သူ​တို့​သည် စေတနာ​စိတ်​ရှိ​ကြ​သည်​မှန်​သကဲ့သို့ ထို​သူ​တို့​အပေါ် အကြွေး​တင်​သူ​များ​လည်း​ဖြစ်​ကြ​၏။ အကြောင်းမူကား လူမျိုးခြား​တို့​သည် ထို​သူ​တို့​၏​ဝိညာဉ်ရေး​နှင့်ဆိုင်သော​အရာ​များ​ကို မျှဝေ​ခံယူ​ရ​ကြ​သည်​ဆို​လျှင် ရုပ်ဝတ္ထု​နှင့်ဆိုင်သော​အရာ​များ​အားဖြင့် သူ​တို့​၏​အမှု​ကို ဆောင်ရွက်​ပေး​သင့်​၏။

ဂ​လာ​တိ 3:14

ထိုသို့ ငါ​တို့​ကို​ရွေးနုတ်​တော်မူ​ခြင်း​မှာ အာဗြဟံ​ခံစား​ရ​သော​ကောင်းချီး​မင်္ဂလာ​သည် ခရစ်တော်​ယေရှု​အားဖြင့် လူမျိုးခြား​တို့​အပေါ်သို့ သက်ရောက်​သဖြင့် ကတိ​ထား​တော်မူ​သော​ဝိညာဉ်​တော်​ကို ယုံကြည်​ခြင်း​အားဖြင့် ငါ​တို့​ခံယူ​ရရှိ​ရန်​အတွက်​ဖြစ်​၏။

တ​ရား​ဟော 32:43

အို လူမျိုး​အပေါင်း​တို့​၊ လူမျိုး​တော်​နှင့်အတူ ရွှင်လန်း​စွာ​ကြွေးကြော်​ကြ​လော့​။ ကိုယ်တော်​သည် မိမိ​အစေအပါး​တို့​၏​သွေး​အတွက်​လက်တုံ့ပြန်​မည်​။ မိမိ​ကို​ရန်ပြုသောသူ​တို့​အား လက်စားချေ​တော်မူ​မည်​။ ပြည်​တော်​၊ လူမျိုး​တော်​တို့​၏​အပြစ်​ကို​ဖြေလွှတ်​တော်မူ​မည်​”​ဟူ၍ ဖြစ်​၏​။